تجمع امهات العالمية الامريكية

[Fouz]

نواري والله ما عندي فكرة عن المدرسة

مرو حتى المتوسط في تسرب مدرسين؟؟ شالسالفة و بعدين الصغار ما يطوفهم شي بس الكبار يكونون تعودوا على طريقة الشرح و المتحانات صج الله يعينهم شغلة غريبة يعني حتى لو اكو شكاوي ما يمدي خاصة بالنسبة لنا بالروضة توهم بسم الله مداومين و الله اني منغثة لان المدرسة هذي بالذات بنتي تحبها

و بالنسبة حق سمعة المدارس مرو اللي تسمعينه غير اللي تعايشينه بنفسج، العالمية شكثر وصلوها السما و هم ما تخلى من العيوب حالها حال باجي المدارس، بس اللي يلوع الجبد بيزيدون الرسوم و اهما مو قادرين يوفرون مدرسين من بداية السنة الى نهايتها!!!

بالنسبة للزحمة انا طريجي ما يمر على الشوارع المسكرة أمس فالحمدلله ما عانيت منها أبد

وين أمهاتنا اليوم؟؟؟ صخة ماكو أحد من غير شر

 

[Fouz]

انا أستأذن عندي موعد طبيب بعد نص ساعة

نشوفكم بالليل اذا الله كتب، مع السلامة

 

[bella bambina]

مساء الخير أمهات اشلونكم ؟
فوز صارت هالشغله لما كانت بنتي الكبيرة بالروضة تهاوشت المدرسة مع الادارة ومشو المدرسة وحطو المساعده المكسيكية بدالها وكانت المدرسه تدري ان بنتي وايد تحبها فدقت علي تودعها واحتريت فجمعت كذا أم ورحنا كلمنا نورة الغانم وما كانت متعاونه وبما معناه الجود بالموجود واللي مو عاجبه يطق راسه بالطوفة وبعد فترة رجعوها نفسها فوديت حق نورة الغانم ككاو عشان لانت
عاد اليوم دلول كانت مستانسة ان عطوهم هدايا
عموما اللي بالجدر يطلعه الملاس باجر بسأل ليش مشوها المشكلة آنا ما أحب تغيير المدارس ووايد من أهلنا فيها ومتخرجين منها وبنتي الكبيرة متعودة على رفيجاتها من الحضانة ولما العام كنت متهاوشة مع المدرسة كانت تقول لي اذا بتنقلين أخوي آنا لا تنقليني

 

[bella bambina]

مروو آنا أمس طلعو بنتي وبنت اختي من الروضة الساعه 1 تغلغصنا بالزحمة ووصلنا 2:20 خذوهم الخدم وما مداني حتى أنزل أصلي رجعت خذيت عيالي وعيال عمتي يطلعون 2:30 ووصلنا البيت 3:40 وبس وصلت البيت مسكني صداع قوي ما راح الا اليوم الضحى من كثر ما تنرفزت من الزحمه والله ما عندهم سالفة بلا بروفة بلا كلام فاضي يغيبون عيال المدارس يومين القمه ويفكونا

 

[bella bambina]

على فكرة فوز مس سيسي الفهد كانت أيام بنتي الكبير مساعدة وحتى مس ساندرا الحين صارت مدرسة ومدرسة بنتي اللي الحين تدرسها بخامسة كانت قبل كم سنه مدرسة روضة بس الحمدلله قوية

 

[mr000]

بيلا آنا ريلي يحاتي يومين المؤتمر يقولي خل يغيب قلتله لايمكن عنده امتحانات وحتى التقويه مابي يفوتها علشان الامتحان يقولي عيل بنام بالسياره مثل الهنود عند مدرسته لي يخلص الساعه 4 يخاف يتوهق بالزحمه

 

[bella bambina]

مروو وصلني خبر من خدمة بو راشد الاخبارية ان وزيرة التربية تبحث تعطيل المدارس القريبة من موقع القمه لمدة يومين ما أدري اذا الخبر صج واذا الوزيرة توافق ألأغلبية بيغيبون عيالهم فتفضى الشوارع حقنا لأن من المستحيل مدرسة عيالنا تعطل واذا ما صار جذي شكلي باخذ اليهال ونظل بمجمعات حولي ليما يخلصون قمتهم

 

[mr000]

بيلا آنا ريلي يقولي اشلون اذا الوزاره عطلت المدارس قلتله ألا مدرسة ولدك ماراح تعطل وبعدين اشلون على الأمتحانات أعتقد في ريبورت قبل الأجازه والأسبوع الياي كله امتحانات بالذات الأثنين والثلاثا حتى آنا قلت حق ولدي أدرس عدل بالويك أند احتمال يجدمون الأمتحانات يخلونها الأحد!والله آنا أقترح على اللي عيالهم بالروضه وتحوشهم الزحمه أنه ياغيبونهم يوم المؤتمر أو طلعوهم مبجر من ال11ونص قبل الزحمه أحسن من تتأخرون عليهم بالهده!

 

[mr000]

هلا نواري اشلونج عذريني سوري توني أشوف اللي كتبتيه !والله ماأعرف هالمدرسه بس هي اللي يسمونها مالت السفاره ولد عمي العام تخرج ولده منها وراح يدرس في بريطانيا بس بصراحه ماأعرف مستواها ولما كنت أدور مدرسه حق ولدي قبل لاأنقله العالميه كلمت عمته فقالتلي المدرسه وايد فري وانها ماحبت تودي عيالها فيها وعيالها 4 تخرجوا من العالميه ومدحتها لي وايد وهذا اللي خلاني نقلت ولدي لها حتى ألحين مسجله حفيدتها بالنيرسري تقولي مانفكر بمدرسه غيرها!عموما المدرسه أعتقد فيها نسبة أجانب وايد!

 

[caramella]

السلام أمهات
إشلونكم ؟؟؟
مالت عليهم و على بروفتهم حكروا الناس بالشوارع عالفاضي يعني إزهبون الدوا قبل الفلعه لما الناس تفلعت والله إقهروني
إقول ريلي 50 دقيقه من الشويخ لي مدرسة ولدي
وصل حق ولدي 1,10 كسر خاطري ولدي ما أحب نتأخر عليه وغير جذي ما وصلوا البيت إلا عالساعه 3 ولا ريلي طاق رصيف بعد عشان يبعد عن الزحمه
آنا بيت أهلي حيل قريب من المدرسه إنشالله هاليومين اللي فيهم القمه أقطه المدرسه و أنطر في بيت أهلي تالي آخذه و نرد بيت أهلي أرد الشقه العصر ما يسوى علي الحكره الصراحه
بيلا و فوز ضاق خلقي على سالفة مدرسة بناتكم مو خوش خبر الصراحه ليش جذي الله يهديهم و يصلحهم يالله اليهال تأقلموا مع المدرسه إقومون إمشونها ومدرسه وحده ما تلحق وغير جذي متى بيدبرون لهم بديل
إنشالله ترجع مره ثانيه
فوز إنشالله مراجعه روتين وما فيج إلا العافيه
ريمان وينج غاطه هالأيام عساج لاهيه بالعافيه
إشلون ولدج مع مدرسته إنشالله مرتاح؟؟؟؟ وما تذكرين منو المدرسه اللي كانو يمدحونها حق كيجي 2 آنا والله سألت ولية أمر بالهده قالت مس ساندرا
مروو الله يوفق وليدج بالإختبارات إنشالله يبيضها
نواري المدرسه الأمريكيه في الكويت رفيج ريلي متحرج منها ويمدحها وحتى ريلي وايد يمدح شخصية رفيجه بس دارس فيها من زمان الحين الريال يشتغل فما أدري إذا الوضع لي الحين على حاله

 

[Fouz]

شلونكم أمهات

توني قاعدة أفكر بأسباب التسرب، الظاهر والله العالم ان المدارس الثانية تعطيهم مميزات أكثر والا ليش يطلعون؟؟؟ تبون الصج انا متكدرة لان بنتي تقول يمكن باجر مس ميرنا تصير زينة و تداوم لانهم قايلين حق اليهال انها مريضة،، الله يعين

بيلا شنو كانت جنسية المدرسة اللي طلعت و ردت وما عرفتي شالسالفة؟؟ اليوم شفت مدرسة يديدة بالصف و بنتي تقولي حلوة هههه عجبتها مادري شسمها ولا شنو جنسيتها، بس باجر ان شاءالله بسولف ويا مس مروة بشوف منو بيساعدها خاصة انها بروحها وين تقدر تتابع اليهال

مرو صاجة كل الكويت تعطل الا هالمدرسة، و توني اشوف اجازتهم قصيرة مو مثل باجي المدارس الاجنبية، بس يمكن لانهم يعطلون مبجر قبل الكل

بصراحة سالفة الزحمة تييب المرض، بالايام العادية أكره عمري حزة طلعة اليهال لان حولي منطقة ما تعرف القانون كلمن يلف عليج و اللي ملتزم بالقامون و بالدور يطلع اهو الغلطان، ماني متخيلة شنو بيصير يومين المؤتمر، انا بالنسبة حق طريجي الى المدرسة مافيه مشكلة بس العلة و انا طالعة منها واااااااي أكره عمري

كاراميلا اي والله مراجعة عادية بس قالي حطي بالج على وزنج بمووت من القهر والله اني احاول كثر ما اقدر ما اخربط و زيادة وزني مو طبيعية تضيق الخلق انا بروحي مطنقرة، رحت ادفع باجي الرسوم عاد موظفة الاستقبال طلبت مني البطاقة المدنية و يوم بطلع رحت استلمها جان تقولي ماشاءالله شكلج وايد غير بالصورة وااااااااااااااااااااااااي ما تبي تحبطني يعني تقولي شمتنج،، جان اقولها حامل اكيد بكون غير عاد مع انها حبوبة بس انا طنقرت وزعلت افففففففف

 

[mr000]

ريمان وينج من غير شر... قمنا نحاتيج... مري بس طمنينا عليج....كراميلا اشلونج... شوفي هي سالفة تغيير المدرسين حاشتنا وايد بمدرسة ولدي الأوليه وكل مدرسه أروح لها أسألهم اشلون وضع المدرسين عندكم يتغيرون وألا لأ طبعا كلهم يقولون لأ.... بس آنا ماتوقعت حتى بالعالميه عندهم هالمشكله وبهالدرجة يعني بين يوم وليله يختفي المدرس ...مايصير جذي كل مدرس له طريقته بالشرح والأمتحانات ويعرف مستوى الطلبه بالصف تالي فجأه يروح واييهم واحد ثاني... مثل ماقالت فوز المدرس لازم يلتزم أنه يكمل السنه الدراسيه... العام مدرس العلوم قالهم آنا حصلت عقد بمدرسه أجنبيه بمصر وهناك الطلبه شطار ومؤدبين واييبون درجات عاليه وبس هدهم وراح قبل نص السنه وألحين بعد مال العلوم الأردني مادري اشسالفته بيروح مع الكريسمس هذا قلعته مو متحسفه عليه لأنه نص شرحه بالعربي حتى ولدي موفاهم له !بس أعتقد هالمشكله موجوده بأغلب المدارس والمهم أنه الصف مايظل بدون مدرس ولايوم واحد على طول أييهم مدرس ثاني آنا مر علي بمدارس ثانيه أحيانا يظل الصف فتره بدون تدريس عدل يعني أسبوع كله احتياط وأسبوع كل يوم مدرس غير ومره يدرسهم ومره بس يقولهم قعدوا أقروا الدرس أو حلوا أسئله يعني مقارنة بالمدارس اللي جربتها الوضع شوي أحسن بالعالميه!!

 

[mr000]

فوز لا والله أعتقد المدرسه تعطيهم معاشات زينه مدرس الأنجلش قايلهم معاشي 860 دينار ومسكنينهم بالعماره اللي ورا المدرسه أجارها عالمدرسه وآنا أشوف الأثنين والخميس في باص ياخذ مدرسين الساعه 4 فيقولي ولدي أنه مدرس التيوترينج قايله الباصات يودونهم الأفنيوز والسالميه لي ال7 بالليل واللي يبي يتأخر أكثر كيفه يرجع بتكسي!بس آنا أشوف دوامهم طويل يعني المدرسين كلهم مايطلعون ألا بعد الأنشطه والتيوترينج يعني يالله بال4 ألا ربع حتى الأداره بينما بمدارس ثانيه شايفتهم يطلعون سيده ورا الطلبه وهم ترى المدرسين يداومون السبت بالعالميه مادري عن الكي جي بس آنا شايفه الميدل سكول يداومون يعني الظاهر المدرسه كارفينهم! بس والله آنا أذكر لما نقلت ولدي ورحت أخذ ملفه من التكامل سألتني مدرسته أمريكيه وين بتودينه قلتلها اليونيفيرسال قالتلي مدرسه ممتازه وقويه كنت فيها 8 سنين وندمت أني طلعت منها و بالتكامل حدها سنتين وتركتها!!

 

[mr000]

فوز ماعليج من كلام أحد لاتضيقين خلقج بعد شتسوين ان شاءالله لما تولدين بالسلامه عادي تسوين ريجيم والوزن أساسا ينزل بعد الولاده انتي بس ديري بالج من الحلو عن السكر!آنا تلاقيني ألحين سنه نازل وزني من غير ماأخطط حق ريجيم ولاشي وسنه أرد أنتفخ والكل يقولي سامنه ياربي بعد الجسم مع العمر كلش مايحرق بس يخزن! عاد للأسف هالسنه وزني زايد!!

 

[mr000]

تعبت من القرقه!

 

[Fouz]

عيل الاحتمال الوحيد انهم ينحاشون من الكراف و طول مدة الدوام، هم سبب وجيه يخليهم يدورون مكان أريح

والله يا مرو مالنا الا ندعي ان الله يسخر حق عيالنا المدرسين اللي فيهم الخير

 

[Fouz]

اي مرو طيبي خاطري لاني طنقرت، المشكلة بالسكر و انا صايمة يكون 3.9 يعني أقل معدل بس مجرد ما اكل يرتفع بس الحمدلله يرجع ينزل عقب ساعتين بس اليوم الدكتور قالي اذا كلتي كاكاو وايد الياهل يطلع كبير و الولادة ما تكون متيسرة ،، عكس بنتي بعد قلبي يبتها كيلوين و ربع، فمن الحين شلت الكاكاو من ويهي عاد أمس ريلي يايب لي قوطي ماكنتوش من كبره ودج تسبحين فيه، بس من الخوف وخرته عن ويهي و قالي تعالي بعد اسبوعين نسوي تحليل ثاني

انا مشكلتي بالحمال واايد ازيد بس بالنفاس انزل لان كله ماي، اذكر في بنتي نزلت 13 كيلو بالنفاس بدون ريجيم بس من ولدت سبحان الله احس كل يوم جسمي ينزل

يا كره المتن استغفر الله يهد الحيل و يكبر و يجكر يعني كل مساوئ الدنيا، ان شاءالله أضعف انا و اللي وده يضعف بصحة و عافية

 

[Fouz]

يالله مرو انا أستأذن تصبحين على خير يادوب نشبع نوم، نشوفكم باجر ان شاءالله

 

[Fouz]

صباح الورد عليكم كلكم

شخباركم كاراميلا مرو و بيلا ان شاءالله بخير

ريمان وييييينج؟؟ عسى ماشر صج فقدناج

بسكوتة هم غاطة صار لها مدة

بيلا الصبح قعدت أسولف ويا مس مروة و قالت لي لا تحاتين و الحين عندي مساعدة و اوعدج ان بنتج راح تستمتع بالصف و من هالكلام، عاد نشوف اليوم اذا ردت بنتي من المدرسة شنو انطباعها

 

[bella bambina]

صباح الخير أمهات
فوز كانت الأبلة أمريكية و زوجها كويتي اسمها كولين العجيل بس اتركت المدرسة وراحت أمريكا مع عيالها يدرسون بالجامعه
حتى ناظر الابتدائي مستر ديف بس قعد العام بالمدرسة والسنه راح ais عاد والله حسافة عليه عيالي كانو يحبونه ولدي بس يشوفه يلمه لما شفناه السنه صدفة قامو يصارخون وقال لي وين ما أروح عيال ال uas ينادون اسمي بس ما أدري ليش انتقل