تجمع امهات العالمية الامريكية

[mr000]

كراميلا تروحين وتردين بالسلامه البارحه ولدي رد من دبي يقول تونس ماينمل منها وعلى فكره الجناط الماركه هناك تحصلينهم بأسعار حلوه خاصه أذا تنزيلات بنتي لما راحت شافت جنطة فندي ب120 وليلحين متحسفه أنها ماشرتها تقول ماشفت نفسها هني!ولاحظت شغله أنه ككاواتهم اللي من المطار ككاوات لندن بصراحه لذيذه!

 

[bella bambina]

صباح الخير أمهات
كراميلا آنا ما أروح الباريد ما أحب أستأذن (أم قليب )اذا راحت اختي حق بنتها تصورهم تروحين وتردين بالسلامة ان شاء الله وhave fun

 

[Fouz]

صباح الخير عليكم جميعا
شخباركم
امس كان يوم ماراثوني و السبة هاللبس بس اشوة لقيت بالمهلب فوق توني ادري ان في محل حق اللبس التنكري و شرت سنو وايت مع ان في اشكال حلوة بس قلت خلها على مزاجها بروحها على طريف
انا بس وصلتها و طلعت اخاف تشوفني تجلب فيني و ترد معاي، و بصراحة كافي القعدة بالسيارة طول الطريج احس ظهري متيبس من القعدة
كاراميلا تروحين و تردين بالسلامة، ودي ولدج دبي سكي راح يكيف و لا تنسين اذا دخلتي اخذي كامرتج لان اسعار التصوير عندهم نااار و وديه عرض الدلافين و ان شاءالله تستانسون ،، راح نفقدج و ناطرين ردتج بالسلامة
مرو كلامج عدل اهي واايد متعلقة فيني بس والله ما فيني حيل اسايسها انا صايرة جني ياهل ابي احد يراعيني، بس اليوم جنها احسن يوم شافت اليهال و الكل لابس شغلة غير انبهرت و ما بجت عسى الله يتمم
ريمان شخبارج
بيلا الله يخلي بنتج عاد امس بنتي تقولي لعبت مع دلال و دلال هههه لان اكو ثنتين الله يحفظهم
ام فهادي والله ما عندي فكرة عن المدرسة بس و انتي رايحة شوفي باجي اليهال و اهاليهم ، يمكن ما فيها شي بس ولدج مستغرب نفس بنتي
بسكوتة من غير شر مالها بينة
ام حمود شخبارج من زمان عنج

 

[mr000]

سلام أمهات اشلونكم! اليوم اليهال شحلاتهم وهم نازلين الصبح ولابسين اللبس البنات وايد لابسين سنو وايت وبعضهم لبس الساحره والصبيان هم لابسين شخصيات متنوعه خو هالنتفه اللي معاي طارت عيونها عليهم مستغربه وتبي البنات بس خافت من واحد لابس قناع يخرع! اعتقد في عندكم اجتماع حق أهالي الكي جي بشهر 11 حسب اللي شفته بالكلندر!و5/11 هاف داي أذا ماغيروه! بس المتوسط ماعندهم اجتماعات وايد يعني مو ورا كل ريبورت قعدت أدور بالكلندر ماكو أجتماع بعد ألا بشهر فبراير وايد بعيد يعني بعد 3 ريبورتات عاد مشكله جذي أذا بقيتي تقابلين مدرس تعالي طلبي موعد ويقعد يحطلج موعد الظهر أو بعد الدوام بوقت مايناسبج!!فوز لاتحاتينها ان شاءالله راح تتعود بسرعه لأن مدرساتهم حبوبين وطريقتهم حلوه بالتعامل مع اليهال بس أول يومين لازم هالحركات شويه علشان يكدرونا وهم يلعبون ومستانسين!!

 

[ReeMaN]

سلام امهات شخباركم قليباتي

كاراميلا نبي سلامتج يالطيبه تروحين وتردين بالسلامه يارب وانشالله تستانسين وتغيرين جو ....

ياحلوووهم هالبنيات ماشالله يزوغون القلب الله يحفظهم صاجه مروو اغلب البنات سنو وايت والصبيان باتمان وسبايدر مان والقراصنه
بس واحد يهبل مت عليه من الضحك لابس لبس الشبح ابيض ومغطي ويهه ماتبين الا عويناته صج شبح

 

[ReeMaN]

هلا فوز الحمدلله بخير انتى شخبارج بشرينا عن بنيتج لاتحاتينها مو زين عليج الزعل وضيقه الخلق ... البجي مايضرها انشاله وانشالله كل مره تتعود وراح تحب المدرسه ... خليها بين فتره وفتره توزع كاكاو على صفها راح تستانس

ولدي يستانس مره بالاسبوع يوزع على صفه كاكاو هالاسبوع عطيته بوقفجه جان تعرفونه نوتريلا ...او بطاط عندهم شيبس دي كل خميس يوزع على صفه يستااااااااااانس ويستانسون منه اليهال وعنده جم واحد بصفه نفس الشي كل مره يوزع شي

 

[Fouz]

مرو ما اعتقد يلتزمون بالكالندر ما يمديهم يقولون شي باسبوعين اكيد راح يأجلون الاجتماع
مرو و ريمان اي وايد سنو وايت و بنتي وحدة منهم سبحان الله اليهال بكل عمر لهم شي يحبونه، يطري علي يوم عمرها سنتين 24 ساعة بارني الحين ما تطل بويهه، كله برنسس و باربي و الحين هابة بهانا مونتانا

 

[ReeMaN]

ههههههههه ياحليلها بنيتج فوز نفس ولدي كان يموت على بارني الحين كلش مايحبه يفره على طول ... هاب لج بطرزان ومدغشقر ومادري شنو ... قبل كان يبي يصير طبيب ويبي يصير طيار هيلوكبتر الاسبوع اللي طاف واحنا واقفين عند البانزين قال يمااااااااااا ماابي اصير طيار قلتله عيل شنو تبي تصير قال ابي اصب بانزييييييييييييين جان اطيح فيه طق يالتعبان تعبانين عليك بطلباتك الخايسه ومن فتحت عينك وانت حضانه ومدارس خاصه و حالتنا حاله معاك تقول بصب بانزيييييييييييين ومن صج انقهرت ... قال اي يما اشفيج شوفي عندهم ثلاجه الكاكاو والبطاط والبيبسي وناسه خخخخخخخ شتقولين له هذا بالله

 

[Fouz]

هههههه الله يوسع صدرج ريمان، موتييني من الضحك على سالفة البنزين، توني متهاوشة بالدوام قطيعة ما يخلون الواحد يرتاح لااازم يطلعون بشي يغث
على طاري البنزين يطري علي ولد اخوي كان يبي يصير راعي تنكر على الاقل جنه البنزين ارقى شوي

 

[bella bambina]

هاي أمهات
يحليله ولدج ريمان هم أحسن من بنتي الكبيرة لما كانت بهالعمر قالت لي أبي أصير درمر (طبالة) وهم كانت وحيدتي قلت بعد هالتعب آخرتها طبالة!!!!!
فوز آنا بعد دلول لابسة سنو وايت وحتى بنت اختي اللي بالحضانة بنتي فيها شبه من دورا تقول مس ريمان كانت تساعدها بتسكيت اليهال اللي يبجون و تقول لهم dont cry you are not a baby

 

[mr000]

سلام أمهات! فوز وريمان شخباركم زين حصلت أحد يونسني هالحزه والله من تقاعدت خايفه يصير فيني توحد ماكو علاقات اجتماعيه كلش قبل علبالي بستانس لي تقاعدت طلعات مع رفيجاتي مثل قبل أشوف بالعكس اختفينا وكل وحده لاهيه في بيتنا واللي ردت اشتغلت بقطاع خاص واللي مثل حالتي بيبي سيتر! المهم آنا أقول شالسالفه اليوم كله أكياس بطاط أثاري الخميس شبس داي! أول ولدي جذي لما كان بالغانم أشكثر أشتريله أشيا يودي حق صفه يوزع حتى اليهال تعودوا دايما ناطرينه شنو يايب اليوم! ألحين بنت ولدي بمرحلة البارني والدب ويني ذا بووبيتنا كله ألعاب وقصص على بارني وجناطها وبجاماتها على الدب بو! عاد تدرون أول مره أعرف شغله عن هذا الكرتون الدب بو هذاك اليوم سمعتها باذاعة البي بي سي يقولج أنه مسوينه يشجع اليهال فئة الأحتياجات الخاصه الدب فيه نوع من التأخر الذهني والنمر فيه النشاط الزايد اللي مايركز شوي والحمار تكرمون فيه نوع من الأنطواء وعدم الثقه وراح ينزل بعد فتره بالسينما فيلم يديد عنهم!! والله ريمان شغلة البنزين هذي طموح ولدي من كان بالروضه وآنا زف فيه وهواش ولي العام وهو يقولي اشفيها مريحه ومعاشها كافي واقعد أشرح له وأعطيه أمثله عن الوظايف والمعاشات لأنه صج بط جبدي عيالنا يكلفونا قريب ال30 ألف لي يتخرجون والله أنهم نفس رسوم جامعة كيمبريدج في بريطانيا هاللي محد يطول يدشها والله شفت بالانترنت نفس الرسوم 6000باوند السنه وتالي بيصب بنزين صج ربادي وآنا كل يوم رايحه مناشبه المدرسين عليه!مره مرت حماي قالتلي أنتي مينونه تدفعين كل المبلغ عليه اشدعوه بيطلع رائد فضاء الحمدلله كا عيالنا بالحكومه ومتفوقين قلتلها كل واحد ونظرته والله أذا بحطهم على جناط وجواتي تكرمون وهدوم من السفر أترس جناط تالي لبستين و أحطهم بأكياس وأقطهم خل أحطهم على ولدي أحسن والحمدلله موناقصنا شي!

 

[Fouz]

هلا والله مرو الظاهر مثل ما قلت كل عمر له نفس الاهتمامات و خوش معلومة عن ويني ذا بو عاد بنتي ما تواطنه
شوفي مرو انا عيزت و انا اسمع نفس الكلام شدعوه كلها روضة و هالكثر فلوس و ردي كان نفس ردج كل واحد و قناعته و مبلغ 1600 هذا سفرة 3 ايام البحرين والا دبي فبالنسبة لي استغنى عن السفرة كلها يومين و اخلي فلوسها حق تعليم بنتي اللي اهو من الاولويات بالنسبة لي و على قولتج احين الجناط بألف و الساعان من الفين و فوق فبلا من الساعة و الجنطة ماراح اموت اذا ما شريتهم و بالمقابل بنتي تتعلم زين و يعاملونها احلى معاملة

 

[بسكوتة]

هلا بنات اشلونكم والله حدي فاقدتكم بس الاب توب كان فيه انفلونزا خنازير يومين والحين اشوي احسن
فوز حبيبتي مشكوره اني طريت عليج وفقدتيني
خل اقول لكم اصار مع ولدي
اهو صار اب كي جي 1-5
المس مالته امنا حبيتها شكلها طيب اسمها روان
اول يومين طلع لي اب طلعه مايبجي اذا وديته ومن اخذه لما اصول البيت طول الطريج اهواش مع اخته شي مو طبيعي اصراخ وطق وقمة الشطانه احتا انا وامي وصلنا طشار لما دش البيت وانهد بجي
بس اليوم اشوه مع الحفله لبسته شخصيه بز الي اب توي ستوري اللي يطير وبنتي ام 3 سنين مرتزه من الساعه 6 مع اخوها لبستها نحله وخذيتها معاي
بس تدرون طول ما انا قاعده اصور ولدي اطالع الامهات ودي اسال كل وحده انت منو بالمنتدى لوووووووووووول
بس كنت بسالكم شنو يعني ال بي اي ؟
وعلى الطلبات انا عطيته 15 عشان افتك ابروح انجليزيتي لج عليها ومافهمت نص الاغراض لووووووووووووووول:balo:
امدخله عيالي خاص عشان يصيرون احسن مني

 

[mr000]

سلام أمهات اشلونكم!اشلون عيالكم مع الهالوين عسى استانسوا!! والله توه ولد أختي يقولي متحسف أنه طلع بنته من الخاص توها بغريد1 ووداها الحكومه وبيروح يسأل أذا يصير يردها الخاص أولأ يقولي فرق كبير بالتعامل والأهتمام بين الخاص والحكومه أول كانت مستانسه مع صديقاتها وتحب مدرساتها هناك وألحين بالحكومه كل يوم ترجع تبجي مره طاقينها البنات ومره ماخذين أكلها ومره بايقين أقلامها!يعني أسوأ مدرسه خاصه تطلع سلبياتها أقل من مدرسة الحكومه وآنا أتكلم عن تجربه لأنه عيالي الكبار درسوا بالحكومه! فاللي متحسفين على الفلوس لايقطونها عالمدرسه الخاصه مادري يمكن هم يقدرون يتحملون يشوفون عيالهم يمرون بهالظروف بالمدارس آنا والله ماأتحمل أشوف ولدي ينطق وينهان من المدرس ويتأذى بالمدرسه علشان أوفر الفلوس حق سفره وألا جنطه وساعه أكشخ فيهم!

 

[mr000]

هلا بسكوته اشلونج سلامته اللاب توب من الأنفلونزا! بسكوته البي أي يعني الرياضه يعني حصة الألعاب شنو طلبوا منكم لبس أو شي حق الرياضه؟

 

[mr000]

بسكوته مومشكله دشي معهد انجليزي يساعدج شويه تتقوين باللغه لأن أكيد راح تحتاجين اتابعينهم بالدراسه وتسوين لهم بوستر أو بروجكت فلازم تفهمين شنو يبون بس لاتحاتين أنتي بس تابعيهم بالأبتدائي وان شاءالله راح تشوفينهم بالمتوسطه يعتمدون على روحهم ومايحتاجون لج!آنا أذكر لما كان ولدي بالأبتدائي وكنت أشرحله العلوم أو الأجتماعيات دايما استخدم القاموس لما تمر على كلمه ماأعرفها لأني ناسيه وايد من الأنجليزي من تخرجت من الجامعه من سنين بس تالي والله تعودت!

 

[بسكوتة]

هلا مرو شوفي انا مو حدي ميح بس امشي حالي والرياضه كلش ماقالوا لنا عن الملابس والله ماادري

 

[بسكوتة]

على طاري البروجكت شنو طريقه الروضه يعطونهم شي يدرسونه ولا لا

 

[Fouz]

السلام عليكم، جمعة مباركةة علينا كلنا ان شاءالله
هلا والله بسكوته و الحمدلله على سلامة لابتوبج فقدناج
الله يعينا على اليهال انا بنتي سوت لي فيلم اول يوم اللي انا طول اليوم ابجي عليها بس لازم جذي المكان يديد و من زمان عن المدرسة يبيلها وقت تتعود و انا لازم اقوي قلبي
والله امس ما حضرت الحفلة ما فيني شدة الوقفة و خفت تشوفني و تبجي اذا بغيت امشي
بنتي و بنت بيلا بنفس الصف كي جي 1-6 و المدرسات لي الحين ما بين شي منهم بس دام بنتي ردت مستانسة اكيد معاملتهم حلوة و بيني و بينج لازم يصيرون جذي والا احنا ليش مدخلين عيالنا هناك بهالزحمة لان نبيلهم الاحسن، و ان شاءالله نشوفج انتي و كاراميلا و بيلا و ريمان بالكي جي و مالنا غناة عنج مرو
والله الانجليزي مهم وايد انا الحين بيصير عندي دكتوراه بالعلوم و هم تواجهج مصطلحات ما قط مرت عليج، يعني لازم القاموس لوقت الازمات
بالنسبة حق البي اي انا شفته بالجدول بس ما طلبوا منا ملابس، ودي امر باجر المخزن و هم ادفع الرسوم ماحب يدزون لي ورقة دفعي جني منحاشة بس مادري فاتحين والا لا؟ لان الجو بدا يقلب وابي اخذ لها بنطلون و قميص طويل و جاكيته اخاغ ايينا البرد فجأة و انا حدي ثقلانة اخاف تالي ما اقدر اروح

 

[Fouz]

انا ماشية اليوم زوارة أهلي
نشوفكم على خير و اجازة سعيدة