تجمع امهات العالمية الامريكية

[mr000]

أي حتى آنا راح أشتري حق ولدي الملابس قبل لايعطل بس ماراح أشتري لبس رياضه ألا لما يستلم الجدول! في ورقة الكتب اللي عطونا اليوم حاطين فيها المراحل كلها ويقولون لج أشري عالمرحله اللي بيروح لها وأول مرحله كاتبين منPre -Kg بعدين منKg1-Kg2! بعد أذا مافيه حق كي جي 1 خلاص كيفهم! ولدي ضاق خلقه لما شاف الورقه يقولي تبوني أدرس بعد بالعطله!!

 

[ReeMaN]

ياهلالالالالالالالالالالالا والله صويحباتي هلالالالالالالالالا فديتكم والله بعااد جبدي والله صج فاقدتكم ياعساكم ماتفقدون غالي ... شمييييييييييييت ريحتكم وانا اشبك .... كاراميلا شخبارج ياحياتي واي حالي من حالج انا شغالتنا صارلها ظرف طارئ عند اهلها وسافرت وقطتنا على صخر بروح احوس بعد شوي اطلب شغاله ثانيه وتعالي شوفي متى توصل ..... بس انا ماتحمل الغبيه افنقرها ولا ان اخليها عله على قلبي ....

فوووز يابعد جبدي والله انتى الله يبرد عليج دنيا واخري ومشكوووره حياتي على الصور الحمدلله موديلاتهم لا باس فيهم

وين حلووومه اتيي اتشوف موديلات الكشخه بالعالميه خ خ خ خ لا خلاص ماقمت اغار منهم خلالالالاص

مرووو ياقلبي شخبارج صديقتي الصدوقه ... شرايج فيني صج جبروت امرأه ههههههه بعد شسسوي بربعج يبيلهم قرصه بين فتره وفتره الحريم مايون الا بالعين الحمرااااا

 

[ReeMaN]

حراااااااااااام مروو خلي وليدج يرتاح هلااجازه خو الاجازات الحين ماتوصل الشهرين مو مثل ايامنا قبل 3 شهور ياسلاااااااام سلم ...
ماعندهم سالفه المدرسه ايوزعون كتب حق الصيف كارفينهم كرف اليهد طول السنه وهم يبونهم يدرسون بالصيف

 

[Fouz]

بيني و بينج مرو مالي خلق شي بهالاجازة لاني احتمال اخذ صيفي و على ما يخلص الا ياينا رمضان و أشوة اللي يت منهم

ريمان هههه صروعتينا و خفت تاخذين عباتج و تروحين عاد عسى راضيتج يا جبروت يا انتي
الله يعينج ريمان انتي و كاراميلا عاد صج الخدم عازة انا يوم سافرت خدامتي كليييييييييييييييييييتها من كثر الحوسة و الكراف و نطرت شهرين على ماردت،، اهي بس وصلت قمت حتى قلاص الماي اقولها ييبيه من كثر ما كان فيني فقر اني اطرش احد


الا بسألكم سؤال،، بالنسبة حق أول يوم بالمدرسة يخلونا نحضر ويا الياهل والا لأ؟؟ عاد انا بنتي عسرة و ماودي احاتيها بأول يوم،، عطوني خبراتكم بأول يوم بالروضة شنو تنصحون فيه، لاني بالحضانة احضر وياها جم يوم على ما تتعود

 

[ReeMaN]

هلا فوز اى اوووف زعلانه حدي حدي حدي منكم بس غسلو ايدكم اطلع من هالتجمع حدي متعلقه فيكم والله ويضيق خلقي لا ماشفت مشاركاتكم معانا ... والشغاله مع انهم شر لابد منه ... يعنى مانعيش بدونهم واي واي استحمل كل شي بس ذبحينى بس لاتقولين غسلي الماعين والاوتي ماااااااااااااااااحبه بس شنسوي ...

وبالنسبه لاول يوم اى اتوقع ايصير تدشين معاها لمده اسبوع بس تسحبين نفسج واهى لاهيه مع الصف .... بس عقب الاسبوع ممنوع اولياء الامور يدشون الصف اتسلمينها التيشر من الباب وتطلعين بس انتى عطيها مقدمه قبلها بجم يوم ومري المدرسه قبل لايدامون المدارس خل تتعود علي جو المدرسه

 

[Fouz]

باخذ بشورج و ان شاءالله ربي يسهل و اذا يرضون اول اسبوع هم زين بس المشكلة ان راح يبدون برمضان فالله يعطينا الصبر و طولة البال على الحنة

والله صاجة الخدم شر لا بد منه وجودهم ضروري

 

[ReeMaN]

ويييي صج فوز!!! صار اكيد دوامهم بالرمضان ؟؟؟ جنى خابره ان خلوو الدوام الى بعد العيد

 

[Fouz]

حسب الكالندر مالتهم يبدون 26 اغسطس يعني خامس او سادس يوم رمضان

 

[mr000]

هلاوالله ريمان ياقويه أنتي ياريمان خلاص راح نستعين فيج على طول بالمهمات الصعبه آنا ماأنفع بهالسوالف كل ماكبرت صرت وايد أليفه والله ومن بعد ماتقاعدت أحس أني بس أبي راحه واستجمام مالي خلق أي شي!!والله على سالفة الدراسه بالصيف ياريت بس على هالكتب العام لما نقلت ولدي عطونا أسماء قصص يقراها بالعطله بعد آنا مادري شالسالفه ماشريتهم من أول العطله قلت خل يرتاح وعلبالي قصص صغيره تالي بشهر 7 الله وكيلج مابقت مكتبه بالكويت مادرت غصب حصلتهم واطلعوا شنو كل قصه أشكبرها روايات ولدي طق على راسه لما شافهم وقالولنا راح يمتحن فيهم أول السنه الله يهديهم ولزمت عليه يخلصهم بشهر لاعت جبده وهو يقراهم تالي ولاسألوا عنهم بس أعتقد أحسن هالمره أنها تكون كتب تقويه بالأنجليزي والرياضيات والعلوم والله يعيني عليه اشدعوه راح يرضى بسهوله أنه يدرسهم!

 

[ReeMaN]

اهلين صديقاتي شخباركم ... ماشالله وايد مبجر دوام الطلبه ... مرووو اشرايج فيني اعجبج بالمواقف الصعبه مع انى عكسج احس كل ماكبرت كل ماصرت عصبيه اكثر .... خلاص بغير نك نيمي من ريمان الى المرأه الحديديه كخخخ ........ اى اشوف بنات اخوي يموتون على الروايات اتوقع من المدرسه وايد محببينهم بالقراءه ...الله يعينه على هالكتب صج احسن له بس يملل .....

 

[lyale]

السلام مامات العالميه والله لكم وحشه ماشاء الله اللبس وايد حلووو الله يتمم علي عيالكم وتكون عليهم سنة خير
امممم حق كل الي سال عني انا امر التجمع بس ما اشارك ليش خلاص موصله ما باقي شي علي ولادتي بس والله قلبي معاكم واحب اعرف اخباركم مامات

 

[ReeMaN]

هلا والله ليالي بعد عمري والله عسى الله يسهل عليج الولاده ياقلبي .... وانشالله ماتنقطع اخبارج عنا خو انشالله نفاس فاضيه ماعندج شي الحين بشري شصار على عيالج ؟؟ انقبلو بالامريكيه الخاصه؟ ىشالو غابتهم ؟؟

 

[ReeMaN]

مروو بسالج في summer camp بالعالميه بعد الاجازه ؟؟؟ واقدر اسجل ولدي في النادي عشان ياخذ على المدرسه اشوي ...وشنو برنامجهم اذا تعرفينه ....<--- ياكثر اسئلتهااااا

 

[mr000]

ليالي حبيبتي الله يهون عليج وتقومين بالسلامه أن شاءالله هالأيام نامي وايد تري تالي ماكو نوم مع البيبي سهررررررر!ريمان قصدي المرأه الحديديه شخبارج والله ماعندي فكره أذا عندهم نادي صيفي ماوزعوا عليهم أوراق بهالشي أعتقد مافي لأن العام لما نقلت ولدي نفسج كنت أبي أسجله فيها أذا عندهم نادي بس قالوا مافي!!والله ريمان أذا على العصبيه عندنا وعندج خير أكيد مومثل قبل هاديين وأعصابنا بارده بس أقصد بديت أطنش وأطوف واااايد وأحاول أكون ريلاكس لأنه 20 سنه دوام بالتربيه اتلفت اعصابي!! عموما آنا من رجعت من السفر وآنا كووووول!!صج براد لندن يغسل الجبد!!

 

[Fouz]

مارغريت تاتشر سوري ريمان شلونج
ليالي الله يتمم عليج و تولدين بالسلامة ان شاءالله
مرو شخبارج حبيبتي و عسى دوم مريحة بالج صاجة الواحد تعب من الحنة و الاعصاب
كاراميلا شخبارج حبيبتي عساج أحسن الحين و ان شاءالله خدامتج تعدلت
سارونة من زمان عنج؟؟
باجي الامهات الحلوات ان شاءالله تكونون بخير و نشوفكم ويانا قبل لا بعض الناس يورونا العين الحمرا مرة ثانية

 

[ReeMaN]

اى والله صاجه مرووو السفر مو بس تغيير الجو الا يغسل الروح غسال ... انا صارلي سنتين مو مسافره احس نفسييتي حيل تعبانه ومالي خلق شي ملينا من الروتين يبيلنا سفره هالصيف انشالله يارب .....

بعض الناس يسلموون عليج فوز

 

[lyale]

هلا والله ليالي بعد عمري والله عسى الله يسهل عليج الولاده ياقلبي .... وانشالله ماتنقطع اخبارج عنا خو انشالله نفاس فاضيه ماعندج شي الحين بشري شصار على عيالج ؟؟ انقبلو بالامريكيه الخاصه؟ ىشالو غابتهم ؟؟

مشكوره حبيبتي ريمان علي الدعوه ..... بخصوص عيالي امتحنو بالامريكيه الخاصه المشكله اول ما بلشو بلشو بالصغير ولدي الي يرووح كي جي بس يجاوب سؤال وعشر ما يرد عليها خخخخخ عنيد ولدي طلعت المدرسه وسئلتها شلون نجح ولا لا بس ما بينت لي شي وقالت نطري ليوم الاحد
بالنسبه حق بنتي لا جاوبت واسمع المدرسه تقولها وااااااااو وايد وانكردبل وانبيلفل شكلها استانست من بنتي ويوم طلعت قالت لي انا ابي اطمنج عليها اهي عدت الامتحان بس اهم يتاخرون علي ما يدقون فا يمكن يكلمونج الاحد والحلو حسيت المدرسه وايد قويه من الامتحان لان سئلوهم وايد اسئله واخر شي هم شافت جسمها وخلتها تسوي تمارين

 

[lyale]

شلونكم بنات مروو فوز وكراميل شخباركم ويلا شعيلكم بلشتو تشترون لبس حق عيالكم يا حلوهم والله يوفقهم انشا الله بالدراسه مروووو المشكله الحين نومي صعب من التفخه الي فيني قصب انام وحارج طول ليل وهم اذا ولدت ما راح انام بس انشا الله يكون مو حنه و يكون هادي علي ههه

 

[ReeMaN]

هلا ليالي شخبارج اول مره ادري ان امتحان القبول فيها اختبار تمارين !!! بشرينا بالنتيجه نبي نيبب

 

[lyale]

هلا ليالي شخبارج اول مره ادري ان امتحان القبول فيها اختبار تمارين !!! بشرينا بالنتيجه نبي نيبب

انا بعد استغربت بس الظاهر يشوفون كل شي لان حتي انا عطتني اوراق فيها اسئله عن تطور نمو الياهل من اول ما نولد يعني متي بدا يمشي ومتي بدات تتكلم وشلون مستواها بالدراسه وهل الطفل اجتماعي او انطوائي والله اسئلتهم وايد ودقيقه وعلي فكره الشجر ما شالوه امبيه والمدرسه من بره محوطه كلها بكاميرات علي قولة زوجي يقول حسبتها سفاره ولا شي انشاءالله باجر تبين النتيجه
بس زوجي راح وهم سجلهم بمدرسة فايزه الخرافي الي بخيطان وحط لهم موعد امتحان يوم 18 الشهر هذا يقول هذي فيها كويتين اكثر واحنا خايفين ان اذا دخلناهم الامريكيه الخاصه يتعودون بطبايع مو طبايعنا لانها معروفه وايد فري واغلبها اجانب المشكله ان ماكو مدرسه راح تكون بيرفكت لازم في عيوب