تجمع امهات الصف الاول ابتدائي 2011/2012

[سحر الشرق@]

بنات الانكليزي شلون مع عيالكم
بنتي مؤ مركزه بالأحرف وصول حرف m
الكلمات حافظتها عدل بس الأحرف لا تضيع فيها
مهما حاولت لي يومين عالفاااضي
عاد اليوم رحت المدرسة حضرنا علوم وعربي والابلات قالولي ممتازة
بس ضايق خلقي من احرف هالانجلش
شورو علي شسوي

وشنو حل العلوم ص ٤٢

 

[عاشقه الحلى]

شلون درسون امتحان للعلووووم
بنتي عليها امتحان من20الى40
احس انه واجد على اولى
شلون طريقه تدريسكم للمادة العلوم

 

[سحر الشرق@]

شلون درسون امتحان للعلووووم
بنتي عليها امتحان من20الى40
احس انه واجد على اولى
شلون طريقه تدريسكم للمادة العلوم

من أوراق العمل الي تحطهم الأبله

 

[حلم الطفولة]

السلام عليكم .. شلونكم ..

وشلونكم مع أمل فراشة بيضاء ؟؟



نسخ
نسخ
نسخ ،،
بس موعارفين يقرون وعليه ليهال

مع ان والله عجبتني فكرة قصه وياخذون جمل منها ,, بس التطبيق مو مثالي حسافه

 

[عاشقه الحلى]

من أوراق العمل الي تحطهم الأبله

مشكوووووره سحر الشرق:eh_s(7):

بس ابلته بنتي ماعطتهم اوراق عمل:eh_s(14)::eh_s(14):
وين القي مثل هذه الاوراق يعني موجوده في المكتبات

 

[Brounzi_girlly]

صباحوو انا شكلي بدورلي مدرسة انجلش عشان التاسيس شرايكم بنات

 

[love kuwait72]

شخباركم امهات انا بعد حايسه مثلكم بس العجيب مدرسه بنتي نظامها كالتالي ما يعطونا خبر بالامتحان قالوا المدرسات بناتكم لازم يكونون مستعدين كل يوم امتحنوها مرتين رياضيات ومره انجلش بس ووقفت التحدث عليها 10 تقول المدرسه وحفظهم عن الموضوع 3 اسطر الاسبوع هذا عن الم وفرح التلميذات . طيب الي تستحي وخجوله تقول كيفها .الانجليزي ماكو نسخ غير الاحرف في ورقه مطبوعه بس الكلمات قالت لا بس يعرفون شكل الكلمه .اظن كل مدرسه بنظامها مع انه المفروض الكل نفس الشي.طلبنا من الرئيسات الاقسام بس نعرف موعد الامتحانات ما قبلوا الله كريم ويوفق الجميع

 

[نور العرب]

بنات أنا توني أدري أنهم ياخذون ماده الحياتيه أعتقد جذي أسمها

أخوي ما عطوووه هالكتاب ولما كلمت الوكليه قالت لي ماكو كتب عندنا , أما تنطرين بعد أسبوعين أو دبري من مدارس ثانيه

أنا أخوي عنده كتاب واحد عربي
وكتاب اسلاميه .. مادري ياخذون قران ولالا ..؟؟
وعنده كتاب علوم
وكتاب رياضيات
وانجليزي
بـــــــــــــــــــــس هذي كتب أخوي
ياليت تعلومني اذا فيه شي ناقص عشان أشتري له

 

[الغلا كله 82]

الكتب هي كالتالي

٢دين واحد دروس وواحد قران

١ عربي

٢ علوم كتاب طالب وكتاب تدريبات

٢ رياضيات كتاب طالب وكتاب تدريبات

١ كتاب حياتيه

١ كتاب وطنيه

٢ انجليزي واحد كتاب طالب وواحد تدريبات

وبس ��

 

[دلوعة روحي]

بنات ص ٧ بكتاب الطالب

ابي الحل ولدي كان غايب و مو حال

هالصفحة

 

[الغلا كله 82]

الصوره رقم واحد صح

الصوره رقم 2 خطأ

الصوره رقم 3 صح

الصوره رقم 4 صح

الصوره رقم 5 خطا


اتمنى اني ماتاخرت عليج

 

[دلوعة روحي]

تسلمين بعد عمري ما قصرتي فديتج

 

[سرقت النوم]

ولدي اولى ابتدائي وايد متعبني مع اللغه العربيه مدرسته حكوميه و كل يومين ابله شكل
شسالفتهم مع تغيير المدرسات ؟!

 

[love kuwait72]

عادي حبيبتي سرقه النوم حتى بنتي ما يمدي يتعودون على ابله يغيرونها والجدول 4 مرات مغيرنه وطبعا ما نعرف متى امتحنوا او شنو النتيجه ولا شي بس نمشي على الخطه والله كريم لا والاسبوع الي طاف لغو صف اولى رابع وكودوا اليهال بثلاثه صفوف بس ميخالف بس ياريتهم يعلمونا متى الامتحان ومن وين

 

[دلوعة روحي]

مساء الخير امهات

سالفة تغيير المدرسات و الجداول الظاهر بكل المدارس





باجر ولدي عنده امتحانين

انجليزي و رياضيات مادري ليش جذي

 

[أم عبودي الكتكو]

انا مستغربة من طريقة تاسيسهم والله بس الطلبة شكل الكلمة حافظينها بس لو تهجينه مو عارفها...ليش جذي اهم شي تركيب الحروف علشان الطالب ماينسي..انا شايفة ابلة تقول والله الله يعينهم مع تغير المنهج ...صعب عليهم لانهم ماعندهم خلفيه عن اي شي.....صدقوني حتي عيال المدرسات نفسهم تعبانين من هالطريقة ......بس هذا كله من حظ المدررسين الخصوصين .....

 

[نور العرب]

بنــــات شنـو يعنـي حصــه مسانــده

 

[ديمه الخالدي]

لوسمحتوا اشلون تدرسون اعيالكم تكوين الاعداد ماني قادره اشرح حق اختي ما اعرف اوصل لها المعلومة

 

[الوردة المكنونة]

امس كان لقاء لمعرفة مستوى الطالب

رحت سألت عن بنتي وانا حاطه ايدي على قلبي

والحمد الله تفاجأة ان كل مدرساتها يقولون ممتازه

واذا استمرت بنفس المستوى الفتره الثانيه راح تكون اهي الاولى على أوائل

بصراحه وااايد استانست ماتوقعت انها شاطره لي هالدرجه لانها بالبيت تعل قلبي وانا ادرسها

الملاحظه الوحيده كانت من ابلة العربي تقول خطها يبيله تعديل

عموما اللي استفدته من اللقاء وقلت أبلغكم لاني شخصيا ماكنت أعرف هالمعلومه
كل كلمة خذوها بالعربي حفظ إملاء والإملاء راح يبدي بعد ما يخلصون كل دروس الفتره الاولى ويكون مفاجأ يعني ما يبلغونه إن في إملاء

بالنسبه للرياضيات كنت خايفه تكون طريقة غلط بتدريسها طلعت صح ويايبه درجه كامله بمادة الرياضيات الحمدالله

التربيه الوطنية ومهارات الحياة تقول ممتازه وانا قلتلها اني ماشفت الكتب نهائيا تقول الكتب عندنا وماله داعي ادرسونهم الدروس كلها عن وطني الكويت وسلوك شخصيه وتلوين يالله خففاو عنا

*

 

[ديمه الخالدي]

ماشاءالله الوردة المكنونة الله يخليها لج ويوفقها حتى اختي امس كان اجتماعهم بس عربي و رياضيات وقالوا زينة بس انا عقدتي تكوين الاعداد