تجمع امهات الصف الاول ابتدائي 2011/2012

[سحر الشرق@]

بنات شنو امتحان التعبير
شنو أسئلة التعبير يعني

 

[tahoon]

التعبير بيكون فية فراغات او توصيل وترتيب الجملة

 

[سحر الشرق@]

التعبير بيكون فية فراغات او توصيل وترتيب الجملة

مشكووورة

 

[عاشقة الاسلام]

حبيبتي سحر الشرق
تعبير العربي يعتبر حل الاسأله اللي وراء كل درس وحفظهم هذا يعتبر تعبير العربي

 

[اطياب طيبه.أم عبدالله]

قوه بنات
اشلون اعيالكم مع اولي ؟؟

انا عندي ملاحظه
ما تلاحظون ان كراف الواجبات كل ماله ويزيد ؟؟
ما تلاحظون ان الدروس ورا بعض لدرجه الياهل مامداه يحفظ كلمات الدرس اللى قبله ؟؟

امس عطوا ولدي كتاب العربي اليديد واحس للحين الولد مو مستوعب الكتاب القديم اصلا

 

[الوردة المكنونة]

بنات دقاو علي المدرسه يبوني احضر طابور الصباح لان مختارين بنتي الطالبه المميزه ويبوني احضر من غير ما تدري

منو مرت بنفس الحال يعني شنو اسوي او شنو موقعي من الاعراب ماني عارفه اللي مرت بهالموقف تقولي شنو سوت بليز

 

[@ام يوسف@]

اليوم عطوا ولدي ورقه انه احضر باجر علشان استلم الفلاش ميموري

 

[دلوعة روحي]

السلام عليكم بنات شلونكم

غبت عنكم 3 اسابيع

اسبوعين بالحج الحمدلله

و عقب ردتي سويت لولدي عملية

و صارله اسبوعين غايب

صارلي مدة اروح المدرسة و ارد اخذ الخطة وة الدفاتر عشان يحل بالبيت

كل شي سهالات بس احس العربي متراكم

بنات في مادة الاسلامية شنو الاحاديث المقررة عليهم يحفظونها ؟؟

 

[عاشقة الاسلام]

اي امهات سمعتوا بنظام الجديد اللي هو مشروع تخفيف الخقيبه المدرسيه راح يبدا من يوم الاثنين ويوزعون فلاش ميمري علي ولية امر الطالبه ويحتوي الفلاش علي المنهج الدرسي للطالبه والكتب راح يكونون بالمدرسه وعدم احضار الخقيبه المدرسيه للطالبه
وراح يسلمون الطالبات جدول اللي هو عباره عن خطة توزيع الكتب لمشروع تخفيف الخقييه التعليميه
وسيتم توزيع ملف علي الطالبات يستخدم لوضع الكتب ---- كتابين فقط يوميا -----
شرايكم امهات بهالمشروع هل راح تستفيد منه الطالبه او العكس :bbbiu:

 

[سفرجل]

حلوو
بس مااتوقع كل المدارس
لانه للحين ماقالوا لنا شيئ

 

[ديمه الخالدي]

لا مابي نظامهم انا يوميا احط كتب اختي وادرسها كل المواد دروسها القديمة واللي راح تاخذهم و ماحب ادرس الا من الكتب اللحين اهم عندهم كتب الاسلامية والوطنية والحياتية والحاسوب وانا مو عاجبني ابيهم

 

[manoooram]

اطياب طيبة (أم عبدالله)
والله صاجه مسكينة بنتي مايمديني أحفظها كلمة الدرس اليوم الا من باجر يايتني بكلمة يديده
وابي اعرف شالحكمه ان ما يعلمونهم الأحرف نفس أيام قبل على طول كلمات وبس ؟؟

دلوعة زوجي تقبل الله طاعتج حج مبرور وذنب مغفور ان شالله وبالنسبة للأحاديث أبلة الاسلاميه ما قالتلي عنهم بس قالتلي ركزي على حفظ الآيات هذا أهم شي

 

[سحر الشرق@]

السلام عليكم بنات شلونكم

غبت عنكم 3 اسابيع

اسبوعين بالحج الحمدلله

و عقب ردتي سويت لولدي عملية

و صارله اسبوعين غايب

صارلي مدة اروح المدرسة و ارد اخذ الخطة وة الدفاتر عشان يحل بالبيت

كل شي سهالات بس احس العربي متراكم

بنات في مادة الاسلامية شنو الاحاديث المقررة عليهم يحفظونها ؟؟

تقبل الله طاعتج حبيبتي
ومايشوف شر ولدج

الاسلاميه اتوقع اهم شي حفظ السور القران
والابله أهي تحفظهم

 

[لمساتـي]

انا استلمت الفلاش بس ناطره الابتوب يتصلح اليوم عشان اشوفه
منو فيكم شافته شفيه

 

[سحر الشرق@]

منو عندها حل الصفحة ١٩ بكتاب الانجلش
اول تمرين
لون الكرسي
لون الأريكة
لون السرير
لون المكتب

 

[سحر الشرق@]

انا استلمت الفلاش بس ناطره الابتوب يتصلح اليوم عشان اشوفه
منو فيكم شافته شفيه

بسألج حبيبتي
الحين خلاص مايطرشون الكتب كلش ؟

 

[دلوعة روحي]

ما قصرتوا بنات

احنا ما يابوا طاري الفلاش

 

[سفرجل]

اليوم عطوا ولدي ورقه ان اسبوع الياي اجتماع وراح يسلمونا الفلاش ميموري
الفكره عجبتني
لاني انا الي تعبت اشيل جنطته في الهده اثقييل مسكين اشلون متحمل كل هذا
وغير اليهال يطقون بعض ليش جنطة هذا نفس الي يمه ويتهاوشون او واحد يدوس جنطة الثاني وتعالوا شوفوا الطق وغير السب

 

[عاشقة الاسلام]

حبيبتي الكتاب خلاص ماراح يعطونهم مجرد مادتين ودفاترهم بس راح يعطونهم علشان ادرسين ولدج الدروس اللي عليه ويعطونهم ملف يحطون فيه المادتين المطلوبه عليهم بس بدل الخقيبه المدرسيه ويوزعون لهم
جدول يديد في الاسبوع بالكامل الكتب اللي راح يعطونه الطالبه يوديه للبيت
ام الفلاش الميمري استلمته اليوم من المدرسه وركبته بالابتوب وهو يحتوي علي حميع المواد الدراسيه بس الفلاش الميمري لا فيه حل ولا شي بس عباره الكتاب ملونه نفس كتب المواد بظبط
مثل اذا طلبوا عليهم واجب عربي والكتاب موا معاهم طبعن تركبين للفلاش الميمري وطلعين الدرس ويكتبه يعني ينقل الدرس من الفلاش ويكتبه بدفتر الواجب
واتمني فهمتوا علي

 

[سفرجل]

او الي مافهمته خلاص ماراح يوزعون كتب قصدي الكورس الثاني والسنه الجديده
ولا ماله شغل
ومشكوره على التوضيح