تجمع امهات الصف الاول ابتدائي 2011/2012

[عزة وكبرياء]

السلام عليكم

المتفوقين اللي تقديرهم امتياز ومالهم حق انهم مايكرمونها

هلا اختي الصابرة اي يبون يكرمونهم بس طبعا الفلوس والهدية من الاهل :d بس سؤالي ليش مايكونو بناتي من الاوائل مع انه تقديرهم ماينزل عن الامتياز وان نقصهم علامات تنقص علامة وحدة وبس والفترة الثالثة كله 100 والرابعة اتوقع جذي كاملة علاماتهم وكل سنة نفس الشي اتفاجأ كل الاوائل بنات الابلات اوبنت الوكيلة اللي في كل مكان رازينها مايصير جذي بنتي اللي بثالثة قامت تنتبه وتقولي ليش مايختاروني اهما مو أشطر مني وهي صاجة وبشهادة كل الأبلات اللي يمدحون فيها آسفة طولت بالكلام بس من الحرة اللي فيني

 

[فجر 1]

السلام عليكم امهات ....
اليوم كان حفله التفوق مالت بنتى بس صورهم ... وخلص التصوير ردو دراسوهم ...
اليوم خلصنا الريضيات ... الانجليزى باقى درس والعربى درسين ... ماادرى الاسبوع الياى امكن يخلصو

 

[فجر 1]

امهات لاتسكرو التجمع نواصل مع بعض .. اذا فى نوادى زينه .. ولا تدرسو عيالكم وتحفظهم سوره ثانيه ... ونفيد ونستفيد....

 

[الوردة المكنونة]

وينكم امهات عطلاو عيالكم احنا للحين مداومين حتى مافي غياب عشان نغيب بناتنا

التجمع صخه الظاهر غيبتوا عيالكم

 

[عاشقة الاسلام]

اي حبيبتي عطلوا اولي كان يوم الخميس اخر يوم لهم

 

[نور العرب]

أنا أخوي عطل

أخر يوم كان الخميسسسس

 

[فجر 1]

اى عطلو من الخميس والاحد بنتى راحت الابله قالت لهم لاتجو ارتاحو فى البيت عاد ماصدقنا خبر ..........

 

[سحر الشرق@]

للحين اداومون
حنا مدرستنا من اول الاسبوع الي طاف عطلو

 

[الصابرة المحتسبة]

السلام عليكم

شلونكم مع العطلة

الصراحة الشي اللي يحز بالخاطر ان هدية بناتنا منا مع ان المفروض المدرسة تقدرهم بهالشي.

 

[عزة وكبرياء]

اي والله اختي الصابرة مايحطون ولا فلس حق عيالنا كله من فلوسنا حتى الصورة مع الناظرة دفعنا دينار ونص والهدية 6دنانير والسي دي 6 والحفلة كلها حق بنات الابلات وتهاوشو امهات البنات معاهم واللي تقول الاسامي لما تقول اسم بنت ابلة تبطي وتقول حيوها ولمن مايكون في بنت أبلة تركض بإذاعة الاسماء والله شي يحر الصراحة حتى يوم الحفلة وزعو علينا ماي واللي قاعدين جدام الأبلات واللي لهم واسطات قهوة وشاي وتمر وحلويات والرقصات كلها نفس البنات مشركينهم ب3رقصات وأكثرهم بنات وقريبات الابلات :rgewrg: ​

 

[ام سيف الامارات]

يا حظكم نحن في الامارات روضه يوم 15 من شهر 6 اخر يوم
اما الابتدائي يوم 20

 

[الصابرة المحتسبة]

السلام عليكم

ماعليه ياقلبي كل مكان فيه الايجابيات والسلبيات ولكن لازم نوصل صوتنا بطريقة حلوة وغير مباشرة عل وعسى تنسمع.


هلا اختي ام سيف حي الله اهل الامارات

 

[عاشقه الحلى]

السلام عليكم,,,
شنوووو برنامجكم لصيف لسنه الجايه بثانيه
ودي اجيب لها مدرسه انجلش وعربي تاسس عدل وتعلمها لسنه الجاااااااااااااااااي



انتم اشرايكم..........
شنو مخططكم الصيفه
خلونا نتعاون.



..
.

 

[مطلقه وأفتخر]

السلام عليكم ورحمة الله وبركاته

شخباركم امهات مع العطله


كلنا تقريبا تفكيرنا واحد ونبي نأسسهم لسنه ثانيه
بس انا اقترح نعطيهم مجال يريحون عشان مايكرهون الدراسه
شنو مخططاتكم للتأسيس



اشرايكم نسوي جدول ونمشي عليه مع بعض بجذي نفيد ونستفيد

 

[tahoon]

متىنستلم نتائج الفترة الرابعة سمعت انة في بداية شهر 6

 

[فجر 1]

السلام عليكم ورحمة الله وبركاته

شخباركم امهات مع العطله


كلنا تقريبا تفكيرنا واحد ونبي نأسسهم لسنه ثانيه
بس انا اقترح نعطيهم مجال يريحون عشان مايكرهون الدراسه
شنو مخططاتكم للتأسيس



اشرايكم نسوي جدول ونمشي عليه مع بعض بجذي نفيد ونستفيد

هلا اختى مطلقه .. كلامك صح ..
ماشبعنا من النوم .... ... انا بديت تحفيظ السوره ..
ابى اعرف منهج ثانيه .. فى الريضيات .. ياريت لو واحده من الاخوات تقول شنو يعطوهم فى الريضيات ..
انشاء الله نسوى جدول ... ونتعاون

 

[الوردة المكنونة]

بنات تو الناس على تأسيسهم حق ثانيه عندهم عطله 3 اشهر انا بخليهم يريحون عشان يحسون بالعطله يستانسون شوي

 

[مطلقه وأفتخر]

السلام عليكم ورحمة الله وبركاته

شخباركم امهات

حبيبتي الورده انا نيتي بالتأسيس ابلش معاه بشويش وبتركيز على كل ماده
مادري طريقتي صح او لا
مثلا اول شهر يحفظ السور المقرره عليه مع اللغه العربيه مراجعه بالقرأه والكتابه وتأسيس لمنهج ثانيه

الشهر الثاني الرياضيات
الشهر الثالث اللغه الانجليزيه

فعطبعا مو يوميا هالشي
اتوقع بجذي يخف علي وعليه التدريس بسنه ثانيه وحزتها نتفرغ لباجي المواد


انتم اشرايكم بهالطريقه واللي عندها افكار تقول لنا
وبالنسبه للنوادي بتسجلونهم؟
وفي معاهد للغه الانجليزيه بس مادري شنو الاحسن!

 

[مطلقه وأفتخر]

وبإذن الله متىماتفرغت احط منهج ثانيه للرياضيات بس دعواتكم لي

 

[مطلقه وأفتخر]

هذا رابط الصفحه وبتلقون ردي وحاطه فيه السورالمقرره لسنه ثانيه
http://www.q8yat.com/t1049528.html