تجمع امهات طلبة مدرسة حولي الباكستانيه الانجليزيه

[red eye]

شلونكم حبايبي ودي أحط عيالي بهالمدرسة بس خايفة من البعد أولا وثانيا أنا عيالي بمدرسة أمريكية بنتي تروح ثالثة ابتدائي وولدي يروح خامس المدرسة غالية حييييييل أدفعلهم4000 بالسنة وألحين ولدي الصغيربروح أولى روضة ماأقدر على مصاريف الامريكية شرايكم المدرسة تستاهل العنوة انا مستخيرة وأبي رايكم أنتو مجربينها وياليت أحد يرد علي من الأمهات اللي عيالهم ابتدائي والله يوفقكم

 

[red eye]

للرفع

 

[وشاح الذكريات]

بنات انا ولدي مواليد 12/2006 شرايكم ادخله ع الكورس الثاني ولا انطر السنه اليديده بس بالصيف لازم وظروري ادخله الحضانه لان ولدي مو اجتماعي الله يعيني

 

[red eye]

للرفع

 

[Creazy]

بناات انا ولدي الحين فيها

وبصراحه باسبوعين احس ان تعلم ..


والحين بدو يعلمونهم الكتابه بس طريقتهم حلوووه

...

بس مشكله ولدي مو حابها من ادخله الصف يبجي واليهال كلهم ساكتييييييييين


بس المدرسه متواضعه يعني مو بالجمال اللي تتوقعينه ...


بس اللي خلاني اختارها اني شفت ولد رفيجتي وايد تعلم ولما خلص اولى روضه كان يكتب الاحرف فحيل تحمست ووايد كانت تمدحها

 

[وشاح الذكريات]

بنات اليوم افتريت افتريت ادور المدرسه وين صايره اهي باول الدائري الرابع ولا اخر بسجل ولدي فيها

 

[جزيلة العطا]

حبيباتي انا بنتي شهر تسعه تكمل 3 سنوات ونصف يقبلونها او لا
وين يحطونها اولى روضه..والا تمهيدي .. ومتى لازم اسجلها؟؟؟والدفع شلون طريقته

 

[Creazy]

وشاح الذكريات


اختي اهي صايره يم صالة صباح الاحمد على الشارع بالضبط عند جسر المشاااة

 

[Creazy]

جزيبل العطا

اختي بنتج يدخلوونها بس التسجيل خلص على اولى روضه لانبدو من اول 4

 

[هبونه]

هبووونه شلون مافي اهتمام وايد ...


احنا الحين عقب اسبوع بلشوو واجبات

مو مسالة واجبات اصلا واجباتهم اخف من الباكستانية اللي بالسالمية هذيلة مو تعبييني بالواجبات الواجب نص صفحة خفيف
ثانيا سالت جم ياهل بالصف وهذي صدمه لي 40 ياهل بس تقول 4 او 5 مايحضرون بانتظام اشرايج؟؟؟
انا اقصد لما تروحين تسالين عن ولدج احس اي شي اجتماعاتهم قليله جدا ​

 

[حرم سي السيد]

للرفع

 

[السمرة~القمرة]

:eh_s(16)::eh_s(16)::eh_s(16)::eh_s(16)::eh_s(16):

للأسف زوجي طلع ولدي من المدرسة والسبب
الزحـــــــــــــــــــــــــــــــــمة
والله حدي متحسفة ،، وايد مستفيد ومستانس على المدرسة
لكن يوصل البيت الساع 3 الا ربع
بس
تجري الرياح بما لاتشتهي السمرة ~القمرة
:0bee2e8d89:

وملفه كاهو اطالعه ويضيق خلقي

 

[باونتى]

:eh_s(16)::eh_s(16)::eh_s(16)::eh_s(16)::eh_s(16):

للأسف زوجي طلع ولدي من المدرسة والسبب
الزحـــــــــــــــــــــــــــــــــمة
والله حدي متحسفة ،، وايد مستفيد ومستانس على المدرسة
لكن يوصل البيت الساع 3 الا ربع
بس
تجري الرياح بما لاتشتهي السمرة ~القمرة
:0bee2e8d89:

وملفه كاهو اطالعه ويضيق خلقي

ليش ما شركتيه بالباص ؟؟ والحين وين بتنقلينه اى روضه ؟؟

 

[السمرة~القمرة]

الباص ابو رافضه رفض نهائي
الله يهديه
يقول توه صغير عالباص
بدخله بالروضة اللي يمنا
بس بحاااااول ارده والله يكون بعوني ويعيني على زوجي
ادعولي تكفون

 

[BaLLoNa]

قوة امهات ... انا ولدي مواليد شهر ٧ -٢٠٠٧ بعرف متئ لازم اسجل ولدي؟؟؟؟؟؟؟ اذا قبلوه انشالله راح يكون روضة ولا حضانة بليز فيدوني ماعرف شي غشيمة

 

[sallie]

شلون مدرسة لي في حولي عند نادي قادسية

 

[candle-tears]

بنات عندي سؤال بدخل ولدي اول روضة بالباكستانية ممكن رقم تلفونهم ؟؟؟؟

والدوام من ساعة جم الى جم بالنسبة للروضة؟؟؟ لاني ادرس بمعهد السكرتارية بحولي بشوف ولدي متى يخلص دوامه؟؟؟ عشان اعرف اشلون امره؟؟؟

 

[ام عيالي]

انه اعيالي اهناك والله ممتاازه وواجباتهم وايد بس احسن جذي افيد لليهال لازم يكدونهم واهم بهالعمر اعيالي برثالث وبرابع بنتي شطوره بس ولدي اهو الصراحه شيطان واني امصدقه ان المدرسه ليمن الحين مستحملينه الله يستر لايفصلونه

 

[ام عيالي]

بس والله التدريس اوكي والاهتمام بعد ما شاء الله عليهم بنتي بخليها لي سنه خامسه وبدورلها على مدرسه خاصه بس للبنات بس الله يخليكم اللي اتعرف اتقولي او اوديها حكومه اشرايكم لان مستحيل اخليها مختلطه هاذا طبعي لانها بتكون كبيره طبعا البعض بيقولون متخلفه بس هاذا طبعي اللي اتعرف اتساعدني الله يخليكم

 

[candle-tears]

بنات عندي سؤال بدخل ولدي اول روضة بالباكستانية ممكن رقم تلفونهم ؟؟؟؟

والدوام من ساعة جم الى جم بالنسبة للروضة؟؟؟ لاني ادرس بمعهد السكرتارية بحولي بشوف ولدي متى يخلص دوامه؟؟؟ عشان اعرف اشلون امره؟؟؟

بنااااااااااااااااااااااااااااااااااااااااات محد رد علي:080402ask_prv:​