رد: #تجمع امهات عيالهم بيروحون اولى ابتدائي ان شاء الله#
هلااا والله ,, أنا كافيه نعناعه الخبره الكامله تلقونها عندي ,,, أنا عندي 3 أولاد إسم الله عليهم الكبار بالمتوسط والوسطي رايح أولا ابتدائي ,,,
وأنا بعد معلمه بنفس المدرسه وعندي خبره 10 سنوات
طبعا المنهج القديم واايد أحسن , الحين المنهج صعب فلازم تدخلونهم القاعده الحلبيه أو أي معهد يدرس اللغه العربيه
طبعا أنا عانييييت مع ولدي الكبير بالدراس لأني دخلته مدرسه خاصه بأولى أبتدائي وكاشخه يعني ,, بعدين تأزمت من زحمة الطريج والواجبات والميزانيه اللي تهد الحيل ,, وبعدين دخلته معاي المدرسه وارتحت مع أخوه والحين اهم بالمتوسط
بس اللي كان متفوق بالإبتدائي إذا راح المتوسط ينصدم بالمناهج ,,
المهم أولا إبتدائي مرحلة تأسيس ولازم يدش المدرسه والولد عارف الحروف ,, انا شريت من المكتبه دفاتر الي فيها حروف وصور وخليت ولدي يكتب الحروف وعلمته الارقام عربي وانجليزي ,,
بس لا تضغطون على عيالكم عشان ما يكرهون المدرسه وحببوهم بالواجبات ومع التشجيع راح يحب الدراسه ولاااااااتعصبون عليهم
طبعا الي عندها ولد راح يعذبها اذا كان شيطان لانهم ما يحبون الدرااسه ,,,
عطيه مكافأه آخر الاسبوع اذا كان شاطر
وايد هذرت عليكم لان في قلبي وايد حجي ومستعده أساعدكم
