تجمع امهات العالمية الامريكية

[mr000]

عذروني أذا كثرت عليكم بالكلام بس خل نستفيد من تجارب بعض أحنا أخترنا هالمدرسه حق عيالنا علشان مستواها الدراسي وأسلوب تعامل الأداره والمدرسين مع الطلبه ونظامها بس أكيد كل مدرسه فيها سلبيات وأذا في وحده ملاحظه شي سلبي خل تنبهنا له علشان ندير بالنا على عيالنا ويزاهاالله ألف خير! يعني أعطيكم مثال أهم بالمدرسه يسمحون لهم ياخذون التلفون النقال بس مايطلعه بالحصص وآنا أشوف هالشي ماله داعي بالمره يعني من الأساس آنا رافضه فكرة أنه ياخذ النقال وأذا احتاج شي يقدر يدق من عند السكرتيرات وهم طيبين ومايقولون لأ والسبب الثاني اللي خلاني أرفض لأن مابي أحد لو بالغلط يدز له بلوتوث أو صوره وصخه وألا حتى أغاني واللي نبهني حق هالشغله أن يابلي ورقه يوقع عليها ولي الأمر أن لو الطالب طلع النقال خلال الدرس أو صور بنت أو بعث لها بلوتوث أو صور راح يتعرض للعقاب والفصل يعني أكيد هالموقف حصل عندهم وألا ماكانوا وزعوا هالتنبيه عالطلبه فنبهته ماياخذ النقال وهو مقتنع أنه مايحتاج له داخل المدرسه

 

[caramella]

بالعكس والله mr000 لا كثرتي كلام ولا شي والله قاعده تنبهينه على شغلات
وعين العقل اللي تسوينه إنه ما ياخذ النقال ماله داعي وعلى قولتج إدق من السكرتيرات
وغير جذي حتى لو الأهل وقعوا على هالتنبيه والولد والبنت يايبين النقال و شغالين بلوتوث ومسجات من يدري عنهم طالما البنت ما إشتكت
وبعض بنات هالأيام فيهم عيارة يعني منو اللي بتشتكي إنشالله ولا من شاف ولا من دري و إشتغلي يا فصاعه
كلش مو شي إنهم إخلون الطلبه إييبون النقال إنشالله إنزلون قرار إمنعون فيه النقال

 

[mr000]

شوفي هم ممكن تصير عندهم وندخل بتذكره بدينارين فعطيته وراح بعدين قال في شي ماعجبني في بنت كبيره رقصت على أغنيه أجنبيه مره ثانيه ماراح أروح!

 

[mr000]

آسفه دزيت الرد من النقال وماطلع مضبوط ألحين أدزه من الاب توب سوري سوري

 

[mr000]

الله يسلمكم اللي بقوله أن هم ممكن في بعض أنشطتهم أو برامجهم أشياء مو الكل يحبها ومو غصب الكل يحضرها يعني مره ولدي قال بيسوون التالينت شو هو عرض المواهب قلتله روح بدل ماتقعد بروحك والصف كله يروح وأخذ فلوس علشان التذكره بدينارين ولما رجع سألته اشلون الشو قال زين بس في شي ماعجبني ويمكن ماأروح مره ثانيه قلتله ليش قال في وحده شنو موهبتها أنها ترقص الله يسلمكم والبنت الظاهر كبيره ورقصت على أغنيه أجنبيه وطبعا أصدقائها يشجعونها ويصفقون لها ويصفرون وولدي ماعجبه هالشي! فشي زين أنه عرف الغلط من نفسه ومايبي يحضر هالشغلات يمكن لو آنا مانعته جان يصير كل ممنوع مرغوب ويقدر حتى يروح بدون ماأدري أو يطلب الفلوس بعذر ثاني ويروح

 

[مع وقف التنفيذ]

بنات انا اخوي كان فيها
مدرسته كانت العالميه
المهم يعني كل شي مسموح فاحس الوضع موحلو
حتي شغلهم يكون قروبات ويضطر يحتك مع البنات واسمحولي يعني البنات اهناك زود فري حتي لوقلنا مايروح الايام المفتوحه مثل اليوم الوطني كانت الحفله بالدوام الصبح فيعني لاتشوفون البنات شلون يترقوصون جدام الصبيان

انا اخوي تخرج منها خلاص بس تبون الصراحه احس حسافة فلوسها والله لان للاسف صارت عنده عادات واشياء وقيم للاسف
والله لي اللحين امي متحسفه
بعكس اخواني الي بروض الصالحين والابداع خصوصا الابدااع

 

[ReeMaN]

بالعكس مرووووووو احنا نبيج جذي تفطنينا على اشياء مو بالبال وماشالله على هالولييييييد الله يهنيييج فيه ويبلغج فيه ويبعده عن عيال الابليس ماشالله من تربيتج غرف الصح من الغلط وترا كل ممنوع مرغوب لو انتى مااانعته من الحفلات والانشطه وماخليتيه يروح جان فيه بلاغة شف الا يروح ومن وراج بعد بس انتى لانج تخلينه يروح ويستكشف وطبعا تحت ناظرج تنصحينه والله تعبج مايروح ويطلع من احسن مايكوون .. وياما طلبه تخرجو من مدارس خلط سواء العالميه او الدوليه او البيان وغيره وحتى اللي يدرسون براا اشكثر تخرجو وهم من اروع مايكوون قمة بالاخلاق والاحترام يعتمد على التربيه حبايبي ... والله يحفظ عيالنا وعيال المسلمين ... المكرفون للي بعدي

 

[mr000]

والله شوفي آنا أول شي مثل ماقلت لكم كنت محتاره وين أوديه يعني مابي نظام بريطاني خفت صعب عليه وبعدين ماأنقبل بالدوليه وماكنت أبي أي مدرسه مستواها ضعيف والأبداع قالت عالويتنغ ليست وترددت عن العالميه بس بنت عمي شجعتني هي عيالها أسم الله عليهم 3 تخرجوا من العالميه والرابع بآخر سنه بالثانويه وهي عيالها من نفس نوع عيالي فقالتلي أنتي عارفه تربيتج وهم نبهي الولد دايما وحذريه من هالسوالف وهو ألحين توه 13 سنه بس والله لو شفت أي تغير بسلوكه بالثانويه أكيد ماراح أخليه بالمدرسه ! بس هو عارف أن البديل راح يكون الحكومه وآنا موصج بوديه الحكومه يمكن لو شفت شي لاسمح الله أوديه الأبداع بس آنا وأبوه مفهمينه جذيه لأنه يخاف من مدارس الحكومه وقايلتله ماراح تنجح هناك المواد كلها بالعربي والمدرسين معاملتهم موزينه وفي صبيان شياطين وايد يعني سويت له فيلم رعب!

 

[caramella]

الله يسلمكم اللي بقوله أن هم ممكن في بعض أنشطتهم أو برامجهم أشياء مو الكل يحبها ومو غصب الكل يحضرها يعني مره ولدي قال بيسوون التالينت شو هو عرض المواهب قلتله روح بدل ماتقعد بروحك والصف كله يروح وأخذ فلوس علشان التذكره بدينارين ولما رجع سألته اشلون الشو قال زين بس في شي ماعجبني ويمكن ماأروح مره ثانيه قلتله ليش قال في وحده شنو موهبتها أنها ترقص الله يسلمكم والبنت الظاهر كبيره ورقصت على أغنيه أجنبيه وطبعا أصدقائها يشجعونها ويصفقون لها ويصفرون وولدي ماعجبه هالشي! فشي زين أنه عرف الغلط من نفسه ومايبي يحضر هالشغلات يمكن لو آنا مانعته جان يصير كل ممنوع مرغوب ويقدر حتى يروح بدون ماأدري أو يطلب الفلوس بعذر ثاني ويروح

إسم الله عليه الله يحفظ لج هالولد و يوفقه و يبعده عن هالسوالف
ماكو سالفه رقص وين قاعدين؟
بس إنشاله يا ربي عيالنا الصغار يفكرون نفس تفكير ولدج ماشالله عاقل ومتزن
ومثل ما قلتوا يعتمد عالتربيه والبيت إذا متأسس صح ما راح إتأثر فيه هالسوالف

 

[Fouz]

ما تشوف شر إنشالله هالكتكوته حبيبتي
إفتكيتي من سالفة التطعيم والملف الصحي
آنا والله ملفه الصحي عندي بالبيت بودبه إنشالله شهر 5 أو 6 لما بشتري له اليونيفورم

الشر ما ييج حبيبتي كاراميللا
تصدقين كلامج عدل شيوديني باجر خليها مرة وحدة اذا بشتري اليونيفورم

 

[ReeMaN]

ماشالله عليج اختى مروو يعنى اسلوبكم مع وليدج واحسن اتسوين له فيلم رعب من الحكووومه .... وترى الامريكيه الدوليه منهجهم واااااااااااااايد صعب بنات خالتى عيالهم فيها قالو وايد ووايد صعب مع ان عيالهم ابتدائي بس مو ملحقين بالتدريس

 

[حلم الطفولة]

هاللوووووووووو ..

 

[حلم الطفولة]

ريمان اليوم آنا زايرتكم.. مو انتي !

 

[lyale]

فووووز بديت برزة الفيس ومريتهم وسالت عن عيالي ومادري الويتنغ لسته فيها 35 طالب يعني مو وايد بس هم مافي مجال الحين تقول لازم تنطورون احد يسحب وبعد قالتي لي اني اسجلهم ask ,او ais وهذول المدرستين الي نظامهم مقارب لمدرستهم بس انا محتاره لحد الحين لان مبانيهم قديمه انا يهمني المبني بالدرجه الاولي

 

[Fouz]

هاللوووووووووو ..

حياج الله حلم الطفولة

فووووز بديت برزة الفيس ومريتهم وسالت عن عيالي ومادري الويتنغ لسته فيها 35 طالب يعني مو وايد بس هم مافي مجال الحين تقول لازم تنطورون احد يسحب وبعد قالتي لي اني اسجلهم ask ,او ais وهذول المدرستين الي نظامهم مقارب لمدرستهم بس انا محتاره لحد الحين لان مبانيهم قديمه انا يهمني المبني بالدرجه الاولي

الله كريم و ان شاالله ربي يسهل الامور و يكتب لكم اللي فيه الخير وودي اساعدج بس فعلا ما عندي فكرة عن المدرستين ابد، بس توني قريت مشاركة من ريمان تقول عن شهس وايد صعبة و يبيلها مجابل بزيادة،، افتري بالقسم و شوفي شكاتبين بس نصيحة لا تصدقين كل اللي ينكتب اكو ناس تتكلم على الفاضي سئلي اللي عندهم عيال هناك مو سمعنا و قالولنا اخذي المعلومات من مصادر ثقة

 

[ReeMaN]

هلا والله حلم سوري امس نمت عيونى تخيطو حيااااااااااااااااج الله ياقلبي اتفضلي على القهوه التركيه :nbptr:

 

[caramella]

الشر ما ييج حبيبتي كاراميللا
تصدقين كلامج عدل شيوديني باجر خليها مرة وحدة اذا بشتري اليونيفورم

والله أحسن لج عشان ما تتمشورين مرتين آنا قالولي عادي المهم نهاية هالكورس إيينا الملف الصحي

 

[caramella]

هاللوووووووووو ..

حيالله من يانا
:33_1185028183:

 

[caramella]

حياج الله حلم الطفولة




الله كريم و ان شاالله ربي يسهل الامور و يكتب لكم اللي فيه الخير وودي اساعدج بس فعلا ما عندي فكرة عن المدرستين ابد، بس توني قريت مشاركة من ريمان تقول عن شهس وايد صعبة و يبيلها مجابل بزيادة،، افتري بالقسم و شوفي شكاتبين بس نصيحة لا تصدقين كل اللي ينكتب اكو ناس تتكلم على الفاضي سئلي اللي عندهم عيال هناك مو سمعنا و قالولنا اخذي المعلومات من مصادر ثقة

ليال آنا رايي من راي فوز 100%

 

[caramella]

هلا والله حلم سوري امس نمت عيونى تخيطو حيااااااااااااااااج الله ياقلبي اتفضلي على القهوه التركيه :nbptr:

بليز ريمان آنا بعد بس آنا أبي كراميل كريم فرابتشينو ولا عليج أمر
تدرين فيني يختج ما أحب الحار يصلخني لووول