تجمع امهات مواليد شهر 7 و 8 لسنة 2010

[سما الكويت]

قوه امهات شلووووووووووووونكم وشلون عيالكم ؟؟؟


بنتي الاسبوع الياي يصير عمرها 4 اشهر شنو اوكلها ترى ما اعرف بجر ومتوهقه ويقولولي نطري لي 6 اشهر بس انا ودي من الحين لانها نتووووفه حيل

شنو اعطيها الي عنها خبره ؟؟؟؟

روحى قسم اكل المواليد بالجمعيه...

تلقين بسكوت اصابع مكتوب عليه لعمر 4 شهور ويذوب في المميه..حلو انا استخدمه لعيالي بس اعذرينى ناسيه الكميه وجم مره باليوم...تلقين مكتوب على العلبه..

وهم سيريلاك الارز...الكرتون ميلوبا لعمر 4 شهور..انا استخدمه مع الحليب..احط قفشه في المميه..

وماى التمر بعد زين ...بس غير هال3 اشياء انا ما اعطى البيبي بهالعمر...

القفشه ابتدى فيها بعمر ال6 شهور بس يكون تعود على طعم السيريلاك والبسكوت من 4 شهور بالمميه..

 

[سما الكويت]

ياااااحلووكم

ولهت عليكم وعلى تجمعنا
من زمااان عنكم

انا حدي حايسة مع ولدي

وااايد يرجع مادري شسوي له ؟؟؟

حياج الله كويتيه...

اذا شايفه ترجيعه زايد عن الطبيعي ووزنه ما يزيد وديه الطبيب..

 

[سما الكويت]

اشلونكم بنات شخباركم حدي ولهانه عليكم وعلى سوالفكم عذروني انشغلت عنكم

كله حايسه مع ولدي و امس طهرناه لا تشوفون البجي والصياح شي شي اهواا يبجي

وانا معاه بعد عمري ما قدر ينام الا على اذان الفير حده متلعوز وانا حدي تحسفت

اني سمعت كلام اهل ريلي واجلت تطهيره ولا كنت ناويه اطهره من اول يوم ولاده عشان ما تغربل معاه

ويصير حواليني الاطبه والنيرسات بس ماكو قلبي عمي سمعت حجيهم واخر شي انا اللي كليتها توهقت معاه حدي

امس عاد اليوم من الصبح رحت لبيت امي بقعد عندها جم يوم علما يبرا جرحه حبيبي

بعد قلبي..عورتى قلبي عليه...ليش الله يهديج سمعتى كلامهم..وامج وينها ماتعرف؟؟؟

البيبي مايطهرونه من اول يوم ولاده...من تطيح سرته وتطيب طهريه قبل يفهم ويكبر..بالاربعين مايدرى وين الله قاطه..انا اطهر عيالي على 20 يوم...

المهم ديري بالج من البخور والعطور ترا يشم جرحه..ويلتهب عليج...التزمى بالمراهم اللى عطوج..ووقت الغيار صبي عليه زيت خواجوا عن الشمم..ولاتغيرين خفاظته الا اذا مسوى شي جايد..ترا عزج الله بوله علاج له..

ميخالف هذا البجر ولااااااااااازم يكون فيه اخطاء وثغرات...مسكين هالبجر مضحى وصاير فار تجارب لاخوانه..:dddds:

 

[سما الكويت]

شخباركم
يا امهااااات

وشلون البيبيات

هلا فيج يالرها...

بشري عن بنتج شلونها؟؟؟

ماشاء الله عليج بديتى رجيم...جم زايده؟؟؟

 

[سما الكويت]

هلا هلا هلا

حيالله بنات التجمع حمدالله على سلامتكم ومبروك ماجاكم ويتربون بعزكم يارب

انا الحمدلله ولدت بتاريخ 22_8 ويبت بنوته ولدت بعمليه قيصريه

يعني يوم الاحد بخلص الاربعين باذن الله

والحمدلله بنتي بخير ونعمه بس حبيبتي منطقه الحفاضه عندها ملتهبه وحمراء وحطيت لها سودو كريم بس ماكو نتيجه شسوي ؟

وطمنوني عنكم وعن البيبيات

حياج الله يالغاليه ..الحمدلله على سلامتج ومبروك ماجبتى...

وطالعه من الشر ان شاء الله..

اذا جيتى تغيرين لبتج لا تسكرين البامبرز على طول..خليها شوى تتهوى...حطى تحتها من كنابلها الخفيفه..وتحته البلاستيك مال تغير الحفاظ..واذا مو عندج..حيالله جيس..علشان اذا سوت شي مايحوش الفراش تحتها..5 دقايق جذيه ولبسيها البامبرز وديري بالج من التكييف لا يحوشها هوا..وكل مره تغيرين لها خليها تتهوى..انا استخدم الفازلين..وزين مع بنتى..واذا كان معاها التهاب حاولى ماتمسحينها بالمناديل..حاولى تغسلينها تحت الماى..انظف..خصوصا البنات :lololoe:

وماتشوف شر الحلوه..

 

[الرها]

هلا فيج يالرها...
هلابج يالغلا

بشري عن بنتج شلونها؟؟؟
بخير الله يسلمج يوم الاحد بطعمها تطعيمه 4 شهور ان شاء الله

ماشاء الله عليج بديتى رجيم...جم زايده؟؟؟

ايه الحمدلله بديت من رمضااان
تقريبا زدت 10 كيلو

 

[سما الكويت]

ماشاء الله عليج...شدى حيلج قبل الشتا..ترا رجيم الشتا يهد الحيل هد..اسألينى انا مجربته...

انا زايده 7 كيلو..وودى اخلص صيامى وابتدى برنامج مكثف عند عيادة الاسنان عقب الحمال ووحام الحلو..يبيلي عنايه بضروسي..

بعديييييييييييييييين افكر بالرجيم...

اخبر بنتج اسمله عليها قلتى ماتشتهى الحليب..شلونها الحين؟؟؟

 

[سما الكويت]

على فكره بنات..

انا راسلت سويت هارت وقلتلها البنات شفقانين يعرفون اسم بنتج وعطيتها لنك الموضوع..وان شاء الله تمر علينا...

 

[++The DuchesS++]

مرررررررررحبا

شخباااااااااااركم ؟؟
ولدي اسم الله عليه بعد اسبوعين يكمل 3 شهور ان شاء الله
النومه مقطعه للحين طبعا
وابي اسوي رجيم باسرع وقت لاني نزلت بعد الولاده الحمدلله
بس خبصت بعمري ورد كل اللي راح لووووووول

 

[الرها]

ماشاء الله عليج...شدى حيلج قبل الشتا..ترا رجيم الشتا يهد الحيل هد..اسألينى انا مجربته...

انا زايده 7 كيلو..وودى اخلص صيامى وابتدى برنامج مكثف عند عيادة الاسنان عقب الحمال ووحام الحلو..يبيلي عنايه بضروسي..

بعديييييييييييييييين افكر بالرجيم...

اخبر بنتج اسمله عليها قلتى ماتشتهى الحليب..شلونها الحين؟؟؟

بنتي الحمدلله احسن من اول
بس لازم اغير حليبها وما ادري وش اعطيها

انا الحمدلله افتكيت من الاسنان شهرين وانا اعابل فيهم
ولما خلصت ضرب علي ضرس العقل بمووووت منه
بس حلفت ما اروح الطبيب

 

[الرها]

مرررررررررحبا

شخباااااااااااركم ؟؟
شلووونج
ولدي اسم الله عليه بعد اسبوعين يكمل 3 شهور ان شاء الله
الله يخليه لج ياااااااااارب
النومه مقطعه للحين طبعا

انا بعد بنتي نومها مقطع مع انها كملت 4 شهور
وابي اسوي رجيم باسرع وقت لاني نزلت بعد الولاده الحمدلله
بس خبصت بعمري ورد كل اللي راح لووووووول

يلا شدي حيلج

 

[دلعلــــع]

السلام عليكم

انا بعد كنت بتجمع مواليد 7 و8
وولدت تاريخ 22/7 وجبت احلى عبودي

شلونكم ؟

 

[عيون سارة]

صباح الخير

ما ادري شها القومة الى من صباح الله خير

المهم

بنات بادية ريجيم الحمد لله ونازله ومن الولادة الى الان بس البلا ان ان اصلا كنت بطة

فما بان على اللى سويته كاني بس قطيت وزن الحمال
لووووول

والحين قاعده اهابل بعمري بس اليوم باخذة فري مع ان امس كان فري لوووووووووووووول


ادعولي اضعف بعافية

اوف مليت من المتن ابي اصير سمبتيك

ولا احد يسال كم وزني لووووول




على فكرة اشلون برميت ماتدرون عنها

 

[الرها]

حياج دلعلع
وعيوون ساره

صج من زمان عن برممميت؟؟

 

[لافلي روز]

مرحباااااااااااا حبوبات كيفكم ,,,

وانا اريد انضم لقروبكم ,,,, انا ولدت بتاريخ 7/7 وجبت بنوته وسميتها درة ,,, ربي يحفظها ويبارك لي فيها ان شاء الله وطبعا هذي بنتي البجر ,,,

بس بغيت أسألكم حبيباتي صاحبات الخبرات ,,, عندي مشكله في شعر بنتي ,,,

يعني اول ماطاحت شعرها كثيف وناعم ولله الحمد ,,,, بس الحين صاير ناشف كثير وفيه كسرات وخصوصا من جدام يعني متضايقه كثير ليش انه صار كذا ,,, بليييييييييييييييز خبرززززززززززني شنو اسوي له؟؟؟؟؟؟؟؟؟؟؟؟؟ظ

 

[عيون سارة]

حياج دلعلع
وعيوون ساره

صج من زمان عن برممميت؟؟

الله يحيج

 

[عيون سارة]

مرحباااااااااااا حبوبات كيفكم ,,,

وانا اريد انضم لقروبكم ,,,, انا ولدت بتاريخ 7/7 وجبت بنوته وسميتها درة ,,, ربي يحفظها ويبارك لي فيها ان شاء الله وطبعا هذي بنتي البجر ,,,

بس بغيت أسألكم حبيباتي صاحبات الخبرات ,,, عندي مشكله في شعر بنتي ,,,

يعني اول ماطاحت شعرها كثيف وناعم ولله الحمد ,,,, بس الحين صاير ناشف كثير وفيه كسرات وخصوصا من جدام يعني متضايقه كثير ليش انه صار كذا ,,, بليييييييييييييييز خبرززززززززززني شنو اسوي له؟؟؟؟؟؟؟؟؟؟؟؟؟ظ

الله يخليها لج


والله ياقلبي بخصوص الشعر ما ادري لان عيالي يجون بشعر قليل

فسامحيني ما ادري

 

[ranze]

مامات

ياريت تردون علي موضوعي ضروري

http://www.q8yat.net/showthread.php?t=709120

 

[غنوة ستايل]

بنات شلووونكم
متوهقه بعد تطهير ولدي
الحمد الله الشاش طاح بس في بقايا ؟ مو عارفه شسوي فيها
اللي طهره ( مشتاق ) ما شاء الله عليه ما بجى كثير من التطهير بس الحين البقايا ملعوزتني
كلمت اللي طهره يقول عادي . والكل يقول عادي تروح البقايا بس انتي دهني الياهل بالكريم وزيت الزيتون واهوا يروح والكل حذرني اني ما احاول اشيل الخيوط هذه باضافري لان الياهل بيتأذى

شرايكم شسوي ؟؟؟؟؟؟

 

[ايمانو حلوة]

هلووو بنات اشلوونكم عساكم بخير وشلونكم مع البيبيات والبجي والحنة


انا وااااايد متأذية من رهوفة اول شي انا من اسبوعين سويت عملية المرارة لانها بعد اسبوع من وردتي بدت اعراضها وعوارها موووووووووووووووصج يذبح قاااااااتل ولا ادري عن بنتي كل عند امي وحياتي صارت كل يووووم مستشفى بالساعات ولا تهنيت فيها ولا رضعتها طبيعي حالي حال العالم والحمدلله سويت العملية وارتحت بس الحين صدري مافي حليب وايد يدوووب يوصل 1 مل شسوي؟؟؟
كليت تمر ورهش نفس الشي


ورهف ماوالمها السيميلاك الليع طوها اياه لمن كانت بالحضانة وغيرته لنان وهم ماوالمها تفخ بطنها غازااااااات على قولة الطبيب زي البلوووونة

والحين اعطيها الطبيب وصف لها بيبيلاك سي تو خاص لحالات الامساك واحسها احسن من اول الحمدلله بس ليلحين غازات بس ارحم شوي من قبل



وتطعيمها يوم الاحد الياي

سؤالي شنو اسوي عشان يدر الحليب؟؟

وبخصوص التطعيم امي قالت عقب التطعيم علطووول حطي فكس وردي البيت سوي كمادات؟؟



قولولي تجاربكم بليييييز