تجمع امهات المواليد الخدج

[الليدي فراوله]

صباح الخير\مساء الخير



شلونكم حبايبي


حبيت ان نسوي تجمع لامهات المواليد الخدج والمشاكل اللي يمرون فيها من يولدون لين يكبرون


ببدي قبلكم من بعد اذنكم انا عندي بنت جايبتها بالاسبوع 31 و3ايام وبصراحة عورت قلبي قعدت بالخاص 10 ايام ونقلناها الحكومة بس تدهورت حالتها اشتبهو فيها جرثومة وماطلع فيها وبعدين فيها فقر دم وبصراحة شكلها مطوله بالشيشه واللي عندها خبره تفيدني الله يجزاها خير لاني بصراحة خايفه يصير فيها شي لاسمح الله​

 

[الليدي فراوله]

افا مافي احد يرد علي وينكم بنات

 

[نو-من؟]

غلطانه لما كنت تدرين ولاده مبكره ليش رحتي للخاص الحكومه اضمن بفضل الله وطبيعي البنت تقعد بالشيشه من شهر لي شهرين حسب الحاله انا بنتي جبتها بالثامن واقعدت بالشيشه اسبوع وبره الشيشه اسبوع لان طلع معاها التهاب بالدم ولما اطلعت اصغيره حيل طلع معاها فتحه صغيره بالقلب والحمد لله مع المراجعات اصغرت الولاده المبكره صارت عادي ماتخوف نص بنات الجماعه وخواتي جابوا بالثامن بس الاهم بعد ماتطلع لازم لازم المتابعه بالمستشفي الي تنومت فيه وهلا هلا بالحلبه تكبر حطي 7حبات بالماي تمام وانشاءالله ماعليها شر بنتي الحين عمرها 8سنين ومافيها الحمدلله لا العافيه عوبه ومتعبتني

 

[الليدي فراوله]

حبيبتي نو-من

طمنتي قلبي بابعد عمري مشكورة الله يطمنج على عيالج وحبايبج ان شاء الله

 

[نو-من؟]

حاضرين للناس الطيبين الليدي فراوله

 

[miss_Ba6oOo6a]

انا بنتي خدج يبتها ست شهور واسبووع يعني 28 اسبووع قعدت خاص اسبوع ودوها حكومه شهرين الا
وزنها كان كيلو الا اقل شوي الله ستر والله تعب واااايد وبجي وااايد وكاهي الحين اشحلاتها
بس الله يعينج علا العساااااااااااره والبجي والمراجعات ليه عمر السنه السمع والنطق والحوض والقلب ابر رئه مراجعات دوريه
فيتامينات بالحليب والعيون بعد
بس روحي الحكومه تطمني لان مو اوادم عادي بربيش الحليب مو عدل والشفايف متشققه والياهل اير الوايرات
وينادونج مرات بليل يبون دم ولا يسولج تحليل كل ما كنت اروح اعدل بنتي واعدل الوايرات واييب معاي فازلين او اقولهم لان وايد يهال بالغرفه ووحده عليهم كانت بالصباح بنتي واخر الفلم حلصو اماكن العرج عشان الدرب والمغذي حطووه براسها وقرعوها مو عدل مت من البجي علا شعرها انشالله ماكو شي لا تحاتي مكان اكو مثل حالت بنتي كانت اصغر وحده وحالتها حرجه كل جم اسبوع يحطونها بالعنايه المكزه ويرودها ومايطلعون الياهل الا اهو كامل ووزنه زين لا تخافين

 

[miss_Ba6oOo6a]

غلطانه لما كنت تدرين ولاده مبكره ليش رحتي للخاص الحكومه اضمن بفضل الله وطبيعي البنت تقعد بالشيشه من شهر لي شهرين حسب الحاله انا بنتي جبتها بالثامن واقعدت بالشيشه اسبوع وبره الشيشه اسبوع لان طلع معاها التهاب بالدم ولما اطلعت اصغيره حيل طلع معاها فتحه صغيره بالقلب والحمد لله مع المراجعات اصغرت الولاده المبكره صارت عادي ماتخوف نص بنات الجماعه وخواتي جابوا بالثامن بس الاهم بعد ماتطلع لازم لازم المتابعه بالمستشفي الي تنومت فيه وهلا هلا بالحلبه تكبر حطي 7حبات بالماي تمام وانشاءالله ماعليها شر بنتي الحين عمرها 8سنين ومافيها الحمدلله لا العافيه عوبه ومتعبتني

واااي ولاده مبكره بالحكووووووومه انا مت من البجي ان ما يستقبلوني قالو حكومه روحي لان راح يطلع فلووس وايد للشيشه حق الياهل بس عندهم امكانيات وكل شي ما رضيت لا امي ولا احد يمي غرفه بروحي ممنوع الزياده ومحد ينام يمي وبجر اول ياهل لا وياي مبجر لاااااااااه اشتري راحتي واهلي كلهم يمي مادري شيصير بس سهالات ما افكر اولد بالحكومه
بس حق الشيشه الياهل لااااااازم حكووووومه عادي يطرشونه بس اذا عندج واسطه وايد يسوون جذي واييبون توائم كله خاص وبالشيشه جم يوم بعدين يطرشونهم الحومه باسعاف تاخذهم

 

[ZajiL]

انا عندي طفلين خدج

الاول يبته 33 اسبوع بالضبط
الثاني يبته 33 اسبوع ويوم هههه

بس الحمدلله الاولي عمره سنتين والي وراه عمره 8 شهور والحمدلله عدة على خير التعب معاهم كان اول شهرين
بعدين خلاص يصيرون طبيعين حتى اوزانهم اول شهرين حيل صغار بس بعدين بسرعه يكبرون خصوصا حليب الخدج حيل
دسم ويكبر الياهل

التعب بس انه مايطلعون واااااااااااااايد وكله بالبيت لين صاروا حليوين حتى تجمعات مااوديهم ولدي العود اول مره اطلعه
يوم عمره 3 شهور بس كان يروح الطبيب ومانعه عنه الناس
ولدي الثامي لا حالته احسن طلع عمره شهرين ونص وهم بس مراجعات طبيب اول
وهم منعت عنه الناس ومايطلع من الغرفه حتى اي احد اي زورني مايشوفه لانه اخاف علييهم

وانا لو احس شوي تعبانه او مريضه على طول البس كمام عشان العدوه بس التعب اول شهرين بعدين لمه يتعدى وزنهم 5كيلو
خلالالالالالالالالالاص يصيرون شحلاتهم وجنهم طبيعين بس وهم صغار اقل شي يلقطونه لانه مناعتهم ضعيفه
اهم شي لهم الفيتامينات لين سنه
انا يبت عيالي وزنهم كيلوين الحمدلله

الاول قعد اسبوعين بالحضانه
والثاني قعد 16 يوم بالحضانه ويومين بره الحضانه

طبعا ولدتهم بالسلام ومانقلتهم الحكومه خليتهم على الاقل كل وقت ايهم واشيلهم وارضعهم والمهم

والحمدلله عددددددددددددددددددددددت على خير

والفال لج يوم تطلع بنتج بالسلامه يارب

 

[ZajiL]

http://www.q8yat.net/showthread.php?t=216797


هذا تجمع كنت فاتحته ان شا ءالله فيدكم فيه كل تجاربي وتجارب البنات

 

[أغلى حلم]

سلام عليكم
حبيبتي انا عندي بنتين خدج و لدتهم بأول الاسبوع ال31 و كانت اوزانهم 1400 و 1530 و بالايام العشرة الاولى نزل وزنهم وصاروا 1300 و الثانيه 1420 كانوا وايد صغار و ماكنت اعرف اتعامل معاهم و النفسية كانت زفت كنت خايفة عليهم وايد و كله متخيلة لا سمح الله بيصير فيهم شي..والسبه احجامهم بس الحمد لله طلعوا من المستشفى واوزانهم قريب الكيلوين تقريبا اقعدوا بالحضانه 3 اسابيع و اسبوع برة الحضانه...ولما اخذتهم البيت كنت وااااااايد حريصه عليهم اول الشي ديري بالج من التكيف العالي لا يمرض الياهل ولا ينسد خشمة لان مناعته ضعيفة وايد فديري بالج.. و ماكنت استخدم بتنظيفهم اي مواد كيماوية ولا صابون ولا شامبو طبعا حسب توصيه الطبيب (ولدتهم بلندن) بس ماي خالي وهذا لما يكملون الاسبوع الاربعين...وعطيهم فيتامين كل يوم و حديد و فولك اسد ...لان جسمهم محتاج ويستفيد من هالاشياء بسرعه حسب كلام الطبيب...وبسبب ولادتهم المبكرة يكون الجهاز الهضمي مالهم بعد مو مكتمل فبتلاحظين مشكلة الغازات ومعروف ان الاطفال الخدج يعانون من الغازات اكثر من غيرهم...فمالج الا الصبر و بعض ادويه الغازات ماي غريب ولازم اتريعين الياهل اكثر من مرة خلال الرضعه عشان تتخلصين من اكبر قدر من الغازات...وانشالله من تطلع بنتج لازم تودينها الطيبب بشكل دوري عشان يطمنج على صحتها و يتابع نموها...ونصيحة لا اتطوفين ولا رضعه عشان تكبر بنتج بسرعه و تصير طبيعيه انشالله باسرع وقت انا الحين بناتي عمرهم 4 اشهر و اوزانهم تقريبا 5 كليو يعني كانهم بو شهرين ..ووحدة معاها فتحة بالقلب الله يشفيها يارب....ومثل ما قالت اللي قبلي اول شهرين تعب بس بعدين تحسين ان بنتج صارت طبيعية...الله يطمنج عليها يارب و تشوفينها عروووووسه

 

[الليدي فراوله]

ياحياتي بعد عمري فديتكم فديتكم والله يطمن قلوبكم مثل ماطمنتو قلبي يارب ولاربي يروعكم على غالي ان شاء الله

 

[ZajiL]

اميييييييييييييين ياحياتي

 

[*ماي الورد*]

حليب الخدج لي اي عمر يستخدم؟

 

[miss_Ba6oOo6a]

حليب الخدج لي اي عمر يستخدم؟

عمري داااااام خدج يعني فيه مراجعات دوريه بالصباح او اي مستشفى كان فيه مع كل مراجعه الدكتور اهوو الي يحدد
متا نغير الحلييييييب ومتا نوقف قطرات الفيتامينات بالحليب :wqedqw:

 

[الليدي فراوله]

المراجعات صج يقولون انها مداها طويل والفيتامينات تتفخ الياهل ويعنى ان شاء الله يصير وزنه طبيعي ؟

 

[تصبر يا قلبى]

انا ولدت اخرالثامن توم الولد صار فية تكسر بالدم واخذ للحين 3اكياس دم من تعرف احد صار معاة جذي

 

[الليدي فراوله]

الله يشافيه لج بارب اتمنى البنات يفيدونج

 

[توت بري]

عجبني الموضوع وحبيت ارفعه

بنات فيدونا من خبرتكم

متي ولدتي وباي اسبوع وشنووو وضع البيبي بعدين وجم وزنه

اللي عندها خبره تدخل تقولنا وشنو قالو الدكاترة

انا توني والده علي السادس وموعارفة الوضع الدكاترة مايبردون القلب كلش ؟؟؟؟؟

 

[لياحه بنت لواح]

الخدج يعني اللي يولد قبل موعده؟

بس انا ولدي يعتبر من الخدج مع اني ولدته بالتاسع والحمل كان طبيعي جدا
بس المشكله عند ولادته
اول ماولدته اخذوه علي طول العنايه
لان طلع عنده في بطنه الحجاب الحاجز هو يكون الحاجز بين الامعاء والقفص الصدري مفتوح عالجنب عنده
وفتحه بالقلب
وكنت والده بالفروانيه وعلي طول من ثاني يوم حولوه لابن سينا
وسووله عمليه وقسطره
وحطوه بالشيشه وماشفته الا بعد ٢٠ يوم طلعوه
والحين الحمدالله بس المناعه يعني
وكل فتره مراجعات بابن سينا وللرئه والصدر بالاميري
والصدري عشان القلب
وعالكمام دايم ماينقطع ابدا

والله كريم ويشفيهم ويخليهم لنا
اللهم آمين

 

[حمووو]

انا ولدت بالاسبوع 31 توأم بنت و ولد الولد مات والبنت الحمد لله رب العالمين عندي الحين عمرها الحقيقي بتخلص الرابع بس نصيحه قالوها لي المستشفى لا تجتمع مع احد خليها بغرفه نظيفه عقميها وابعدي عنها العطورات والبخور والمنظفات والمكيف وحاولي ما تفكين عنها المهاد ابداً يعني خليها تعيش كنها برحمك واللمبات ماتجي عيونها. واهم شيييييي ما احد يبوسها حتى انتي وما احد يشيلها الا انتي. وماتطلع من غرفتها واذا كان المطبخ قريب حاولي ماتقلين بالزيت وتحمسين قهوه علشان صدرها. تحملي راح تتعبين شوي بس حتى يجي عمرها الحقيقي. ترا انا اطفال انابيب بعد 7 سنوات لا تنسوني من دعاكم بس بنتي طعموها تطعيمه الدرن وطلع تحت الابط زي الكوره وفي الرقبه مره خايفه عليها والحين صاير مكانها احمر لانها ماتحملت التطعيمه ودايماً تعاطس