تجمع امهات مواليد شهر 7 و 8 لسنة 2010

[AVE.NJ]

برميت توا نور التجمع عاد لا تقاطعين
انه حتى لو مشغوله انوم فهود بالليل وادخل حتى لو شويه مااقدر لازم اطل عليكم

 

[بربيره]

برميت ذوقج كحده كلاس يا بختها بنوتج جد ذوقج ماشالله حلو تتهنا بهدومها الكتكوته

كتكوته اييييي انا بالسوق حتا لو بطلع لنفسي لا ايراديا اروح صوب ملابس البنوتات

حتا لو جمعيه لارم اطل عالمحلات الي فيها وايد احب اتشرالها تقدرين تقولين ادمان لووول

اصلا اعاملها جنها لعبه استمتع وانا البسها و ابدلها و اختار لها الله يحفظهم البنيات عسولات

 

[بربيره]

ايفا خل يغير جو بس لبسيه عدل الجو متغير وحاولي ما تطلعينه احسن

خل يتحسن تالي يطلع و يستانس وانشالله يا رب يتشافا بسرعه الحين موسم مرض

 

[AVE.NJ]

ياحلاة البنات ولبسهم
انه ماابي اكثر لبس حق الشتا
لانه طالعين انشالله بر
وكل اللبس اللي شريته ترنجات
بس ماشريت اندر ويرات انه من العام جيلت من نكست حلوين وجم طويل
بشتري منهم عجبوني حيل
بس ابي افرول عود مو لاقيه حق البر

 

[فلافل وبطاط]

شوقتوني عالسوق ... حاليا حاطه في بالي جم محل حق العيد
بس بجايم وترينغات من كل مكان اخذت لها ...

بايليس عندنا فرع بجمعيتنا اذا قدرت امره باجر ان شاء الله ...

ايفا خليه يطلع يغير جو وماعليه شر بس ثقلي بلبسه شوي ...

في افرولات الديباج والفرو وداخله ديباج امي كانت تاخذ لخوي
والحين ابي مو محصلته انا بعد .. بس ماعتقد اخليها تروح البر
وانا نفاس ... وبر بداية الشتا كافي ترينغات وانا معاها البسها
وادفيها ... بس بعز البرد ابيها تقعد تتنفس معاي ههههههههههه

 

[AVE.NJ]

الله يهون عليج فلافل انشالله
يوم اليمعه انشالله يصير فهودي بخير شوبنج
وبعد بنبلش صيام انشالله ماكو وقت
وهالاسبوع بيخيمون

 

[AVE.NJ]

<A href="http://www.pagearabia.net/vb/t18141.html" rel=nofollow target=_blank>

 

[كتكوته22]

بربيره يعني نفس حالتي والله إدمان ابديها علي أموت بلبس البنات لازم كل طلعه اصلا ايدي تحكني اذا ما خذيت لهاايفا روحي اثلتس ذا فوت افرول اديداس دافي حيل وريوله مبطله من تحت خذيت حق بنوتي حق البر في منه ازرق وردي

 

[الطايف احلى]

مشكوره يابطاط وفلافل واللي ردوا علي والله الحين صاحيه تبغى تلعب والبيت كله نوم الا انا وماريا حرب عالميه ولاتجلسين عالنت واذا الجوال بيدي اتسحبه ماتخلي شي الله يحفضها كيف شيخه اش اخبارها لبسها جنان من سنتر بوينت ولا من فين وكمان برميت واووووووو جنان لبس بنتك بس ماركه ماماز مو بالطايف امكن انزل جده واشوف فلافل اذا دخلتي التاسع قوليلي خلطه اعطتنيها وحده ساعتين وانا والد الحمدلله والله كل ماتذكرها ادعيلها رووووعه بمعنى الكلمه

 

[برميت]

سارا الله يعافيج يا قلبي
ايفاااا مايشوف شر فهودي ...بعد قلبي هاليهال والله يكسرون الخاطر يعل المرض فينا و لا فيهم
محل الي بالمهلب ikks هدومه مالت الصبيان تشوق بس حلاته تاخذين البدله كامله مع الشوز و مرات يحطون كاب ..جم مره اخذ منه هديه ..تقريبا يطلع 40

بربييره .. بعد قلبي عيونج الحلوه ..اتوقع كل ام عندها بنت مثل حالتنا ..انا بس افكر اروح الجمعيه على طول اطب مذركير احب اشتري اي شي ..حتى لو ما تحتاجه ..حتى لو نقصه حق اختي و لا حماتي حق عيالهم صبيان ... والله انهم زينه الحياه الدنيا

الطايف ...انا شريتهم من شهر 8 ..ان شاءالله تحصلينهم

 

[برميت]

صباح الخير على الحلوين

يالله بنات دام نزل معاشكم و معاش رياييلكم
يالله نحرقه لووول

 

[مزيونه 79]

صبااااح الخير صبايا شخباركم ومايشوفون شر بيبياتكم

 

[برميت]

هالو روزي شخبارج

 

[فلافل وبطاط]

برميت لا اتحريني ... معاشنا الخميس

الطايف ماسويت شي ياقلبي ومشكوره ماتقصرين ...

انا اول مره اسمع بأكوا منو اتعرفه فيكم !!! دازيلي مسج
كوليكشن العيد نزل .. تنصحوني اروح اشوفه !!

 

[بربيره]

فلغول لا والله ما سمعت عنه

روحي بيتيت بس احسهم حراميه عالعيد حيل يرفعون بالاسعار

يعني اذا مو عيد اسعارهم تقريبا ٥٠ شرينا لبنتي بدله منهم تينن بصراحه

كانت ب٥٠ بس لما رحت مره ثانيه حزت العيد اسعارهم ٨٠

وعندج هم بالعيد الي فات شفت بنات حماي لابسين ملابس تينن ماشاءالله

تفاجات ان من ماركس سبنسر و مونسون ترا اسعارهم حلوه و اكسسوارات مونسون روعه

حتا لما اخذ لبنوتي سمالله عليهم خواتي يقولولي اخذيلنا مو بس حقها لوووول *

 

[بربيره]

كتكوته والله يا بختهم فيها هالبنات لوووول انتي بنوتج بجر ؟ انا دايما يقولولي البجر تاخذ نصيب الاسد الي بعدها ما يقدر يصك عليها

انا خايفه يطلع حجيهم عدل لان هالمره انا حامل بولد بس احس مهما مهما مهما يكون البنت غييييييرررررررر

برميت الله يخليلج الكتكوته بس لاحظتج تاخذين لها ملابس قياسات صغيرونه مو المفروض اكبر

 

[كتكوته22]

اي بربيره بجر الله رزقني عقب ٦ سنين الحمدلله عشان جذي طايره فيها والله يسهل عليج وتولدين بالسلامه تقولين البنت غير بس ان شالله لين ولدتي راح تحسينهم نفس المحبه الكل يقول الله يحفظهم نعمه من الله كتاكييييت

 

[فلافل وبطاط]

بربيره مشكوره ...

انا خوختي بجري احس ماعرف اتشرا لها واتفنتق
بس الثانيه احس راح تكون عندي خبره .. فاعرف شنو
اشتري وشنو البس ... ههههههههههههه ...

 

[AVE.NJ]

شلونكم بنات
انه هالشهر ماراح اخب روحي كلش
العيد اهلي مسافرين بس امي موجوده
واهل ريلي بر
بس بشتري بدله من اكيكي اس
الشهر انه شاده حيلي حق الاثاث ماادري ليش تيني هبه من فتره ليه الثانيه
انه حق روحي ماشريت شي مال العيد اللي طاف مالبسته يمكن البسه شاريتها من عاليه الهاجري
بس ابي اشتري حق روحي حق البر انه عندي ترننجات وايد وكله جوسي بس الجسم مايساعد كلش حق لبسهم
ماادري شسوي ولدي انحلت مشكلته بس امه
اذا بنات عندكم مكان انه اروحه ماابيه غالي بس سبل وعملي
وابي البلوزه طويله انه ماعندي ارداف كلش بس صدري عود يعني ابي اللي فوق وسيع واللي تحت ضيج ماكو مشكله
ابي افتر يوم اليمعه بس وين اروح يليت تفيدوني

 

[AVE.NJ]

وناسه فلافل
انتي لبسيهم نفس الشي
الله يحفظهم وناسه احلى شي