تجمع امهات العالمية الامريكية

[mr000]

سلام أمهات أشلونكم! كراميلا اشلونج شخبارج كنت أحاتيج بس قلت يمكن مسافره مايشوف شر وليدج حبيبي ديري بالج عليه بعد لاينعدي من اليهال وان شاءالله تسافرين لما يصير ولدج أحسن وتغيرين جو! فوز الله يتمم عليج وتولدين بالسلامه وريحي نفسج كثر ماتقدرين! ريمان أشلونج واشلون ولدج! أم حمود شخبارج حبيبتي وييي الله يعينج على توصيل التقويه أحنا بس يومين وطول الوقت نتحلطم وأبوه يقولي بس لاتسجلينه شهر ثاني بس والله أذا يحتاج بسجله بعد شسوي ذبحنا مدرس الرياضيات يقولي ولدي والله موبس آنا أغلب الصف جذي كله علاماتهم موزينه والله قمت ودزيت أيميل حق مدرسته مالت العام مس أسينبيرج لأنها ألحين رئيسة القسم قلتلها تشوف شالسالفه مو معقوله أسكت لما اييبلي الريبورت ساقط بس قاعده أحاتي شكلها عصبت من المدرس ليش مو مبلغها بنتايج الصف تقول أحنا عندنا أجراء أن اذا الطالب أخذ بامتحانين أو3 ورا بعض درجات ضعيفه لازم يبلغني وانادي ولي الأمر قلت عسى مايتضايق ليش قلتلها ويزف ولدي وولدي يقولي خل يولي أحسن علشان يعرف أنه غلطان قاعد يحط امتحانات صعبه ومايخلينا نستخد الكالكوليتر والصفوف الثانيه مدرسينهم يسمحون لهم علشان جذي درجاتهم أحسن!أم حمود هذي الأشعه والسونار آنا صارلي 4 سنين كل سنه أسويهم غير الفحوصات والتحاليل الثانيه حق الكلى وأمراض النسا بالسنه مرتين بعد شنسوي لو شي يخترب حتى قطع غيار ماكو موديلي قديم وايد!!بيلا شخبارج والله على قولتج نسينا شكل المطر بس آنا أذكره لأنه شفته بلندن العام واي عاد خوش مطر ماوقف 10 أيام! كراميلا عفيه دقي على أحد من أخوانج خل اييب لج لابتوبج العربي لأني أقعد ساعه وآنا أفجج باللي كاتبته وكل شوي أسأل عيالي رقم 6 شنو ورقم 9 شنو لي تطق جبدهم وينحاشون عني!!ملكه اشلونج اشلون بنتج مع الخليج ياربي آنا أموت على هالمدرسه ليلحين أقول ياريت مدخلته فيها من الروضه!! قمر وينج من زمان طمنينا عليج!

 

[Fouz]

شلونكم أمهات
دقوا المدرسة اليوم يقولون دوام الكي جي ون الثلاثاء 27 اكتوبر الساعة 7 و نص
يالله كاراميلا و بيلا تزهبوا منو بعد عنده بكي جي ون
ريمااااااااااااان نبي خبرتج مع أول يوم، دخلتي مع ولدج والا خليتيه، دوام كامل والا طلعوا مبجر؟؟

 

[caramella]

salam
mrooo ba3ad eshway a6la3 o ayeeeb el jehaz men bait ahaly
eee wallah fouz lazem enshed el hemmmahhh
bas
laish chethy el madresa tawhom edeggom egolon enna el dawam 3ogeb bacher
!!!!!!!
ana 7ajazt 7ag el safra men 29/10 ly 2/11
ya3ny ra7 egheeb el a7ad o el athnain esh`hal 7ath
ana kent basafer safretain kansalt wa7da lamma marath weldy thallat el thanya o 7atta hally thallat nasheboony 3laiha madresat weldy
khoo geltaw men gabel fatra 3ashan el wa7ed ethabbe6 omorah
3ad sa`alt miss windy did the minestry approve to start kg1 year
????
galat ma adrry bas qarrarna ennah enkhaleehom edawmooon
galat e7na katbeen bel site feta7ta el site wain katbeeen ma feeee
?????
etha et3arfooon feee ay icon maktooob plzzz gooloooly

 

[بسكوتة]

هاي بنات انا بعد دزولي مسج ان يوم الثلاثاء دوامهم صج استانست صراحه عيالي ازهقوا من قعدة البيت والله الحافظ على الامراض بس ماادري اوديه الثلاثاء ولا انطر الاحد يكون البجي خف شوي اشرايكم والتيجر مالته اسمها مس روان اتعرفونها ماادري زينه ولا لا في احد مع ولدي اب هذا الكلاس

 

[bella bambina]

هاي أمهات اشلونكم
آنا بعد دقو علي المدرسة شكلي مستانسة أكثر من بنتي كاسرة خاطري
فوز آنا دايما أنزل مع عيالي أول يوم بس باجي الأيام اخوانها يوصلونها الصف بس اذا عيالكم من النوع اللي يبجي قعدو معاهم فترة وعرفوهم على اليهال اللي قاعدين يمهم ولعبو معاهم شوي واذا بجو لا تردونهم البيت عشان لا يتعودون والطلعة الساعة 1 ما يطلعونهم أبجر ولا حتى أول يوم والحضانة ينومونهم ساعة بالمدرسة

 

[سمبوسه2]

السلام أمهات بغيت اعرف منو احسن واقوى مس حق kg1؟؟؟

 

[mr000]

سلام أمهات مبروك دوام عيالكم الصغار الله يوفقهم يارب وان شاءالله يستانسون ومايبجون أول يوم! صج حرام ضاعت عليهم الأيام شهرين قاعدين بالبيت والفلوس مدفوعه خل يستفيدون شوي! عيل خل نستعد حق الزحمه الصبح بدامهم بيداومون الثلاثا بس آنا أودي ولدي من الباب الخلفي مال الباصات أخف زحمه من الجدامي!!

 

[Fouz]

هلا كاراميلا، حبيبتي وديه يومين و تالي سافري كلها غياب يومين لا تضيقين خلقج على موعد المدرسة
بسكوتة انا والله مثلج مستانسة، صج احاتي المرض بس الله سبحانه الحافظ نغطيهم فيتامينات و نرقيهم و ان شاءالله ما عليهم شر، بالنسبة حق المدرسة ماعندي فكرة حتى عن مدرسة بنتي بس ان شاءالله فيهم الخير
بيلا صاجة والله احنا اللي فرحانين و عسى الله يتمم علينا و يستفيدون عيالنا و مشكورة على المعلومات
سمبوسة والله ما عندي فكرة بس كاتوا وايد يمدحون مس ويندي
مرو مشكورة و ان شاءالله يستانسون و ربي يحفظهم من كل شر

أمهات كي جي ون منو بيودي عيالها الثلاثاء و منو بتنطر الاسبوع الياي و ليش؟؟

 

[Fouz]

كاراميلا توني فتحت السايت ماكو شي خير شر عن دوام الكي جي

 

[bella bambina]

مساء الخير أمهات
فوز ان شاء الله بودي بنتي يوم الثلاثاء
سمبوسة المدرسات بين فترة وفترة يتغيرون مس ليان ومس ويندي زينين بس يعتمد على الياهل مع طريقة أي مدرسة يمشي بنتي مدرستها يديدة على المدرسة بس عموما كلهم يمشون على منهج واحد

 

[بسكوتة]

انا بوديه الثلاثاء صراحه انا مستانسه ان ولدي كبر اهو بجري ف حدي مشتطه

 

[mr000]

بسكوته حبيبتي الله يبلغج في وليدج وتشوفينه متخرج من الجامعه ومعرس ان شاءالله! ماشاءالله السنين تركض آنا ليلحين أتذكر التفاصيل أول مادخلت عيالي الحضانه وألحين تخرجوا واشتغلوا! والله أحسن شي ودوهم من أول يوم وحشر مع الناس عيد حتى لو بيبجون عادي كلهم نفس الوضع ألا أذا الياهل حساس وخواف وايد وتتوقعين أذا شاف يهال يبجون راح يخاف ويبجي وايد!!

 

[بسكوتة]

حبيبتي مرو امين يارب العالمين ويبلغج بعيالج ولدي صج خواف وحساس ومايحب يشوف احد يبجي ياحسرتي

 

[ام فهادى]

شلونكم الصراحه وايد تجمعكم حلو فقلت ابى اشارك معاكم... انا ولدى عسى الله يحفظه فى kg1 عند مس نانسى دوامهم الثلاثاء الصراحه انا خايفه اوديه شرايكم فى احد يبى يأجل دوام عياله ولا راح يداومون باجر؟

 

[Fouz]

صباح الورد أحلى أمهات
بيلا زين تسوين انا بعد قاعدة أمهد لها حق باجر اليوم فازعين من الصبح
بسكوته الله يحفظه لج انا بعد اهي بجري و مستانسة على انها بتطلع من الحكرة
مرو شورتج وهداية الله ان شاءالله بوديها
بصراحة محتاجة احد يشجعني انا كنت حدي مستانسة بس امس كل ما اقول حق احد ردة فعلهم تخوف،، هااا يعني خلاص عزمتي منتي ناطرة؟؟ عاد اشتغل فيني الوسواس بس دامكم معزمين بتوكل على الله و ربي الحافظ
هالله هالله بالفيتامينات و شربوهم حتى لو ربع قلاص عصير و لا تنسون الرقية و ان شاءالله ربي حافظهم
أم فهادي حياج الله، والله انا كنت مستانسة تالي ترددت بس الحين الحمدلله عزمت، حتى لو بنأجل ليه متى ، بالنسبة لي ماني مطعمة بنتي و اذا على المرض ما يندرى متى بيروح و يفكنا، صلي استخارة و شوفي قلبج شيقولج و الله يحفظ ولدج و عيالنا كلنا

 

[caramella]

salam omahat
mrooo sorry 3al style el londony re7t bait ahaly bas ommy gafla dary o emsafra enshallah terja3 el arbe3a o akheth el labtop
fouz ee hatha elly basaweeeh enshallah bakhaleeh edawem thalatha o arbe3a o khamees ly el sa3a 11 el tha7a taly bakhthah o el a7ad o el athnain baghaibah taly edawem el thalatha cuz wallah 9ej 9ej me7tajah aghayyer jaw
wallah ana ams nawamt weldy embacher o ga3adtah elyooom 3ala el 9 el 9eb7 3ashan faz3at bacher
wallah ma aby atraddad
enshallah bacher bawaddeeeeh o allah ya7fethah o ya7feth e3yalkom men kel shar
la`annah ana bel nesba ly awal yooom mohem 3ala goolat mroo 7asher ma3a el nas 3eed low eb yabchy yabchy ma3a el shellah mu eyey taly o yheg3ad yabchy yakser el kha6er o el bajy ta`aqlemaw eshway
o methel ma basheratnah reeman 3an el nathafah enshallah mako ella el 3afyaaa
eee wallah mrooo shahrain mu eshwayyah ajelooohooom enshakkah egedroon e3awthoon
el yahal
egraw 3ala e3yalkom o 7ar9aw 3laihom enhom eghasloon eedhom wayed
o 3ala 6ary el za7ma ya 7asrat galby lazem a6la3 men el bait elsa3a cham 3ashan ma et7oooshny el za7mah
??? ana eb janooob el serrah saknah

 

[mr000]

سلام أمهات أشلونكم! اللع يعينكم على باجر اليوم لاتخلونهم ينامون الظهر وقزروها معاهم وتالي حتى أنتوا ناموا معاهم مبجر بعد شتسوون عالأقل أول 3 أيام لي يتعودون عالنوم مبجر! والله كراميلا آنا بأول العدان وآخذ طريق الملك فهد وكله سيده لي اللجنه الأولمبيه مادري نادي المعوقين كل يوم أمر عليه ولامثبته أسمه المهم أطلع من البيت 6 و35 دقيقه أو 6 و40 دقيقه بالكثير علشان يوصل 7وربع! بس أنتي مادري أشلون طريجكم أذا زحمه أو لأ! الله يسهل أموركم!!

 

[umhomood]

السلام عليكم امهات00 مشكورين كلكم على كلامكم الحلو ودعوتكم والله يحفظكم لاولادكم ويحفظهم لكم 00 مروو اشرايج فى دكتورة لطيفة الدويسان اذا تعرفينها ؟؟؟ وشيكتى على فيتامين د علشان الهشاشة بسم الله الرحمن الرحيم عليك وفيتامين ب12 ؟ وعلى طارى قطع الغيار ان شاء الله ما نحتاج مروو احنا بس لا نحاتى ونوسوس وكله تمام00 شوفوا منو يتكلم ام المحاتات00 بغيت اقولكم اشسويت على موضوع التقوية الاربع ايام كل اسبوع امس دقيت من الصبح بغيت اكلم صفاء سكرتيرة المتوسطة ماردت قالو لى تحبين تكلمين غدير قلت اكلمها وشفتها شاطرة وجنها خبرة وفهمتها ان ما عندى سايق وانا وابوه ما نقدر ولازم يحل الموضوع مستر ماريو مع مس ريمونا ويخلونهم فى نفس الايام تدرون اشصار ؟؟؟؟؟؟؟ حلو الموضوع وقالوا خلاص راح يكونون فى نفس الايام ولما سالت غدير شلون ومنو راح يدرس حمود قالت مستر برنى مدرس ال Art بدل مدرس ال language امبييييييييييييييييه شلون راح يقدر يدرسه الجبرة والسوشل ؟؟؟؟؟؟؟؟ قالت اذا ما عجبكم وما شفتوا فايدة اطلبوا غيره ماعرفت شرد عليها 0 اشرايكم جيت اطببها عميتها هالماريو بصراحة بط جبدى 0

 

[mr000]

سلام أمهات اشلونكم!اشلونكم مع أول يوم دوام اليهال ؟آنا اليوم مادري علشان طلعت من البيت متأخره 7 أربع وألا علشان أغلب المدارس الخاصه داوموا الكي جي عندهم لاحظت أنه كان زحمه أكثر من كل يوم ووصل ولدي المدرسه 7ونص على طقة الجرس! هلا والله أم حمود وينج عسى ماشر قطيتي فتره؟والله شقولج آنا هذا مستر ماريو العام كنت موصلته لي السما بصراحه أول السنه كان تعامله غير كلش وعطاني رقمه النقال وأي شي أبي أدق عليه وكان وايد حبوب تالي الله وكيلج مادري اشفيه الكورس الثاني تغير 180 درجه ولايعطي ويه وماقام يرد عالنقال لي دقيت عليه وقمت بصراحه ماأتعامل معاه بشكل مباشر كله عن طريق السكرتاريه أو أخلي ولدي يروحله وهم كان مايعطيه ويه ساعات!! والله شقولج مومعقوله مدرس آرت بيدرسه ماث أو انجلش طلبي يغيرونه لج العام آنا نفس الشي عحوا حق ولدي مدرسة انجلش وهم تدرس سوشيال علشان تدرسه ماث بالتيوترينج وبصراحه ماكان منها فايده وايد يعني تقول حق ولدي أكتب واجباتك وهي تجيك عليهم تالي وساعات تراجع له حق الأمتحان وقزرنا عليها 3أشهر ولما طلبت يغيرها لأنها قامت وايد تعتذر عن التقويه ويتوهق بالأمتحانات قالي مستر ماريو أنه ماحصل ولامدرس فاضي كلهم مرتبطين بطلبه بس سجله بتقويه خلال الدوام يروح 3 مرات بالأسبوع بدال الArt وpe تدرين منو درسته أخت السكرتيره غدير كانت تدرسهم ماث وساينس بس تصدقين ممتازه أحسن من مالت التيوترينج شكلها تخصصها ماث بس مادري اذا هالسنه موجوده وألا لأ!لا والله أم حمود ماأعرف هالدكتوره آنا أسوي الفحص كل سنه بمستشفى الولاده العيادات الخارجيه وآخذ على طول الكالسيوم وفيتامين د علشان الهشاشه وسويت أشعة الهشاشه مره!!يعني عادة أسوي سيرفس كامل مرتين بالسنه!!

 

[bella bambina]

هاي أمهات اشلونكم واشلون عيالكم ؟
فوز بنتي بكي جي 1\ 6 اليوم وايد مستانسة قاعدة من ال5:30 وتقول لي اليوم كان وناسة