تجمع امهاات 2007 خلونا نستفيد من بعض

[malak_alroo7]

عيدكم مباارك بنااات

و تسلمووووووون حبيباتي و ان شاء الله انتو بعد تفرحون بعياالكم

مس تايقر
منوره

سلاااماااااااااااااااات وااااااااااي بعد عمري و الحمدلله على سلامة الحلوااات ديرو بالكم عليهم

 

[أم حيدر]

منوورة - اذا ما عندج خدامة ييبي وحده بس عشان تظل ورا بنيتج حتى لو تودينها بيت اهلج ييبيلج وحده تظل وراها وراها.

رفرف - عسى الله يقوم بنيتج بالسلامة

باقي الامهات مبروك عليكم البرد والمطر - وانا اعلنت حالة السبات الشتوي مع حيدور ماراح اطلعه الا للضرورة القصوى

 

[omawrad]

السلام عليكم
انا قاعدة اقرا كلامكم وانا عندي بنوتي من اول امس وخشمها ما بطل واول مرة من انولدت تصير معاها نشله واهي مسكينة متضايقة واكثر شي واهي نايمة وديتها الهادي امس عطاني ادوية بعد امس بس جربتهم بس انا انطر دكتورها محمد سعيد وايد زين وانا جربته من قبل على حساسية بنيتي واهو استشاري كبير في مجمع بوشهري كلينك وايد يفحص الياهل زين وانا ارتحت له بس مشكلته انه يعطل مع العطل الرسمية

وبالنسبة لموضوعوعج منورة الكويت فانا نصيحتي روحي مذكير واشتري باب الحماية وحطي على درج اهلج علشان لا تحاتين والله يحميها لج ويحميلنا عيالنا ويخليهم لنا

 

[omawrad]

ام حيدر انا بالنسبة لي احب البيات الشتوي بس عندي مشكلة انه امي وايد متعلقة في بنتي واذا ما شافتها يوم تتضايق والمشكلة الاكبر انه امي تحب تطلع البر وتبيني اييب بنوتي عندها وانا وديتها علشان جذي صارت منشولة ومحتارة ما اقدر ما اوديها عند امي لانه تحبها وتتضايق اذا ما شافتها يوم وخاصة انه امي مريضة قلب ودايما تقولي لين تشوف بنوتي تطيب وبنفس الوقت اهي تروح البر والبر برد وماني عارفة شسوي فشوريني

 

[أم حيدر]

ام اوراد انا بعد امي نفس الحالة بس شسوي قولي بيت اهلي وايد قريب بس هم مو معطيني قلبي لطلعه بالبرد.

انا انتي البر لااااااااااااااا تودينها ما تسوى تنتكس بنيتج اسملله عليها.

 

[omawrad]

امس ما وديتها حق امي ازعلت وتضايقت وانا ما اقدر على زعل والدتي واذا قلت لها ان دودي تعبانة تقولي اشلون كنا اول نطلع ونروح ولازم تعودينها تاخذ مناعه وانا هذي اول بيبي عندي اخاف عليها وايد وبالمقابل اخاف على امي وايد لا تزعل مني ومحتارة والله

 

[أم حيدر]

كلشي ولا زعل الوالدة وااااااااااااااايد صعب

ياليت عندي حل ... بس شقولج!!!!!!!!!!!

 

[lolo77]

السلام عليكم يا امهات
شخباركم
وكل عام وانتوا بخير

واي شلوووونكم مع البرد
شكل البرد ما يغشمر من كثر ما قلنا ماييه البرد

ياويلنا ويلاه
مساكين هاليهال اللي ما يتحملون

 

[رفرف]

واي برررررررررد برررررررررررررررررررررررد
شلونكم ؟؟
انا لهيت مع كوكي مرضت ..
الحين لما خفت وقلت بنام اخيرا ..

والا المفاجاة
صبا امس طوووووووووول الليل تبجي اذونها تعورها
كسرت خاطري بس بعد انا مانمت
انا عايشة مسلسل تعذيب ..

 

[lolo77]

ما تشوف شر بنوتج رفرف

الله يعينج ويشافيها يارب

صج اذيه لمن اليهال يمرضون

 

[malak_alroo7]

اي والله برد برد

شلوووووووووووووونكم حبيبااتى؟

رفرف .. ما تشووووف شر بنتج حبيبتي واااي عاد كله ولا الاذون

اليوم طعمت نوارتى الحلوه فديتها .. و قالو لى احتمال تسخن بس مو الحين بعد اسبوع او 10 ايام و يمكن ما تسخن

ان شاء الله ما تسخن يااااااااااااااارب

انتو عاملين ايه مع البرد؟

 

[keeka]

اي والله برد برد وبنتي من اطلعها يسكر الخشم وكلش سدرها صاير كحه قويه والصخونه تروح وترد
وصاير اكلها مو شي كلش ):

 

[أم حيدر]

مو قلتلكم انا اعلنت السبات الشتوي مع حيدور بسبة البرد واذا طلعت يصير شمتنه من الهدوم وعليه

انا تطعيم حيدور الشهر الياي - شايلة همه من شهر 11

 

[pink]

أهلييييييين بنات .. شلووونكم ؟؟؟ لكم وحشة كبييييرة ..

سامحوني حبيباتي مقصرة في الفترة الأخيرة ..

الشتا يه و المزاج قلب صار شتوي كئييييب ..

بس المهم يه .. ما تدرون اشكثر مكودة حق أسوية

ملابس شتوية ما بقى سوق ما شريت منه أو نت

طلبت منه .. أجرمت بذمة و ضميييير ..


مس تايقر .. خطاكم السو .. الحمدلله على سلامة مناوي .. صج
سالفة السرير خطرة بس شنسوي لمّا يتسلطون علينا الفير ..


رفرف .. ما يشوفون شر البنوتات و انتي الله يعينج و يقويج ..
شدة و تزول إن شالله ..


منورة .. الله سلّم على نونو و مثل ما قالوا البنات حطي حاجز
و خلي الخدامة فوق راسها على طول .. اسم الله عليهم اليهال
يسوون سوالفهم بلمح البصر ما يمديج تتصرفين .. الله يحفظهم لنا


أم حيدر .. زين تسوين على السبات الشتوي .. الجو حدّه متسبب
جان زين أقدر على هالشي بس ساعات أحس البيت ايزود احساس
الكآبة و آنا هالفترة مو ناقصة كلششششش ..


ملوكة .. سلامتها نوارة و إن شالله تعدّي السالفة و ما تصخن و لا تستعسر ..


keeka .. مسكينة دندونة كلش ما عندها مناعة .. الله يشفيها إن شالله و يعينج..


omawrad .. تقريبا نفس حالتج بس أمي في بيتها بس ساعات تبي تروح المزرعة و
تبي كل اليهال معاها .. و صادف آخر مرة إن ثالث يوم العيد تبي تروح و تبينا معاها
بس ريلي حاجز مخيم مع أهله و اضطريت أروح و صادف أول يوم رحنا البر اهو اليوم
اللي كان فيه مطرة قوية و هوااا و برددد خيالي مسكينة سوسو من كانت في بيتها
معززة مكرمة و الأجواء مستتبة إلى شي عمرها ما شافته طبعا لا راضية تاكل و لا
تبي تنام بجي و حنة آنا كليتها و طبعا أمي تقوللي لو يايبتها المزرعة أرتب شنو سويتي
بالبنية .. خلتني مجرمة بس تمون لأني كنت حابة أروح معاها لأن بنتي متعودة على أهلي
أكثر .. المهم عدّوا يومين البر على خير من غير أمراض الحمدلله بس نومتها و أكلها اعتفسوووو
.. الله كريم ..


لولو .. شلونج و شلون جودي ؟؟؟ و نونو مالها حس أكيد سوالف اليهال اللي ما تخلص .. الله
يعين الكل ..


أم أحمد .. شلون حمود مع الحضانة و شلون الكتكوتة ؟؟؟



باقي الأمهات شلوووونكم كلكم ؟؟؟؟؟ .


قبل لا أنسى بقولكم آخر تطورات سوسو ... أول شي طلع لها ضرررررس
فوق أخيرااا .. و توها قامت تحبي بس مو حباي بروفيشنال توها في البدايات
عالبطيء و سلامتكم

 

[omawrad]

Pink والله انه رورو من يوم الجمعة اللي فات من طلعة البر لليوم خشمها مسكر وقصب تتنفس بالليل وديتها الدكتور والمستشفى بس ما كو فايدة وصار لها يومين نازل على صدرها وكحة متواصلة طول الليل مسكينة معورة قلبي واليوم مفكرة اوديتها الدكتور مرة ثانية مع انه دكتورها لين يفحصها مسكنية تبجي بجي لا صار ولا استوى لانه يفصخها كل ملابسها واهي بس تحس انها فصخت تقوم تبجي بدون شعور منو تنصحني بدوا حق الكحة زين ومفعوله يبين بسرعة

للعلم رورو مواليـــد 25/2/2007 يعني كل الكويت راح تحتفل في عيد ميلادها

 

[lolo77]

هلا فيج والله بنك
والف مبرووووووك الضرس والحباي

والله يعينا على الشتا من مخيمات وبر

ام اوراد بنتج اكبر من بنتي ب 3 ايام
جودي 28/2/2007
واي ياحلاتها رفيجتها

والله نونو ما ادري عنها بس مسجات
بس اكيد لاهيه مع اليهال وخصوصا اهي داومت

 

[أم حيدر]

لول + بنك

شلونكم وشخباركم - من طول الغيبات جاب الغنايم

ام اوراد - نصيحتي ودي بنتج حق دكتور سند الفضالة بطيبة كلنك مدام الموضوع تطور معاها لهدرجة . وانشالله ما عليها شر.

آخر أخبار حيدور - امس ما ناااااااااااااام بالليل شكلة أنيابه بتطلع حبيبي ماما ومتأذي وكل شوي يفز - على فكرة حيدور مواليد 25/7/2006

 

[كيت كات]

مس تايقر ومنورة مايشوفون شر بناتكم بعد قلبي
وباجي الامهات شبخاركم
بقولكم حمود قعد الصبح نادا نادى محد يرد عليه نايميييييييين
فجاة ريلي فز والا شنو الاخ واقف على حيله يبي ينزل بنفسه
واحنا مو محتاطين ومسكرين السرير امبيه لو متاخرين شوي جان طاح

الخبر الثاني
نزلته من الدرايه وقعدت بالارض بس لفيت ويهي والا شنووووووووووووو
واقف عليها ويدزها يدزها يدزها ويمشي لمن طقت بالطاوله وطاااخ طاح
على السيراميك وصعروره شكبرها
ومن يومها بس يبي يوقف
الله يعين وامي تقول مشيه انا وين وامشيه
بس عسي الله يسهل وامشيه حتى بالممشى

 

[أم أحمد كول]

امهات شلونكم : بنك , كت كات , رفرف , لولو , ام حيدر , كيكه , نونو , مس تايقر , منوره ... ان شاء الله بخير .. احمد كول ما قمت اوديه الحضانه والسبب المرض كله مصخن ونشله خليته ينام فى البيت ويدفى .. وزوزو فيها نزله معويه .. كرهت البرد

 

[lolo77]

الله يعينكم واي صج اليهال والبرد والمرض

كتكات
اسم الله على حمودي ما يشوف شر
انا جودي جذيه كله تبي تمسك اشياء وتوقف
بروحها وقفتها مو متزنه لا وصايره عشتوا على بالها
تقدر تمشي من مكان بتغير مكان ثاني تمسكه ولا طاخ طيخ
لازم باليوم الواحد كذا مره طايحه

يبون يمشون مساكين

ام احمد ما تشوف شر زوزو
واحمد بعد
يالله لاحقين على الحظانه