تجمع امهات العالمية الامريكية

[mr000]

سلام أمهات اشلونكم! فوز اشلونج شخبارج!

 

[Fouz]

هلا والله مرو انا بخير الحمدلله، الامهات مالهم بينة هاليومين الظاهر لاهين بالويك اند

 

[caramella]

اإشلونكم و شخباركم
ريمان بليز طمنينا عليج
إشلون الويك إند معاكم؟
أمس طلعت الصبح و شعري رطب و مسكني صداع لي الليل آنا إذا سبحت أيام البرد لازم أنشف أذوني و شعري ولا أتعب حيل

أمبيه ما بقى شي عالسفره و لي الحين ما جهزت شي لازم أبلش اليوم

 

[mr000]

سلام أمهات اشلونكم! كراميلا آنا عندي نفس مشكلتج بس آنا يحوشني عوار بأذوني يخلي نص ويهي كله يعورني عاد ولدي يخوفني أزيد يقولي بالشتا وايد أيونا بالمستشفى ناس حايشهم اسم الله عليكم بوويوه من سبة البرد فصج قمت أخاف أطلع وشعري رطب! يعني بلندن على بردهم ماأشوف يحوشهم بوويوه!!

 

[caramella]

سلام أمهات اشلونكم! كراميلا آنا عندي نفس مشكلتج بس آنا يحوشني عوار بأذوني يخلي نص ويهي كله يعورني عاد ولدي يخوفني أزيد يقولي بالشتا وايد أيونا بالمستشفى ناس حايشهم اسم الله عليكم بوويوه من سبة البرد فصج قمت أخاف أطلع وشعري رطب! يعني بلندن على بردهم ماأشوف يحوشهم بوويوه!!

هلا والله مرووو حتى آنا من أذوني تكون رطبه يخلي ويهي كله يعورني لي درجه إن عيني ما أقدر أبطلها
إمبلا مرووو آنا تحوشني هالسالفه بلندن بالشتا مستحيل مستحيل أطلع بدون ما انشف شعري وانشف اذوني و احط فيها قطن بعد بديت احط قطن عندهم لأن ماكو فايده بس تنشيف

 

[mr000]

تصبحون على خير!

 

[caramella]

صباح الخير أمهات
موضوعنا بالصفحه الثانيه لا وألف لا
وينكم ياالربع جنه الموضوع هالأيام صاير صخه
شكلكم ما راح تردون إلا بعد إجازة كريسمس

 

[bella bambina]

صباح الخير يا أحلى أمهات
كراميلا بالويك اند ما أبطل اللاب توب لأنه لاب توب بنتي و أغلب الوقت يكون عندها أو نكون طالعين وريلي طفارته يشوفني ماسكه اللاب توب

 

[mr000]

سلام أمهات اشلونكم

 

[Fouz]

صباح الخير أمهات شخباركم؟

 

[bella bambina]

هلا والله مروو وفوز اشلونكم ؟

 

[Fouz]

الحمدلله بخير بيلا، حطيتي حق دلال أغراض بحرف A تصدقين ما فتحت الفولدر الا الفجر و حطيت لهاapple o alligator

 

[bella bambina]

اي حطيت لها apple & ant

 

[mr000]

الله يعينا باجر عالزحمه ولدي عنده تيوترينج مادري اشلون الوضع الساعه 4!ألحين الله يهدي المدرسين عندهم من الأحد لي الأربعا ومكودين الأمتحانات كلها بيومين الأثنين والثلاثا كل يوم مادتين هذا بعد زين ساعات 3 امتحانات والله من الخميس مخليته يدرس لي البارحه

 

[Fouz]

شلونج مرو، عسى الله يوفق ولدج بامتحاناته

اليوم عطونا ورقة ان الاثنين و الثلاثاء الروضة يطلعون 11 و نص و حتى الطلبة اللي يروحون بالباص يطلعون 11 ونص، و الاربعا دوام عادي و الخميس يطلعون 11 الا ربع، ما قالوا لكم شي عن المراحل الثانية؟

 

[mr000]

لا والله فوز ماقال لي خل أتأكد منه العاده هو عنده هالأخبار أهم من الامتحانات والدرجات سيده يبشرنا فيها إن الدوام قصير أو عطله اليوم بس قالي مدرس الماث بيتغير بعد الكريسمس ودوه حق غريد 6 وبتدرسهم بداله مدرسة العام هذا من حنتي الظاهر

 

[mr000]

بس تدرين مو شي إذا باجر الدوام قصير معناه ماكو تيوترينج وإحنا معتمدين عليه يدرسه حق تست الثلاثا

 

[mr000]

فوز سألت ولدي الدوام عادي عندهم ماغيروه

 

[Fouz]

أهلين مرو

الظاهر تغيير الدوام بس حق اليهال بس ، و الحمدلله انهم بيغيرون المدرس علشان ولدج يرجع حق مستواه اللي كان فيه السنة اللي فاتت

 

[mr000]

سلام أمهات اشلونكم! فوز عاد تصدقين بهالفتره المدرس صاير وايد يهتم بولدي ويوصي عليه مدرس التيوترينج ان يركزله عالأشياء المهمه حتى درجاته بآخر امتحانين وايد أحسن بس هم ميخالف خل تدرسه مدرسة العام لأنها شديده وتعطي امتحانات تخليه يدرس عدل غصبا عليه!