تجمع امهات العالمية الامريكية

[Fouz]

هلا والله بيلا ، تصدقين الياهل كل شي يونسه، حبيبتي رادة مستانسة تقولين ياية من ديزني، ركبة الباص تفرق وياهم وايد

أقول بيلا عندي شوية اسئلة، بدزها لج على الخاص و بشوف رايج اذا ممكن

 

[Fouz]

هلا والله بيلا ، تصدقين الياهل كل شي يونسه، حبيبتي رادة مستانسة تقولين ياية من ديزني، ركبة الباص تفرق وياهم وايد

أقول بيلا عندي شوية اسئلة، بدزها لج على الخاص و بشوف رايج اذا ممكن


كاراميلا شخبارج، هذي اوراق الاسبوع

 

[ReeMaN]

سلام امهات شخباركم عساكم بخير ؟؟؟؟

ملكة مامات حياج الله وانتي صديقتنا الصدوقه من ضمن امهات العالميات انتى وليالي النحيسه مادري وين اتحوس هالبنيه مالها حس

بشرو امهات الكي جي 1 اشقالو عيالكم على الرحله ؟؟؟

 

[Fouz]

هلا والله ريمان

والله بنتي رادة مستانسة تقول ركبنا قطار والله توني ادري فيها قطار يمكن ما رحت لها من قبل الغزو، أهم شي انهم مشتطين و راكبين الباص و القطار والله لو احنا اللي مودينهم جان قالوا ويع و مو وناسة

 

[ReeMaN]

هلا فوز زين والله استانسو واشوه اليوم حر يعنى دفى عند البحر وزين يغيرون جو والله ....

ترا اليهال يستانسون اي مكان يودونهم لو مافي شي بس اليمعه اتونس كل واحد يطفر الثاني شكهم يونس

مروو انشالله بيسون يوم الرياضه بنادي السالميه حق الكي جي 1 و 2 من الثمان الى ال10 ونص شرايج تمرينا انتى وحفيدتج منها نتعرف

ومنها الصغيره تشوف اليهال يلعبون ويابنات انشالله تقابلون كاراميلا تكون راده بالسلامه انشالله .... بس مادري عن فوز تلحق الى هاليوم

والا لا الله يسهل عليها ويقومها بالسلامه ......

 

[Fouz]

ريمان المفروض ما أعدي 10 مارس حسب حسبتي و السونار، ان شاءالله اكون والدة، اليوم قلت حق ابوها ودها شكله ماله خلق، قلت له اذا الله قوم عمي بالسلامة ودها حرام لا أمها ولا أبوها، مع ان اختي ما تقصر بس ودي يكون اهو وياها لازم يحسون انهم يسوون شي كله شايلين ايدهم الله يهديهم

 

[mr000]

سلام أمهات اشلونكم ..بيلا صاجه آنا لاحظت الهاي سكول صارلهم كم يوم يلبسون لبس طلعه سألت ولدي ليش بس هم عندهم دريس داون داي وانتوا لأ قال لا بس الهاي سكول اللي يبي يلبس لبس عادي يدفع دينار والفلوس حق حفلة التخرج...اليوم يقول عطوهم ورقه عن السبورت داي بشهر 3.. وقبل لايراويني الورقه قالي ترى مابي أروح..وذاك اليوم يقولي فيه حفلة تخرج حق غريد 8 آخر السنه .. بس ترى مابي أروح..مادري اشسالفته هالولد ..أي شي فيه وناسه كله مايبي... خو هذيك المره رحلة حديقة الشعب غصب رضى يروح ..تذكرون العام قلت لكم مارضى يروح السبورت داي ولا الكرنفال...تصدقون صارت فيه عقده من كان صغير وهو بالتكامل أنه كل نشاط أو رحله المدرسين كانوا وايد يزفونهم وأول مايردون يعطونهم ديتينشن يقعدون بالصف بالبريك.. ويعطونهم واجب يكتبونه عقاب.. وينادون لهم الناظر يزفهم.. يعني ماتسوى عليهم الرحله علبو أكو صبيان شياطين.. فكان مايحب يروح الرحله أو يشارك بنشاط ..والله يوم الرحله يقعد الصبح يرجع واسهال وآخذ له طبيه وأغيبه..وليلحين كله علباله بيعاملونه بنفس الطريقه...الزبده أنه واعدني من ألحين مايبي يشارك!!

 

[سيدة الكويت]

السلام عليكم شلونج مرو شلون ولدج

واى يا درجات بنتى العلوم حده صعب ....بنتى تقول ما ادرى من وين الأمتحان ياى تقريبا 10 صفحات

مفكره انقلها حكومه بس اهيه مو راضيه على الأقل اسهل شوى بس خايفه من العربى

ومشكله عالعيال أهمال حدهم وما لهم خلق يدرسون وكل شئ لعب

احنا ندفع فلوس وعقب كيك بالشهايد كخخخخخخخخخخخخخخخخخخخ

 

[caramella]

السلام أمهات إشلونكم
أمس غطيت عنكم لأن حماي يايلنا من الكويت و لهينا معاه
عاد ريفيجتي تقوللي زين ييه حماج خل ولدج يستانس معاه قلت له إهو بس ولدي اللي إستانس كلنا إستانسنا لوووول و آنا اول وحده عيدت
عاد أمس قعدنا نقرق معاه وعليه دوخناه
مشكورين كلكم عالدعوه حبيباتي
لا تتشوقون وايد تشوفوني إسمي أبدا مو على مسمى النك نيم يشوق بس الشكل لأ
خليكم على مبدأ المهم الأخلاق
مشكوره فوز حبيبتي و الله يهون عليج يا قلبي إنشالله و تولدين ويقومج بالسلامه بتمامج ويقر عينج بشوفة بيبيج مشافى معافى إنشالله
ويشافي عمج إنشالله
مرووو أمبيه ولدج وايد سوت له مشكل هالتكامل ليش جذي حسبي الله عليهم يعاقبونهم (هاكم لا هناكم) يا حرام إهو المفروووض يحس بفرق المعامله في هالمدرسه و أتوقع ما يسوون جذي حق الطلبه بعد أي نشاط خل يشارك و إذا حس إن تضايق خلاص لا يشارك بعدها
ملكه حياج الله إنتي الداشه و إحنا الطالعين أفا عليج بس منوره التجمع
ريمااااااااااااااااان مبرووووووك الإشتراك يا عيني يا إي قو أموت عاللي يشبكون من السيارات و يسولفون من الدرايش بعد
بيلا وفوز عليهم بالعافيه عيالكم عالرحله أهم شي إهم مستانسين والله لما تشوفين الوناسه بعين عيالج تسوى الدنيا و ما فيها

 

[mr000]

سلام أمهات اشلونكم..الحمدلله أن عيالكم استانسوا بالرحله والجو زين حق الرحلات قبل لايبتدي الحر..والله ريمان ياريت أيي أشوفكم.. بس المشكله بنت ولدي ماتقعد قبل ال10 الصبح وأذا قعدتها مبجر راح ترد تنام لما نرجع تالي تأذي أمها وأبوها ماتخليهم يرتاحون عقب الدوام..كراميلا اشلونج شخبارج..والله كراميلا ولدي الحمدلله مرتاح نفسيا من المدرسه ألحين وفرقت عليه المعامله وايد بس ليلحين أحس فيه خوف من المدرسين..فوز الله يهون عليج بالسلامه.. وإذا على الأبهات والله صج حلو أنهم يشاركون عيالهم لايتعودون كلشي عالأم.. ريلي مايعرف حتى ولدي بأي صف بالضبط... ألحين الصغار بنفس اليوم مع الكبار بالسبورت داي؟؟

 

[mr000]

سيده ميخالف ترى كلهم جذي مره زينين ومره يخورونه.. ذاك اليوم ولدي هم سواها بالسوشيال لا وكان أوبن بوك تست يعني المفروض اييب درجه زينه وهو يايب 10 من 30 لان حضرته علبو اوبن بوك تست واستهان بالدراسه..والفتره اليايه كلها امتحانات ومتحلفه فيه أن رد زفت بامتحان ياويله ..وخنشوف النتيجه...بصراحه عيالنا مايدرسون عدل..ذاك اليوم بالاجتماع مدرس السوشيال يقولي كل أسئلة الأمتحان يايبها من الهوم وورك ومن الدرس ماكو شي غريب عليهم..أقوله المنهج صعب عليهم.. يقولي عيل ماشفتي شي منهج الثنويه مترووووووس شنو راح يسوي بغريد9 إذا هذا صعب..آنا قلبي طاح في بطني من قالي جذي.. شكلي سنه اليايه بستخف منه!! والله مادري يمشي بالثانويه وإلا لأ..صج خايفه..

 

[سيدة الكويت]

شلونج مرو ....ما تعرفين نسب القبول؟ مفكره ادخلها الأنجليزيه للبنات سمعت اسهل بمرها اشوف بس ما ينزلزنها سنه؟؟ولا عادى

على قولتج شلون الثانوى ؟؟؟شلون راح ايبون نسب؟؟والله اعرف وحده يايه من مدرسه ثانيه بمدرستها طالعه الأولى اهنيه ساقطه بالعلوم والرياضيات....امتحناتهم حيل صعبه حتى اهيه دارسه ومدخلتها تقويه ...الأمتحان مو دايركت.......وريتها كتب الحكومه يا حلوهم ضعاف يونسون مو احنا نفس حجم ملوت الجامعه المهم اذا عندج فكره بالأنجليزيه للبنات؟؟ لآنها ما تبى حكومه

 

[mr000]

والله سيده مادري بنت عمي بالعكس طلعت بناتها من الانجليزيه للبنات ودتهم أمريكيه مع إن نزلوهم صف بالأمريكيه تقول الانجليزيه تغير مستواها عن قبل بعدين إنتي لاتودينها نظام انجليزي بالعكس تشوفين الأهالي قاعد ينقلون عيالهم مدارس أمريكيه حق الثانويه النظام الانجليزي بالثانويه أصعب امتحاناتهم توصل من بريطانيا ومايحسبون درجات شفوي وبحث وكويزات فخليها بأمريكيه! شوفي الأمريكيه للبنات أو التكامل يمكن امتحاناتهم أسهل! حاولي تسألين بنات الثانويه عندهم!

 

[mr000]

أمهات العالميه أشلونكم شخباركم!

 

[ReeMaN]

صباح جمعه مباركه يارب ...

شلونكم امهات العالميات عساكم بخير؟؟

فوز الله يسهل عليج يارب وجا انج خوش بنت تولدين يوم 11-3 عشان يصير عيد ميلاد البيبي معاي

:friends: :happybday:

مروو حسبيالله على التكامل عقدو الولد المسكين بس ماعليج انشالله يروح عنه هالتعقيد بس انتى ضغطي عليه وغصبيه :23_asmilies-com: وخليه يروح

شجعيه قولى له ربعك بيروحون وراح تستانسون ويصورونكم ويحطون الصور باليير بوك ....

ماعليكم من خرابيط كاراميلا ترا اهى اسم على مسمى صج تهبل ماشالله هالبنت كاراميلا :sfg:

 

[mr000]

أهلين ريمان اشلونج ! والله ريمان راح زمن اللي نغصبه أو نساحله ألحين كبر ولي قال مابي خلاص بعد إلا إذا هو بروحه غير رايه أو ربعه قالوله تعال!

 

[mr000]

أمهات محد فيكم موجود بالأفنيوز ؟ وناسه شبكت بالنقال من بنكبيري والله شبك عادي...

 

[caramella]

مروو عليج بالعافيه الأفنيوز و بينكبيري أسمع وايد ناس يروحون له بس آنا ما رحت له
إهني في واحد طقته فروزن يوغرت بالوست فيلد بس له إسم ثاني ما اذكر شسمه نسيت
ريمان تسلمين على الكلام اللي يفتح النفس

 

[سيدة الكويت]

مشاء الله عليج كشخه مرو ....شريتى بلاك بيرى :sfg:

شكلى خلاص بخليها ....لأن حكومه ما تبى ...وخاصه من صغرها بخاص يعنى متعوده على الأنجلش

بس هالعيال ما يعطون من قلبهم ....يعنى الأمتحانات تبى دراسه ومجابل:23_asmilies-com:

تدرين أحنا تاسع عندنا أولى ثانوى ...ويجمعون نقاط ...أنتى اى صف يبدون الثانوى......؟؟؟







:nbvppw:

 

[mr000]

أهلين سيده ..لا والله ماشريت بلاك بيري نقالي نوكيا عادي بس يشبك بأي مكان فيه انترنت..النظام الأمريكي الثانويه تبدي من غريد 9 حتى مدرستنا مثلكم بس النظام الأنجليزي من 7 !!