تجمع امهات الصف الثاني والثالث ابتدائي 2011/2012

[moltencake]

بنات انا بنتي. بثانيه ما. اعرف شلون اشرح لها المقطع المشدد ؟؟؟

اللي تعرف ياريت تسلعدني

حتى انا ماعرفت اشرح حق ولدي المقطع المشدد. حاولت معاه اكثر من مره بس ما كوفايده.

 

[moltencake]

بنتي عنقزت

الله يعينج عاد مو وقته. روحي حق المدرسه كل الخميس طول ما هي غايبه و افتري على المدرسات و تابعي اللي طافها. لا تهملين. انا توهقت نطرت لي اخر اسبوع و تكود عليه وايد واجبات و دروس و راح اول الايام ضايع ما يدري ووين واصلين و لا شنو ماخذين.

 

[نورالقمر24]

مشكوره حبيبتي هذا الي بسويه

 

[نور العرب]

مـــــــــــــامــــــــــــي

بعععد عمري مشكوره

مقصرتي .. لا خلا ولا عدم

 

[عزة وكبرياء]

شلونكم امهات وشخبارالحلوين بناتكم واولادكم بثالثة انا متوهقة وندمانة ليش وافقت على ان بنتي تشارك بالحفلة حق تكريم المعلم راح عليها دروس وايد واهي مستواها وايد زين والابلات كلهم مدحولي فيها بس قام يروح عليها دروس وانا في البيت اتابعلها بس مو عارفة بالضبط شنو قاعدين ياخذون بالمدرسة وقمت استحي ادق على رفيجاتها :eh_s(2): ورحت المدرسة وقلت حق الابلات يحطون لها خطط المواد مع رفيجاتها عشان اتابعها الله المستعان وشخبار الرياضيات ودرس التخمين والتحقيق الله يخليكم هذا درس يحطونه لثالثة ابتدائي انا وابوها سوينا عليه طاف ما قدرت افهمها الصراحة شلون تخمن وشنو هالاسلوب تخميييين؟؟؟؟؟؟​

 

[الدلال]

الرياضياات بالنسبه لثالثه ابتدائي صعب وولدي مو قادر يستوعب عدل خصوصا ان المدرسه مو معطيه المنهج حقه
كل شي على الماشي

 

[دارسين]

اهلين بنات شنو اصصعب شي عندكم حق ثالثه

وبالنسبه للقراءه شلون مستوى عيالكم
والانجلش شنو تتذاكرولهم القواعد؟

 

[أم بتول*]

مرحبا بلشو عيالكم امتحانات ولا لسه
بنتي تانية ابتدائي وبلشو امتحانات عملو رياضيات وعربي وانكليزي بس لسه ما خلصو كل اسبوع عم يعملو عدد معين من الصفحات يعني الأبلات مقسمين الدروس كل اسبوع بيعطوهم امتحان عن عدد من الصفحات

 

[M!Ss Smart]

انا ادرس اخوي ثانيه ابتدائي وباجر اول امتحان له رياضيات الله يستر

 

[نور التقوى]

انا ولدي بثالثة ابتدائي وصعبة عليهم الرياضيات حتى آنا موقادرة اوصله المعلومة .........منو تقدر تساعدني في توضيح درس التخمين؟؟؟

 

[أم بتول*]

أب أب أب

 

[ام دندوونه]

هلا بنات شلونكم مع الامتحانات القصيرة..انا بنتى بثانية ابتدائي صارلهاااا اسبوع كل يوم امتحان انجليزي..
انا تعبت وهم بنتى تعبت..هذاااا غير واجبات العربي اللي شكثرهااااا..والله انهاااا تقعد تتحلطم..لين تنام..
واليوم عليهاااا املاء انجليزي.. 4 كلمات..وكل ما احفظتها وحدة نست الثانية ..حيل تعبت معاهااااا.. الله يعينااااا
يارب وياجرناااا علي هالتعب..وييوفق عيالي وعيالكم يارب..

 

[جروح ودموع]

انا ولدي بثانيه ابتدائي اليوم امتحن عربي امتحان الفتره الاولى والله مسكين امس كسر خاطري واايد تعب والابله الله يهديها امس اللي دزت ورقه تقول عندهم امتحان واملاء عربي وتعبير حق جمييع الدروس اللي خذوها والمشكله ما قالت قبلها بجم يوم عشان كل يوم ادرسه شوي وتراكم كل شي علينا حتى الاملاء ما حددت قالت الاملاء بجميع كلمات الدروس السااابقه والله حسيت ان ولدي عنده امتحان ثانويه عااامه

 

[ام كوثر2007]

بنات انا مستغربه اشلون تقولوون في امتحانات قصيره فتره اولي للصف الثاني؟؟؟؟؟؟؟؟


ترا بس العلوم اللى امتحنوه امس .. والا ماكو لا عربي ولا انقليزي ولا هم يحزنون ..



وانا يوم الاحد كنت في اجتماع اولياء الامور مع المدرسات ما يابوا طاري هاللى تقولون عنه .

 

[M!Ss Smart]

بناااات اخوي باجر عليه امتحان علوووم اهوا ثانيه ابتداائي ومواضيعهم عن النباتات ماعرف شنو طريقه الاسئله شلوووووووون ياليت اللي عندها فككره تقولي

 

[ام كوثر2007]

بناااات اخوي باجر عليه امتحان علوووم اهوا ثانيه ابتداائي ومواضيعهم عن النباتات ماعرف شنو طريقه الاسئله شلوووووووون ياليت اللي عندها فككره تقولي

حبيبتي انا ولدي امتحن علوم امس .. واليوم يابوا لنا ورقه الامتحان


جدا بسيطه وما فيها اي صعوبهه



بعطيج السؤال الاول بس مع الاسف كان ودي اصور لج لكن ما عندي كاميرا حاليا متوفره


عشان جذى قلت بعطيج الاسئله عل وعسى تستتفدون منها .


السؤال الاول


طلبت المعلمه من تلاميد الصف الثاني رسم اجزاء النبات كامله فلاحظت ان بعض التلاميذ رسموا رسما ناقصا ساعد التلاميد لاكمال ال رسم

وطبعا هذا السؤال الاول وتحته في صورتين صوره ورده وهم لازم يرسمون ال جذور والاوراق



السؤال الثاني


قام علي بزرع نبته ثم سافر مع اهله لمده عشره ايام فماذا تتوقع ان يحدث للنبته


وحاطين لهم خيارات ( تكبر _ تموت _ تصغر )


طبعا الجواب تموت


السؤال الثالث امامك نبات في كأس ماء احمر ماذا تتوقع ان يحدث للاوراق بعد خمس ايام يصبح لونها ؟ ( اصفر _ اخضر _ احمر )


والجواب طبعا احمر


وبس حبيبتي هذا اختبارهم كله .. ​

 

[M!Ss Smart]

حبيبتي انا ولدي امتحن علوم امس .. واليوم يابوا لنا ورقه الامتحان ​

جدا بسيطه وما فيها اي صعوبهه ​

بعطيج السؤال الاول بس مع الاسف كان ودي اصور لج لكن ما عندي كاميرا حاليا متوفره ​

عشان جذى قلت بعطيج الاسئله عل وعسى تستتفدون منها .​

السؤال الاول ​

طلبت المعلمه من تلاميد الصف الثاني رسم اجزاء النبات كامله فلاحظت ان بعض التلاميذ رسموا رسما ناقصا ساعد التلاميد لاكمال ال رسم ​

وطبعا هذا السؤال الاول وتحته في صورتين صوره ورده وهم لازم يرسمون ال جذور والاوراق​

السؤال الثاني ​

قام علي بزرع نبته ثم سافر مع اهله لمده عشره ايام فماذا تتوقع ان يحدث للنبته ​

وحاطين لهم خيارات ( تكبر _ تموت _ تصغر )​

طبعا الجواب تموت ​

السؤال الثالث امامك نبات في كأس ماء احمر ماذا تتوقع ان يحدث للاوراق بعد خمس ايام يصبح لونها ؟ ( اصفر _ اخضر _ احمر )​

والجواب طبعا احمر​

وبس حبيبتي هذا اختبارهم كله .. ​

وااي :eh_s(2):مشكوووووره اختي الله يوفقج ولدج ياااااااااارب وتشوفينه دكتور عاد تلعوزت مع اخوي قاعده ادرسه ومادري شنو اسويله من اسئله:eh_s(17)::eh_s(17)::eh_s(17):

 

[ام كوثر2007]

رسميله ورده يا قلبي وقوليله وين الجذور وين الساق وين الاوراق ومن هالامور بس ..


ترا ما يبيلها شغلات وايد بس يفهم هالامور ان شاءالله سهالااات


عسى الله يوفق عيالنا وعيالكم يارب ...

 

[نورالقمر24]

بنات
ابي رساله شكر للاب والام
من ثلاث اسطر
عفيه ساعدوني

 

[M!Ss Smart]

حبيت افيدكم بهالموقع عنده نماذج اختبارات وتلخيص وتعابير ادعووو حق اخوي سلومي بتوفييييييج

http://www.ykuwait.net/vb/index.php