تجمع امهاات 2007 خلونا نستفيد من بعض

[Miss_Tiger79]

نونو حبيبتي ما يشوف شر عزوز يا قلبي انشالله يطلع بالسلامة وطمنينا عليه

وملاك الروح في موقع اسمة
www.childrenplace.com
www.gymboree.com
هذيلة اكثر شي اييب منهم

 

[أم أحمد كول]

نونو ما يشوف شر عزيزان

 

[منورة الكويتية]

ووووووووووووووووواي حدي اشتقت لكم اليوم فجأه تذكرتالموضوع

امبيه والله نقدت على نفسي ادش المنتدى وما مر بس والله ناااااااااااااسية الموضوووع كلش

سامحووني عالقصووور شلووونكم شخباركم والله فاقدتكممممممممممممم حدي حدي حدي

 

[pink]

أهليييين بنات شلونكم ؟؟؟


نونو .. ما يشوف شر عزوزي و إن شالله يطلع بالسلامة و تطمنينا عليه ..

لولو .. مبرووووك ألف مبروووك على ضرس جودي و يسلم قلبه والله و على
شعرها حلو انج اترتبينه حق العيد .. سويلها نيولوك هالكرابين .. و ترى القرعة
ساعات أرتب من الكشة و البف اللي ذابحني سوسو الفرّات اللي بشعرها
عجيبة عكس التيار :eh_s(3):

مس تايقر .. على ملابس العيد آنا كنت طالبة من gymboree و لما وصلت الطلبية
اعجبتني و خليتها حق العيد و الحين طالبة من macy's و بشوف يمكن يطلعون أحلى ..

ملوكة .. لا تضغطون على البنية خلوها على راحتها اهي لابغت تمشي ماراح تستأذنكم
و على دلع البنات ياخواتي أموووت عليه مع إن مبهدلني و ماسح هالدلع بكرامتي بس
مو يمونون ؟! و على المواقع اللي أطلب منها gymboree مثل ما قالت تايقر و ..

http://www.macys.com/
http://www.janieandjack.com/index.jsp

رفرف .. ما تشوفين شر و ريحي نفسج كثر ما تقدرين لأن صج إذا الأم اتعبت البيت
كله يتبهدل و طبعا دور الأبو عندنا إنه يقولج بس ما تشوفين شر و الله يعطيج العافية ..
و ما تشوف شر كوكي ترى نفس الشي حاش سوسو انفلونزا بعدين أذونها بعدين نشلة
وتسكر الخشم و العسارة معاهم طبعا و ليلحين مستمرة العسارة خصوصا مع قطعة المصاصة
بس آنا يا جبل ما يهزك ريح مو مني من الأذية اللي حصلتها من المصاصة ما قمت أشتهيها عندي
أتبهدل و لا إني أرد لها و طبعا التأخير على الدوام و الخصومات مالها والي بس ماقدر تتفزز لي كذا
مرة و أقعد مدة على ما أخليها ترد تنام بدون مصاصة .. الله يعينا و يعينج حبيبتي .. و على الجوتي
شوفي bhs أو mothercare و عندج مجمع السندس في محل جواتي أعزج الله في السرداب عنده
أسود و ذهبي و سلفر آنا أخليه حق الأزمات .. جان قلتلج طلبي من النت بس أدري ماراح يمدي
يوصل قبل العيد جربي هالأماكن و إن شالله تلقين ..

أم أحمد كول .. مبروووووك حبيبتي على ضرس زوزو و عقبال الثاني إن شالله ..

أم حيدر .. شوفي قطعة المصاصة مو هينة بس رااااحة ما بعدها راااااحة .. المشكلة انج حامل و السالفة
يبيلها نوعا ما صبر و راحة بال - مادري من وين راح انييب راحة البال - المهم خلي حيدوري يلعب و يلعب
ليما يبلش يتعب و تبلش عسارة النوم الحين دورج تلملم و تبوس مادري آنا بنتي تحب ألجها لج اهو شي
يضحك و فلم اكشن بس والله فادني و تستسلم للنوم تالي بس متعب أحس بعدها ما عندي قوة و طاقتي
كلها استهلكت .. ما شالله بنتي كانت مع المصاصة تقاوم النوم فما بالج بدونها إن شالله حيدوري يكون
أعقل من اللي عندي .. و موووووفقة حبيبتي ..

كيكة .. مبرووووك على الضرس الثاني أخيرا اكتمل النصاب صار دور الحباي الحين .. الله يعين اليهال من
شي لشي جنه المدرسة أهون عالأقل في عطلة أهم مساكين تسنين .. القلبة .. الحباي .. المشي ..
الحجي .. ما يخلصون يكسرون الخاطر ..

عاشقة السراب .. حمدلله على سلامتــــج و سلامة البنوتة ..الله يحفظها لكم وتتربى بعزكــــم إن شاء الله ..
و حبيبتي لا تحاتين وااايد و لا تدققين مثل ماياج أول ولد و ما كنتي تعرفين على الصبيان و اسم الله
عليه كبر نفس الشي على البنية .. الله يحفظهم لج إن شالله ..

منورة .. الله يسامحج صرنا منسيين و راحت علينا بس بما إنج نقدتي على نفسج طااااح الحطب شلونج
و شلون نونو ؟؟؟ ها بشرينا مشت و اللا لسّه ؟؟!!


باقي الأمهات شلوووونكم ؟؟؟

 

[كيت كات]

شلونكم بنات
شخباركم
مادري شفيني بس افكر بالولادة
خاااايفه حدي
الله يسهل
اسمحولي قاطعه بس والله موبيدي

 

[أم حيدر]

بنك مشكوووورة حبيبتي - حيدور مو متعلق حيل فيها يعني وقت النوم ياخذها 10 دقايق يغفى واسحبها من حلجه بس هم ودي اقطعها منه وعلى قولتلج يبيله شوية صبر، ساعات لما يكون تعبان يحط راسه وينام ولا يسأل عنها وساعات يتنح الا يبيها

منورة - هللللللللللللللااااااااااا وغلا انتي فين با بت ؟

كيت كات - شدي حيلج شهالكلام خايفة خلج قوية ورب العالمين بيسهل انشالله وبتفرحون بالنونو

 

[malak_alroo7]

السلااااااااام عليكم

شلوووووووونكم يا حلوااات ؟؟ شلووون ربيعات و ربع بنتى اليوم

ام حيدر .. مشكوووره حيااتي و ربي يخلى لج حيدوري و تشوفينه احلى معرس ان شاء الله

مس تايقر
تسلميييييييييييييييين يا قلبي على المواقع ما قصرتى

بنوكه
ما قصرتى حبيبتي تسلميين على المواقع
و بالنسبه حق الدلع اي والله يمونون يختى عليهم و على دلعهم اللي خلاها تقولى اووووووووه يعنى معصبه على و انا عادي اضحك عليها و استانس بعد هههههههههه

كيت كات
حبيبتي ربي يقومج بالسلامه و تفرحين قريب ان شاء الله .. انا نفسج صايره كله افكر و اقول حق ريلي استغفرالله ماااااااااااااااااااالى خلق الولاده كلش كلش بس شنسوي بعد الله يسهل علينا جميعا

منوره الكويتيه

لووووووووووووووووووووووووووووووووووووووووووووووووووووووووووول ضحكتينيييييييييي امبيييييييييه شنو هذا ؟؟ شلووووووووووون تنسينا هااااااااااااااااااااااااا ؟؟ يالله هالمره بنطوفها لج بس لا تعيدينها

 

[رفرف]

شلونكم امهات مع الكتاكيت الأمامير ؟؟؟

داشة اسلم بس .. ماعندي سوالف يديدة

 

[كيت كات]

ام حيدر ههههه صج وناسه وراح اسمع الحجي لانه من وحدة نفسي خخخخخ
يعني مو بروحي
ملاك الروح الله يسهللللل على الجميع
رفرف شلونج انتي حبيبتي تسلم عليج العافيه

 

[أم حيدر]

شلونكم يا مامات

كيت كات - اي اكيد صج افا عليج السهالة من الله شدة وبتزول على الاقل احنا 9 شهور ونولد شوفي الفيلة مسكين تظل حامل سنتين !!!!!!!!

 

[malak_alroo7]

السلااام عليكم

شلوونكم بناات
وينكم؟

اليوم انا و الماما هاوشنا نونه .. كانت ماسكه لعبه و طايحتله تكفخ فالتلفزيون ما نشوفها الا قطت اللعبه على الارض و قامت تبجى بجي وااااااااااااااااااااااااااااااااااااااااااااااااااااااي قلبي عورنى عليها انا و امى خخخخخخخخ

 

[lolo77]

السلام عليكم شلونكم

اليوم غلينا نون على جود الحلوة
بمناسبة الاسنان

وعقبال نون المشي انشالله
اهي تحب تمسك بشي وتوقف
بس وقفتها للحين مو ثابته
؟؟؟
يعني توقف وتتهزز اخاف عليها وجم مره طاحت مسكينه

الله يعينا على اليهال

 

[كيت كات]

هههههههههههههههههه ام حيدر والله ضحكتيني
وينج عني من زمان سكتي
ملاك حرام عليج لا تهاوشينها لاحقه لاحقه
لولو الف الف مبروك على الضروس
انا ولدي طلعته ضروس وبرك لا مشى ولا وقف
ههههههه بس يحبي شكله بيطولها

 

[منورة الكويتية]

خخخخخخخخخ ملكلك بعد يزعلووون ويمدون البوز وحلاتهم والله

كت كااات حبيبتي الله يكون بعوونج ويسهل عليج يارب احتسبي الاجر حبيبتي سهالاات ان شاء الله

ام حيدر ازيك ياقميل وازاي حدوووووووري بوسيلي ايااااااااااه


لولو وحلاتهم والله الي يمشووون الله يبلغج فيها يارب وتشوفينها تركض ركض

 

[malak_alroo7]

السلاااااام عليكم

هاااو ار يو دونج ماميز؟؟

لولووووووووو .. يا لبه قلبه عاد بنطرج بعدين تيين تقولين لنا جوجو كل شوي عاضتكم هههههه نواره طايحتله تعضض فينا خخخخخ و عقباااال
المشي ان شاء الله


منوووووووووووووووره الكويتيه .. ايه شفتى شلون البنت حسااسه طالعه على عشتوا ههههه

كيت كات ايه والله صاجه بس شسوي يننتنا ما تخلى الواحد يشوف تلفزيون

 

[العياره]

الحمدالله على السلامه
وألف مبرررررررررررررررروك

 

[lolo77]

الله يبارك فيكم بنات والله يسلمكم

واي يا حلات اليهال والله وحركاتهم

صايره حودو هالايام تقلد كل شي نسويه
من اصوات وحركات

حلاتها والله

 

[pink]

لولو .. تستاهل جودي أحلى نون و عقبال نون المشي إن شالله ..
عاد آنا ما سويت حق سوسو نون حق أسنانها ناطرة تمشي مادري
متى و أسويلها مرّة وحدة .. و على التقليد واحلاتها والله مال أكال
و عض صح ؟! .. لولو طمنينا على نونو و عزوزي شنو صار عليهم ؟؟؟


أمهات أمورات شلونكم و شلون جيل المستقبل ؟؟؟ خلصتوا شغلهم مال
العيد و اللا لسّه ؟؟؟

 

[Q8ia_100%]

بنات
اشلونكم
باجر بطهر ولدي وين تنصحوني
وشسوي معاه
وجم يطول
واي اتحسون وحده خايفه

 

[Miss_Tiger79]

مللاك والله يزين البنات الي فشلتيها جدام امج بالزفه
انا بنتي اذا زفيتها وفي احد تقعد تبجي حيل واتخش ويهها

ومبروك النون يا لولو