تجمع امهات الصف الاول ابتدائي 2011/2012

[manoooram]

والله انا خليتها تداوم اليوم على اساس دراسه
اتصلوا علي عال ١٠ وشي قالولي اخذيها ماكو احد الا كم وحده
وباجر لا تداوم بعد

 

[اطياب طيبه.أم عبدالله]

العربي منهج فاشل
وابلات الله يعين ماني قائله شي
انا مؤ معتمده عالمنهج
قعد ادرسها عربي تاسيس على طريقتي لانه اختصاصي
ومو مهم عندي المنهج
وبنتي الحين قامت تهجي الحمد لله

اي ادري فاشل من قلب
العام كانت بنتي هم باولي والله خلصت وياها كل الحروف خلال السنه وكملت معاها بعطله الصيف الحين اهي بثانيه الحمد لله تقرا وتكتب بروحها .. لو اعتمدنا على هالمنهج بيوصولن لي رابعه ما يعرفون يكتبون جمله على بعضها

وهم مبلشه ويا ولدي هالسنه نفس النظام بس مو ملحقه بصراحه عندي 3 بالمدارس اسم الله عليهم وصايره اتنرفز بسرعه وما ابي مستواهم ينزل

تصدقون مدرسه ولدي للحين ما عطونا شهاده الكورس الاول !! وما قالوا لنا اذا في حفله وتصوير ولا لا !!

حدي ضايق خلقي :bbbiu:

 

[SARA*]

السلام عليكم الاسبوع الياي فيه عطله اذا في اي يوم

 

[manoooram]

الأحد والأثنين عطله

 

[SARA*]

شكرا حبيبتي على الرد مادري متى راح يلحكون يخلصون المنهج

 

[manoooram]

ما شالله لأن العطل يت ورا بعض

الله يوفقهم عيالنا يارب

 

[فيونكهq8]

مساء الخير عليكم شلونكم حبيباتي
بغيت اسألكم بتخلون عيالكم يداومون هالاسبوع
لان بصراحه مادري اذا في احد يبداوم ولا لأ

 

[ام عواشة]

انا محتاره قلت بودي بنتي الكل يقول لا تودينها مدرسة بنتي حومه احسهم شديدين شوي
شرايكم بنات

 

[SARA*]

وانا بعد محتاره مادري باجر اودي بنتي لا انا بنتي للحين مو مستلمه الكتب للفصل الثاني واخاف خليها تداوم ويخلونهم كل صفين مع بعض ماتحب والله حيره

 

[manoooram]

والله خليتها تروح اليوم ومحد اتصل علينا

 

[PuPa^^SWeeT]

http://www.q8yat.com/t1020027.html


دشوو هالموضوع


يفيدكم انتو وعالكم انشالله

 

[اطياب طيبه.أم عبدالله]

عيالي داوموا امس وبيداومون اليوم باذن الله بس الخميس طااااااااااااااف ان شاء الله

 

[الماسه 2]

مرحباا امهااات ،،،
امس بنتي داومت والصف مافي الا ٥ طالبات ومادرست ولا حصه كله احتياط واليوم غيبتها

 

[manoooram]

والله يقهرون وبنفس الوقت ما يستحون
يطلبون منا نييب اليهال ..
ولمن نييبهم يتصلون على العشر او عشر ونص
يقولون تعالو ماكو دوام
اي خلاص انتو مداومين مداومين كملو يومكم مع اليهال
والله عيب

 

[%F&R%]

انا ماخليت بنتي تداوم بس متابعتها بالبيت وماشيه عالخطه معاهم

 

[فديت قلبهم]

اب اب

 

[فديت قلبهم]

الله يعافيكم أمهات شنو معنى مسح قراءه

 

[&شهرزاد&]

مرررحباا بنات

بلش اسبوع الجد بنسبه
للدرسه خلااص لا عطل ولااا يحزنون

والابلاااات جنه حاااطين شعارهم

لا للرحمه ودراسه يعني دراسه

استغفرالله المناهج صايره تلوع الجبد


الله سعيناا

بنات سوال الحين التربيه الوطنيه طالبين

صور عن البيئه ولبس

ماافهمت اللبس من ووين والصور بعد

 

[الوردة المكنونة]

هاي بنات

شلونكم مع المدارس شكلكم صخه الاسبوع اللي طاف

انا اليوم خليت بنتي اداوم من بعد عطلة العيد الوطني وبصراحه ما تحسفت اني غيبتها لان اللي درستها بالبيت اكثر من اللي دارسينه بالمدرسه الحمدالله وحفظتها الدرس الاول قراءة وكتابه واليوم الابله حاطتلها نجمه على ايدها لانها عرفت تكتب جمله من الدرس الاول أغلب الصف ما يعرفها يعني غابت استانست وارتاحت وحفظت دروسها عدل

 

[الوردة المكنونة]

مرررحباا بنات

بلش اسبوع الجد بنسبه
للدرسه خلااص لا عطل ولااا يحزنون

والابلاااات جنه حاااطين شعارهم

لا للرحمه ودراسه يعني دراسه

استغفرالله المناهج صايره تلوع الجبد


الله سعيناا

بنات سوال الحين التربيه الوطنيه طالبين

صور عن البيئه ولبس

ماافهمت اللبس من ووين والصور بعد

من المكتبه الصور بس اللبس ماعندي فكره بس سألي ابلتها شنو اللبس اللي يبونه بالضبط