تجمع امهات الصف الاول ابتدائي 2011/2012

[سفرجل]

رد: #تجمع امهات عيالهم بيروحون اولى ابتدائي ان شاء الله#

ام يوسف من صجج ماعطوهم هدايا
غرييبه
وزين 12 كتاب
اشمعنا ولدي 8 ولا انا خذيت الكتب في ناس طلعوا وقالوا لهم باجر بس وحده مارضت وخذت الكتب وخذيت معاها
وكلكم شفتوا الصفوف الا مدرسة ولدي لاصفوف ولا مدرسه ولا الناظره ولا الوكيله ماادري شسالفه اخاف ماحطوا ههههههههه

 

[ام عواشة]

رد: #تجمع امهات عيالهم بيروحون اولى ابتدائي ان شاء الله#

شلونكم يا امهات اليوم داومت بنوتي مدرستها اسمها حومة في الزهراء سوولهم حفلة عنونة ويايبين لهم شخصة مسابقات وهدايا وبلونات والناظرة رحبت فيهم والمدرسات شكلهم حليوين وعقب راحو الصفوف استلمو الكتب ووجبة خفيفة وخذو الجدول وردينا البيت وباجر ان شاء الله الجد والحرص
مع التحية.......

حبيبتي انا بعد نفس المدرسة حومة في الزهراء بس ماعطوها الجدول يمكن باجر

 

[نونا حبيبتي]

رد: #تجمع امهات عيالهم بيروحون اولى ابتدائي ان شاء الله#

أنا وديته تقريبا علي ٧ ودورنا اسمه بالأوراق المعلقه وطلع صفه اولي اول وشفنا الصف والحمام قريب عزكم الله وتمشينا بالساحه وبعدها ودونا المسرح مسابقات وجوائز وستانسوا وشخصيات وحاطيلهم ذره وبوب كورن فري حق الياهال وبعد ماخلصت الحفله وزعوا علي عليهم ملفات فيها دفترين واقام رصاص ومساحه وبرايه وجيس فيه كرواسون وعصير وشبس إهداء من الجمعيه وبعدين رحنا الصف وخذينا الكتب وبعدها توكلنا علي الله

 

[بناتي حلوين]

رد: #تجمع امهات عيالهم بيروحون اولى ابتدائي ان شاء الله#

السلام عليكم
كل عام وانتو خير
شلونكم وشلون عيالنا الحلوين مع اول يوم
اتصدقون اليوم بس شفت التجمع هههه مع بداية العام الدراسي
الحمدلله اليوم بنيتي البجر داومت والمدرسه مسويلهم
مسابقات ويايبين شخصيات وهدايا ماقثرو عشان يستانسون اليهال باول يوم
وراحو الفصول وعطوهم الكتب والجدول ورقة الطلبات
وطلعنا
عاد قلت مدام مبجر امر المكتبه نشتري باجي الاغراض
بس عفيه بنات في شي مالقيته ومو عارفه شنو اهوه
الي تعرف تفيدنا جزاه الله خير
كاتبين حق الرياضيات اقراص بلاستيكيه عدد ٢٠ قرص
عاد كنت سائله الابله شنو هذا وقالت المكتبه يعرفونه
بس قالو ماندري شنو هذا
احد عنده فكره ؟؟؟

 

[عواار قلب]

رد: #تجمع امهات عيالهم بيروحون اولى ابتدائي ان شاء الله#

مااشاء الله /الكل حلووة تفاصيله مع عيالكم
الله يوفقهم
أنا اخوي اولى والله أشكالهم تونس وهما مداومين
الله يحفظهم يارررب " /

 

[غريبه بدونكـ]

رد: #تجمع امهات عيالهم بيروحون اولى ابتدائي ان شاء الله#

مرحبا بنات داوم ولدي متأخر عالثمان وكانت الحفله بادية بالمسرح وزعوا بالونات وكرنيه عليه اسم الولد وصفه والحفله كانت بسيطه بس اللي ماعجبني انهم ماخلونا نروح نشوف الصفوف ولا وزعوا وجبات عالاطفال بس الكتب ومشينا .. اليوم رحت شريت القرطاسية وكانت المكتبه زحمه وضيقة خلق .. *

 

[@@مرمر زمانى@@]

رد: #تجمع امهات عيالهم بيروحون اولى ابتدائي ان شاء الله#

السلام عليكم

اليوم استلمت الكتب بس ناقص كتاب الحياتية وسألت عن الكتاب قالوا لى للحين

ماوصل .... منو استلمت الكتب كاملة ؟؟؟

وبالنسبة للدفاتر للحين ماشريت لانى انطر المدرسة يعطونا ورقة الطلبات

 

[حمآمه بيضه]

رد: #تجمع امهات عيالهم بيروحون اولى ابتدائي ان شاء الله#

حسره على ولدي اللي لاحفله ولاشخصيات اللهم لعبه من بواميه قعد يبجي مايبي يداوم يقولي ماما شوفي طوفة صفي اشلون مكسره والابلات لااستقبال ولا ابتسامه للاطفال اشدعوه عليهم كل وحده قاضبه المايك وهات ياتحذيرات ووصايا خرعونا من صباح الله
حتى المدرسه مغبره مومنظفينها ضاق خلقي والله

 

[حمآمه بيضه]

رد: #تجمع امهات عيالهم بيروحون اولى ابتدائي ان شاء الله#

مرمر انا عطونا الكتب كامله بس الجدول ماوزعوه يعني اشلون باجر احطله كل الكتب بالجنطه

 

[كوكو لاتي]

رد: #تجمع امهات عيالهم بيروحون اولى ابتدائي ان شاء الله#

وااي الله يعينكم انا ولدي يوم الثلاثاء دوامه الله يستر حدي خايفه

 

[الوردة المكنونة]

رد: #تجمع امهات عيالهم بيروحون اولى ابتدائي ان شاء الله#

اليوم اول يوم

معلقين عند الباب اوراق فيها اسماء الطلبه والصف

مسوين حفله في مسرح المدرسه يايبين شخصيات وهدايا للاطفال ومسابقات

وبعد الحفله رحنا الصفوف عطونا الكتب والجدول والطلبات

كراسيهم وااايد حلوه اعجبتني كل اربع بنات مع بعض طاوله وكراسي حسسني انها للحين في الروضه

بس المدرسه وااايد كبيره تضيع انا بطلع ضيعت الباب شلون اليهال

رحت المكتبه الساعه ٥ ما تنبغى من الزحمه

جلدت كتبها وخلصت وتصفحتهم كتاب القرآن محفظتها كل الآيات الحمد الله سهل علي وايد

والانجليزي محفظتها يعني الكتاب بالنسبه لها مو صعب

بس باجي الكتب للحين ماتصفحتهم

وهذا يومي مع اول يوم بالمدرسه

 

[نونا حبيبتي]

رد: #تجمع امهات عيالهم بيروحون اولى ابتدائي ان شاء الله#

صباح الخير
حمامه بيضه انتي اي مدرسه بنتج

 

[Brounzi_girlly]

رد: #تجمع امهات عيالهم بيروحون اولى ابتدائي ان شاء الله#

شلونكم يا امهات وديت بنتي اليوم خليتها تنزل بروحها مع أني لاحضت امهات نازلين بس اهم نبهو علينا خليهم ينزلون بروحهم ويعتمدون على نفسهم بس قاعدة احاتي وأمس انا بس افكر احس انا الي بدرس وانه شي يديد

 

[@ام يوسف@]

رد: #تجمع امهات عيالهم بيروحون اولى ابتدائي ان شاء الله#

اليوم عطوا ولدي الجدول ويقول ما درسوهم ولا شئ

 

[Dewdrops]

رد: #تجمع امهات عيالهم بيروحون اولى ابتدائي ان شاء الله#

شلون عيالكم مع الدوام اليوم:eh_s(11):

شنو درسوهم اليوم انا اللي عندي حاله كتاب العربي لي النص:eh_s(10):
عيالكم لاي صفحة وصلوا بكتاب العربي؟؟؟

 

[Dewdrops]

رد: #تجمع امهات عيالهم بيروحون اولى ابتدائي ان شاء الله#

اليوم عطوا ولدي الجدول ويقول ما درسوهم ولا شئ

ما عطوهم جدول اليوم

 

[هيبة كلامي]

رد: #تجمع امهات عيالهم بيروحون اولى ابتدائي ان شاء الله#

شلونكم امهات
انا اليوم ولدي ناسي مقلمته وجنطه الاكل
حتى دفاتره ناقصين
ويقول الابله اخذت الدفاتر
بس الله يعينا على هالنسيان

 

[نونا حبيبتي]

رد: #تجمع امهات عيالهم بيروحون اولى ابتدائي ان شاء الله#

اليوم يقول ولدي ماعطوهم شي بس كل شوي تييهم ابله ومو كل الصف عنده كتب في ناس ماستلموا
Dewdrops شلون حالين نص الكتاب مامداهم تب تفتك!!!

 

[سفرجل]

رد: #تجمع امهات عيالهم بيروحون اولى ابتدائي ان شاء الله#

مادرسوا شئ اليوم
وعطوهم ورقة الطلبات
ماعطوهم الجدول
وماادري اشلون نظامهم يقولون في كل صف ابله او ابلتين مسئولين عن الصف اشلون يعني بس ابلتين يدرسونهم معقولة!!!!
يقولي ماشاف الا مدرسه وحده وحماماتهم وانتوا بالكرامه وصخين واهو من النوع مايحب يدش حمامات وصخه حتى لو كان حصران واشكثر ازفه ماكو فايده ماادري شسوي

 

[Dewdrops]

رد: #تجمع امهات عيالهم بيروحون اولى ابتدائي ان شاء الله#

اليوم يقول ولدي ماعطوهم شي بس كل شوي تييهم ابله ومو كل الصف عنده كتب في ناس ماستلموا
dewdrops شلون حالين نص الكتاب مامداهم تب تفتك!!!

شكله مو حل الابله في خرابيط
شكلها مطلعه الكتاب ولاعبه فيه بالفرصة