تجمع امهات الصف الاول ابتدائي 2011/2012

[مخدددده]

بنتي بلشت بالانماط
وكتابة اسمها
وحفظ الفاتحه

 

[عاشقة الاسلام]

انا بنظم معاكم بنتي اولي عطوهم مادة العربي حفظ نشيد نحن الالوان وكتابة اسمها واليوم انشاءالله اتوقع راح يعطونها حفظ كلمة امل فراشة بيظاء والطلبات تيب معها اجنحة فراشه تالبسهم بالحصه عشأن يحببونهم بدراس
اما التربيه الاسلاميه عطوهم حفظ سورة الفاتحه
اما الريضيات حفظ رقم واحد والطلبات مكعبات عشان يسهل عليهم العد
اما الانجليزي عطوهم حفظ حرف a
بنات راح اقولكم اقتراح طلبوا علينا مد رسة بنتي وهو ان تيبين مجموعات ملفات وتحطين كل ماده بملف متل كتاب العربي مع دفاتر العربي بملف وكتب الرياضيات مع دفتر الرياضيات بملف وكل ماده حطيها بملف منفصل عشان يسهل علي بناتنا يطلعو كتبهم بكل سهوله لانهم توهم يهال ومايعرفون يطلعون كتبهم ولزقوا علي كل ملف طابع وكتبوا عليه اسم الطالبه والماده
اتمني انكم فهمتوا علي

 

[دلوعة روحي]

انا بنظم معاكم بنتي اولي عطوهم مادة العربي حفظ نشيد نحن الالوان وكتابة اسمها واليوم انشاءالله اتوقع راح يعطونها حفظ كلمة امل فراشة بيظاء والطلبات تيب معها اجنحة فراشه تالبسهم بالحصه عشأن يحببونهم بدراس
اما التربيه الاسلاميه عطوهم حفظ سورة الفاتحه
اما الريضيات حفظ رقم واحد والطلبات مكعبات عشان يسهل عليهم العد
اما الانجليزي عطوهم حفظ حرف a
بنات راح اقولكم اقتراح طلبوا علينا مد رسة بنتي وهو ان تيبين مجموعات ملفات وتحطين كل ماده بملف متل كتاب العربي مع دفاتر العربي بملف وكتب الرياضيات مع دفتر الرياضيات بملف وكل ماده حطيها بملف منفصل عشان يسهل علي بناتنا يطلعو كتبهم بكل سهوله لانهم توهم يهال ومايعرفون يطلعون كتبهم ولزقوا علي كل ملف طابع وكتبوا عليه اسم الطالبه والماده
اتمني انكم فهمتوا علي

انا هذا اللي مسويته حق ولدي

و قمت شويت استكرات اصفر فسفوري و لزقتهم يم الطابع علشان يعرف يميز كتبه من كتب رفيجه اللي يمه

 

[أم عبودي الكتكو]

هلا حبايبي انا.متابعة معاكم.....انا بنتي زعلت وتقول والله مااروح للرسة الابلات مو حلوات كل مايسالون وارد عليهم يقولولي غلط يفشلوني يماما ....وانا احتريت وانا ساكتة تو اول جم يوم تفشيل حرام عليهم في اسلوب ثاني يتعاملون وياه..مع البنات .....وبعدين شنو احس مالهم خلقويدرسون كل جم يوم القي واجب لمادة ....الله المستعان..

 

[العياره]

سفرجل ودلوعه الكرنيه تحطه حقه الأبله اذا بيروح الحمام عشان سبحان الله اذا تأخر الا عارفين ان هالشخص موموجود واذا بالفرصه بيروح يقول في فراشه
قاعده عند الباب تنطرنا

 

[العياره]

اليوم ياب كتاب القران الأبله كانت ماخذته وحاطه ورقه اسامي الآيات اللي يحفظهم
ويمهم الدرجات وفي ملاحظات حق اولياء الامور...
والحبيب ناسي كتاب الانجليزي زفيته من حرة قلبي قتله ثاني مره تنتبه على اغراضك ...

 

[سفرجل]

اها
اليوم رحت المدرسه واشتكيت على الولد الي طق ولدي
واليوم عطته ابلة الانجليزي ورقه يبين لي شنو راح تعطيهم وشنو الواجب وايد حلو وكل اسبوع تعطينه هالجدول فكرتهم حلوه
واليوم حسيتها بطيئه ودين بعد ماادري ليش
والعربي عطتهم كلمة فراشة
ورياضيات رقم ٢ بس ليلحين ماجاسو دفتر المربعات !!!!

 

[mrs_sugar]

انا بنتي بالعربي كتبوا امل فراشة بيضاء
الرياضيات وصلوا رقم واحد و خلصوا الانماط
الاسلامية حفظوا الفاتحة و كتبت كلمة الله
الانجليزي ما مشوا عدل لي الحين
مادري ليش تقول الابلة غايبة
كيفها ما تشوف شر
بنتي من العطلة كنت اعلمها بروحي بالكتب و القصص

 

[الصابرة المحتسبة]

السلام عليكم

سفرجل ان شاء الله لي لقيت بحطه لكم

العيارة حلوة فكرة الكرنيه

اليوم علموها تكتب اسم ابوها وكلمة أمل.

الانجليزي اوراق عمل بس تلوين

 

[%F&R%]

قوه امهات اليوم بنتي خذت كلمه امل ورقم ٣ وبس
بس صراحه طاح حيلي وانا ادرسها شنو هذا الابله مو معلمتهم ولاشي بس كاتبه الكلمه واليهال ايكررونها شهالمدرسات مالهم خلق تدريس بس فالحين يبون كوادر زياده درسو عدل واخذو الي تبونه كل شي قاطينه عالاهل

 

[%F&R%]

عاد اقولج شي

اليوم رحت المدرسة و كلمت امينة المخزن و عطتني كتاب يديد

و لما خذييت ولدي اشوف بجنطته و لا كتابه اللي كان ضايع موجود

عاد جان يقولي رفيجي ماخذه بالغلط

عاد خشيت الكتاب اليديد حق المستقبل :d

تدرين شالمشكله اني انا ناقله بنتي من بيان لي الجابريه علشان عند دوامي ورحت لهم باخذ كتاب العربي الجزء الثاني علشان الابله تبي قالولي خالص من عندنا روحي بيان اخذيه ولمن رحت صراحه معاملتهم تلوع الجبد وغصب عطوني الكتاب

 

[%F&R%]

وآآآي يمممه شعرفهم والله بنات هالزمن الله يستر منهم..

خلاص دام جذي لاتلبسينها عشان ماتحسس حرام بعد تتضايق
وتكره المدرسة وتحس انها مختلفة,,
ربي يحفظهــآ خلي تميزها بترتيب دفاترها ونظافتها وتمشيط شعرها وترتيبه

اي والله صاجه
اصلا ماقمت البسها الكرفته مسكينه والله تكسر خاطري

 

[الرياش]

مدرسه ولدي ليش متأخره .. للحين معطينه يكتب اسمه واسم ابوه والانماط توهم ايخلصونهم والانجليزي مادري اشقاعد ياخذون لان الكتب مو عندي بالمدرسه ( مدارس المستقبل ).. بس الحمدالله انا ادرس ولدي بالبيت ومالي شغل بمنهجهم الحمدالله ماشي

 

[^ دانة الزين^]

صباح الخير

بنتي عطوها تكتب كلمه امل
الرياضيات وصلت رقم 3
الانجليزي امس عطوها تلون حرف A a

 

[3nona]

السلام عليكم
انا بنظم لكم انا اول سنه ادرس وبصراحه ماااعرف ادرس العربى وبشوف طرقكم بالتدريس هذه بنتى العوده بالصف الاول ابتدائى ودى تحب الماده الابله مصرخه عليها اول امس كانت ناسيه كتابها والواجب بالصف وصارت مو حابتها كل ماابى ادرسها العربى مالها خلق
عطوها نشيده المدرسه تحفظ السطر الاول والثانى وباجر تاخذ السطر الثالث وعندها تسيع الاسبوع القادم عطوها واجب تكتب اسنها وكانت كاتبته بالصف والابله ماعجبها خطها وقالت لها تمسح وتعيد بالبيت بطت جبدى بصراحه بس انا ادرى لمصلحه البت بالنهايه واول امس عطتها واجب كلمه امل وطبعا اهم قاعدين يدرسون حكايه امل اليوم راح تعطيها جمله امل فراشه بيضاء تنسخها الاسبوع القادم عندها املاء بالجمله الانجليزى عطوها 8 كلمات تحفظهم طول الاسبوع وباجر عندها امتحان املاء فيهم والدين عندهم حصه اليوم وبشوف شنو يعطونها
المهم انا ودى اعرف شلون ادرسها العربى واخليها تقرا وانا مانى عارفه الابله كاتبه بخطه الاسبوع التدريب عاى قراءه الدرس الاول قصدها القصه ولا جمله امل فراشه بيضاء لان يعنى مستحيل تقرا القصه من اول اسبوع لووووول

 

[سفرجل]

اليوم مدرسة الانجليزي راح تعطيهم املاء apple Aa 12345
والله يستر المشكله موعارف اشلون يكتب بين السطرين في دفتر الانجليزي

 

[سفرجل]

اي نشيده عليهم حفظ

 

[السمرة~القمرة]

السلااااااام
ولدي بالعربي : كتب اسمه وأمل فراشة بيضاء
عاد انا ماتغشمر_03BA: .... اكتب شمعة ، اكتب لعبة ، اكتب علبة ، اكبت شعر
اسم الله عليه انا معلمته الاحرف قبل الابتدائي .
وحاطتله اللوحة الصغير وعلى طول يكتب اسمه اسم ابوه اسمي اسم اخته :eh_s(15):

الرياضيات : الانماط

الدين : سورة الفاتحة وكلمة الله

الانجليزي : ماخذو شي ليلحين :eh_s(14): وامس عطونا الكتاب

العلوم : الكائنات الحية

:eh_s(7):

 

[نونا حبيبتي]

بنات بلييز اللي عندها خبره شلون اندرسهم الانقليش وشنو الكلمات اللي نحفضهم اياها

 

[الصابرة المحتسبة]

السلام عليكم

ماشاء الله تبارك الرحمن الله يحفظ وليدج السمرة

ويحفظ عيالكم