تجمع امهات الصف الاول ابتدائي 2011/2012

[حورية البحر 1]

وأنتو متى إملاء عيالكم بالدرس الأول

 

[مطلقه وأفتخر]

ريد فلور الله يعينج انتي حاولي كل يوم تعطينه حرف او حرفين وعلميه اشلون ينكتبون باول الكلمه وبنصها وبأخرها
والرياضيات حاولي توصلين له المعلومه باللعب



حوريه البحر1 إحنا للحين مااستلمنا خطه اسبوعيه!!

وبالنسبة للعربي للحين مراجعه مابلشوا دراسه
والانجلش الألوان والاعداد
والرياضيات تكوين الاعداد إلى60
الاسلاميه للحين ماداومت ابلتهم
والوطنيه مادري عنه



وبالنسبة للتصوير ولدي يقول صوروه الكورس اللي طاف
طبعاً قال عقب استجواب ساعه!

ليش جذي ماقالوا لنا!!

 

[فديت قلبهم]

العربي ماخذو شي بس مراجعه مال الكورس الاول الدين. سورة الفيل بس أبلة الانجليزي ماداومت

 

[%F&R%]

قوه امهات شلونكم وشلون التدريس معاكم
انا بنتي اليوم معطينهم لختبار تعبير بالعربي
وبالانجليزي عطوهم الدرس الاول مع مراجعه للاحرف والارقام
العلوم الدرس الاول
الرياضيات خذو الدرس الثالث
الاسلاميه سوره الفيل
وبس جذي بالدراسه
بس بنتي ماقالتلي شي عن صور

 

[الوردة المكنونة]

سلام بنات

اليوم بنتي خذاو الدرس الثاني الرياضيات العشرات
والعربي كلمتين ساحة - مدرستي
الدين العقيده الدرس الرابع
انجليزي للحين مراجعه ما بلشاو
العلوم ما شاء الله ابلتهم تركض الدرس الثالث

وزعاو عليهم جدول الحصص اليديد
*

 

[الوردة المكنونة]

بغيت أقولكم بنات ولدي معطينة الخطة أنه إملاء العربي بالدرس الأول يوم الخميس
مساكين مامداهم يداومون تعطونهم إملاء في أول أسبوع

واي حرام عليها ما مداهم يدرسون عشان يعطونهم املاء الله يعينج

 

[مطلقه وأفتخر]

إحنا لاجداول ولا خطه أسبوعيه!!


الله يعينكم إملاء وتعبير وإحنا تونا بأول أسبوع!!

 

[اطياب طيبه.أم عبدالله]

شخباركم امهات

باجر ولدي عنده املاء كاتبين بالخطه ومكتوب كلمات خارجيه من بره المنهج يعني

اهم خل يحفظون ويستوعبون الكلمات اللي خذوهم عقبها يعطونهم كلمات خارجيه

عاد قعدت ويا ولدي وقعده امليه كلمات خارجيه من 3 حروف

مثل حمد حسن جمل حمل ركض ورق امي اخي اختي سمع الخخخ

والله خايفه اشبيسوي بالاملاء باجر !!

 

[اطياب طيبه.أم عبدالله]

ام عبدالله شخبارج شمسويه مع الدراسه انا ماشبعت من العطله



احس مدرستنا حيل باردين لاتكلموا عن تصوير ولا تفوق شالسالفه


بس اخر الكورس الاول عطوه هديه بنص الطابور ليش ماادري!!

هلا فيج حبيبتي

انا بخير الف الحمد لله وانتي ؟؟

عاد مدرستنا شكلها نايمه بالعسل للحين ما عطوهم شهادات الكورس الاول يقولون مافي !!!

وبنتي اللي بثانيه ابتدائي طالعه من الاوائل على صفها الحمد لله كل المواد ممتاز الف الحمد لله

بس مدرسه ولدي الله بالخير لا شهاده ولا تصوير ولا ادري الولد شنو وضعه وكل ما مريت ابي اقابل الابلات يقولون عندهم حصص :bbbiu:

 

[اطياب طيبه.أم عبدالله]

تصدقون ولدي للحين بدرس جمانه تصلي العيد في المسجد !!

جنهم متاخرين بالمنهج صح ؟؟

للحينهم بالكتاب الوردي توهم ما بلشوا بالجزء الثالث البرتقالي

لا ويركضون ركض بالمنهج ما ادري وين اليهال بيفهمون جذي !!

حق اللي تسال عن المنهج مال التربيه الاسلاميه ترا الايات تحصلونهم بالكتاب الابله تكتب يم السوره حفظ والتاريخ ولدي الحين حافظ سوره الفيل

واحنا بدايه السنه عطونا شريط كاسيت بمنهج القران كله قراءه الشيخ مشاري العفاسي يقرا السوره خمس مرات ورا بعض عاد كله اشغله بالبيت من العام لان بنتي العام كانت باولي وحفظت مع التكرار وولدي حفظ وياها وهالسنه كله اشغل منهج ثانيه ابتداءي على اساس ارتاح باذن الله السنه اليايه

 

[مطلقه وأفتخر]

دوم بخير يارب

ومبروك تفوق بنتج والفال لولدج يارب

والله حالتي مثل حالتج بالنسبه لولدي سألته صوروك اول مره قال مادري وعقب استجواب قال إيه عاد مادري
والشهاده استلمناها نهاية الكورس الاول والحمدلله كله امتياز


وبالنسبة لمدرستكم احسن منا بواجد إحنا لاخطه اسبوعيه ولاشي يبيلهم أسبوعين يالله يستوعبون ويعطونا!

وما عطونا شريط للقرآن كلش!

 

[الصابرة المحتسبة]

السلام عليكم

ماعطونا خطة اسبوعية

وماشاءالله عليكم اللي عطوهم شريط قران

غيروا الجدول

الانجليزي اوراق عمل بس

 

[مطلقه وأفتخر]

السلام عليكم شخباركم أمهات

شخبارج حبيبتي الصابره

بنات ولدي يقول الاسبوع الجاي عندهم حفله لليوم الوطني
عادي البسه على كيفي والا لازم لبس المدرسه؟

وبالنسبة للدراسه ماشيين بالرياضيات
اما باجي المواد مراجعه للحين

والاسلاميه أبلته للحين ماداومت عسى المانع يكون خير

 

[فديت قلبهم]

أمهات أسألكم التصوير يأخذون عليه فلوس لان اولدي صور الكورس الاول صوره جماعيه مع طلاب صفه وأمس عطوه ورقه عشانه متفوق ماشالله عليه لان في تصوير مره ثانيه بس ماادري جم اعطيه

 

[أم عبودي الكتكو]

مرحبا بخصوص الي تسال عن اللبس ....عادي مدرسة بنتي مخلين البنات علي راحتهم بالبس اعلام لكويت ونفانيف حلوة ....وشحلاتهم الله يخليهم...ويجيبون شخصيات..

 

[الوردة المكنونة]

بنات حبيت ابلغكم

نشيد وطني بكتاب العربي حفظ حفظوا عيالكم

واملأ اول ما يخلصون الدرس الاول عندهم املاء عربي يعني شدوا حيلكم معاهم قبل لا يتراكم عليهم الحفظ والله يعينكم

واول سوره بالاسلاميه حفظ بالكورس الثاني سورة الفيل *

 

[سحر الشرق@]

بنات شنو املاء الدرس الاول
الي عندها فكره تقول لان مدرستنا الاملاء فجأه
ونصيحه القاعدة لتأسيس العربي احلا شي
يطلع الطفل منهم يقرا ويكتب بس لازم يخلص الكتب الثلاثة
يعني تقريبا ثلاث شهور
وبالعطله احسن ايام الدراسة صعب

 

[مطلقه وأفتخر]

مرحبا بنات

إحنا الإملاء يعطونا أوراق وكاتبين الجمله والكلمات

مادري اذا في إملاء مفاجئ

 

[فديت قلبهم]

اب اب

 

[manoooram]

الجملة اللي خذوها بالدرس هالأسبوع تدخل من ضمن الاملاء
بس حسبي الله على ابليسهم تو الناس خلو اليهال يتنفسون !!!!!