تجمع امهاات 2007 خلونا نستفيد من بعض

[awasha]

اشوووة رفرف و Miss_Tiger79 طمنتوووني وااااايد كنت احاتي

انا مااعطيها طول اليوم بس وقت النوم على قووولتج بس شلون قطعتووها يعني عقب السنه اهي من نفسها اتقطها؟؟؟؟ شلون طريقتكم بالقطع اسمع في ناس يقولون يحطوون فيها مره او يقصووونها بس شلون تاخذها واهي نايمه اعطيها مرة مادري شلون :080402ask_prv: او اني اقصها مااادري ولا يعني اهيا من نفسها تكبر عليها ؟؟؟


ولا يعني لمن تكبر ماتفزز بالليل مادري مااتوقع :eh_s(10): بس ان شاءالله الله يبشركم بالخير

او مشكووووووووووووووووووووورين وايد عالنصايح

 

[رفرف]

عادي سهالات دوخي بنيتج لعبي معاها لين كللللللللللللش تدوخ تالي دبخيها وبتنام بدون مصاصة .. يومين ثلاث وبتتعود خلاص تنساها بسرعة

 

[كيت كات]

هلا بنات شلونكم
اشوا رفرف طمنتيني على المصاصه
حتى انا اعطيه حزت النوم بس
وباجي الامهات شلووووووووووونكم

 

[lolo77]

السلاكم عليكم
شلونكم بنات وشخباركم

وكل من سال عني
ما تقصرون حبايبي
وابشركم الحمدلله خف العقنقنز
بس ماطبوا للحين بس يبس
والشباب طبعا غايبين داشين بالاسبوع الثاني
مساكين ظهرهم متروس يكسرون الخاطر
طلعوا ما يحملون كلش
واحسن وحده جودي عيني عليها بارده ما اذتني كثرهم

وانتوا اشلونكم يا امهات وشخباركم
لكم وحشه الصراحه

 

[كيت كات]

لولو حياتي والله قلبي معاج ومعاهم
واااااااي هالعنقز يهد حيل الكبير شلون الصغير
مايشوفون شر وكل شي يتعوض

 

[ســــــــــما]

السلام عليكم

انا يمكن اول مره اشارك في هذا الموضوع عاد عندي وليدي الله يحفظه بيكمل سنه الحين

منو فيكم بيبيها تأخر على ما طلعتله ضروس

انا ولدي بيكمل سنه وليما الحين ولا ضرس

مادري هذا شي طبيعي والا لازم اوديه الطبيب يعطيه فيتامينات ؟؟؟

عفيه فيدوني لاني بديت احاتي .....

 

[nono78]

بنات اشلونكم كلكم بلا استناء

واي اشتقتلكم

كنت مع علاوي اخييه حبيبي كان مريض حده

تكرمون ترجيع وسخونه


حتى الحضانه ماوديته

وام ااحمدووو اخيه علاوي كنت بروح اشوفله ملابس تنكريه

بس وقتها مرض

ان شاء الله حق مره ثانيه

 

[أم حيدر]

قوه يا بنات

شلونكم .. انشالله اموركم طيبة ؟؟

سما بالنسبة حق وليدج انا سمعت ان في وايد يهال نفس الشي .. بس ما تخسرين شي اذا استشرتي طبيب.. عشان تطمنين احسنز

 

[سيلينا]

قوووه

اشلوونكم واشلون اعيالكم ؟؟

لولو مايشوفون شر حبيبتي والله يعينج

نونو مايشوووف شر علاوي

سما روحي الطبيب افضل وان شاء الله مافيه الا العافيه لانه يفرق من بيبي لي الثاني

الحمدالله ولدي صار احسن والظاهر انه بيسنن بس ليلحين مو متأكده اذا طلع ولا لا:bbbiu:
مادري اتخيل ولا شسالفه مره اقول كاهو طلع ومره ماكوو شي بس اللفه منتفخه

وصاير شيطان مايعرف يمسك المميه ومايبيني امسكها له يعصب لي مسكتها هذا وهو 6 شهور مسوي فيني جذيه لي كبر شنو بيسوي وصاير عصبي وراسه بااابس

انتي اشلوونكم شخباااركم:hjy5jewf:​

 

[ذكريات]

ملاك انا سويت جذيه قاعدة اوكله جنه توه يتعلم شلون ياكل

قووه امهات


هلا ذكريات طلعنا بالهوى سوى بس شنوو اسم البسكوت خلني اعطي ولدي لانه مايحب السيريلاك خلني اغير بالبسكووت
واشلون الجوو عندج ديريبالج انا طلعت ذاك اليوم وكان مطر والحين المسكين خشمه مسكر


وباجي الامهات اشلووونكم

البسكوت اهو finger food من garber

و اسمه biter biscuits
انا الدكتور قالي ابدا اعطيه فنقر فود لما يصير عمره 9 اشهر بس انا اذوب البسكوته مع حليب و احط شويه سريلاك (( حرام يظل و اقطه بعدين :icon30: ))

انا ولدي مرض اول مايانا البرد و وديته حق دكتوره .. و بهالعمر ما يقدر يعطيه شي قوي
بس اذا خشم ولدج مصكر انا ولدي كان جذيه و عطاني دوا اسمه ayr و قال عذا يصلح حقي و حقه ((انا كنت بعد مريضه و عاديته )) على طول يفتح الخشم عجيييييييييييييب

على قولة ريلي امريكا حق كل شي عندهم دوا

 

[رفرف]

وينكم بنات اختفيتو ؟؟

انا بنتي منشولة ..
اهيه دعله خلقة وهالمرة مريضة ؟؟
ما تناااااااااااام بس تتلوى وتبجي وخشمها مسكر ماتقدر تنام تكسر خاطري بس ياربي مافيها شي جايد ليش هالعسر كله ؟؟

الله يهديهم ..

 

[منورة الكويتية]

نوره منشوووله
وكحه
وطالع فوق عيونها نفره ومنتفخه بس جنها طخت يوم حطيت لها الكريم الي عطانا اياه الدكتووور

 

[كيت كات]

وييييييييييييييييييه الله يشفيهم ويهديهم ياااارب
حمودي صاير عيااااااااااااااااار كله يبيني اشيله
وانا ثقلانه وما اعبر كلش
اما بالليل حدث ولاحرج يتقلب مني ومناك لمن يكفخ راسه بطرف السرير
تالي يبجي اهيء اهيء

 

[Miss_Tiger79]

مايشوفون شر عيالكم انشالله يا رفرف ومنوره وكيت كات

 

[منورة الكويتية]

الله يهوون عليج كت كات ويسهل عليج يارب

مس تايقر حبيبتي والله الشر ماييج

 

[nono78]

سيلينا الشر ما ييلج حبيبتي


بنات بقولكم شي مومصدقه

ذيك المره شريت خضار الجاهزه ماركة جربر

معني انا اوكل زوزو طبيعي بس شريته جذي حق الي مايصير عندي وقت

انا نوعي دايما اذوق الأكل قبل لا اوكل عزوزي

ولا شنو الأكل فلفل حاااااااااااااااااااااااااااااااااار

قلت لا يمكن اتخيل

واكل بعد قفشه الأكل حااااااااااااااااار فلفل امبيييييييييييييييييييييه

اشوه اني ذقته

بس بغيت انبهكم

صج عصبت اشلون جذي اكل يهال وحار فلفل !!!!!!!!!!!!!!!!!!!!!!!!!!!!!!!!

 

[nono78]

منوره ورفرف

سلامة عيالكم ما يشوفون شر حبايبي

 

[pink]

شلووووونكم بنوتات ؟؟؟؟ و شلوووون الأمامير ؟؟؟


الأمامير أغلبهم مراضى من هالجو و طبعا احنا حالتنا حالة معاهم .. و حالتي نفسكم

سوسو ردت لها النشلة و الخشم كله مسكر مايفيد معاها القطرة مع إني استخدم لها

اتروفين البخاخ مال الأطفال حبيبتي و الله تبجي بجي و المشكلة آنا ليلحين ما صحيت

و الصوت راااايح .. بنات بدش عرض منو فيكم كانت مشاركة بمؤتمر الأشغال يمكن أكون

شايفتها وناسة شفت بنات الجامعة بس الصوت كان يفشلللل و مع ذلك غردت :eh_s(6):



Miss_Tiger79 .. ما تشوف شر مناوي و ها بشرينا طلع لها درس و اللا ما طلع .. و على تطعيم الجدري
بنتي عسررررة بما تحمل الكلمة من عساااارة و خايفة يصير فيها تتحول حياتنا الى جحيم .. اهي على
انفلونزا و نشلة لا ليلنا ليل و لا نهارنا نهار استنفار 24 ساعة ترى هالكلام مو مبالغة كل من يشوفها
اسم الله عليها يقول هالشي .. و لأني ما يبتها إلا بعد 3 سنين يقولون لي هالبنية تبي تاخذ حقها من
السنوات اللي طافت ..

رفرف .. منورة .. سلامات على الأميرات و ما يشوفون شر و ترى الحال من بعضه صاير مرض ورا مرض
مافي مهلة إن شالله تطق مطرة تنزل هالأمراض و نرتاح شوي .. و يبدا مشوار البرد حدّي أحاتي هالمسألة
لأني يبت أسوية شهر 3 الجو لا بأس بس ما جربت الشتا شكله يخوّف .. الله يستر


awasha .. لا تحاتين سالفة المصاصة مادام تاخذها حق النوم المسألة بسيطة .. كل شي بالتدريج حاولي
تجربين في البداية تنومينها بدون مصاصة و اختاري أيام الويك اند عشان لا تتنرفزين إذا ما خذيتي كفايتج
من النوم و اذا استعسرت وااايد عطيها و جربي هالسالفة بين فترة و الثانية عشان تعودينها إن المصاصة مو
ضرورية كل يوم و شوي شوي بتنساها .. آنا قاعدة أطبق هالشي بس استمرضت و اختربت الحسبة و
إن شالله لا صحت رديت طبقت هالطريقة .. و موفقة حبيبتي ..


كيت كات .. ويسلم الصبيان بخاطره يتدلع قبل ما اييله شريك ينافسه بحضن الماما .. و هالمعارك اللي
يسويها بالسرير يحقله صبيان لازم عنف إذا البنات قاموا يعافرون هونوا عن الأميرة النائمة فما بالج اهم بس
سالفة البجي لما ينكفخ صج شر البلية ما يضحك .. الله يهون و يتمم عليج حبيبتي ..


nono .. زين سويتي و جربتيه آنا بعد أحب أجرب كل شي قبل ما أعطي سوسو اللهم الحليب لو يعطوني
مليون ما أجربه .. على هالسالفة أقول حق ريلي مسكينة سوسو الدوا اللي تاخذه مر يلوع الجبد جان
يطالعني و يقول انتي شفتي الحليب اللي تشربه أول ؟! ريحته شي محزر و مؤرررف.. بس شلون يخلون
فيه فلفل شنو يهالنا كاسكو و اللا بيبي متو يبونهم يتحجون بسرعة يمكن حاطين فلفل على أساس إنه بارد
طلع حار أتوقع جذي بس المفروض يتحرصون من هالسالفة .. نونو حلاته تدشين موقعهم و تشتكين لو
تلاحظين أغلب الأجانب يكتبون تجربتهم سواء زينة و اللا مو زينة عن المنتج .. و الله الحافظ يحفظ عزيزان
و عيالنا ..


ذكريات .. شلونج ؟؟ و شلون الأمور ؟؟؟ حبيبتي سويت سيرج على الدوا و طلعلي كذا واحد جان زين
تحددين لي أي واحد .. آنا بحط اللنك .. و مشكووورة مقدما
http://www.calibex.com/ayr-saline-nasal-gel/zzcalibex2zB1z0--search-html


lolo .. الحمدلله إن خف الجدري المائي عنهم و إن شالله يطيبون نهائيا و تطووووين صفحة الماضي المرير ..
و انتي شلونج حبيبتي ها ماقتلي لنا جم كيلو نزلتي بعد هالمحنة ؟؟!

سيلينا .. الله يخليلج وليدج إن شالله و على الأعصاب شنسوي لازم نتحملهم ضريبة الأمومة ..


ســــــــــما .. هلا و غلا فيج بينا حبيبتي .. و على الأسنان لا تحاتين كذا وحدة أسمع إن ياهلها جذي
تكون لثته من النوع السميك فأحسن شي وديه الطبيب يعطونه شي يلين اللثة أو أي شي يساعد ..
و الله يصبر المسكين أكيد متأذي من هالسالفة ..


أمواج البحر .. أم حيدر .. malak_alroo7 .. keeka .. أم أحمد كول .. شلونكم ؟؟؟

 

[nono78]

ويي بنك سلامتها اسويه بعد قلبي

امبيه كل اليهال توه عليوي صار زين وباجر حضااااااااااااااااااااااااااااااااااااااااااااااااااانه ان شاء الله


بنك اذا منتجات جربر عندهم موقع عطيني

اخلي ريلي يكتب لأني اذا بكتب بدليات الدنيا بل انجليزي لوووووووووووول

 

[pink]

تسلميييين حبيبتي نونو و الله يبعد عن عيالنا الأمراض ..

و على موقع جربر سويت سيرج على موقعهم بس طلع

مافيه مكان حق الشكوى .. يالله الشكوى لله ..

هذا الموقع حوسي فيه يمكن تلاقين و حيلج فيهم و على

البدليات عندي و عندج خييييير آنا في القرمر مييييح .. مادري

شلون تخرجت :eh_s(6):

http://www.gerber.com/home