تجمع امهات مواليد شهر 7 و 8 لسنة 2010

[مريم ص]

قوة يا امهات
و مبروك المولود / او المولودة
انا حبيت افتح هذا التجمع عشان نتعلم من تجارب بعض
انا ولدت و جبت بنت و توني طالعه من النفاس
انا متوهقه في بنتي
اذبحتني اصياح و بكي طول الليل
و بغيت اعرف انتوا شنو تعطون اعيالكم عشان اينامون ​

 

[ام زاكي]

انا من تجمع 7 وكنت اشوف اسمج في التوقيع بس ماعمري صادفتج مادري انتي تعرفيني

وعطي بنتج ماي غريب وسدحيها على بطنها وكل مارضعت كرعيها لاتخلينا تنام وهي مافرغت الغازات الي ببطنها

 

[ام زاكي]

على فكره انتي معاي بالضبط في نفس اليوم 7
بس انا ماولدت بهالتاريخ ولدت قبل 26 شهر 6

انتي بتاريخ كم ولدتي

 

[موجة ~ بحر]

مبروووك التجمع اليديد وين البنااات نبي تفاعل مريم ص وام زااكي شلوووونكم

 

[ام زاكي]

اهلين موجه شخبارج قلبي شمسويه مع البيبي

 

[موجة ~ بحر]

خالحمدلله بخير , والله الحمدلله امشيه معاه وسويتله قرقيعان هالنتفه ربي يخليه

 

[ام زاكي]

بعد قلبي والله

شسميتي ولدج موجه

ومريم الله يهداج فتحتي التجمع ولا شفناج

انشالله يرجع تجمعنا الي قبل بقسم الحمل ولهانه على بنات واجد بس مااشوفهم
لاهني ولا في القروب

 

[سينتيا]

سلام يا بنات

انا ولدت بتاريخ 15 - 7 ويبت بنوته سميتها تالا

باخذ رايكم يوم الخميس معزومه على قرقيعان ومحتاره شنو البسها لان ماكو شي كبرها

 

[fofa_80]

قوووه بنااات استانست وااايد لما لقيت التجمع انا من تجمع شهر 7 و مبرووك التجمع اليديد

 

[موجة ~ بحر]

ام زاكي سميته حسن. سنينا في بالسالمية ستي سنتر.

 

[مريم ص]

هلا و غلا بام زاكي اشلون ما اعرفج
حياتي ماي الغريب ما اعطيها الا بعد ما اتكمل الشهرين انا الحين اعطيها
دسفلاتيل 10 نقط مرتين و الحمد لله تحسنت اشوي
و على فكرة انا ولدت بتاريخ 7\7

هلا و الله بموجه بحر و مبروك المولود

هلا سنتيا الله يهداج شنو اتلبسينها انشالله داير اتلبسينها و اتسويلها قرقيعان

فوفا علا فيج حبيبتي

 

[مريم ص]

وينكم يا امهات
ماشاالله عليكم اختفيتوا
على فكرة انا اليوم سويت لبنتي سونار حق الحوض بالسلام
و الحمدلله اريولها سليمه الفال لعيالكم

 

[مريم ص]

اب اب

 

[مريم ص]

اب اب

 

[عهودة]

انا ولدت 4-7
وجبت ولد
والحين ياحياتي سره انفتق من عقب ماطهروه انتفخ وبيوم وليله فجاه انفتق شنو اسويله بنات عفيه ساعدوني وديته كذا دكتور يقول خلاص ماله حل لمى يكبر يدخل مومعقوله ماكو عمليه شي يرد يدخله لانه حيييييييييييييييييل بارز

 

[مريم ص]

هلا عهود
حمدلله على سلامتج و مبروك الطهور
ما يشوف شر ولدك بس اختي السنه اللي فاتت صار لولدها فتاق و قالولها لازم يكمل السنه و سوتها له
بس كانت اتعاني مثلج لين سوتها يالله ارتاحت
الله يشفيه

 

[كـ غلا ــلي]

انا بعد من تجمع شهر 7 و8 وولدت بتاريخ 10-8 ويبت احلى عبود

وحدي مستانسه انه صار لنا تجمع عشان نتبادل الخبرات لانه حدي حايسه مع ولدي اسم الله عليه

سهر وقله نوم وبجي الله يعينا بس وهذا اول بيبي لي

 

[مريم ص]

حياج الله كلي غلا
الله يعينا على السهر و الحوسه
تو الناس ما شفنا شي الله يهديلنا اعيالنا و يصلحهم
اميييييييييييييييييين

 

[shajasha]

رد : تجمع امهات مواليد شهر 7 و 8 لسنة 2010

السلام عليكم
بنات الحمدالله علي سلامتنا جميعا
انا ولدت بالسلامه 27 / 7 وجبت فريده الله يحفظها
تبجي كل 20 دقيقه تبي شئ طول الليل نحوس
بس للأسف ما ارضع مافيني حليب

 

[مزيونه 79]

السلام عليكم
مبروك التجمع
انا ولدت 14/7 ويبت بنوته
وإنشاء الله نستفيد من خبرات بعض