تجمع امهات مواليد شهر 7 و 8 لسنة 2010

[AVE.NJ]

فلافل حرام لا ترفضين وضيفتج سوي اوراقج والخدامه وايد في طلب المكاتب
ولين تولدين داومي
والياهل خليه عند امج

 

[فلافل وبطاط]

خدامتي الاوليه منحاشه لازم اسفرها عشان اقدر
اييب غيرها ..

وامي موظفه وخالتي موظفه وخواتي يدرسون ماعندي
احد فاضي ): عشان جذي حدها وهقه .. وقابليني بالصحه
مابيها .. يمكن ارفض ويطلع اسمي بعد فتره بوزاره ثانيه ...

الظروف كلش ماتسمح اداوم ،، ولا جان سويت كتاب ترشيح حق اي وزاره ثانيه ...

 

[AVE.NJ]

اي ويع الصحه انه اقولج لا
الصحه اذا مو دكتوره لالالا
انه خبره بهالوزاره كراف اشكثر ومعاشات اشويه وماكو تقدير والمراجعين لا تعليق

 

[مريم ص]

قوه بنات
و الله يا فلافل الزم ما عليج بيتج و اعيالج ربج يحاسبج عليهم
و الدوام لاحقه عليه

و كل تاخيرة فيها خيره
موفقه انشالله

 

[فلافل وبطاط]

اي والله صدقتو وربي يكتب اللي فيه الخير
لي ولكم يارب ...

 

[•Brown•Sugar•]

فلافل وبطاط
ماحسبتيها عدل
لو مكمله اجراءاتج ومتوظفه جان صرتي بحزه ولاده
وتاخذين اجازه وضع وامومه وتقعدين بالبيت واخر كل شهر لج راتب
يمديج تطلبين خدامه بهالوقت وتكون واصله

 

[•Brown•Sugar•]

ايفا
انا بعد بالصحه
صج شغل وايد بس مسؤولي عسل والبنات اللي معاي طيبين وحليوين
والراتب ماله شغل اهو على تخصصج تاخذين راتبج
يمكن يفرق من وزاره لي وزاره شي بسيط
يعني ماتسوى السالفه ارفض وظيفه ع شان 30 دينار مثلا
دام المكان اللي انا فيه زين والناس اللي فيه زينين خلاص نتوكل ع الله

 

[انسام الكويت]

فلافل كملي اجرءات الوظيفه دام انج حامل مراح يوظفونج

الا عقب الولاده يعني راح يعرضون على لجنه طبيه والحامل من تدش الشهر السادس مايوظفونها

يقولون لها تعالي راجعي عقب الولاده بدال ماتروح عليج الوظيفه وتنطرين سنين

 

[فلافل وبطاط]

شلون @@
ريلي يعرف واحد بالديوان قاله لا حتى لو شهرها
تستلم وظيفتها عادي ،، بس يطلبون منها مباشرة العمل

والمشكله حالياً اذا براجع الصبح كل يوم على حوسة ولوية
التوظيف وين اخلي بنتي ؟؟؟ وصايمه وحامل انا المشي بسرعه
يتعبني ويسبب لي دوخه ): ...

واااي لأ براجع الديوان يوم الاحد انشاالله وبشوف شنو يقولون لي
شوركم والله يكتب اللي فيه الخير ...*

 

[•Brown•Sugar•]

اشلونكم بنات
ادري خلصتو القرقيعان افتكيتو
انه غطيت بعد على ماخلصت قرقيعان فهود
برميت وبراون شوجار علموني اشلون انزل صور ابي اوريكم قرقيعان فهودي
شسوي ريلي ماعنده وقت يقعد معاي يعلمني
بليز بليز اي احد يعلمني ابي اوريكم قرقيعان فهودي

ايفا
سهله طريقه تحميل الصور
1- دخلي هالموقع مال رفع الصور http://0zz0.com/
2- في رقم بالحروف لازم تكتبينه بالارقام كـ سيكيورتي
3- تضغطين على Browse وتختارين الصوره من جهازج
4- تضغطين (رفع الصوره)
5- تنسخين الكود اللي مكتوب يمه (نسخ كود للمنتديات)
6- تحطينه هني وبس

 

[•Brown•Sugar•]

فلافل
الله يعينج انا نفسج كنت ومازلت متوهقه
كنت اودي بنتي الصبح حق امي واروح مع ريلي نفرفر
بين الوزاره والهيئه والمنطقه الصحيه
والحين الوهقه العوده لما استلمت مباشره عمل وانا ماعندي خدامه
اودي بنتي كل يوم الصبح حق امي
ومرات اخليها تنام بالليل عندها لين يفرجها الله :eh_s(11):
انا ماعندي خدامه وحتى لو اييب اخاف اخليها بروحها مع الخدامه
اخاف تسوي فيها شي او تطقها اوتعورها
فـ ماكو حل غير الحضانه
الخدامه لو يبتها بخليها تساعدني بس او تمسكها جدامي
اما من ورااااي نوووووو وي
ابوي حاط كاميرات مراقبه بالبيت حق الخدم لما كانت اختي صغيره
وشفنا بلاوي .. الله لايوريكم اللي شفته بعيالكم

 

[مريم ص]

يا بنات بنتي دانه صايره عوبه تبي كل شي
و طبعها خايس بس تبجي و اتصارخ
الله يعيني على تربيتها غير عن اخوانها
و تتدلع وايد

و اتناشب خواتها باغراضهم
الله يعينا اذا داوموا اخوانها و اقعدت بالبيت بروحها
راح تتعومس على الخدامات

 

[برميت]

برميت قرقيعانج وايد حلو وفكرته وايد حلوه
بصراحه عجبتني فكرتج
الله يخليلج شيوخ وتكون شيخة البنات كلهم مو كل واحد من اسمه نصيب انشالله يكون لها نصيب من اسمها

بعد قلبي ايفا :eh_s(22):

 

[برميت]

خدامتي الاوليه منحاشه لازم اسفرها عشان اقدر
اييب غيرها ..

وامي موظفه وخالتي موظفه وخواتي يدرسون ماعندي
احد فاضي ): عشان جذي حدها وهقه .. وقابليني بالصحه
مابيها .. يمكن ارفض ويطلع اسمي بعد فتره بوزاره ثانيه ...

الظروف كلش ماتسمح اداوم ،، ولا جان سويت كتاب ترشيح حق اي وزاره ثانيه ...

فلافل لو انا منج ما اداوم
انا اقول حملي و ييبيلج اثنين و دخليهم الروضه بعدين تفرغي حق الشغل

تدرين ليش
لانه عيالج الحين محتاجين لج ..باجر لي كبروا ان شاءالله ما يحتاجونج مثل الحين و ذيج الساعه تفرغي حق الدوام ..على الاقل تروحين الدوام فريش و نشيطه مو سهرانه من صياح هذا و ذاك

شوفيني انا الحين ابي اجابل كوكتي و الدوام المعفن ما يخليني ..والله قاعده اداوم الساعه 11 ..و الي فيها فيها
و قاعده احسب التقاعد كل يوم ...تدرين متى راح اتقاعد ..مو لما يصير لي 15 سنه لما يصير عمري 40 يعني بعد 13 سنه :eh_s(16):
يعني كوكا تكون مره ..و ما تحتاجني مثل الحين ..اتقاعد و اقعد بالبيت حق منو ؟؟
حلاته الحين تقعدين بالبيت و لي كبروا اليهال اشتغلي :bbbiu:

 

[برميت]

فلافل
الله يعينج انا نفسج كنت ومازلت متوهقه
كنت اودي بنتي الصبح حق امي واروح مع ريلي نفرفر
بين الوزاره والهيئه والمنطقه الصحيه
والحين الوهقه العوده لما استلمت مباشره عمل وانا ماعندي خدامه
اودي بنتي كل يوم الصبح حق امي
ومرات اخليها تنام بالليل عندها لين يفرجها الله :eh_s(11):
انا ماعندي خدامه وحتى لو اييب اخاف اخليها بروحها مع الخدامه
اخاف تسوي فيها شي او تطقها اوتعورها
فـ ماكو حل غير الحضانه
الخدامه لو يبتها بخليها تساعدني بس او تمسكها جدامي
اما من ورااااي نوووووو وي
ابوي حاط كاميرات مراقبه بالبيت حق الخدم لما كانت اختي صغيره
وشفنا بلاوي .. الله لايوريكم اللي شفته بعيالكم

براون انا كل يوم جذي ..اقط بنتي عند امي و اروح الدوام و ارجع اقعد عندهم لي بليل ..و شقتي مهجوره ..بس حق النوم و التبديل

 

[فلافل وبطاط]

براون الله يعينج والله
وانا بعد ماقدر اييب خدامه واخلي بنتي عندها وانا مادري
شتسوي ماتسوي فيها ):
كلامج عدل والله ..
وبيت اهلي يبيلي نص ساعه طريج ،، هذي قسايم الحكومه
يقطون الناس اخر الدنيا ...

برميت اييييييه من زمان ودي اسمع هالراي ،، ابي احد يقولي
عدل اللي سويته ،، انشاالله اربي خوخه واللي ياي بالطريج ويدشون
الروضه ولاحقه عالدوام ... نفس ماسوت امي توظفت على كبر وابوي متقاعد
وعيالها كبار ماعندها الا اخر العنقود بالابتدائي تجابله لما اترد وينام على نومتها
بالليل ويقوم معاها الصبح....

 

[فلافل وبطاط]

مريم
الله يعينج ويعينا عالدلع ...
انا تو بدا بطني يبرز ودلعها وزعلها وحبها مايطلع الا على
بطني حتى لعبها ونومها هههههههه ...

متعلمه مسكي ايدي وافتري فيني بالغرف بالصاله لاا وهي اللي
اتوديني المكان اللي تبيه ،، زين امشي بروحج ماكو يا انتي يا ابجي

وبس تشوف الايفون تبجي حطي العاب ،، او احط اوبريت او مسرحيه
واذا شافت ايبود اخوي ناشبته واذا عطاها وياب البلاي ستيشن قطت اللي
بيدها وراحت ناشبته ..

الله يعيني انا لي اسبوع في بيت اهلي وبرجع شقتي الله يعين ...

 

[غنوة ستايل]

ماشاء الله فلافل
انتي توج ما ولدي وهي دلوووعه
باجر تشوف البيبي الصغير وتصير دلوووعه اكثر
مثل اللي عند ولدي ذبحني من الدلع
غصب تنامين عندي وتتركين البيببي

 

[غنوة ستايل]

تعرفوووون طلع صج سالفه ان حليمه مسقطه
شفت مكالمتها للراي تقول ماتت البيبي ببطنها
الله يكون بعونها عاد اهي بالثامن

 

[ايمانو حلوة]

اي حليمة في ها تووم وماتوا الله يعوض عليها