تجمع امهات مواليد شهر 7 و 8 لسنة 2010

[كتكوته22]

قوه شلونكم برميت شكل نون كوكه عجيب. عليها بالعافيه. وبراون صج كلامج وأي علي الناس نفسي الكل حاط عينه شتوكلينها وشكثر معن بنتي معصقله الي يشوفها يعطيها بو تسع اشهر. فلافل الله يحفظ شيوخه عاد الحين الله يعينج لازم وراها وراها تبي تنطلق وتكتشف الاماكن والله يتمم عليج وتولدين بالسلامه بنت ولد نعمه الله يتمم عليج وتولدين بالسلامه وحلو يصيرون بنتين ورا بعض يصيرون بعمر واحد الله يحفظهم*

 

[فلافل وبطاط]

كتكوته اي والله صدقتي ...
بس الحمدلله شقتي صغيرونه وملمومه ...
مرتاحه شوي ..

والحمدلله على النعمه المهم الصحه والسلامه ...
وهذا اللي مونسني وامحمسني يلعبون مع بعض وألبسهم نفس بعض
ويمشطون بعض هههههههه حاطه وايد تخيلات لهم في بالي ...

 

[برميت]

فلافل مبرووك البنوته
والله البنت اخير من الولد لو ما البشاره ساعه

والله يهبلون البنات ... انا ودي احمل بعد كوكا بنت ..علشان تونسها و ترافجها و على قولتج يلبسون مثل بعض يصيرون جنهم توأم لانه مابينهم شي

الله يحفظهم و يخليهم و يفرحج ببنتج و الي في بطنج ياااارب

 

[AVE.NJ]

مشكوره برميت عطيتيني فكره حق نون فهودي الياي
اذا حبى بسويله نون
بس انه بحط بكل بيضه نوع فلوس يعني وحده 10وحده ربع وحده 20 وحده نص
جذيه كل واحد وحظه
بس اشلون انتي شاريه كرتون كاكاو كندر والا ينباع البيض بروحه؟

 

[AVE.NJ]

السلام عليكم
الحمد الله ولدي الحين عمره سنه وشهر
الحمد الله طلع له سنين تحت
وطرف سن فوق ناطرته للحين ما طلع كله بس احس فيه
ومشيته صارت زينه او زوينه للحين يبي له شوي عشان تثبت
بس وزنه كبير
ريلي يقول قللي من الاكل والحليب
والله ما ياكل بس يبي الحليب . يعني اعطيه شوربه عيش مع روب بطاط
ياكل وبعد يبي حليب الحليب ما يستغني عنه ابد .

غنوه انه ولدي نفس ولدج عنده وزن زايد 3كيلو الدكتوره قالتلي لازم ينزلهم
بس مو معطيه اهتمام حق هالمضوع خصوصا ولدي اول يحب الفواكه الحين قام مايبي التفاح والكيوي كرهم كلش بس البنانا غرامه حتى الاكل اول اسم الله عليه كل شي ياكل الحين مو نفس اول وقام يكره اكل ويحب اكل يعني بدا يستطعم الاكل
بس المشكله بالحلو وايد يحب الحلو مو عارفه اسويله كنترول كلش خصوصا ابوه فيه سكر ووزن زايد والدكاتره كلهم محذريني ولا يشوف القطايف واللقيمات ينهار
الحين خلص رمضان خف الحلو قمت اعطيه محلبيه كستر اقول مفيد اكثر

 

[AVE.NJ]

فلافل الله يهون عليج انشالله
ترا كل الله يعطينا خير
وياحلاة البنات الله يخليهم لج يالله عاد همتج بالاسامي السنعه

 

[ايمانو حلوة]

سوالفج تووونس برمييتوو مينووونة هههه


فلافل مبرووك البنووتة اللذيييذة وناااثة وناااثة البنات


بنات شوفوا نفنوف بنتي مال العيد
طبعا انا شلت الوردة اللي على جنب خليت بس وحدة بنص النفنوف من تحت صار احلىو اذرب وكانت بالعيد جنها عروووووسة اسم الله عليها

 

[AVE.NJ]

برميت قصدي اذا مشى ولدي
انه بقت من افكارج
ماقصرتي
عاد انتي كل ماسويتي شي قولي لنا واحنا نستفيد:eh_s(7):

 

[•Brown•Sugar•]

قوه شلونكم برميت شكل نون كوكه عجيب. عليها بالعافيه. وبراون صج كلامج وأي علي الناس نفسي الكل حاط عينه شتوكلينها وشكثر معن بنتي معصقله الي يشوفها يعطيها بو تسع اشهر. فلافل الله يحفظ شيوخه عاد الحين الله يعينج لازم وراها وراها تبي تنطلق وتكتشف الاماكن والله يتمم عليج وتولدين بالسلامه بنت ولد نعمه الله يتمم عليج وتولدين بالسلامه وحلو يصيرون بنتين ورا بعض يصيرون بعمر واحد الله يحفظهم*

انا بنتي للحين تلبس 3-6
يالله الحمدلله على صحتها اهم شي الصحه والعافيه مردها بتكبر

 

[AVE.NJ]

امبي من صجج براون شوجار ترا بنوتج وايد عنونه
عطيها موز+بفك+حليب
شوفي شنو تحب وعطيها
الظاهر بنتج تحب اللعب ماتحب الاكل

 

[AVE.NJ]

ايمانو وايد حلو ياحلاة البنات
:eh_s(11):انه مااعرف انزل صور جان وريتكم شنو مبدعه بفهود

 

[•Brown•Sugar•]

فلافل >> الله يتمم عليج وتفرحين فيه او فيها
للحين ماكو شي اكيد ياما سونارات غلطت
والاثنين نعمه من الله :**
انا ما اخذت كلام الدكاتره الا لما وصلت لي السادس
تالي رحت السوق وشريت الوردي

ايمانو << نفنوفها زوغه الله يخليها لج وتشوفينها بنفنوف عرسها

 

[•Brown•Sugar•]

ايفا << بنتي كانت شوي صغيره بس فجأه طلع معاها حساسيه من كل شي فيه حليب
والحين تغذيتها موذاك الزود كل شي ممنوع وفيه حليب والله تعبت مع هالبنت
خليها على الله لا ابجي

 

[•Brown•Sugar•]

بنتي مو ضعيفه لا شكلها صغيرون نتيفه يعني
بس مو عصله ومو يلد على عظم

 

[AVE.NJ]

بنات عندي مشكله
فهودي قام يطق اليهال واي ياهل ايي يمه اخمطه وطقه وامجع شعره اي شي
والادهى قام يعض
انه الحين مافي مكان مو معضوضه والله اصرخ من قمة راسي من عضته ياخذ قطعه صغيره ويعض جنها قرصه بس تموت
اخزه اعصب عليه ماادري شسوي
فيدوني بنات
في اليمعات اللكل يقول لايحوشك فهود مسكين صار ارهابي بروحه مايبي احد الحين صاير يطق ويعض
مايترقع

 

[•Brown•Sugar•]

ههههههههههه ايفا انتي ولدج يعض تهوون
انا بنتي تحط صبعها بعيون اليهال ككككككككك حدها مجرمه
واذا احد شالها واهي ماتبي تقرصه عاد اهو وحظه وين تطيح ايدها
والعض والطراقات وتمجع الشعر ببيزه عندها
كل اليهال يخافون منها
والمشكله ابوها مطاوعها ومستانس ان محد يقدر عليها
بزوارتهم ينادي اليهال الصغار ويخليهم يصفون دور
يقولهم تعالو عمتكم تونه تبيكم ههههههههه
ويقعدها بحضنه ويخليها تطقهم كلهم وتبجيهم واهو يضحك ههههههههههه
يقول احسن ع شان محد يقرب صوبها
اقوله خوفك باجر يتفقون كلهم عليها
يقول والله اربطهم ع النخل بالحديقه
واساسا كل اليهال يخافون من ريلي مسويلهم رعب
انا اخاف منه بعد

 

[ام زاكي]

هلا والله بنات شلونكم ولهت عليكم حيل

فلافل مبروك البنوته



ايفا شلونج حبيبتي وشلون فهودي انشالله بخير

لا تسوين له شي غير انج تشيلينه وتدلهيه لانه ان صرختي عليه راح يزيد المعامله ويزيد العض

ويقولون الجاهل مايعض الا اذا احد عضه شوفي من عاضه لووول

 

[ام زاكي]

براون ديري بالج لا يزعلون منه اهله باجر يكرهون بنتج بسبة هالحركه لوووووووول

 

[ام زاكي]

هذا حمود يوم العيد








ماشالله تبارك الرحمان

 

[AVE.NJ]

هلا والله بام زاكي
اشدعوه اطلين علينا بالسنه مره
هذا تغلي والا شنو
فضي روحج مره بالاسبوع على الاقل