قوه بنات
و اخيرا خلصنااااااا وااي ودي اقحص من الفرحه لووول
الحين اقدر اقولكم شنو قرقيعان كوكاتي و اقولكم كل الي صار
الله يسلمكم بما انه عيد ميلاد كوكا برمضان ..فقلت اخليه بالقرقيعان مره وحده
منها قرقيعان و منها عيد ميلاد اضرب عصفورين بحجر ..بس للاسف الضربه يت على راسي لوول كليتها عدل
فكرت و فكرت و قلت بسوي القرقيعان على كيكه عيد ميلاد ..فكره غريبه و حلوه و موجوده بالنت بس مو بالكويت و قلت بسويها و رحت حق المطبعه المعفنه الي تعاملت معاها ..بصراحه و بكل امانه شغله اينن .. و قلت له عن الكيكه
الفكره بالضبط عباره عن كيكه مدورة طبقات مثل كيكه العرس ..و عباره عن علب مثلثات كل واحد ياخذ علبه مثلثه من الكيكه
بس للاسف ماعنده قالب مثلث علشان يقص عليه ..فقالي راح اصمم لج قالب ب 80 غير العلب ..بصراحه استغليته و هم خفت مايضبطه
فقلت بسوي كيكه مستطيله طبقات >>> هم فكره
و كل واحد ياخذ مربع ..و شفت عنده مربع و قلت له المطلوب
كل مربع منقش مثل الكيكه و من داخل يصير ملون مشمشي مثل الكيكه ..ليش مشمشي ؟؟ لانه نفس لون دراعه كوكا >>> هم فكره لوول
و طبعا المطبعه لوع جبدي و ينني و كل يوم باجر و انا رايحتله قبل رمضان و لي ليله القرقيعان و اهو ماخلص شغله
عطاني العلب الصغار مفرقه و ضعت معاهم و ناقصين بعد و قلت له ابي علب اكبر منهم بس نفس النقشه حق امي و خالتي و يدتي بس للاسف نجل فيني
المهم رحت اجهز الستاند حق الكيكه
اول شي فتريت شويخ ادور قاعده حق الكيك و لقيت بس مالقيت المقاسات الي ابيها ..خذيت الموجود
و بعدين بغيت بوكس عود احط فيه الكيكه ..لقيت واحد بس لونه ادعم ماابي جذي كنت ابيه ملون ..قلت مااكو الا اغلفه ..بس طبعا ما مداني
لاني سافرت
رحت ترفاليو ..خذيت الجيك جاك ..جان تعرفونه الي يلزق و ينشلع مثل مال الجواتي الرياضيه و انتوا بكرامه ..علشان اثبت العلب على القاعده و مايطيحون و اقدر اشيلهم و ما تحترب العلبه
و شريت القاعده الي يحطونها تحت الكيكه الطبقات خذيت نوعين نوع الحديد و نوع كورة زجاجيه حطيت داخلها ورد
و اخر شي رحت بياع الورد و خذيت كلفه جنها كريمه غطيت فيها زوايد القاعده الي تبين و زينتها بالورد المشمشي
و شريت كوره ديسكو لووول و حفرتها و حطيت عليها شمعه و حطيتها فوق الكيكه
و خذيت مثل سلال كبيره و هم زينتهم حق امي و خالتي بس كلش مااعجبوني لانه مالهم شغل بالكيك
الله يسامحه مال المطبعه
المهم هذي صوره الكيكه ان شاء الله تطلع
