تجمع امهات مواليد شهر 7 و 8 لسنة 2010

[ام زاكي]

الا صج ساره شخبارها مالها حس مادري ولدت ولا لا

الله يقومها بالسلامه

 

[اللهم الجنة]

ياحلاااااتكم والله
بس في بعض اعضاء التجمع ماقمنا نشووفهم

 

[فلافل وبطاط]

كل عام وانتو بخير جميعاً
ايف عساج عالقوه وشغل الايد والله احلى بس صح مكلف
ومتعب
انسام شوفي المعارض ومطحنة الفوز وكيك اند بيك
ونسيت وايد والله شفت عندهم جاهز

وتطعيم السنه ابره بالايد وما صخنت بنتي الحمدلله ..

خلصنا القريش باقي اخلص القرقيعان والعيد

 

[ام زاكي]

كل عام ونتو بخير والله يعيدها علينا بصحه وسلامه

غرييبه بطاط تطعيم السنه عندكم ابره وحده

عمري وليدي عطوه 4 ابر 2 في ايدينه و2 في رجوله
ونقط في حلجه

ولا ذاك اليوم بعد سوو له تحليل دم كملت حسبته من كل جه مخرمينه

 

[الرها]

مبارك عليكم الشهررر وااااي والله من جد انتو تعاااانون الحمد انا وام زاكي مفتكيييييييييييين

 

[فلافل وبطاط]

ام زاكي انا قالولي ٤ ومانزلت معاها من الخوف
ابوها وداها وصورها لي حتى مابجت اسمله عليها
ابره وحده بالايد ،، إيه صح ونقط بالحلج بس..

حتى يتني تلعب ومستانسه وابوها قال لاتحطون لها لزقه
لان مو محتاجه..

والحمدلله لا حراره ولا تعب ..

 

[ام زاكي]

صاجه الراها مفتكين بس العيد باقي مافتكينا

فلافل حتى ولدي ماجاته حراره الحمد لله لاني على طول بعد التطعيم وانا عندهم عطيته خافض الحراره وسويت له كمادات بالبيت

 

[ايمانو حلوة]

مباررررك عليكم الشهر

وكل عام وانتو بخير


رهوووووفة اليوم طبقت سنة بعد عمري

بس باجر تطعييييم اشوه طمنتيني فلافل انها ماراح تصخن

 

[مريم ص]

ايمانو انشالله العمر كله حق رهوووف و تتربى بعزكم يا رب


يلا عاد باجر عقب العشا فراره عشان امبارك للاهل
الله المستعان

 

[برميت]

قوه بنات مبارك عليكم الشهر

ايفا جنج انا حدي تحسفت اني سويت قرقيعان مع انه ماخلص للحين بس ما ادري ليش قلبي مقمت و احس ماراح يضبط

بنات تكفون سولفوا
لاني حدي مدي دايخه انوووووود

 

[برميت]

ايمانو كل عام و رهوفه بالف خير و صحه و عافيه

 

[AVE.NJ]

ايمانو كل عام ورهوف بالف خير وانشالله تشوفينها احسن الناس

 

[AVE.NJ]

برميت انه عندي خدامتين واثنينهم قاعدين يغلفون بالقرقيعان ومو خالصه
اسم الله على فهود مايخليهم يحن
تعالي اشلون بتقدمين القرقيعان انه محتاره
انه شريت من بياع الورد صندوق كبير وبحط فيه بس حمولتي وايد وعيالهم اكثر ماادري شسوي

 

[برميت]

واي امس كليتها عدل ..من رجعت من الدوام و انا بالمطبخ ظهري تصلب علي

قلت حق ريلي بعد خلاااص ماراح اطبخ لما اخذ اجازه ..كسرت خاطري خدامتي


ايفاا ..انا قرقيعاني عادي فكرته بالتقديم ..بس للحين ماسويتها لانه القرقيعان ماخلص ..ودي ابجي لما اتذكر طاري القرقيعان

 

[•Brown•Sugar•]

قوه بنات رجعت بعد فراره بالمعارض والسوقه
طبعا حق العيد محد منزل شي يديد وكله
خلاجين بالسوق واشياء ملوت العام
مضطره اني انطر البضاعه اليديده





وحق القرقيعان المعارض اسعارهم ناار
شدعوه نفنوف نتيفه بـ 40






الموووووووووووهيم
اخر شي لقيت موديلين
شرايكم ؟
الازرق اذرب مو؟

 

[ايمانو حلوة]

وانتوا بخيييييير وصحة وسلامة
عاد امس تطعيمها قلت ااخره بنخلص زواراااات الاحد اوديها انشالله


انزين تطعيم سنة ابر بالفخذ ولا بالايد تصخن ولا لا؟؟


برااااون
الازرق انعم الثاني شوي خبة

 

[AVE.NJ]

براون معرض القادسيه في اشياء وايد احلى 20 خواتي مسوين
وفيه 40 و35 بس فيه ارخص
والمشكله مايعطون كروت جان عطيتج ارقامهم
وكان معرض كويتيات بارض المعارض صاله 5 اينن شوي عليه
بس اسمحيلي بنوتج حلوه لا تسوين الاثين مو ذاك الزود

 

[AVE.NJ]

برميت انه بعد مسويه القرقيعا ن مال الكبار غير عن الصغار
بس اشلون اشقله حق الناس
شريت صندوق كبير بس مايكفي الكميه وطريقة التوزيع
ترا اول مره ماابي افشل عمري

 

[•Brown•Sugar•]

ايفا حصلت انا بمعرض كويتيات حلوين بس اسعارهم من 35
كلها يومين بتلبسه حرام هالسعر فيه





______









بالقريش سويت عيد ميلاد بنتي
اهي عيد ميلادها 1-8 بس انا جدمته مابي اسويه برمضان



كان الثيم على سبونج بوب
ماكنت حاطه في بالي هالشخصيه
بس لما رحت السوق اغلب البضاعه كانت سبونج بوب
قلت احسن اختاره ع شان احصل كل شي نفس اللون والشخصيه
لبست بنتي لون اصفر
والهدايا كانت
(كراسات تلوين ع سبونج بوب - طين - ادوات مدرسيه ع سبونج بوب - بلونات سبونج بوب)
والكيكه بعد ع سبونج بوب

 

[برميت]

براون ماجربتي تروحين الفروانيه بالسراديب الي تخيط حق عروس يمكن تلقين عندهم

ايفاا تخيلي انا من متى باديه للحين ماخلص المطبعه كل يوم اتهاوش معاه لااعت جبدي من هالقرقيعان
و ريلي بيسافر باجر يعني حدي مدي مالي خلق قرقيعان كلش ملش

انا قاعده ادور صندوق كبير مثل صندوق الهدايا بس عملاق ..المطابع مايسوونه ..بس قالولي شوفي شركه الشعيبه للصناعات الورقيه بصبحان يمكن احصل عندهم ..بدق عليه و اشوف بس لازم يخلص القرقيعان اول علشان اعرف حجم الصندوق

ايفا اذا علب ملوتج ورقيه و حجمها معقول ..اخذي صناديق من ايكيا و ممكن تزينينهم و تحطين قيقيعانج فيهم
او اخذي الصندوق الي فيه تواير الي نحط فيه العاب اليهال ..الي بلاستيك شفاف عرفتيه ..حطي فيه قرقيعان و ينسحب اسهل لج


طريقه التوزيع ..احنا نحط طاولات و كل وحده تحط قرقيعانها و من سبق لبق لوووول
بس قرقيعاني بحط طاوله تتحرك و بحط معاها مفرش ..لاني بحط القرقيعان بنص الدار و بسوي فقره كامله حق كوكا
علشان جذي يا اكون اول وحده او اخر وحده ..لانه فقرتي طويله لووول ..اول شي بدخلها على اغنيه ربي عطاني فرحتي عطاني كوكا بنيتي محفوظه من كل شر ..و بعدين هابي بيرثداي ..و بعدين قرقيعان و قرقيعان ..بعدين اوزع القرقيعان لووول
حتى قلت حق بناتنا انهم يلبسون حجاباتهم لاني بصور و ماابي اتوهق بصورهم بدون حجاب

على طاري التصوير ..دقت علي المصوره الي بمستشفى السلام ..و قالت لي كل عام و بنتج بخير لانها بتكمل سنه و قالت هديتها صورتين كبار ببلاش و خصم على الصور الثانيه ..يحليلهم حدي استانست عليهم ..ان شاءالله اكشخها بالقرقيعان و اوديها اصورها