تجمع امهات البنات سكر نبات :)

[love love]

ايفا من البرد كسل اللهم ياكافي

 

[حلوة الروح]

هلا فيج عطوره علاوي حبيبي مريض
ايفا والعياره وحنون وام يويو والباجي كلهم
اشلونكم عساكم بخير

 

[um_yoyo]

رد : تجمع امهات البنات سكر نبات

هلا بالمهلي شلونج حلوه

عطوور عورتي قلبي ماعليه تتعودين انا جذي اول ما داومت امقضيتها طريج الدوام بجي

 

[حلوة الروح]

بخير الله يسلمج ام يويو

عيل انا شنو سبه مرض ولدي غيري لاني داومت وكل يوم اطلعه الصبح عشان اودي حق حماتي
مع اني اغطي كله حتى ويه بس ماكو خذا برد

 

[([عطر رومانسي])]

تندوره بعتيها لووووووول

بس اللي اعرفه الحين اي اجازه طويله نقل على طووووول والشي الثاني شلون خذيتيها المفروض تقدمين عليها شهر 8 قبل الدوامات؟؟



ام يويو تدرين اليوم مانمت العصر بس منسدحه وكل 5 دقايق اطل عليها بس والله احس براااااااااااحه


بنات متى تشبكون بوريكم نور ام الخلاجين هههههههههه رديت البيت ولا اشوف خدامتي ملبسه نور بدله من جيس حق عمر السنه ونص مشيره وتحتها بلوزه افوايت وفيها تشييرات وورود وهيلاهوب ابيض وصندل لوووووووول وختامها باند اللبس بصوب وهو بصوب بس والله مت من الضحك لدرجه عيوني قامت تدمع جني ابجي ههههههههه


مادري شفيها مخلجنتها مع ان كل يوم اقولها لاتبدلين ملابس نور لين ارجع بس اليوم قلت اكيد حفظت مو كل يوم اقول لكن عمك اصمخ

واصلا كل يوم تشوفني ابدلها واركب الالوان على بعض

بس ربكم حميد اول مارديت ولا الاخت تسرب على ملابسها وابدلها ههههههه اشوه ربي رحمي ولا جان قاعده فاطسه من الضحك

 

[hneen2]

السلام عليكم شلونكم


حلوووووه شلونج حبيبتي لج وحشه والله ذاك اليوم اقول وينها ياريت تشوف تجمعنا

وبالنسبه للماسك والسيرم رووووعه شويه عليه لا وشريت بعد شغله هم نفس الماركه شكله شفاف جنه ماي قالتلي هذا بعد ماتحطين الماسك وتسبح خلاص قبل ماتطلع من الحمام رشيه بشعرها وجفيفه شوي بالفوطه وعقب احطلها شويه سيرم وانشفه وامشطه <<<< قالت القصه كلها خخخخ

المهم النتيجه روووووووعه والله لمعه ونعومه زبده صراحه حيييل استغربت من النتيجه وخااااايف لا يقطعونه لان انا صراحه من اطيح علي شي يناسب شعرها يقطعونه لوووول جربيه وان شالله يعجبج
بس حبيبتي انا لو بصوره بصور بالاي فون لان كامرتي الدجتل بطاريتها خربانه
وانا ما اعرف انزل صور من الاي فون حسافه
بس اعطيج اسمه (BOTANICS) اخذي الماسك والسيرم و volumising conditioner <<< هذا اللي اقولج شفاف جنه ماي ترشينه بشعرها بعد ماتغسلينه من الشامبو والماسك انا شامبوها سنسلك الاصفر هم رووعه جربيه

 

[hneen2]

اي ونسيت اقولج من صيدليه بوووتس

 

[hneen2]

ام يويو شلون وشلون الدلوعه


اقولج الجيجي فضضضضضضضيع باللبس ومن ورا مكشكش مو اي كشكش لا كشكش اللي يبرد الجبيد لوووول والجيجي منقش والنقشه مخرمه شوي لونه ابيض وملمسه روووعه ناعم حيييل

بس ما اعرف انزل صور عن طريق الاي فووون عفيه اللي تعرف تعلمني وااايد اشياء ودي اورحطها لاسف

 

[hneen2]

عطوووور شلونج

وشلون العوبه خخخخخ


والله صعبه قاعد افكر شلون برد الدوام يامه قلبي لما اللبس واطلع واهدها نايمه بس اشوا ريلي قال بس داومين بيطلع اهو اجازه يقعد يمها بس شهرين وعقب عند امي بس سالفه ان كل نطلعها بالشمس والحر هم تكسر خاطري الله كريم

 

[um_yoyo]

رد : تجمع امهات البنات سكر نبات

حنون انت وين و التكنولجيا وين ( لوووول اتغشمر ) في وصله مع الايفون ركبيها على لابتوب و بعدين فتحي ماي كمبيوتر و اختاري ايفون و نزلي الصور على اللاب و بس

اليوم اول مره زينه تروح صالون خخخ وديتها معاي بروح احف و اشتهيت اقص شعرها بس خفت اذا قصيته يطلع اصله فلفول خخخ خليه جذيه احسن

 

[Tender Heart]

رد : تجمع امهات البنات سكر نبات

هلا ايفا والله التجمع منور فيييج بس انا اشطر منج علي شهر رمضان كله والحمدالله خلصته


عطور اي صح كلامج رفجتي السكرتيره دقت الصبح اتوقل مابقا على اجازتج شي مفروض قبل ماتنتهي بشهرين تقول رجعي الناظره متمسكه فيج حتى مو راضيه تنتقلين <<<< وايد معجبينها لووووووووووول
ضكتيني عطور على سالفه الخلاجين انا احاتي هالشي اذا كنت طالعه مشوار ورجعت ولقيت بنتي مخلجنه خخخخخخ عمى بعينهم ماكو ذوق

 

[بقايا شهد]

السلام عليكم
ودي البس بنتي واكشخها بس من امسكها تبجي
ويقوم ابوها ياخذها مني يقول عوووووووووووووع مانبي لج لبس
وهي تنبسط ياربي

 

[حلوة الروح]

هلا فيكم بنات

ركضه على بوتس بشتري حقي وحق بنتي

وينكم خل نتجمع مثل قبل

 

[حلوة الروح]

وانا حظي كله ما احصل احد

 

[([عطر رومانسي])]

انا اهني بس ماني مطوله لان ريلي ياي بالطريج


وصيته اييبلي افندي حق الدوام خخخ خوش دوام

 

[([عطر رومانسي])]

حنون امس بجيت لاني مخليه نور وتعذيب الضمير شغال وعقب فكرت خالتي موجوده في البيت ليش احاتي والشغله الثانيه نور ماتقوم الا 11 الظهر يعني ماتفقدني الا ساعه ولا ساعتين بالكثير واحس ارتحت شوي من التفكير



تندوره الحين يقولون قبل اي طلب الاجازه توقعين على تعهد انهم راح ينقلونج حتى لو مجلس طبي و كانت الوحده صج تعبانه يقولون قرار تأديبي بس حق المدرسات قطيعه تقطعهم

 

[([عطر رومانسي])]

بقايا ياقلبي والله البنات


اول نور تسكت لما ابدلها واشوف اليهال الثانيه تبجي والله الظاهر فطنت لبنتي قامت تصرخ اذا بدلتها وانا من النوع اللي اتوتر تلقيني ملبستها ايد وحده من البلوزه واتمشى فيها ههههههه بنتي حكووووومه ماحبها تبجي

 

[([عطر رومانسي])]

بنات انصدمت من شغله عجيبه



نور ماتنام الا لما احطها على ايدي اليسار وهي ترضع او حتى بدون رضاعه




المهم انا دايما اقرا شغلات عن تربيه الطفل وشوفوا شنو لقيت




يبدو أن هدهدة الأم لوليدها من الناحية اليسرى يدعم مشاعر الرابطة بين الأم وطفلها ويدحض الاعتقاد الشائع على مدى أجيال بهدهدة الطفل من الناحية اليمني.

وخرج علماء النفس الآن بسبب أكثر عمقا ودلالة لهذه العادة وهي تبدو أنها تساعد النساء في فهم الاحتياجات العاطفية والجسمية للطفل بصورة أفضل.

إن الهدهدة من الجانب الأيسر تعد أفضل وسيلة للام لمراقبة سلوك وليدها ومن ثم الاستجابة لها مثل البكاء والضحك وحتى التثاؤب.

وحمل الطفل بهذه الطريقة يوجه تصرفات الوليد إلى الجانب الأيمن من مخ الأم وهو الجانب المسؤول عن الاستجابة العاطفية.

ويقول الباحثون إن الهدهدة من الجانب الأيسر تسمح للنساء بمزيد في مشاعر الارتباط الوثيقة بين الأم والطفل وهي تعرف الأم من خلال حدسها على احتياجات وليدها.

الجانبان المختلفان للمخ يؤديان مهام مختلفة. ولمعظم الناس فأن الجانب الأيمن من المخ يتحكم في الجانب الأيسر من الجسم ويساعد في عملية المشاعر.

وقال الباحثون، "نتائجنا تقترح أنه بالنسبة للأمهات اللائي يتمتعن بهذا النظام النمطي للمخ فإن الهدهدة اليسرى هي أفضل وضع لفهم احتياجات الطفل وصولاً لشعوره بالسعادة".





والله انصدمت سبحاااااااااااان الله

 

[um_yoyo]

رد : تجمع امهات البنات سكر نبات

هلا عطور انا بعد مااعرف ارضع و انوم زوزو الا على ايدي اليسار !!

يلا حطي صوره نونو بالخلاجين خخخ

 

[love love]

ازييييييييييكم