تجمع امهات العالمية الامريكية

[bella bambina]

صباح الخير أمهات اشلونكم واشلون عيالكم ؟
اليوم غيبت بنتي و بنت اختي اللي بالكي جي بيطلعونهم مع بداية الزحمه مادري شالفايده واحنا بيتنا ببيان يعني بننحكر بحولي بس عيالي الكبار وديتهم

 

[caramella]

صباح الخير أمهات
بيلا اليوم لما قطيت ولدي الصبح قالت المدرسه المساعده إن الساعه 11 بيطلعونهم مو مثل ما قالوا أمس عالساعه 11.30
والله آنا الله يسلمج ساكنه بجنوب السره و بيسكرون الشارع اللي يوصلني في شقتي
باخذ ولدي و بقعد عند أمي لأن بيتها قريب عالمدرسه أبدله و أغديه وإنريح عال 3 أرجع شقتي تكون الشوارع إفتحت وخفت الزحمه

 

[mr000]

سلام أمهات اشلونكم! أتوقع الساعه 4 ماكو زحمه لما آخذ ولدي من المدرسه!بيلا زين سويتي يوم واحد مايأثر! سكتوا آنا من الصبح طافره من الخدامه اليديده غبيه ودي أحذفها من الدريشه

 

[Fouz]

السلام عليكم
شلونكم أمهات
والله انا وديت بنتي و طلعت على 11:25، كاراميلا انتي متى خذيتي ولدج لأن الباب ما كان مفتوح على 11، بيلا صاجة اذا بيتكم ببيان بتنحكرين بعز الزحمة
مرو الله يوفق ولدج ان شاءءالله و يعينج على غباء الخدم صج يرفع الضغط، بس تدرين مراجعتي اللي فاتت ريلي قال حق الدكتور اني وايد عصبية و خصوصا مع الخدامة والله الدكتور قالي طلمة و اقنعني قالي لو ما كانت حدود عقلها بسيطة جان ما صارت خدامة فأكيد معدل ذكاءها بيكون مو مثل ما نتوقع
بس تبون الصج يا حلو الشوارع اليوم وناااااااااااسة ماكو زحمة، وصلت بنتي البيت و رحت الدوام عندي اجتماع و طلعت من الاجتماع على الوحدة و عشر ووصلت البيت بأقل من 5 دقايق ماكو أحد كلش

 

[mr000]

يعني تتوقعون الشوارع موزحمه مايحتاج أطلع له مبكر آنا العاده أطلع 3 ونص من البيت بس اليوم ريلي يقولي طلعي 3 لاتتأخرين عليه!جنه ماله داعي! فوز آنا كلش ماطلبت منها شي صعب وهي تعرف عربي قلتلها لاتشغلين مكنسة الكهربا بالصاله لأن ولدي راد من الدوام متأخر ونايم بس وديت ولدي المدرسه ورجعت الا هي مشغله المكنسه وتسحب بالقنفات وازعاج وتقرق مع الخدامه الثانيه وهذيك مويمها وحده بالطابق الفوقي ووحده تحت وتسولف بصوت عالي.....لوماتعوذت من ابليس جان طقيتها!

 

[caramella]

هلا والله
فوز طلعت الأبله مضيعه لووول ولما رحت بال 11 قالولي 11.30 بس تالي فجوا الباب 11.17 وأمبيه وايد مغيبين عيالهم صاجه اليوم الشوارع فاضيه بس رحت بيت أهلي طلعت بال 2 على فحيحيل كان زحمه و تنرفزت ووصلت الشقه 2.45
لاحظت إن وايد اليوم مغيبين عيالهم
الله يساعدج يا ممرووو عالخدامه

 

[Fouz]

شلونكم أمهات

مرو الله يعينج يا شين الغباء و جنهم يعاندون قطيعة ، اللي عندي جنها تمثال والله الصبح اموت على ما ابدل بنتي و مع الثقل القومة و القعدة و التجندس يذبح بس اهون عندي من غباءها و برودها

كاراميلا صاجة وايد مغيبين عيالهم، اليوم اختي ردت من امريكا و تأخرت عندها مفكرة أغيب بنتي باجر اخاف ما تشبع نوم

 

[Fouz]

ريمان وينها؟؟؟ طولت الغيبة مو عوايدها كلش

 

[mr000]

سلام أمهات اشلونكم

 

[bella bambina]

صباح الخير أمهات اشلونكم واشلون عيالكم ؟
أمس غيبت بنتي وبنت اختي قعدو بالبيت وطفرو القطوة فاليوم وديتهم المدرسة حرام كسرت خاطري وعيالي الكبار شغالين امتحانات هالأسبوع

 

[mr000]

سلام أمهات اشلونكم اليوم طريق الملك فهد كان عادي مو زحمه وصلنا بسرعه بس طريق فحيحيل بنتي تقول زحمممممه ماقدرت توصل حق محاضرتها مالت الساعه 8! اليوم آخر امتحانين حق ولدي ساينس وماث اشكثر وصيته لايستعيل علبو بيفتك لأنه هذا طبعه وباجر بيودون أكل بيسوون بارتي قبل العطله!بيلا عيل الله يعين قطوتكم لي 4/1 بس يامعوده خل نفتك شويه من التوصيل يعني( بابو وراجو خل ياخذون أجازه)

 

[bella bambina]

هلا والله مروو صاجه نرتاح من التوصيل و أطلع حق الدوام على راحتي والله يعين الخدم والقطوه تصدقين بس تدش دلول البيت تنخش القطوه تحت أي سرير ما ترتاح الا لما دلول تنام بالليل فقيرة تطلع وتتمشى على راحتها
والله يعين موبايلي كل دقيقة بيدقون يحنون

 

[mr000]

سلام أمهات اشلونكم!اشفيهم هذيله المدرسه قطع أجلوا الأمتحانات لي باجر والساينس بعد العطله انزين اشلون بعد العطله والريبورت باجر مادري الخميس؟ عاد بقينا نفتك اليوم وولدي ناطر يبي يطلع!!أي صاجه بيلا آنا أول لما كنت أداوم وولدي صغير كنت أتضايق لما يكون عنده عطله وآنا بالدوام وهم أجازاته مو مع أخوانه تالي بالتكامل صارت أجازته مع أخوانه!

 

[سيدة الكويت]

شلونج مرو شخبارج ...شلونكم بنات العالميه

مرو ............شلون عيال العالميه تحسين يرطنون انجليزى ومدرسينهم كلهم امريكان

والعربى قوى ولا ضعيف؟؟

 

[mr000]

سلام أمهات اشلونكم!شنو سالفة باجر دريس أب داي مو دريس داون يقولي ولدي مايصير نلبس جينز أولبس كاجوال... عيل اشيلبسون؟؟ياربي ريمان وينها ... كلش موعادتها... ان شاءالله لاهيه بالخير!! والله سيدة الكويت آنا ماأقدر أقيم المدرسه كلها لأنه ولدي توه ثاني سنه فيها ومادرس فيها من الروضه.. بس مقارنة بمدرسته الأوليه الطلبه بالعالميه يتكلمون داخل المدرسه بالأنجليزي مع بعض حتى الصغار ووايد منهم أشوفهم وهم طالعين مع أهلهم بالهده يكلمون أهلهم بالأنجليزي!والعربي أكيد مو نفس مستوى الحكومه مادري عادي حالهم حال المدارس الأجنبيه!

 

[سيدة الكويت]

ثانكس مرو

الله يوفق ولدج وتشوفينه بروفسير

 

[caramella]

السلام أمهات
إشلونكم
والله اليوم الوضع الحمدلله زين ردينا البيت بال 12 وما في زحمه و ما صكوا الشوارع إلا العصر الظاهر
مرووو الخميس بيجاما دي حق الكي جي وبيبون لهم سانتا
بس آنا بيب ولدي بس نص ساعه وباخذه وبروح المطار
لأني already بمر بيت أهلي بقط خدامتي وبطريجي بمر عالمدرسه أقطه نص ساعه على ما أقط الخدامه عند أهلي و أرد آخذه عشان ما ودي يكثر غيابه خل يحسبون له الخميس حضور

 

[Fouz]

صباح الخير
شلونكم أمهات ان شاءالله بخير
كاراميلا شنو بيجاما داي انا ما عطوني ورقة أمس احتمال يعطوني اليوم، بس سنو سالفة هاليوم ماني فاهمة

 

[bella bambina]

صباح الخير أمهات
فوز قالت لي مس مروى اليوم ان باجر الكي جي يلبسون بجامه وتكرمون جوتي عادي مو سلبرز مال بيت والبجامه مو قطعه وحده وطلعتهم مبجر 10:45 وراح اييبون سانتا كلوس أكيد اييب لهم هدايا وصف بنت اختي الحضانه وعيالي الكبار قالو لهم كل واحد اييب معاه شي بطاط أو دونت أو بيتزا أو كب كيك أو فطاير وما ييبون معاهم لنش بوكس مادري عن صف دلول ما قالو لهم شي آنا بفك عمري وباخذ لهم اربعتهم بطاط

 

[bella bambina]

اتذكرت مرة بنتي الكبيرة لما كانت بكي جي شافت واحد من المدرسين واهو يلبس ملابس سانتا كلوس وقالت حق عيال الصف وواحد منهم وايد تأثر وقام يبجي لأن المدرس هذا أبوه وكان حسباله ان صج راح اييلهم سانتا
والحمدلله والشكر ولدي يقول حق أبوه دق لي على سانتا لأني مابي اييب لي شي ما أحبه ولما كان بكي جي 1 كان يبي قاري وراح أبوه وشراها له زعل كان يبي الهدية من سانتا مو منا احنا وعيزنا كل سنه نفهمه ان سانتا مو صج واحنا نييب لك أي شي تبيه ويرد يضيع وايد على نياته بس الكبيرة واهي بالحضانة فاهمه السالفه