تجمع امهات العالمية الامريكية

[mr000]

الحمدلله على السلامه ليالي وألف مبروك المولود يتربى بعزكم ان شاءالله! اشلون صحتج طمنينا عسى ماتعبتي وايد بالولاده واشلون الكتكوت شنو سميتيه؟ الفال حق كراميلا بالسلامه ان شاءالله!! زين اللي طمنتينا عليج!!اشلونج مع السهر الله ياحلات النوم بالليل!! لاأتغشمر معاج مابي أحرج! الحمدلله على سلامتج!!

 

[ReeMaN]

الف الف الف الحمدلله على السلامه ومبروك ماياج يالغاليه مامات ويتربى بعزكم الغالي

 

[ReeMaN]

وين كاراميلا ؟؟؟ فقدناها الغاليه ....

 

[caramella]

قوة أمهاتي
عسى ما تفقدون غالي إنشالله
بعد عمري كلكم
مشكورين على سؤالكم عني
بس لهيت إشوي هاليومين
الحمدلله على السلامه ليالي و مبروك ما ياج و يتربى بعزكم و إنشالله يا رب ما تعبتي بالولاده
باجر إنشالله لي أمداني بمر المدرسه أوديلهم الملف الصحي و أشتري اليونيفورم

 

[قمر تاتي]

انا والله يابنات من شهر وانا ادور على مدرسه انجليزيه لاني بصراحه ابيها بلبل انجلش شرايكم ادخله العالميه

 

[lyale]

:0bee2e8d89:الله يسلمكم فوز ريمان ومرو وكريملا لا ماكو تعب الحمد الله مابي اخرع كريملا وراها ولاده

 

[mr000]

أختي قمر في ناس تفضل تأسيس النظام البريطاني بعدين ينقلون الياهل نظام أمريكي بعد الأبتدائي أوعالصف السابع لأنه بالنظام البريطاني صف 7 يعتبر ثانويه والأختبارات توصل من بريطانيا وتتصلح هناك فالدرجات كلها عالأختبار ولاينفع مشاركه بالصف ولاوسيله ولا بحث بس في ناس تكمل عادي والأختيار الثاني أنج تدخلينه سيده نظام أمريكي من الروضه على أساس أنهم مرنين أكثر بتعاملهم مو مثل الأنجليز وحتى بالتعليم مو بدقة وصعوبة النظام البريطاني وأذا على اللغه ترى الياهل يكتسب اللغه بسهوله بكل طريقه سواء بالنظام البريطاني أو الأمريكي بس شرط يكون بمدرسه مدرسينها أجانب ويعودون الطفل أنه داخل المدرسه مايتكلم عربي وحتى أنتي بالبيت لازم تكلمينه انجليزي بس فيه مدارس خاصه بدوا يشغلون مدرسين عرب بحجة أن جنسيتهم كنديه أو استراليه هذيل بصراحه آنا جربتهم بولدي تطلع اللغه عنده ضعيفه وماعنده طلاقه بالكلام لأنهم يكلمون الياهل بالعربي أحيانا مو مثل المدرسات الأجانب وهالكلام عن تجربه بولدي هذا غير المدرسات الهنديات أو بعض المدارس تشغل حتى فلبينيات وهذيل طبعا الأكسنت عندهم مو نفس البريطانيين أو الأمريكان! بس أنتي قرري على أساس أي نظام تفضلين وطريقة التأسيس! عموما آنا شفت يهال الكي جي بالعالميه ماشاءالله يتكلمون انجليزي بطلاقه مع بعض مو بس المدرسين!

 

[ReeMaN]

حافظج الرحمن كاراميلا

ليالي وين التخروعه ! بالعكس تجربه ممممممممممممممتعه جدا جدا جدا اتهبل مع البنج يم يم يم يمييييييييييييييي روحي عالم ثاني <-- ما جنها ماخذه ابرة الظهر وبنج عشان ماتقول آى ههههههههههههه

 

[ReeMaN]

مروو ياحلو التعليم الامريكي ..... شوقونى ودي اعيد السنين فيها :gr4uu: ا شرايج اسجلج معاي

 

[mr000]

لا ريمان آنا ألحين ماأنفع( العتوي الكبير مايتربى) والله تبين الصج آنا كان ودي أكمل الماستر عقب ماعيالي كبروا وخلصت من شغلة الربى والتدريس بس أول شروطهم مايبون فوق ال40 يعني شنو بس الواحد انتهت حياته من يوصل ال40 وشوفي بجامعات أمريكا أخوي لما راح مع بنته كانت بتدرس يقول والله فيه ناس أكبر منه رادين يدرسون الجامعه عادي بس شنقول عن قوانينا!!تصدقين آنا لما جربت المدارس الخاصه بولدي الأخير تحسفت أنه مادخلت عيالي كلهم من أول صج انظلموا بمدارس الحكومه مع أن الكبير والبنت وايد متفوقين بس صار حظ الجعده اللي مينني عالدراسه اخوانه طول الوقت يقولون لي والله خساره فيه الفلوس قطيه بالحكومه اشمعنا احنا ماخفتوا علينا!!

 

[ReeMaN]

هذي الكويت صل على النبي دايما يصعبون الامور بكل شي .... مرووو لاتحسفين على عيال الحكومه اذا اهمه شطار ومتوفقين ماشالله ومدارس الحكومه الحين مو نفس اول .... ووالحره لادخلتي احد من عيالج الخاص وتلقينه مو متفوق ... انا من البدايه عندى هالنظريه مع الغير مو بس ولدي ان دام اهو متفوق بالخاص يستاهل اخليه يكمل فيها ... لكن كسلان وبطلعة الروح ينجح وهم دافعين من دم قلبنا وهم ندفع حق المدرسين الخصوصين وفوق هذا مايمشي الا بالدس لا يبا خساره فيه الفلوس .... لكن اخر العنقود دايما مدلل يستاهل الدلال

 

[mr000]

موهذي مشكلة المدارس الخاصه ريمان موسهل أنج تطلعين الياهل من المدرسه الخاصه بعد مايتعود صعبه وايد وخاصة أنه الياهل مايبين مستواه عدل من الروضه والا بداية الأبتدائي وولدي الحمدلله لي العام سنه 6 ودرجاته a وb بس هالسنه لأن هالمدرسه نظامهم غير بالأمتحانات وهم المناهج بدت تصعب أكثر والصبيان ترى مايحبون قعدت الدراسه وايد مو مثل البنات فتغير مستواه شويه وطبعا لايمكن ألحين أطلعه مابقاله ألا سنه عالثانويه وبعدين بصراحه كلما أسمع من خواتي مشاكل الصبيان بالمتوسط والثانويه وضعف بعض أدارات المدارس في حل المشاكل وأسلوبهم ماأفكر أوديه حتى لو يسقط لاسمح الله!! والمدارس الخاصه غير غير غير غير لي باجر وآنا أقولج غير بكل شي عن الحكومه نظام واحترام بالتعامل حتى العقاب منطقي!!

 

[ReeMaN]

عسى الله يسهل على عيالنا ويخليهم متفوقين للابد مع انى سبحان الله استغرب من سالفه العيال من ام وحده واب واحد وطبعا نفس التربيه ونفس الاكل ونفس النظام

وتلقين واحد منهم يعر عليج بشي يا بالشخصيه تلقين الكل هادين وواحد يطلع ابليس او الكل شطار وواحد يطلع كسلان او العكس

 

[ReeMaN]

:eh_s(13):هففففففففففففف ياربي ابي اعرف امهات العالميه ليش مايشاركوون ؟؟؟ آخر انذار لامهات العالميه ان ماشاركتو قبل ال 12 منتصف الليل راح

اطفى ليتات هالتجمع وبطلع من العالميه وبروح منتدى الابداع عشان حلوومه تنتحر من كثر اسئلتى وقد اعذر من انذر ... :jumpon:

خلاص اعلنت الحرب يا انا يا انتو ... :eh_s(13):

 

[caramella]

ويييييييييييييييييي ا ساتر ريمان أعصاب
كل إشوي شاده علينا
آنا صراحه عندي نفس مبدئج ريمان إذ الياهل تنح و مو فالح الصراحه الصراحه مت يسوى أقط عليه إفلوس خليه يزقح بالحكومه أفضل له و أفضل حق فلوسي لوووول

 

[mr000]

ريمان خلاص باقي 25 دقيقه ونطفي الليتات ونسكر الدوانيه وخليهم من باجر يقعدون عند الباب محد يدش ألا معاه عذر مقبول!!

 

[lyale]

حافظج الرحمن كاراميلا

ليالي وين التخروعه ! بالعكس تجربه ممممممممممممممتعه جدا جدا جدا اتهبل مع البنج يم يم يم يمييييييييييييييي روحي عالم ثاني <-- ما جنها ماخذه ابرة الظهر وبنج عشان ماتقول آى ههههههههههههه

خخخ اي والله البنج شي عجيب لو يبيعون منه بالجمعيه ينفعنا وايد عن صيحة اليهال والله كنت ناويه علي ابرة الظهر بس من اخذت البنج ودخلت عالم ثاني كل شوي ناقزه مابي ابرة الظهر هونت من مفعول البنج هههه

 

[mr000]

والله كراميلا أنتي أذا جربتي المدارس الخاصه كم سنه وبعدين طلعتي الياهل وديتيه الحكومه وشفتي الفرق في تعامل المدرسات حتى معاج أنتي كولية أمر مو بس مع الياهل تتحسفين أنج طلعتيه آنا والله فكرت أطلعه بغريد 1 وهم بغريد2 وكل مره آخذ ملفه وأوديه التعليم الخاص وابتدي الأجراءات تالي أرد بداية السنه أهون وأخليه يكمل بالخاص ماقدرت بصراحه كان يكسر خاطري خلاص تعود على نظام معين وأسلوب تعامل معين وبعدين شفت ولد أختي لما طلعته أمه من الخاص وودته الحكومه عقب غريد3 وايد تعبت نفسيته وكلش ماتكيف مع المدرسه والصبيان ودايما يبجي ويقولها رديني مدرستي وتصدقين لي ألحين وصل صف عاشر يذكر مدرسته ويقول حق أمه ليش طلعتيني شوفي ولد خالتي أمه ماطلعته(عن ولدي)!! وحتى لما كنت بالدوام كانوا اييوني أمهات يسألوني أذا طلعوا عيالهم من الخاص لي الحكومه يمشون والا لأ كنت أنصحهم أذا مالهم نيه يكملون خلاص خل يطلعونهم مبكر أحسن لأنه اللي كانوا ينقلونهم لنا حق صف 4 أو 5 مايمشون بسهوله ويحتاجون مدرسين خصوصيين تلاقينهم ضعاف بالعربي والحساب مايعرفونه بالعربي هذا غير أن الأهل طول الوقت متضايقين و يذمون بالمدرسه وبأسلوب المدرسات وبالأداره ويقارنون بينا وبين المدرسه الخاصه ويتحلطمون شنو هالفوضى وشنو هالمدرسه وليش ماتسوون هالشغله مثل المدارس الخاصه بعد المدرسه مو تحت أمرنا يعني مانقدر نغير أسلوب المدرسه والا الناظره والا قونين الوزاره!!

 

[Fouz]

شلونكم يا أحلى أمهات
غذروني من أمس ما دخلت ،، زوجي مسوي حادث و لهيت معاه
شخباركم ان شاءالله كل اموركم زينة

 

[mr000]

خطاكم السو فوز سلامات مايشوف شر زوجج ! طلعي صدقه عنه تدفع البلا والله يحفظ الجميع