تجمع امهات الصف الاول ابتدائي 2011/2012

[&شهرزاد&]

سحرر الشرق مشكوره حبيبتي

 

[الوردة المكنونة]

انا وديت بنتي الجو كان مطر خفيف وتحسن الجو الحمدالله

اليوم سمعت سورة الهمزه

باجر عندهم امتحان انجليزي والاربعاء بعد امتحان انجليزي

ان شاء الله تبيضها

اليوم رحت المدرسه سألت عنها قالولي مستواها نزل وقبل اسبوع رد مستواها ممتاز
وقررت اركز معاها اكثر بالدراسه عشان ما تنزل مره ثانيه

 

[manoooram]

مساء الخير
شلونكم أمهات أولى
تخيلوا باجر بنتي امتحان علوم + املاء اختباري عربي ومع واجبات وحل تدريبات ومراجعه
شصار فيها يا حياتي انهلكت
حسبي الله عليهم بس

 

[سحر الشرق@]

سحر الشرق انتم سابقينا بالرياضيات

احس الرياضيات ماله معنى كل يوم درس يختلف عن اللي قبله

اي حنا بالرياضيات سباااااق ركضه
وكل يوم ابله جديده
الله يعين بس

 

[فجر ا]

مشكوره اختى سحر الشرق على نمودج امتحان الرياضيات ... كل يوم ابله رياضيات جديده وركضه احس ماقادرين يركزو والله حرام والقران سورة التكاثر بس المشكله مايعلمونا متى اختبار ....

 

[الوردة المكنونة]

مشكوره اختى سحر الشرق على نمودج امتحان الرياضيات ... كل يوم ابله رياضيات جديده وركضه احس ماقادرين يركزو والله حرام والقران سورة التكاثر بس المشكله مايعلمونا متى اختبار ....

القرآن سابقين مدرسة بنتي وايد احنا للحين بسوره الهمزه الدين ماعندهم اختبار بس تسميع ايات ومشاركه بالصف

 

[الوردة المكنونة]

مساء الخير
شلونكم أمهات أولى
تخيلوا باجر بنتي امتحان علوم + املاء اختباري عربي ومع واجبات وحل تدريبات ومراجعه
شصار فيها يا حياتي انهلكت
حسبي الله عليهم بس[/QUOTE

الله يعينها بصراحه المدرسات صايرين ما ينسقون بينهم كل وحده اهم شي تمتحن مادتها ساعات يصادف 3 امتحانات مع بعض ومحد يتبهدل الا هاليهال فقاره

 

[فجر ا]

حرام والله الابلات مايراعو هذولا يهال يعنى يكرهو الدراسه والله بنتى الكورس الاول كل تكتب ومستانسه ومتفوقه الحين الواجب مارضيه تكتبه الله يوفق عيالنا وعيالكم يارب ..............

 

[((!ورد جوري!))]

شلونكم أمهات أنا عندي ولدي أول السنه ما شاالله عليه كله إمتيازوالحين نزل مستواه ومن أول السنه كل يوم يغيرون الابلات حتي الابله ما تعرف مستواه خصوصا بالرياضيات الابله تقول عنه ضعيف واهيه ما صارلها اسبوعين تدرسه والله تعبت حتي هو مو راضي يستوعب كلما فهمت درس ثاني يوم يعطونه درس ثاني غير الله يعننا يارب

 

[فجر ا]

اشلونكم امهات والدراسه معاكم تدرون المشكله تغير الابلات انا مفكره اغير صف بنتى بس هى مارظيه تقول رفيجاته بس كل يوم ابله جديده ابله العربى الاساسيه طلعت حامل والحمال متعبه العربى ومادراك مالعربى الاملاء الابله ماتعطينه الكشكول وماادرى درجاته والمد ب
الواو اسبوع كل يوم خمسه كلمات والله خلصت الكلمات
جيوش
صفوف
يقول
صوف
عصفور
ابى كلمات بعد
امس الواجب الضماير فى جمله
هى
هى تذهب الى المدرسه
هو
هو يذهب الى المدرسه
هما
هما يذهبا الى المدرسه ​

امهات الضمائر يعطوه لاولى والله مادرى ........................​

​

الرياضيات كل درس ابله غير ماتعرف مستوى البنات اشوى ابله الانجليزى تشتغل بضمير الحين بتى تقرا الكلمات نفس العربى حرف حرف​

 

[الصابرة المحتسبة]

السلام عليكم

امس كان اختبار عربي

والصراحة الواجبات اشكثرها الله يعين

 

[مطلقه وأفتخر]

الله يعينهم صراحه



بنات عفيه منو تعرف حل الرياضيات كراسة التطبيقات صفحه ٢٨
اخر سؤالين رقم ٤ و ٥

 

[مطلقه وأفتخر]

اب
اب

 

[tahoon]

السوال الرابع--10 ذو الحجة
السوال الخامس--12 ربيع الاول

 

[سحر الشرق@]

قوة امهات
احس اني اليوم مفوووله
الله يسامح زوجي لو يرضا احط بنتي بخاص كان من باجر
حدي مضايقه كله حشو معلومات
وركضه جيل كامل قعد ينهدم وهم عاااادي
من مناهج ومدارس ومدرسات كله فااااشل
أمانه شقعد تسوون بالرياضيات؟؟!!
معقوله درس جمع ثلاث أرقام. مثلا ٢+٤+٧=
يمرون عليه بصفحه ويوم بس مرور الكرام اكيد الطفل بينساه
معقوله درس الأشهر الميلاد يه والقمريه الي حنا الكبار يالله نعرفها
يمرون عليه مرور الكرام
يجون الجهال من المدرسه مووووو عارفين شي
الأبله بس تكتب وهم ينقلون
أتقو الله يا مدرسااات جيل قعد ينهدم والله
شرايكم أبلة العربي تكتب الاملا على السبورة وتقول للبنات ينقلونها.
بنتي ناقده تقول ليش نحفظ املاء اذا الأبله تكتبها وتقول انقلوها
حتى بنيه قالت لها ابله مايصير تغششينا هذي حنا لازم نكتبها عن غايب
بالله عليكم شسوي احس ميته قهر
مدارس الحكومه ماعاد منها امل
اسفه بنات بس مضااايقه والله

 

[احب-الدايت]

الله يعينا بصراحه حيل ضاغطين على عيالنا واليوم بنتي عطوها الحكايه الخامسه ( الدرس الثالث ) عربي باقيلهم بس درس واحد يعني في كتاب ثاني بعد

 

[احب-الدايت]

اي والله صاجه سحر الشرق مدارس الحكومه فاشله حدها حرام عليهم عيالنا بذمتهم

 

[مطلقه وأفتخر]

مشكوره تهون ماقصرتي


بنات منو تعرف حل صفحه 29 من كراسة التمارين للرياضيات
الكتاب الثاني مع الابله ومو فاهمه شي!

 

[عاشقة الاسلام]

تدرون امهات اكتشفت ان ابلة العلوم والرياضيات بمدرسة بنتي يحلون الاختبار مع الطالبات يكتبونه علي الصبوره
والبنات ينقلونه من الصبوره
شلحل مع المدرسات
لا والطامه الكبري بحفل التفوق حق المدرسه يكرمون جميع طالبات مراحل اولي وثانيه وثالث ابتداي وكلهم متفوقين مافي فرق مع احد كلهم متسوين
ابعرف امهات كل مدراس بناتكم نفس الشي جميع طالبات اولي وثانيه وثالثه ابتداي ويعطونهم شهايد تفوق
مافي بصف طالبات متميزات بصف مافي وحده طالعه الاوله او الثانيه والثالثه علي الصف

 

[فجر ا]

اختى مطلقه الدرس مو مفهوم بس تشطبى المعلومات المو مهمه السؤال الاول
اشطبى استغل مصطفى الحافله لمدة 30 دقيقه
وقت انتهاء الفلم الساعه 3
السؤال الثانى
2 يوم
السؤال الثالث
حصة الرسم
الثانى سالم​