شلونكم أمهات، مشكورين حبايبي و ما قصرتوا و الحمدلله أمي نورت البيت، بس هالاوادم ما يرحمون، ايون بدون لا يدقون تلفون، عاد أمي غرفتها تحت، من شفت الاوادم تدرعم و امي تنحرج و تقوم لهم ،، رتبت الغرفة اللي فوق و خليتها تنام فيها و قلت حق الخدم يقولون ان ماما نايمة و كيفهم بيقعدون تحت بروحهم عى راحتهم انا مجابلة بناتي و اختي مجابلة أمي، و ان شاءالله الاسبوع الياي تشوف لها يوم و نكلم اللي يبي يشوفها، ماله داعي كل حزة ايونها ناس و اهي ما صار لها 24 ساعة من طلعت.
مرو جان زين كنت أقدر أنزل وراهم بس انتي شايفة الزحمة، السايق نزل الخدامة مع اليهال و انا احوس أبي باركينغ فعلى ما صفطت و نزلت الا اهي مو بالسيارة بس السايق كان موجود فأخذت رقم السيارة ووديت بنتي.
اليوم و انا رايحة اييب بنتي وقفت يم بيلا و قمنا نسولف عن الموضوع لان صج قاهرني المهم و احنا نسولف جان أشوف السيارة مالت الصبح و الا بيلا الله يعافيها تقولي اللي نزلت من السيارة الأم مو الخدامة عاد رحنا حاجيناها حجيها لبناني بس مبين الزوج كويتي، ما برد قلبي الا لما قلت لها مع ان مبين ان قلبها ثلاجة خلف الله علينا، عاد قلنا لها كلمي ولدج و سئليه و حطي بالج على اليهال لا تحط حرتها فيهم فتشكرت و مشينا، و الله يا بنات من رديت البيت و انا ادعي ان الله يحفظ اليهال من شر هالخدامة و خفت تحط حرة سالفة اليوم و استاثم فيهم بس الحمدلله ربي ما خيب دعائي و شفت الام قبل لا الخدامة تشوف اليهال عقب هالسالفة.
ريمان زين سويتي قلتي حق الياهل و اذا تبين روحي الادارة و كلمي مالت الريسبشن شحليلها دام اند تعرفين الولد منو واايد أسهل من سالفتي اليوم فتوكلي على الله و تاخذين أجر هالياهل حسبي الله عليهم من خدم، و صدقيني اذا كل وحدة عرفت ان في أحد يبلغ عن بلاويهم أكيد كل وحدة بتقول حق الثانية بالتجمع اللي مسوينه عند المدرسة و بيحسبون حساب الأهل لا بارك الله فيهم.
كاراميلا شلونج حبيبتي، ان شاءالله ما عليج الا العافية و ريحي نفسج على الاخر و انسي سالفة الشقة، و الله يسهل أمروج و تلاقين مكان زين و تنتقلين تالي، أهم شي الحين صحتج و سلامة البيبي المجكنم
ملكة و ليالي شلونكم من زمان عنكم
