تجمع امهات مواليد شهر 7 و 8 لسنة 2010

[برميت]

ايفاااا بعد قلبي مايشوف شر فهودي
بعد عمري اشفيه مو راضي يترقع
اقري عليه مسكين
من زمان و انا اقولج وديه عند خالد السعيد ..برفسور
صدقيني انه شاطر ..شيوخه لما كانت فيها نزله معويه اسهال 3 ايام انا بالمستشفى ماوقف
و طلعت على مسؤوليتي ..ووديتها عند خالد السعيد ..قالي يومين وراح يوقف ..واهو الصاج يومين وقف السهال
و لما اوديها و اهي مريضه و حراره يقولي كل شي راح يصير لها بالتفصيل ...روحي جربيه شخسرانه
انتي بس روحي شوفي الدور ..ساعه ننطر و مرات اكثر من ساعه ..مشاءالله كله زحمه
اهو كان ماسك عياده الاطفال بالاميري ..
استخيري و روحي امبجر علشان ما تحوشج الزحمه و النطره
و ربي يشافي فهودي دهن العودي

 

[AVE.NJ]

الله يسلمج برميت
وين صاير خالد السعيد وجم رقمه
اتصدقين
انه قاعده مجابله الكمبيوتر واهو بحضني خاق

 

[برميت]

عيادته بدار البراءه عند ماجده اليتامى بالجابريه
5343406
بدون مواعيد
روحي الساعه 4 و نص العياده
بس دقي تأكدي انه موجود
ولا تقص عليج السكرتيره و تقولج عن الدكتور الثاني ابو الليل
لانه كل مره تقول خالد زحمه و ابو الليل فاضي
قوليلها ابي خالد السعيد و نطري لين ايي دورج
و ياارب يشافيه و يعافيه
اخذي معاج كل الادويه الي عطيتيهم ولدج

 

[AVE.NJ]

يابعد عمري برميت
الله يخلييج بنيتج ويبلغج فيها

 

[فلافل وبطاط]

لاااا عورتي قلبي ايف على فهود .. مو خوش خبر
ربي يشافيه ويعافيه ويرد فهودي اللي انعرفه قبل
اقري عليه ورقيه .. ووديه خل يشوفه هالدكتور وايد
يمدحونه وماعليه شر ان شاءالله ...

وانا فبيت اهلي ماعندي وقت عكس لما اكون بشقتي
عندي وقت حق نفسي ... وحق المنتدى ...

فديت الخوخات برميتو بوسيها لي ....

خوختي ماخذه مو بس عقلي ماخذه عقول الاوادم كلهم
اولهم ابوي ... ودايم يقولي عمري ما تخيلت نفسي قاعد
بيوم وعندي حفيده واتينني جذي ...

 

[sweet heart]

اهلا اهلا
والله انه ولهانه عليج حيل وعلى سوالفج
طلي علينا
لا تقاطعين
اشلونج واشلون عيالج؟

صبااااح الورد صبايا ..

AVE.NJ يا حياتي والله تسلمين .. كلنا بخير وبأحسن حال انشاءلله اطل عليكم بين فتره وفتيره من عيوني :eh_s(7):​

 

[مزيونه 79]

صباااااااح الخير بنات
ايفااا مايشوف شر فهووود

 

[برميت]

ايفا طمنينا على فهودي

فلافل الله يخلي ابوج حق خوختج ..انا ابوي يقعد بداره فوق و ينادي كوكا و اهي تقول ناااعم ..واهو يصرخ اااخ يا قلبي ..و لما مايرد عليها تقول نااعم ناااعم لما يرد عليها ..يا حلو البنات ماينشبع منهم و من حركاتهم

ام متوت لووول سويت ليش هالقطاعه ..واصليناا و بوسيلي توتا و اكونا

روزي شخبارج شالدنيا فيج ..>>> يعني من زمان ما كلمتج p:

 

[كتكوته22]

قوه بنات شلونكم شخباركم ولهت عليكم لههيت وسافرت ايفا ما يشوف. شر فهود مسكين مو مترقع الله يشافيه من كل شر وفلافل الله يسهل عليج وتولدين بالسلامه يارب واالكل شلونكم وشخبار كتاكيتكم واخيرا بنوتي قام يطلعولها اسنان عيوزه وصايره وايد تاذيتي بالاكل ما تاكل عدل ما ادري شسويلها

 

[•Brown•Sugar•]

كتكوته
انا كنت احس تسنين بنتي متاخر شوي وحطيت لها كالسيوم مع حليبها
خفت يكون معاها نقص والحمدلله شفت نتيجه شقوا وايد من ضروسها

 

[مزيونه 79]

صبااااحو بنوتاااات
شخباركم واشلون بيبياتكم
شــــكله البرد خاشكم لووووووووووول

 

[برميت]

صباح الخير و النوير
كتكوته انا رايي من راي براون ..اذكر الدكتور صرف حق كوكا كالسيوم و لما عطيتها على طول سننت و مشاءالله مشت مع اني ماكملت الشهرين بس شهر و جم يوم و استمرضت و ماقمت اعطيها

 

[برميت]

هاالو روزي ...وااي سكتي حده برد
متيمده ..
اشلونج انتي و شخبارج

 

[مزيونه 79]

اهلين برميتو بخير الله يسلم عمرج
كلنا تمام والحمد لله

 

[جواهر روعة]

صباح الخير
شكرا للي رحبوا فيني ... انا و بنتي اثنينا تعبانين و كل مااعطيها دوا ترجعه حاولت احطه لها مع الحليب أو مع الماي ماكو فايده تحس بتغيير الطعم و ماتشربه ماادري شالدبره وياها .. تكح كحة شياب و خشكها يخر و مرات تصخن ,... عطوني حل شسوي ؟؟؟ كاسره خاطري

 

[برميت]

دووم روزي

جواهر بعد قلبي ..قولي حق الدكتور ..اذكر بنت ولد خالتي جذي كل ماشربت الدوار ترجعه ..قام يعطيها على ابر و تحاميل

بعد قلبي بنتج ماتشوف شر

 

[ايمانو حلوة]

مايشوفون شر عيالكم يارب

سويتووو
شلوونج شخباااااااااااارج حدج مغببببببببببببرة فاقدينج من غير شر شلون الصغار
تعالي صج شنو سميتي بنوووتج اذكر قلتي بتسمينها اسم غريييب محد سماه من قبل؟؟؟

مبروووك للحمل الفال حق اللي يبوون ان شالله

ايفا
مايشوف شر فهووود خنت حيلي ولدج دوم تعبان بعد عمري يالله شدي حيلج انتي بعد وحملي

 

[كتكوته22]

بروان وبرميت شكلي عيل بعطيها بس عادي بدون استشارة دكتور والله تكسر خاطري ما اقدر اعطيعا اي شي ما عندها اسنان واخاف تقص بس اثنين فوق وثنين تحت والي تحت يم الي بالنص قام يطلعون بس ثنين عيوزه واهي الحين عمرها سنه ونص بالضبط وايد تاخرت

 

[كتكوته22]

جواهر ما تشوف شر بنوتج الجو استغفر الله يمرض

 

[برميت]

كتكوته ماادري والله روحي الطبيب احسن

ترى كوكو مو كل ضروسها طالعين بس جم واحد
الطواحن للحين ما طلعوا
اربع فوق و اربع تحت