تجمع امهات العالمية الامريكية

[umhomood]

سلام امهات يارب الكل بخير0 مروو انتى زين كلمك انا ما كلمنى او كلم زوجى بالمرة وكل ما كنت اسال صفاء السكرتيرة تقول ليش للحين ما اتصل فيك او كلمك؟؟؟ اقول لها لا تقول خلاص ان شاء اكلمه ويدق بعدين الله وكيلكم ما دق 000 امبيييييييييه كل ما اتذكر اشيش عليه اكثر00 اهو شنو مفكر نفسه لايرد عليك ولا على ويطنش تدرين انا راح اطرش له زوجى او اروح له لان حمود لما طرشوا عليه قال له خلاص اللى راح يدرسك مدرس الارت وروح اليوم بعد الدوام عنده وهذا يوم الاحد تدرين لما سالت ولدى قال ماما انا مالى شغل ولا تطرشينى مرة ثانية حق مستر ماريو و مثل ما قلتى الولد شاف انه ما عطاه ويه وبس يبى يخلص 00 وانا راح اسال غدير ان شاء الله عن اختها بس فى نفس الوقت ولدى منحرج يقول ماما عيب نقول حق المدرس ما نبيك اكيد راح يتضايق00 بعدين على طارى الكالسيوم وفيتا مين د زين تسوين لاتوقفينهم انا مشيت عليهم سنتين اهم مع بيبى اسبرين ولما صار معاى تقرحات بالمعدة وقفتهم وكانت النتيجة ان فيتامين د كان 44 صار اقل من 4 الحين اخذ ابر امس ماخذة الثانية تزوغ القلب 00 ياليت الامهات اللى اصغر منا يتحرصونمن الحين والله يبعد عن الجميع الشر والمرض 00

 

[caramella]

salam omahat
eshlooonkom o eshlooon dawam e3yal el kg
elyooom lawwa3 chabdy weldy 3ala ma gam men el nooom bachy o enwa77
ambeeeh elyoom el share3 7adda za7maaaa we9alnah 7.45 bas ashwa kan feee nass yayyeeen ba3adnah
weldy eb kg1-2 ma3a miss windy ya7elooha hal miss windy maddat eeedha et9afe7 weldy chan eboos`ha weldy ma 9addag el salfa feeha teme66ekh loool
o mosa3edat`ha lina atwaqqa3
el 9af kan el 7emdelllah hadyyyy ma fee bachy o enwa7 fa ma ekhtara3 weldy el 7emdellah
bas el 3afeeeesa 9ooob el nursery wa3alayyah mana7aah
yoom bel 6al3a khathaiitah el 7emdellah mestansa abletah 3laih o basetah 3ala eeedah ya7lailha mashallah 7anoonah 3al yahal enshallah ya rabby doooom
o 3a6atny awrag o kan fee listat 6alabat ya ennech teshtereenha wela ta36eeen el miss 15kd teshtereeehom
ana gelt ba36eeeha efloos ma yeswa el raktha raily ma rethya gal la`a eshtereelahh 7assessay el miss ennech mehtammah mu 6anash
ana re7t sharait el aghrath o ana mu meqtan3a eb kalamahh o lel asaf e6le3aw foog el 15 kd
ma yeswa el rakthah
o ba3ad ma legait markers 6albat`hom esemhom mr skitch taby 3eba om 12 ana 7a99alt 3elba om 8
baroo7 elyoom mishref co-op 3ashan emsaween 3erooth 3al makeup o el perfume bel marrah amer el maktabah enshallah a7a9el hal markers
ana men rayyey billa o fouz 3a6ooohom el 15 o eftakkaw ma yeswa el emrakath o ham eb ye6la3 aghla men 15
o entaw 3ala ra7atkom shofow shel arya7 lekom
esmellah 3laiha ebnaitech billa allah ya7feth`ha men kel shar

 

[bella bambina]

مساء الخير أمهات
الله يسلمج كارميلا آنا دايما أعطيهم فلوس واهمه يشترون الأغراض على قولتج ما تسوى الفرارة آنا ودي حتى الابتدائي يشترون لهم ويفكوني أول السنة كل روحة مكتبة أطلع ب 30 و 40 وهم ما أخلص ولما يشترون بالجملة يعطونهم أسعار أحسن السنين اللي طافت كانو ياخذون 10 دنانير بس الظاهر الأسعار زادت

 

[mr000]

سلام أمهات أشلونكم! متى ترجع أمج كراميلا بالسلامه تعذبت! يلا الحمدلله كان اليوم خفيف على ولدج آنا اليوم كنت ماخذه معاي بنت ولدي وشافت اليهال مالوت الكي جي يدشون وألا بتنزل من السياره تروح معاهم والله الياهل تطق جبده من قعدة البيت!والله لو أهم شارين له الأغراض أريح وأوفر شوفي دايما أغراضهم ماتطلع بأقل من هالسعر حتى لما كان ولدي بالكي جي بالغانم وألحين الله وكيلج مثل ماقالت بيلا مو أقل من 30 دينار بروحه هذا بدون الجنطه بعد الجنطه مو أقل من 25 بس هالسنه شفتها بالعطله عليها تنزيلات بالأفنيوز وخذتها ب17!

 

[caramella]

سلام أمهات أشلونكم! متى ترجع أمج كراميلا بالسلامه تعذبت! يلا الحمدلله كان اليوم خفيف على ولدج آنا اليوم كنت ماخذه معاي بنت ولدي وشافت اليهال مالوت الكي جي يدشون وألا بتنزل من السياره تروح معاهم والله الياهل تطق جبده من قعدة البيت!والله لو أهم شارين له الأغراض أريح وأوفر شوفي دايما أغراضهم ماتطلع بأقل من هالسعر حتى لما كان ولدي بالكي جي بالغانم وألحين الله وكيلج مثل ماقالت بيلا مو أقل من 30 دينار بروحه هذا بدون الجنطه بعد الجنطه مو أقل من 25 بس هالسنه شفتها بالعطله عليها تنزيلات بالأفنيوز وخذتها ب17!

ambeeeh bacher inshallah eb teyey 3awarty galby
:ssssso:
ared 3laikom lamma lamma ayeeb el laptob bacher inshallah

 

[mr000]

سلام أمهات اشلونكم! كراميلا عادي حبيبتي على راحتج تعودت عيل اشلون قزرتها 4 أشهر لما كنتي بلندن عادي مومشكله فهمت المضمون (أن طاعك الزمان وألا طيعه)! المهم أم حمود آنا أقول لاتسكتين على سالفة مدرس الآرت هذي مو تقويه ابلاش انتي دافعه فلوس وبعدين حرام الولد يتعب لي العصر وانتوا تتعبون بالتوصيل على مدرس آرت ماتدرين يدرسه عدل وألا لأ!!سكتوا ريلي فيه كحه وحراره شال قشه وراح غرفه ثانيه لي تتضح الرؤيه باجر بيروح الطبيب وأن طلع فيه انفلونزا الخنازير بنعزله بغرفه تحت بس عسى مايعدينا خو أول وحده بتنعدي آنا لأنه ماكو أحد بيجابله غيري ولدي يقول بروح أقعد بفندق أسبوع لي يطيب أبوي وبنتي طول اليوم ماطلعت من غرفتها تدق عالخدامه من النقال تييبلها أكل خايفه يعديها هذا بعد ماراح الطبيب ولاعرفنا اشفيه وكلهم خايفين!!أم حمود آنا آخذ كالسيوم بس المفروض ماآخذ على طول لأنه معاي الكلى تكون حصوات فموزين كثرة الكالسيوم بس مضطره آخذ لأن طلع معاي بداية هشاشه بالعمود الفقري وهذا اللي خلاني أتقاعد وايد كنت أتعب بالدوام مع أنه لوتشوفيني الكل يقولي شكلج موكبير ويستغربون أنه عندي ولد متزوج بس بدى يطلع تعب ربى العيال ودوام 20 سنه الحمدلله عالصحه والعافيه(يعني مكسوره وتبرد على قولة أهل أول)

 

[ReeMaN]

سلاااااااااااااااام امهات شخباركم عساكم بخيرر

الله ياني فاقدتكم وايد وايد وايد ماتصورون اشكثر .... هالمره اانفلونزا كانت حيل جايده بس لاتخافون مو خنازير الله يبعده عنا وعنكم يارب
اليوم وصلت ولدي المدرسه والا اشوف هالكتاكيت كي جي 1 والنيرسري يتراكضون بالممرااات ياحلاااااااااااااااااااااااااااتهم يهبلووون وصلت ولدي صفه وقعدت على الكرسي اطالعهم يموتووون من الضحك بحركاتهم واللي تصيح تبي امها واللي تبي خدامتها واللي مجلبه بهدوم اختها معاها بالمدرسه .... يكسرون الخاطر واللي ماتدري وين الله حاطها تزحلق بالممر هذي صج مت عليها من الضحك من حكره البيت مو مصدقه عمرهاا ماتوقعت ان داومو بس بصراحه خوش مفاجاه

وينكم امهات ماعلقتو على عيالكم مع اول يوم دراسي لهم ...

شلونج كرومه كراميلا مايشوف شر وليدج ماكنت ادري ان كان مريض الغالي انا مثلج عطيت ابلته فلوس وفكيت نفسي من الدواره
مروو مايشوف شر ابو العيال اجر وعافيه ...
باجر انشالله عندهم هالوين دي ويبون يلبس لبس شخصيه من شخصيات ديزني .....

 

[bella bambina]

صباح الخير أمهات
ريمان بنتي الكبيرة بتلبس لبس التخرج مال هاي سكول ميوزيكال وولدي قرصان وبنتي الصغيرة سنو وايت

 

[ReeMaN]

هلا بيلا والله خوش فكره لبس التخرج الله يخليهم لج

ولدي بخاطره لبس روبن هود او زورو لان يحب هالشخصيتين بروح ادور له الحين

 

[Fouz]

السلام عليكم
شخباركم؟
انا مصدعة من أمس، بنتي ماتت من البجي امس والله خليتها و انا اللي قمت ابجي من كثر البجي مصدعة و لايعة جبدي، اهي دايما جذي حتى بالحضانة
اليوم انا فازعة من الساعة 5 علشان اساحلها و يوم وصلنا السيارة بدت الحفلة مرة ثانية و قلت لها حتى لو تبجين بتروحين المدرسة عاد خذت موبايلي تلعب فيه بالطريج و يوم وصلت الصف تنحرت جان اقولها انا بروح و ارد لج تالي و مشيت ما فيني شدة اسمعها تبجي
بس امس يوم رحت اخذها كانت شزينها تلعب بس على قولة امي الله يخليها " شفت امي شفت غمي" يعني النواح بس جدامي
بيلا ماشاءالله عسى الله يتمم على بنتج و اهي مع بنتي بالصف عند مس ميرنا
كاراميلا عندي و عندج خير غصب شلعتها من الفراش، و فعلا الزحمة تلوع الجبد خاصة مدخل المدرسة ساااااااااااااااااااااااااعة ينزلون عيالهم و لازم عند الباب، جان زين يفتحون فتحة ثانية من اللاين الثاني حق اللي بيسفط بدال النطرة
مرو و ام حمود شخباركم
ريمان سلامات و ما تشوفون شر ان شاءالله
الحين بروح ادور لبس حق بنتي بصراحة كلش طبعهم مو حلو يعطون الورقة اليوم و الحفلة باجر وين يمدي

 

[Fouz]

اي على طاري الاغراض بعطيها فلوس مالي خلق حوسة و يمكن ما يطلع نفس اللي يبونه، الحين بروح ادور لبس تنكري تدرون وين الاقي؟؟

 

[mr000]

سلام أمهات اشلونكم شخباركم! سلامات ريمان ماتشوفين شر! أي والله يحليلهم الصغار حفيدتي ميته عليهم وشريتلها جنطه مثلهم ومصدقه أنها بتروح السكول كل يوم تقعد من الساعه 6 وتروح معاي ياريت النيرسيري ياخذون سنتين ونص جان دخلتها سنه اليايه عندهم! على طاري اللبس البارحه شفت بمركز سلطان فوق أشكال لبس حق الهالوين بس حتى محلات الألعاب عندهم! حسافه مدرسة ولدي قبل لما كان بالتكامل والغانم ماعندهم هالحفلات وألحين خلاص كبر بس مايصدق متى يصير الدريس داون داي ماجنه كلها لبس طلعه عادي بس وايد تفرق عنده حتى لما يعاقبونهم ويلغون الدريس داون يتضايق!!أم حمود اشسويتي عالمدرس مال التيوتر؟؟

 

[bella bambina]

هاي أمهات
ريمان وفوز آنا كل سنة أشتري حق عيالي حق الهالوين من الصيف لأن أدري ان موعد الهالوين 31 أكتوبر السنة خذيت لهم من ماركس آند سبنسر اي فوز بنتي دلال مع بنتج

 

[Fouz]

زين تسوين بيلا ماشاءالله عليج لان عندج خبرة من عيالج الكبار الله يحفظهم
انا بروح افتر يمكن الاقي شي حلو لان اللي بمحلات الالعاب حدهم موشي خامتهم ردية جنها قرطاس

 

[ام فهادى]

شلونكم يا امهات انشالله كلكم بخير ... الصراحه انصدمت انه الحفله باجر وحدى متوهقه ما ادرى شنو اشترى له ...غير الصياح والبجى ما يبى يروح السكول يقول مس نانسى مو حلوه ابى وحده ثانيه ....من عيالها فى kg13؟

 

[bella bambina]

فوز بروي عندهم وبارتي لاند اللي بمارينا

 

[ReeMaN]

مساع رحت العاب شرق والله لقيت تشكيله اتونس ورخاااااااااص ارخص من السالميه على 3 دنانير و5 بس صاجه فوز خامتهم مو شي على نايلون خو لبسه وحده وبيقطه ....

والله ترا تشكيله اكثر من محلات المجمعات ........ اللي تبي تروح تشوف روحو شارع خالد بن الوليد صفطو سياييركم عند القواري
وروحو ورا المحلات اشكال عجيبه غريبه

 

[mr000]

سلام أمهات اشلونكم ! اليوم ولدي يايب ورقه ممنوع الطلبه يدشون من باب الباصات بس حق طلبة الباصات والستاف يافرحه ماتمت عاد آنا من العام مستانسه على هالباب الخلفي ماكو زحمه ألحين لازم نحسب حسابنا نطلع أبجر لأنه زحمه وايد عند الباب الجدامي خاصه بعد الحين داوموا الكي جي!بصراحه آنا استغرب من اللي يعتمدون عالسواق بدون خدامه خاصه حق الصغار اليوم وآنا ناطره ولدي بالطلعه أشوف سايق بدون الخدامه ياخذ الياهل وهاده يمشي وراه ولامنتبه له لوترجع عليه سياره لاسمح الله يعني الأبتدائي خاصه غريد 1و2 شنو يفرق عن الكي جي بعدهم صغار والله أنه يمشي ويأشر حق ربعه ولامنتبه حق السيارات والسايق مايدري عنه بعد يمكن الخدامه أشوه تمسكه! وهم لاحظت يهال من الكي جي ناطرين مع الخدامه لي يطلعون أخوانهم كسر خاطري واحد منهم حرام ينطر ساعه ونص والله تحت المظله قاعد عالأرض شكله تعبان تالي ركبوا مع سايق يعني اشفيها لو السايق قاطه البيت وراد حق أخوانه في وقت كافي! مادري اشلون هالناس قلبهم جذي على عيالهم وآنا تقاعدت بس علشان لاأودي عيالي مبجر كلش وألا أتأخر على بنتي وهي مره اشكبرها بالثانويه!!

 

[caramella]

salam omahat
reeman 3ash men shafech allah elshar ma eyyeech
ana re7t sharait el aghrath ma 3a6ait el miss efloos 7okem el qawey

elyoom re7t farrait 3ala wayed amaken 7ag el castume toys r us o ma7al al3ab yam marks spencer bel salmeyyah 9ajja fouz ma e3jeboony ana yayba 7ag weldy men london castume bob the builder inshallah balabesah eyyah bacher
betyooon bacher weyya e3yalkom inshallah
???
bacher enshallah ana mashya dubai ra7 ag6a3 3ankom eshway
ra7 ooolah 3laikom wayed
ma tamroon 3ala shay 7abeebaty
???

 

[mr000]

سلام أمهات وينكم اليوم نايمين مبكر؟؟ اشلون عيالكم مع ثاني يوم دوام؟كراميلا شخبارج اشلون ولدج مع المدرسه اليوم؟ لاتنسين اللاب توب من بيت أهلج!!فوز ميخالف بنتج من اليهال اللي تحتاج وقت شويه على ماتتكيف هي الظاهر متعلقه فيج وايد أو يمكن لأنه الفتره اللي طافت كله قاعده معاج فتعلقت فيج ومكان يديد عليها ميخالف لاتشدين عليها اشتريلها كم لعبه وخلي المدرسه كل مره تعطيها وحده علشان تتشجع وتحب المس!