تجمع امهات مواليد شهر 7 و 8 لسنة 2010

[مريم ص]

قوة بنات اشتقت لكم
انا ما شريت لنتي اي شي شتوي
انشالله بروح هل ويك اند ااخذلها
قولولي وين احسن الاماكن
؟؟؟

 

[ام زاكي]

قوه بنات شلونكم
هلا مريم شلونج حبيبتي
بنات انا عيالي مايقلبون الا لمن يحبون مو مشكله شلكم في القلاب
خلوهم جذي والله احسن لايقلب وانتي حاطته على سرير متطرف ويطيح

 

[ام زاكي]

اب
اب
اب
اب

 

[الرها]

مرراحب امهات

الله يسلمكم تووحه بعد اسبوعين ان شاء الله بتكمل 6 شهوور
متى اغير حليبها؟؟

 

[مريم ص]

قوه ام زاكي اشلونج
صاجه انا اخايف من الياهل اللي يقلب بسرعة احاتي يتعور و اهو صغير

الرها اشلونج انا عادتي اغير حليب اعيالي في اخر الشهر السادس
و اكون بعطله لاني اخاف ما يوالمة

 

[sara_77]

بنات احس ضايق خلقي
احس كودت حق ولدي جاكيتات شمتنهم مايقدر يتحرك فيهم وغاليين احس راح يطيحوا بجبدي لو شارية بس افرولات راح يصير شكله ارتب وأحسن من جاكيتات حتى لمن البسه اياه يصير جنه مزنوط

حبيبى والله مسكين



اى شفت الاوفرولات عند مذركير كلما يقول زوجى بشترى منهم اقوله وايد متان مااادرى ماعرف يبيلى اشترى حق بنتى منهم
بنات عند ماكس اوفرولات حلوه

 

[sara_77]

شلووووونكم بنات
وين احصل افرولات حلوة ورخيصة للبيت

انا اخذت حق بنتى من ماكس على 3 و3,5 شتويين على خفاف حلوين والله وخواتى يقولون فاشن مل على 1,5 بس ماشفتهم وهم بعد عند ردتاغ يقولون شغلاتهم حلوه بس مامريتهم انا اخذت من مارك سبنسر بس بجامات قطعتين

 

[مريم ص]

و اخييييييييييييييييييييييرا
شريت حق بنتي بدلة العيد
من مذركير ( نفنوف جينز + بدي مقلم وردي ببني + و جوتي جينز )
بس نسيت ما شريت لها باند ولا هيلاهوب
لازم اروح اليوم اشتريلها

 

[مريم ص]

سارا 77
انا شريت حق بنتي ملابس شتوية
بجامات البيت من فاشن ميل
و بدلات الطلعة من اتش اند ام
و بجامات النوم و الافولورات من سنتربوينت
و بدلة العيد من مذركير

 

[كـ غلا ــلي]

شلونكم بنات

انا خذت لعبودي من h & m هدوم البيت والطلعه واايد حلوين

ودسوس وكابات للشتا اسعاره بعد حلوه

 

[AVE.NJ]

كل عام وانتو بخير امهات,,,,
انه شريت حق ولدي دشداشه وايد مستانسه فيها وبعدين راح اغيرله بدله بربريه يوم العيد
اما ملابس الشتا انه وايد يوني هدايا ماشالله عنده بس حق البيت بس يبيلي المشكله كل مااشتري سايز يطلع ضيج على ولدي
انه راح اشتري من سنتر بوينت وماركس سبنسر بس بنات لا تشترون من ردتاغ بسرعه يصغر عن تجربه اتكلم بس ماكس ماجربته

 

[ام زاكي]

كل عام وانتو بخير والعيد عليكم مبارك
هلا مريم الحمد لله انا بخير اسأل عنج انتي شلونج
هلا والله ايفا .....
ترا مو شرط تلبسينه نفس عمره انا الحين اخذ حق ولدي من6الى 9شهور
لاني بعد الغسيل احطهم بالمجففه ويصغرون

 

[AVE.NJ]

اي انه نفسج ام زاكي اغسل ملابس ولدي بالغساله وانشفهم بالمجفف(النشافه)بس المشكله كل ماشتري ملابس مو قده وعليه على ولدي اذا محظوظ يلبس اللبس مره وحده بس وبالباجي كله توزيع شسوي ؟؟؟؟
انه الحين ام زاكي وصلت سايز 3الى6بس مو كل المحلات تكد انه عندي سنتر بوينت وماركس سبنسر ودبنهامز يكدون الياهل والباجين
حرام تقطين فيهم الفلوس

 

[AVE.NJ]

بنات انه عندي سؤال ؟؟؟؟
انه ولدي وايد يسعبل ويمص ايده ناس يقولون انه بيسنن واهو توه 3شهور والكل يقول ولدي بيعمر
يعني بدايه تسنين وابي اشتري له هذا الجل اللي حق الاسناان يمكن يريحه ريلي مو راضي
شسوي ساعدوني ؟؟؟ ترا ولدي يكسر الخاطر ويعور القلب لما يحن ماادري شنو الحل؟؟؟

 

[موجة ~ بحر]

بنات انه عندي سؤال ؟؟؟؟
انه ولدي وايد يسعبل ويمص ايده ناس يقولون انه بيسنن واهو توه 3شهور والكل يقول ولدي بيعمر
يعني بدايه تسنين وابي اشتري له هذا الجل اللي حق الاسناان يمكن يريحه ريلي مو راضي
شسوي ساعدوني ؟؟؟ ترا ولدي يكسر الخاطر ويعور القلب لما يحن ماادري شنو الحل؟؟؟

حبيبتي حتى ولدي وايد يسعبل قمت البسه صدرية لان ملابسه كل تنتلف سعابيييل هذا شي طبيعي لان اسنانه يعقدوون يعني تحت اللثة يطلعون فيعورة

 

[موجة ~ بحر]

بنات عيدكم مبارك وكل عام وانتوا بخير

 

[ام زاكي]

هلا موجه وانتي بصحه وسلامه
ايفا عادي يابعد عمري كل العيال بهالعمر يسعبلون ويادينهم على طول بحلجهم
وعلى قوله موجه يعقدون اسنانه ومكانهم تصير فيه حكه على شان جذي تشوفين اغلب
العضاضات مدبدبه او خشنه على شان يقدر يحك لثته فيها اشتري له عضاضه خل يتسلى فيها
تطمني واحنا حاضرين الي تبين تسألين عنه سألي

 

[غنوة ستايل]

انا ولدي الحين 3 شهور و4 ايام
وللحين ما في امل انه يقلب . بس منسدحه يرافس ويحرك ايده
ويعرف الالوان والاصوت وعيونه تمشي معاي يحليله تبارك الرحمن
بس القلب لا والله للحين

 

[ايمانو حلوة]

عيدكم مبارك بناتووو

فوفاتي عقب اسبوعين تكمل 4 شهور ودي ابدي اعطيها شوي عصاير 5 مل ابيها تتعلم عالطعم

اشرايكم؟؟

 

[عزّي إيماني]

عيدكم مبارك
انا ولدي نفس الشي يسعبل ويحط ايده ويفرك لثته شريتله عضاضات

انزين عندي سؤال .. متى أبدي أعطي ولدي أكل؟ اهوااليوم كمل 4 اشهر
وشنو اعطيه بالضبط ؟ ابي نصايحكم