السلام عليكم
شلونكم بنات .. ان شاء الله بخير
اليوم رحت أجتماع أولياء الامور
( أخوي بخامس )
والله بغيت أبجي ..
سسألت مدرسة الانقلش قالت لي
قرقه وايد يتكلم وايد يتحرك اهو ومجموعه صبيان
وقالت أمتحانهم ورى العيد .. واليوم بتعطيهم ورقه بالكلمات اللي يحفظونها للأمتحان
وسألتها .. قلت لها أنتوا بالخطه الاسبوعيه يوميا ً في كلمات يديده .. وكل خميس املاء بـ 5 كلمات
جان اتقولي .. المطلوب يحفظون كلمات الأملاء .. اما الكلمات اليوميه اللي بالخطه الاسبوعيه
مومطلوب حفظها .. بس اهم شي يفهمون المعنى .. وسألتها عن الأمتحان
قالت عباره عن كلمات + توصيل + قواعد + قطعه عليها اسئله + الطالب يكتب قطعة <=== أنا أنصدمة اخوي ولا مره تكلم
ودي اسطره تسطر .. + جدول عباره عن حوار بين 2 .. ومنه يستخرجون المواقف مثل الاعتذار الطلب وجذي يعني
::
اما الرياضيات ..
امتحانهم بعد ورى العيد .. وعليه 30 درجه
من ص20 الى ص 92
ويوم الاحد عنده امتحان قصير من ص 20 الى 42 وعليه 5 درجات
::
وأبلة العلوم
تقول احتمال العلوم اول امتحان
وكمية الامتحان الـ 3 وحدات + درسين من الوحده الرابعه
وسألتها بخصوص التعاريف .. لانهم وايد
دان اتقول .. انتوا لاتحفظونهم التعريف
لانه اهم يكتبون لهم التعريف .. والطالب يكمل الناقص
وقالت فهمومهم بهالطريقه .. مثلا التلقيح يكون عن طريق الانتقال وحذي فهموهم
وبالنسبه لتجارب .. قالت اهم شي يعرفون الاستنتاج وقالت موجود بالكتاب
يعني مثلا دودة الاسكارس .. يستنتج انها كائن حي لانها تتنفس وتأكل وجذي يعني
والرسمات مهمه لازم يعرفونها
تمنيت اشوف ابلة العربي .. بس مالقيتها
