تجمع امهات العالمية الامريكية

[ReeMaN]

صباح الخير امهات العالميه <---- تونى من شوي قاعده :ch12:

البارحه مااانمت من الغبار بس اكحكح ومن قوه الغبار حسبت اكو دريشه عندي مبطله واحنا ماندري والا كلهم مسكرين

ومقفولين بعد وسبحان الله الى الجو الجو مغبر ......... يعنى اللي فيه ربو لايطلع الله يشافيهم

 

[bella bambina]

السلام أمهات
اشلونكم مرو وريمان وفوز وكراميلا وملكه ؟
فوز سلامتها بنيتج ما تشوف شر ان شاء الله والله يأجرج بتحمل المسؤوليه بروحج والله يرجع لكم أبوكم بأسرع وقت
مرو استانسي الحين بالويك اند مع ريلج وعيالج وقطي كل شي ورا ظهرج
ريمان والله محاتيه ان السنه اليايه بنتي بتكون بالميدل سكول وأمس كنت شايفه أمهات عيالهم بالميدل سكول ما يمدحونها ووحده منهم بتنقل عيالها حق ال ask المدرسين اللي يطلع من المدرسه وما ييبون بداله ويحطون مساعد يدرس الماده نفس الحجي اللي تقوله مرو وأكثر وايد ضاق خلقي ما يصير جذي ادارة المدرسه لازم يفكرون اشلون يوفرون مدرسين أمريكان مو هنود يكفي ان الميدل سكول نقله صعبه للطلبه وهذا المفروض أقل شي تسويه المدرسه مو طالبين شي زياده سكتنا وطوفنا زياده السنه اليايه ما راح أسكت ما يصير يمشون السنه الدراسيه على البركه
كراميلا وينج طمنينا عليج ؟

 

[mr000]

السلام اشلونكم شخباركم مع هالجو استغفرالله! بيلا عن المدرسه آنا مادري عن السنه اليايه ان شاءالله يكون الوضع أحسن بس هالسنه شوفة عينج ماركدنا إلا آخر شهرين!

 

[mr000]

آنا هم قاعده أحاتي الثانويه عسى مايكون وضعهم نفس المتوسط وهم ياريت يسوون لقاء تنويري حقنا وحق الطلبه عن طبيعة الدراسه بالثانويه وتجميع الدرجات اللي أعرفه إن نفس المقررات

 

[mr000]

عاد أقولج شي بيلا عن المتوسط والله اكتشفت عقب هالسنتين إن آنا بس اللي خابه عمري وأسجل ولدي تقويه شهريا وأحاتي خايفه يسقط وشكلهم بالآخر ينجحون الكل

 

[mr000]

بس بالنسبه حق النقل والله صعب الواحد كل شوي ينقل ولدي توه هالسنه تكيف وصار عنده ربع والأمريكيه مالت السفاره مادري مومتطمنه لها والدوليه مبناها قديم ومكشوف وولدي فيه ربو مايصلح له

 

[mr000]

آنا شابكه بالنقال ميخالف الردود بالأقساط وهالأيام آنا صايره ماأستحي سيده أدرعم حتى ماأسلم أشلونكم جميعا طمنونا عليكم

 

[caramella]

السلام أمهات
إشلونكم و شخباركم إنشالله بخير
بيلا حبيبتي والله آنا بخير اليوم رديت شقتي لأن ما في بناني و هم عشان نقعد ويا ريلي شوي إلإنشالله من غير شر مسافر باجر
إنشالله باجر برجع بيت اهلي
ملكه مشكوره على كلامج الطيب و هذا آنا قاعده بمكاني بدون ممارسة اي نشاط
فوز حبيبتي ما تشوف شر الصغيره وحمدالله على سلامة الوالده إستغفر الله هذا اللي حاصل هالأيام إن الناس تحسد الناس حتى بمرضها إستغفر الله
مرووو هذا اللي آنا كنت اقصده اهل البنت هالأيام ما يخافون على بناتهم و يقووون باسها إي تعالي وخليه زمان غريب والله
وصار الاهل اللي يفكرووون بان المره ما يصير تهد ريلها ناس متخلفين!!!!!!!!!!
على قولتج ما يخافون يشوف له شوفه ؟؟؟ خصوصا الريال المتزوج اللي ضايق طعم المره صعبه ينهد بالغربه برووووحه مده طويله موزين كلش مو زين و بنات هالأيام عادي طناش ولا يهمهم
آنا بهالظرف الصحي اللي امر فيه و البناني و اللويه اللي آنا فيها امي و ابوي كلو قلبي اشلون هاده الريال و يايه عندنا قومي ردي شقتج ما يصير ما ارتاحو إلا لما رديت اليوم معنى اليوم زوارة خواتي بس قالو مو لازم تشوفينهم الأبدى ريلج
خل اقوللج سالفه تشيب الراس
وحده ساكنه في بيت حمولتها و تموت من الخرعه من امها المهم
إخوانها صغار
بالعاده البنت تقط عيالها على اهلها و تسافر مع الريل
والوضع اللي حاصل العكس إن الأم تسافر مع الأبو بروحها حول 6 مرات بالسنه و تعالي يالبنت قعدي مع اخوانج وإخذي
إجازه من الدوام عشان تودين وتيبين العيال من المدرسه و النسيب ما يرضى يروح معاها بيت اهلها يقولها ما ارتاح
فا هذا المقرود يظل في بيت الحموله بروحه و مرته تروح هناك تجابل إخوانها عشان الأم المراهقه في الخمسين تتونس مع الأبو
خايفه على هالشيبه لا تزوغ عينه بالسفره هني ولا هناك مو خايفه على هالشاب لا يطفش كل بين يومين و الثاني هادته و رايحه بيت اهلها
عاد آخر مره قالها شوفي إذا بيسافرون امج و ابوج و بتروحين هناك ترى آنا بروح البحرين مع ربعي !!!!!!!!!!!!
الوضع طبيعي عندها راحت و هدته وهو راح البحرين مع ربعه
بالمختصر لو آنا مكان البنت و ريلي يقوللي جذي اقول حق امي قعدي مكانج خل آنا اروح معاه البحرين لا يخوره خصوصا ان هو شباب والسالفه فيها تهديد
عقب هالسالفه ولا همهم الأم و البو عادي كملو سفرتهم و الحين بيسافرون بعد مره شرايج ؟؟؟؟؟؟
قرقتكم ادري بس اللي بوصله إن في اهالي انانيين يبون البنت تخدمهم و تكون يمهم ما يحثونها إنها تجابل زوجها وين ما كان

 

[mr000]

السلام أمهات اشلونكم! كراميلا إحنا اللي عندنا ماشجعوا بنتهم تقعد بس هي موفارقه معاها وبالعكس خايفه إنها ماتعرف تدبر عمرها مع ياهل وبدون خدامه وهو شايف إن سفرته بروحه أحسن علشان لايتأذى معاها والصغيره ويتفرغ للدراسه بس اللي حصل إن من غباء الأهل وسوء الظن سمعوني مره قلت إذا سافر ولدي يدرس بروحله فعلبالهم إن آنا قايلتله لاتاخذها علشان آنا كل شوي أروحله على كيفي و إني بروح أقعد سنه عنده شوفي الغباء يعني ماوراي بيت وريل وعيال وولدي عنده مدرسه ماأقدر أهده بس شتقولين عن سوء الظن والتخلف

 

[caramella]

وي مساكين ليش جذي يفكرون وشنو فيها لي رحت حق ولدي بره ومرته معاه ما يمنع خصوصا ان انتي متعوده عليها قاعده وياكم بنفس البيت
كيفهم يظنون مثل ما يبون محد بيتعب الا اهما انتي عطي السالفه طاف وريحي بالج لانج عارفه نفسج والله اعلم بالنيات وانشالله الله بيعطيج علي قد نيتج انتي طيبه والله ما بينسي عبده

 

[bella bambina]

السلام أمهات اشلونكم واشلون عيالكم ؟
فوز اشلون بنتج اليوم ان شاء الله أحسن باجر عندهم حرف ال w & x

 

[mr000]

السلام اشلونكم شخباركم..فوز اشلون بنياتج والوالده..بيلا اشلون العيال مع المدرسه..اليوم شفتج من بعيد..يلا أبي أشوف أحد ثاني..ريمان ..كراميلا..اشلونكم..

 

[Fouz]

صباح الخير أمهات،،، شخباركم مع هالجو
مشكورين وايد حبايبي على السؤال، اسم الله عليكم انا و بناتي تناوبنا على المرض، بلشت فوز تالي انا و امس بالليل ريم تعبت علي مع الغبار و سهرانة معاها و لي الحين مو نايمة
عذروني بروح انام قبل وقت طلعة بنتي من المدرسة

 

[bella bambina]

صباح الخير أمهات
هلا والله مرو الحمدلله حبيبتي كلنا بخير انتي اشلونج واشلون عيالج ؟
اليوم يوم مناوبة قسمي بالمدرسه وأخروني اليهال وايد تنرفزت على السواق اللي يسكرون الشارع وينزلون من السيارة ويبطلون الدبه ولا جنه وراهم أحد مستعيل آنا يمكن تشوفيني أسفط على جنب ما أسكر الشارع بس الحمدلله ما انزفيت بالدوام

 

[mr000]

سلامتج فوز ماتشوفين شر انتي والصغار ..وعليه هالنتفه وينها وين تتحمل الغبار..وصج غبارنا يدش داخل البيت لي بلاعيمج..الله يعينج بيلا عالدوام ..والله آنا أذكر قبل لاأتقاعد صج أتنرفز لما أتأخر..وتسمعين صراخي على العيال واللي يطول بالحمام تكرمين أو باللبس يحصله زفه تسوى عمره إذا مو كفخه بعد...أمبيه صج كنت مرعبه..وألحين مابي الهوا يهب على بنت ولدي ولا أحد يقولها شي..صج ماارتحت من هالتوتر إلا لما تقاعدت ألحين أقول حق ولدي كيفك لي تأخرت إنت اللي بتاخذ ديتينشن آنا ماوراي شي..بس الحمدلله مانتأخر وايد

 

[caramella]

السلام امهات
اشلونكم ؟
اليوم ولدي ما داوم حرارته 40 وديته اليوم حق دكتوره وعطاه مضاد وقال يبيله اجازه 3 ايام ضاق خلقي مابي اغيبه وايد كافي اللي غايبه قبل واي متي تخلص السنه ونفتك قاعده اعد الايام
شكلي بشوفه باجر اذا وضعه صار احسن يمكن اوديه
سلامات فوز ما تشوفون شر انتي وعيالج
مرو وريمان وبيلا اشلونكم؟

 

[mr000]

السلام أمهات اشلونكم ..ياربي المنتدى كله معلق مادري بس عندي وإلا حتى أنتوا ؟أشوف الناس تشارك عادي وآنا ماأقدر..كراميلا مايشوف شر وليدج..أي والله كلنا نعد الأيام متى تخلص السنه..اليوم رحت دسمان بنشتري نوع معين من البوستر..ضاع اليوم بس على الطريج روحه ورده..

 

[ملكة بيتها]

السلام عليكم جميعا ..
فوز ...ما تشوفون شر إنتي والبنوتات ..الله يعينج حبيبتي
كارميلا ..ما يشوف شر ولدج ولا تستعيلين عليه خليه يرتاح ترى الحراره دام وصلت 40 حتى لو نزلت ممكن ترتفع فلازم تراقبينها عشان ما ترد ترتفع وما تشوفون شر
مروو ..شلونج حبيبتي ؟
بيلا ..ريمان ..ليال ..عساكم بخير حبايبي ؟؟

 

[mr000]

السلام أمهات اشلونكم..هلا والله ملكه اشلونج اشلون بنيتج..متى تعطل؟؟

 

[bella bambina]

السلام أمهات
هلا والله ملكه اشلونج واشلون بنيتج ؟
فوز سلامات ما تشوفون شر انتي والبنات حبيبتي ريم صغيره على المرض الله يعينا على هالجو المغبر طول السنه الحمدلله على كل حال
كراميلا ما يشوف شر ولدج وعلى قولة ملكه مادام حرارته وصلت 40 احتمال ترجع ترتفع واهوه بالمدرسه ما راح تفرق اذا غاب له يومين ترى حتى عيالنا السنه ما درسو عدل الله كريم يالعطله نجابلهم لأن السنه اليايه اهيه أهم شي
مرو اشلونج واشلون ولدج ؟ آنا بعد عيالي شغالين بروجكتات هالأيام