تجمع امهات العالمية الامريكية

[mr000]

سلام أمهات اشلونكم أعتقد المدرسه كلها تداوم 26/8 بس أكيد قصده الصغار ينهدون الساعه 1 وبالنسبه حق الصبح أكيد 9 حسب اللي وصلني بالأيميل من مدرسة ولدي بس العام كانوا يقولون لهم لازم يكونون موجودين بالمدرسه قبل بربع ساعه من بداية الدوام علشان يبتدي الدرس 9 ومايتأخرون عالدرس بس أعتقد الصغار عادي حتى لو دشوا 9 عموما هم راح يوزعون عليهم أوراق وايد أول الأيام ياكثر الأوراق اللي وزعوا عليهم العام شرح عن المناهج وعن الدرجات وطلبات كل ماده وكل مدرسة خذت أرقامنا وأيميلاتنا!!

 

[ملكة بيتها]

سلام مامات ....شلونكم شكرا ريمان ..وكراميلا ..وصج اليهال يعوروون القلب أول يوم مدرسه وإحنا نصيح أكثر منهم ..وخوش طريقه إنهم يرسلون أوراق شرح للمنهج بصراحه شي مهم إن الأهالي تعرف شنو المنهج وشلون طريقه التدريس ,,,,أذكر مدرسه بنتي العام ناظره المدرسه سوت محاضره تشرح فيها المنهج وشلون ندرس عيالنا وأنا وايد إستفدت منها

 

[caramella]

لوووووول صاجه ريمان آنا ما أدري ليش فهمتها 1/9 صح جنها تقصد الدوام من 9 لي 1 بس إنشالله يستقبلون من 8.30 عشان يمديهم الأهالي إقطون عيالهم و يروحون دواماتهم

 

[lyale]

سلاااااااااام امهات العالميه
اشوفكم مستعدين حق المدرسه الله يتمم علي عيالكم واااي تشوقون حق الدراسه صج تجمعكم يونس

 

[Fouz]

شلونكم أمهات شخباركم

السلام أمهات
أمبيه من صجها هذي مالت الإستقبال إن الدوام 1/9 مو كاتبين بالكلندر كاتبين إن كل الطلبه يداومون 26/8!!!!
يعطيج العافيه فوز على الملاحظات اللي وديتيها للمديره إنشالله يا رب إتحصلين على رد بأقرب فرصه ممكنه

أهلين كاراميلا و الله يعافيج و ان شاءالله من أحصل رد أبلغكم
كاراميلا انا قصدي الوقت سوري يمكن شرحي مو واضح، الدوام يوم 26 اغسطس الساعة 9 و يطلعون 1

مرو عدل كلامج الساعة 9 و التاريخ 26 - 8

سلام حبايبي شخباركم ؟؟؟؟

يعطيج الف عافيه فوز ويزاج الله خير .... كاراميلا اللي فهمته من فوز انها تقصد دوام الساعه من 9 الى 1 مو التاريخ وانشالله تاكد عليه فوز عشان نفهم عدل

الله يعافيج ريمان و عدل كلامج هذا قصدي

 

[Fouz]

سلام حبايبي شخباركم ؟؟؟؟

يعطيج الف عافيه فوز ويزاج الله خير .... كاراميلا اللي فهمته من فوز انها تقصد دوام الساعه من 9 الى 1 مو التاريخ وانشالله تاكد عليه فوز عشان نفهم عدل

أهلين ريمان، تصدقين كتب لج رد أمس و انمسح!!
مشكورة حبيبتي و كلامج عدل فهمتي قصدي ،،، انا يوم كتبت المشاركة الظاهر كنت مستعيلة

 

[Fouz]

ريمان و كاراميللا شنو قررتوا؟؟ بتودونهم أول يوم والا لأ؟؟
انا لما قريت كلام كاراميلا اقتنعت ان الياهل حلاته يداوم من أول شي لانهم راح يهتمون فيهم و هم مروو قالت يوم كانت مدرسة تتضايق اذا يابوا الياهل ثاني اسبوع، و يوم شفت المدرسات مداومين أمس هم تطمنت نوعا ما
ناطرة شوركم و عطوني خبر بليز

 

[ReeMaN]

صباح الخير امهات شخباركم ؟؟؟؟؟؟

شلونج فوز انا والله مثلج كنت متردده بس كلام البنات وكلامج طمنتونى اشوي خاصه المدرسات والمدرسين داومو يعنى لو في شي الله لا يقووله جان بين من هالاسبوع ...... ومثل ماقالت كاراميلا ضروري الياهل يكون موجود من اول يوم لان يكون يوم ترفيهي ووناسه .... يعنى كلام الليل يمحيه النهار وبودي ولدي من اول يوم خاصه ان يحنننننن متى اروح المدرسه

 

[mr000]

سلام أمهات أشلونكم! اليوم بجريدة الوطن كاتبين أن بعض المدارس الأجنبيه طلبت تأجيل الدراسه أسبوع علشان يطمنون على سلامة الطلاب من بعد السفر بس هم ذاكرين أنه اللي قدموا الطلب مدارس هنديه وباكستانيه لأن دوامهم يبتدي الأحد الياي! بس حسب المكتوب أنه ماراح يتم اتخاذ قرار رسمي واعلانه للطلبه ألا قبل بدء الدراسه بيوم علشان الطلبه المسافرين مايأجلون ردتهم الكويت!يعني قصدهم أنه يبون الطلبه يرجعون الكويت ويظلون بالبيت أسبوع تالي تبتدي الدراسه علشان جان فيهم أحد مريض يبين عليه قبل الدوام ولايداوم سيده ويعدي عيال الناس!!

 

[miss elegant]

سلام شلونكم

حبيت استفسر شوي عن مدرسة عيالكم

شنو جنسيت المدرسين هل كلهم اجانب والا عرب ؟؟

او المدرسين في مرحلة الابتدائي يكونون حازمين على الطلاب والا عادي لعب

وشلون الواجبات ؟ وايد ؟ او يطلبون من عيالكم بروجكت ؟؟

والله يبلغكم بعيالكم دكاترة

 

[caramella]

هلا والله حبيباتي
فوز و ريمان و مرووو و ليالي و مس إليقانت إشلونكم
مس إلقنت بعطيج فكره عنا إحنا أعضاء التجمع
آنا و ريمان و فوز هالسنه أول سنه بندخل عيالنا الروضه بالمدرسه فا ما لنا أي تجربه سابقه
إختنا مرووو عندها تجربه من إلعام بالمرحله المتوسطه إنشالله تفيدج
بس اللي أسمع عنه إن مدرسينهم كلهم أمريكان و كنديين و إدارة المدرسه حازمه بنفس الوقت حقانيه و هذا أهم شي بالنسبه لي
مروووو آنا بعد قريت المقال إنشالله يا رب إيي التأجيل من المدرسه و شكلهم صاجين ما يبون إطلعون أي تصريح إلا لما الناس ترجع عشان يقعدون إسبوع قبل الدراسه إكون بين إذا فيهم شي ولا لأ
وطمنتينا فوز إن المدرسين مداومين هذا شي زين عشان هم يستعدون عدل حق عيالنا ويبين إذا فيهم شي من هالمرض الله يبعده عنا و عنكم

 

[mr000]

مس أليقنت حياج الله بس حبيت أسأل أنتي تبين تعرفين عن أي مرحله بالضبط؟ لأنه ولدي بالمتوسط بس ماكان بالروضه والأبتدائي والروضه عندهم فماعندي فكره عن المراحل الصغيره بس بالنسبه حق المتوسط اختباراتهم أسبوعيه ويطلبون بروجكتات حق السوشيال والساينس ويطلبون بوسترات أحيانا والمدرسين أمريكان بريطانيين كنديين ومن نيوزيلندا وطبعا في واجبات يوميا وكويزات!آنا طبعا أتكلم عن المتوسطه ويدرس يوميا لازم يقرا الدرس اللي خذاه اليوم لأنه أحيانا يعطونهم بوب كويز! واذا تحبين تسألين عن شي أنا حاضره!

 

[Fouz]

صباح الخير امهات شخباركم ؟؟؟؟؟؟

شلونج فوز انا والله مثلج كنت متردده بس كلام البنات وكلامج طمنتونى اشوي خاصه المدرسات والمدرسين داومو يعنى لو في شي الله لا يقووله جان بين من هالاسبوع ...... ومثل ماقالت كاراميلا ضروري الياهل يكون موجود من اول يوم لان يكون يوم ترفيهي ووناسه .... يعنى كلام الليل يمحيه النهار وبودي ولدي من اول يوم خاصه ان يحنننننن متى اروح المدرسه

هلا والله ريمان، انا بعد مقتنعة باللي قلتيه بس التردد ذابحني عسى الله يحفظ عيالنا يارب، و ان شاءالله ما عليهم شر

سلام أمهات أشلونكم! اليوم بجريدة الوطن كاتبين أن بعض المدارس الأجنبيه طلبت تأجيل الدراسه أسبوع علشان يطمنون على سلامة الطلاب من بعد السفر بس هم ذاكرين أنه اللي قدموا الطلب مدارس هنديه وباكستانيه لأن دوامهم يبتدي الأحد الياي! بس حسب المكتوب أنه ماراح يتم اتخاذ قرار رسمي واعلانه للطلبه ألا قبل بدء الدراسه بيوم علشان الطلبه المسافرين مايأجلون ردتهم الكويت!يعني قصدهم أنه يبون الطلبه يرجعون الكويت ويظلون بالبيت أسبوع تالي تبتدي الدراسه علشان جان فيهم أحد مريض يبين عليه قبل الدوام ولايداوم سيده ويعدي عيال الناس!!

الله يبشرج بالخير مرو، و ان شاءالله يطبقون هالكلام علشان الوحدة تتطمن و ما توسوس مثل حالتي مرة اوديها و مرة أغيبها

هلا والله حبيباتي
فوز و ريمان و مرووو و ليالي و مس إليقانت إشلونكم
مروووو آنا بعد قريت المقال إنشالله يا رب إيي التأجيل من المدرسه و شكلهم صاجين ما يبون إطلعون أي تصريح إلا لما الناس ترجع عشان يقعدون إسبوع قبل الدراسه إكون بين إذا فيهم شي ولا لأ
وطمنتينا فوز إن المدرسين مداومين هذا شي زين عشان هم يستعدون عدل حق عيالنا ويبين إذا فيهم شي من هالمرض الله يبعده عنا و عنكم

أهلين كاراميلا و ان شاءالله ربي يحفظنا من كل شر، و ناطرين قرار التأجيل

 

[Fouz]

شلونكم أمهات
عندي لكم خبر حلو، توها دقت علي مديرة المدرسة بصراحة حدهاااااااااااااا راقية و متفهمة، و اتفقت معاي بكل اللي قلته و اعتذرت انها ما دقت من أول ما استلمت الرسالة مع اني مسلمتهم اياها قبل يومين، و وعدتني ان كل شي راح يتعدل و شكرتني على الاهتمام و الملاحظات اللي بمحلها
هالشي برد قلبي و حسيت انها مهتمة و تقدر ملاحظات أولياء الأمور، وقالت خلج صبورة معانا و بتشوفين الامور كلها تتحسن باذن الله

 

[miss elegant]

مشكورين caramella او mr000

انا ولدي بيروح اولى ابتدائي او اهوه بالغانم من اولى روضة او ماشي زين او مستواه قوي لله الحمد
انا اخترت هالمدرسة لانها ثنائية اللغة او مدحوها لي
بس بالآونة الاخيرة قمت اخاف من الابتدائي خرعوني قالولي شديدين او وايد واجبات او يطلبون من الطفل بروجكت
بس لمن استفسرت من كذا وحده شفت هذا الحال في كل المدارس

نفس ماقالت الاخت mr000

والله يوفق الجميع ومبارك عليكم الشهر

 

[mr000]

السلام أمهات أشلونكم خوش خبر فوز عن مديرة المدرسه وان شاءالله أنها تعدل الأمور وتاخذ الملاحظات بعين الأعتبار! والله كانت تمدحها لي بنت عمي وايد وتقولي أنها سنين متعامله معاها لأنه عيالها ماشاءالله 4 كلهم درسوا بالعالميه وآخر واحد تخرج العام!يالله الحمدلله الله يبشرج بالخير! وناطرين خبر التأجيل!!

 

[ReeMaN]

السلاااااااااااااام امهات شخباركم ؟؟؟

الله يبشرج بالخير يا فوز والله خوش بشاره وانا توني راده من العالميه رحت اغير بنطرون ولدي لقيته مقضوض بطرف البنطرون ماشالله اليوم حيييييييل زحمه بالمخزن تاخذين رقم وتنطرين دور ....
المهم شفت عندهم حفله الاداره مع المدرسين ريوق جماعي تقول مالت الاستقبال مناسبه السنه الدراسيه الجديده ....
بس ارتحت لما شفتهم كلهم مخلطييييييين مع بعض عشان صار ماصار الله لا يقوله الا مو بعيالنا ويمديهم يأجلون الدراسه ...

والا انتو شرايكم

 

[ReeMaN]

حياااج مس اليقانت بتجمعنا

 

[caramella]

ريمان حلوه مخلطييييين لووووووووووول صار ما صاريمديهم يعدون بعض
مس إلقنت حياج الله بتجمعنا و إنشالله الله إوفق ولدج وين ما كان
فوز خوش خبر والله هذي خوش بشاره لأن صراحه الكل يمدح المدرسه إخترعت لما شفت إن في بعض الملاحظات الإداريه عليهم بس الحمدلله بيضتها المديره
آنا بالنسبه لي لي صار الراس العود زين أغلب الموظفين اللي تحته يصيرون زينين أهم شي باتصالها حرصها وإهتمتمامها بملاحظات أولياء الأمور والرد عليها بنفسها مو مثل بعض المدارس اللي المديره قاطه كل شي عالسكرتيره وترد عليج السكرتيره جنها مديره كل ما أقولها بكلم المديره تقول لا ما تقدر تكلم أحد كل شي عندي!!!!!!!!!!!!
ريمان آنا بعد مريت المدرسه اليوم حسافه ما شفتج يت هاله إتقولي إتفضلي جان أدقرها أقولها بكلم الإخت عن رئيستهم شذى وايد إسلوبها راقي صاجه مرووو هالهاله ما تنبلع ما لي خلق أحرق دمي معاها من الصبح
المهم سألت شذى عن التأجيل قالت ما في تأجيل
وسألت بعد عن الدوام للكي جي
دقت عليهم تأكدت قالت الدوام الرسمي من 9 الى 12 يستقبلون اليهال من 8.30 كان نهاية الدوام بالوحده بس غيرو صار 12
وسألتها عن الصفوف قالت روحي لهم
يوم بروح تلقتني مالت الإستقبال ما رضت أروح قالت إشتبتسإلين آنا أدق عليهم أسألهم
قلت لها آنا من سجلت ولدي آنا طالبه مس ويندي ما أبي إحطونه عند غيرها قالت التوزيع أول يوم و السوبر فايزر إهي اللي بتوزع مو المدرسات أول يوم تعالي و شوفي شصير يا ربي إحطون ولدي عندها
فوز آنا و إنتي طالبين من زمان و حاطين لهم نوت بالملف عاد أول يوم إذا صار غير هالكلام إنجفس جمومنا و نتعارك معاهم
وبعدين مريت العياده والله خوش شي كبيره
وبعدين بدلت قميص ولدي وسلامتكم و تعيشون

 

[mr000]

أهلين بنات اشلونكم أي والله ريمان زين سووا الحفله اليوم جان أحد في شي ينيازون مع بعض بس خوفج لايكون فيه مدرسين يدد ساعات يوصلون متأخرين بس حسافه كراميلا تقولين ماكو تأجيل وياريتهم مقصرين دوام الكبار بعد اشدعوه لي ال2 ونص! بس كراميلا ماعليج من كلام اللي بالريسيبشن محد يوزع الصفوف أول يوم حتى بالحكومه مايسوونها وتشوفين المدرسه الصبح كل وحده بأيدها الكشف مطبوع وتاخذ عيال صفها(حجوه قديمه حدها) وألا انشاءالله بأول يوم دوام واليهال اشكثرهم صيحه توهم بيوزعونهم مادري آنا مو مقتنعه بهالكلام يمكن بس علشان لايعطون مجال حق الأمهات أنه يختارون المدرسات ماعرف طريقتهم!! آنا والله هم مارحت على سالفة التوزيع انشغلت هالأسبوع وقلت بروح الأحد ولو أنه شكلهم ماراح يسوونلي اللي أبيه لأن من العام قبل لايعطل ولدي كلم الأخصائي وقاله مابي تحطوني بغريد8 مع نفس الطلبه يعني بعضهم اللي كانوا شياطين قاله الكمبيوتر راح يوزع على حسب الدرجات!!