تجمع امهاات 2007 خلونا نستفيد من بعض

[رفرف]

شلونكم بنات ؟؟؟

جكورة
ماتشوف شر بنيتج
عادي تغيير الجو كل اليهال امرضى


أم احمد ..
مشكورة حبيبتي ذاكرتني
انا غاطة شوي مع البنات ومضغوطة شوي هاليومين
انشالله عقب هالاسبوع افضالكم ..


تايقر
مبروووووووووووك على الضرس وحلاتا والله احلى شي لي طلعو ضرسين تحت يم بعض واي يصير شكل الياهل حده كيوت ..
احنا الاجتماع اوكيه الحمدلله وايد عجبتني طريقتهم مهتميييييييين وايد المس تهبل فصفصتلي كلشي بدون ما أسأل والحمدلله كلامها جدا مشجع بس تقول بنتي تعرف كلشي وشطورة بس تستحي !!
تسألني تقول اهيه بالبيت بعد جذي ؟؟
قلت لا والله حشا ابدا انتي متأكدة قصدج بنتي ؟؟


لولو
مبروك الحبية ..
ديرو بالكم وخشو الاغراض اللي فوق الطاولات بدت مرحلة التفلع وتطيح وتكسر الاغراض
الله يعينكم

 

[lolo77]

هلا والله بالامهات
جكوره
ما تشوف شر دندونه
الله يعين البيبيات على الامراض مساكين

رفرف
الله يابرك فيج
اي الحين ما تخلي علينا شي
لا ومناشبه اخوانها من يكتوب واجباتهم
راحتلهم ومسكت دفاتر واقلامهم
وحتى لو انا قعد على الكمبيوتر اتيلي بسرعه
تبي تطقطق معاي بالكمبيوتر

يحليلهم هاليهال
ربنا لا يحرمنا منهم يارب
ويرزق المحرومين انشالله

 

[ذكريات]

بنات شدعوه ما رديتوا علي مطنشيني

 

[Miss_Tiger79]

الله يبارك فيكم انشالله لولو ورفرف والفال حق جودي يا لولو
ومبروك الحباي انشالله يا لولو والفال حق المشي

ورفرف زين اشوه الحمدلله والله يوفقها انشالله لا شفتي عبود الحين يحاجينا انجليزي وقمنا البيت كله يكلمة انجليزي ههههه

وجكورة ما تشوف شر انشالله دندونه

 

[malak_alroo7]

السلاام عليكم

ام احمد كول
انا اغسل الدباديب في الغسااله
اما الاعاب البلاستك عادي ماي او كلينكس الديتول مادري شسمه لوول او عندج pigeon liquid cleanser
تحصلينه في سنتر بويت او الستى سنتر و هو اصلا علشان تغسلين فيه الرضاعات و الخضروات بس هم تقدرين تستخدمينه حق الالعاب اذا حابه.

مس تايقر مبروووووووووووووك ان شاء الله الضرس .. سلم قلبه والله

جكوره .. الف سلامه على بنيتج ما تشوف شر ان شاء الله ..

لولو
مبرووووووووك الحبااي عاد صج يونسووون لما يحبون حلاتهم والله


و بنااات بعد شخبااركم كلكم
لكم
وحشه كبيييره

 

[malak_alroo7]

سءءي لاتاعاااا ةلبؤءبل فزبر

بناات هذا الحجي اللي مكتوب بالاحمر طبعا اللي كتبته نوارتى حيااتي .. يننتنى و اخر شئ خليتها اطقطق عن خاطرها بس ههههه
عاد مادري شنو يعنى هالكلام بس اتوقع اتها تسلم عليكم و على عياالكم

 

[lolo77]

الله يبارك فيكم امهات

اهم شي من حبت انها تروح بعيد عنا
تروح تكتشف البيت
ههههههههه


امهات
جودي صارلها جم يوم ما تنااااااااااااااااااااااااام
مو مثل قبل ما ادري شسويلها
تغمض وانا ارضعها بعدين فجأه تقعد ما جنه فيها نوم
مع انه ادري انه موعد نومها
والله مستغربه ما ادري اشفيها
والشي الثاني
انها صايره ما تاكل كلش
يمكن اول لقمه لقمتين الحين كلش
يمكن بيطلع لها اسنان <<<<<<<< ما صارت هالاسنان

صج عاد ما ترضى احد يجيس لثتها
بس ما تعضني وانا ارضعها
؟؟؟؟
ههههههههههههههههههههههههه

 

[كيت كات]

اهلين
شلونكم
شخباركم والله جد
جد
جد
لكم وحشه انتو وربع حمودي
انا موجوده بس نادر ادخل واشارك
شسوي الثقل بدا وصايره جني بالتاسع
اخررررع
تصدقون ان الاخ امس قعد بالليل وانا وابوه
نتساعد بغياره وتنويمه
اخر شي يوم نمنه خليناه بالسرير قام
ويصفق هههههههههههه
فاااضي الساعه 3ونص يصفق قم زييين
انا اكركر بس خايفه ريلي يفلعني لانه حده
دايخ
انتو شلونكم
وشخباركم بعععععد

 

[pink]

مساء الخير أمهاتنا العزيزاااات .. شلونكم و شلون الأمامير ؟؟؟؟!!


ذكريات .. مشكووورة حبيبتي على اللنك و شايلته لوقت عووووزة .. و على غسيل الألعاب اللي
في مجال ينغسلون أغسلهم و اللي ما في مجال أحيلهم للمعاش خصوصا إذا حالتهم دمار بس
أغلب الوقت أحط الألعاب في البلكونة عشان تطقهم الشمس و يتعقمون ..

lolo .. مبرووووك على حباي جودي و عقبال ما تمشي إن شالله .. و على سالفة النوم
صارت فيني .. بين فترة و الثانية تهب لها هالهبّة .. قبل كنت أقول مسكينة لأنها مريضة بس
الحين مادري ليش و الأكل نفس الشي مو كل مرة تكون شهيتها زينة و الله ساعات اعتمادنا
يكون على الحليب و الأكل نغصبها بس تطلعه كله .. الله كريم

Miss_Tiger79 .. مبروووك على ضرس مناوي بس حسافة طافني الاستقبال اللي برجينسي
ان شالله ملحوقة باستقبال حبايها ..

عالم حواء .. شلونج حبيبتي و شلون الحمال ؟؟؟ الله يهون عليج إن شالله .. ما تقصرين حبيبتي
على السؤال و كل فترة طليّ علينا :eh_s(8):

رفرف .. شلون الأميرات و بالأخص رفيجة بنتي ؟؟؟ نبي نعرف آخر تطوراتها ..

nono .. شلونج حبيبتي و شلون علاوي و عزيزان .. و اشصار على جيربر ؟! سويت مقاطعة على
خضرواتهم مع إني ما استخدمها بس تضامنا معاج و مع عزيزان ..

malak_alroo7 .. ويسلم البنات توني أدري نونو تكتب و تنطق الفرنسية بطلاقة .. الصراحة البنت لها
مستقبل عكس اللي عندي شكلها حرفية بس تبي وايرات اللاب توب .. الله يخليهم لنا إن شالله ..
شلونج حبيبتي ملوكة مع الحمال ؟؟؟!!

كيت كات .. شلووونج؟؟؟ إنتي اللي لج وحشة كبييييرة .. بس حبيبتي ما يصير لما أقنعت أبونا على
المسابقة و إني أحط صور سوسو إنتي تختفين عن الأنظار .. الحين أبونا يتشمت فيني براهات اظاهر
من كثر ما حنيت صكيت عمري عين :dddds: .. أهم شي حبيبتي إنج تكونين بخير إنتي و حمودي و
البيبي إن شالله ..

جكورة .. ما تشوف شر دندونة و الجو صاير حدّه تعيس لو شنو تحتاطين هم يحوشهم من هالأمراض
يا كحة .. انفلونزا .. نشلة .. بلاعيم .. سخونة ..... الخ ما انخلص .. الله يحفظهم لنا إن شالله ..

أم أحمد كول .. منورة .. أمواج البحر .. أم حيدر .. سيلينا .. keeka .. awasha شلونكم ؟؟؟ و وينكم ؟؟؟


الحمدلله أسوية صارت أحسن بس بقايا المرض من دلع و عسارة موجودة و الحمدلله .. اي تذكرت بنات
باركولي قطعت عنها المصاصة نهائيا ما تدرون العذااااب اللي عشته عشان أقطعها عنها قلت مادامها
مريضة و العسارة موجودة و بأقوى أنواعها ليش ما أطبقها عشان تكون زلقة بطيحة اهي ما راح تنام ماراح
تنام و باجية باجية و آنا نفس الحالة ماراح أنام و باجية باجية و بالفعل كانت أيام عصيبة بس والله افتكيت
صج صار تنويمها صعب بدال ما آخذ وقت ساعة صار ساعتين بس هم أهون أحس سالفة البلاعيم و الكحة
كله من سبة هالمصاصة .. الحمدلله و الفال لكم إن شالله

 

[أم أحمد كول]

امهات شلونكم .. وينكم ما تبينووون


بنك : الفال حق زوزو , تقطع المصاصه اليوم مصاصتها ضاعت ما ادرى وين .. ويييه تعالى شوفى العساره

والبجى عاد رحت الجمعيه وشريت وحده ثانيه

 

[رفرف]

شلونكم امهات ؟؟؟

تايقر
لا تستانسون وتحاجونه انجليزي بالبيت
ترى الانجليزي سهل مسرع ما بتشوفونه بلبل ..
بس العربي اهوه اللي صعب ركزو عالعربي بالبيت وخلو الانجليزي حق السكول بس

طافتج صبوية امس بمرينا تبي تشتريلها ذرة بروحها عطيناها الفلوس ووقفنا بعيد نطالعها طبعا الحلج امشرع من الوناسة راحت تقول حق الريال آي وانت ...!! آي وااااااااااااااااانت !!! ذووورااااا لتل ملح لتل فلفل (شكيت اني مدخلتها مدرسة هندية مو امريكية)..


بنك ..
شلون رفيجة بنيتنا ؟
حرام ليش قطعتي المصاصة من الحين ..
هذا عمر العسر كله ..
انا قاعدة احاول اخفف بس الله يستر احسها الحين وايد تعلقت فيها مع التسنين والمرض
بس انا عموما ما احطها الا وقت النوم ومن تنام اشيلها ..
وماراح اقطعها لين تكمل السنة انشالله ..
اخر تطورتها ماكو شي يديد تزحف قري الحين ..
احطها بنص الصالة اغمض افتح الا اهله تحت القنفات ومو عارفة تطلع مستانسة عالسيراميك تتزحلق بسرعة ..
وشكلها بتخرب على روحها وبفطمها صايرة تعض لما ترضع متوحشة (عاد كلع ضرس واحد ومخرعتني فيه) والا بلزق علج على ضرسها خخخ..


لولو
شلونكم مع الحباي بدت جودي تخرب وتعفس والا لا ؟

باقي الامهات ..
اشلونكم ؟

 

[عاشقة السراب]

السلام عليكم يا أمهات ابي انضم لقافلتكم أنا ابشركم أني ولدت ويبت بنوتة سميتها اريام والحمد لله أنا بخير وهي بخير بدأت بارضاعها من صدري وادخلت معه حليب s 26 لأن أخوانها كنت اسوي نفس الطريقة هل استمر على ذلك

 

[جكورة]

:aha:

عاشقة السراب حمدلله على سلامتــــج
ومبروك البنوته الله يحفظها لكم وتتربى بعزكــــم إن شاء الله ..........

 

[Miss_Tiger79]

اهلين رفرف انتي شخبارج واشلون البنوتات ويسلم الانجليزي الي قالب على هندي والله
تدرين احب اليهال الي يتكلمون جذي عربي انجليزي يونسوووووووووون

وعلى الحجي عندنا يحاجي الخدم انجليزي وانا حزة وحزة بس الباجي عربي فما راح ينسى العربي

تدرين اليوم قلت بسألهم على تسجيل اخوه حق السنة اليايه وسألت عن الخصم قالتلي بس 5 % يعني يخصمون 60 دينار بس
قلت ميخالف المهم المدرسة زينه

ويحليل مسوكة والله نفس مناوي بس صايره كله على السيراميك احطها تروح على السيراميك
ويسلم الي يعضون والله

وعاشقة السراب اهلا وسهلا فيج
ومبروك ما ياج وتتربى بعزكم والحمدلله على سلامتج

 

[Miss_Tiger79]

ملاك الروح الله يخليج بنتج انشالله ويحفظها وسلمي عليها بعد وقوليلها مناوي تسلم عليج بس اهيه نايمة الحين فما تقدر تكتبلج الحين

وكيت كات الله يسهل عليج انشالله وتولدين بالسلامة

ولولو مادري يمكن بيطلعلها اسنان لانه اذا ما تخليكم اتجيسون لثتها يعني بتطلع الاسنان انشالله
وعلى الاكل حتى بنتي ما قامت تاكل مثل قبل مادري ليش كبرت وعبالها صارت مره وبتسوي رجيم مادري عنها

وبينك مبروك قطعة المصاصة افتكيتي منها
وماتشوف شر انشالله اسويه

 

[سيلينا]

مرحبا امهات اشلوونكم شخباااركم...

مايشوفون شر المرضى ، والله يعينكم على الحباي والعفسه والعناد

بنك على البركه قطعتي المصاصه وماتشووف شر اسووويه

عاشقه السراب الف الحمدالله على سلامتج والله ماجربت بس شكثر يسون جـذيه الله يسهل عليج

ذكريات عادي غسليهم بالغساله وشغلي النشاافه اكثر من مره لين ينشف عدل

..

امهات عندي سؤال هل لو ضفت اشوي زبده قفشه صغيره مع اشوي جبن شدر مبشور للخضار الي اسويه مثل البروكلي هل فيه مضره انا شاريه كتاب وفيه طرق لاكل البيبي لي عمر سبع سنين وهذي الطريقه منه والحمدالله حبه ولدي الي ما ياكل قبل الا الاكل الجاهز فيه مضره!! مابيه متن ابي اكله صحي بس مايحب الخضرا الا بهالطريقه يميل للفواكه اكثر
تعتقدون موزين اضيف له زبده وجبن شدر
ومتى تدخلون الدجاج واللحم وصفار البيض ؟؟

انا ولدي عمره سبع شهور​

 

[عاشقة السراب]

اشكركم على التهنئة تصدقون يا أمهات لأول مرة اجرب عناية بنوتة ومشكلتي في تنظيفها غير عن الصبيان زي ما تعرفون ولا ادري ليش اخاف عليها بزود عن أخوانها هل هذا شيء طبيعي خوفي عليها وحبي لها ما ادري شنو تفسير ذلك معليش اصبروا على استفساراتي

 

[Miss_Tiger79]

يا سيلينا اتوقع عادي اتحطين جبن تشيدر بس اشوي عشان ما يصير ثقيل على جبد الياهل

وعاشقة السراب انا نفسج بنتي عقب صبيان فواااااااااايد كنت احاتيها بسالفة الغسيل وأخاف وانا اغسلها والحين خف الالمحاتات والخوف بس ما راح كلش
بس امي تقول غسليها عادي بس اشوي اشوي

 

[أم أحمد كول]

امهااات شلونكم .. ابشركم زوزو سننت .. يا حلاته نتفه ..

 

[malak_alroo7]

السلام عليكم

هلا والله بناااات شلوونكم ان شاء الله مرتاحين

بنوكه
هلا والله حبيبتى
شلونج انتى و اسويه ان شاء الله تماام .. احنا بخير و الحمدلله .. ايه شفنى شلون نوارتى تنطق الفرنسيه و الانجليزيه و اليابانيه بعد هههههههههه

و الحمال الحمدلله اوكي عاد امس قاعد اتذكر الولاده و المستشفى و الطلق وااااااي استغفرالله اقول حق ريلي مالى خلق هالسوالف لووول .. الله كريم ربي يسهل ان شاء الله .. بس ظهري كله يعورنى ذبحنى والله

مس تايقر
هلا حبيبتى .. انتى شمسويه و شلونها مناوي يختى سلم قلبه عاد الحين نونه نايمه و الا جان اهجمت على الاب توب مره ثانيه و اكتبت حق رفيجااتها

منوررره الكويتيه
وينج؟؟

كيت كات
شلونه حموودي؟؟ عاد نونه جذي تسوي ساعات تقعد على الساعه 3 او 4 مصحصحه تبي تسولف و تلعب ما تنام الا بعد ما يهاوشها ابوها واااااااي تعور قلبي ساعات تبجى و ساعات لا فديتها هالعيااره بس اذا هاوشتها انا تقعد تضحك على مادري قايله لها نكته انا هههههه
حبيبتي عندي سؤال لو سمحتى
شنو مميزات السونار اللي في رويال حياة؟؟


لولو
شلونها جودي الحين مع النوم ان شاء الله احسن؟