تجمع امهاات 2007 خلونا نستفيد من بعض

[رفرف]

تايقر بنطرونكم زيتي سادة ؟؟
وبيني وبينج مالي خلق تفصال وخياط كافي رمضان وقرقيعان وعيد ومراكض ابي شي جاهز ...

ملاك الروح
مبرووووك

 

[منورة الكويتية]

هلا والله بالكل

سبحان الله حبيبتي سوي تمارين البطن والمشي ترى يشد البطن


مس تايقر الله يسمع منج ياقلبي

كيت كاات مش ائدي ياقميييل انتي شلونج وشلون الحمال معاج ان شاء الله سهالات


ملكلك كلولولولولوش ماشاء الله مبررروك انتي مخططه ولاا جذي ؟

لولو الف حمدلله على السلامة وقوليلنا شلون سفرتج عسى استانستي

رفرررف شلووونج وشلون القمرات صبويه ومسوكة

 

[منورة الكويتية]

بنااات بستشيركم بشيئ

انا الحين ااستخدم حبوب ياسمين النوع الثاني الي الشريط فيه 21 حبه تخلصينهم وتريحين اسبوع وتبدين علبه يديده عقب

االي صار هالشهر لمن بقى بالعلبه 10 حبات يتني الدورة وهذب ثاني مره تصيرلي

اول مره يتني لمن كان باقي بالعلبه حبتين بس ورحت حق دكتورة وقالت لي عاادي كملي الحبوب وهذي الهرمونات مرات تصير قووية

بس انا الحين متصرررقعه وخايفه اخاف تحوسني هالحبوب ولا تسبب لي شيئ

طمنوني

 

[كيت كات]

رفرف ومس تايقر عبالي التمييز كل يوم اشوفها وشكلها حلووو
ملاك الروح مبرووووووووك يالله بنات منو بتخربها وتصير ويانا
ملاك ديري بالج والله يسهلج يارب
منورة انا وبصراحه ما اجازف واخذ حبوب مانع اخااااف من مضارها
وباذن الرحمن لمن اولد بالسلامة بسوي طريقة والسلام

 

[malak_alroo7]

رفرف
منوره
كيت كات

الله يبارك فيكم حبيباتى
منوره ,, لا والله ما كنت مخططه ولا شئ بس هذا اللي كاتبه ربي و الحمدلله اول كنت شوي متخوفه و احاتي عشان ننوسه بعدها صغيره بس الحين تعودت و مستااانسه الحمدلله

كيت كات .. صاجه والله لازم اكون حذره بس نوارتي لبه قلبه ما تقعد بس تحوووس يننتني تلاقيتي بس الاحقها من مكان لمكان و الحين قامت تصااارخ و تقولي اووه ههههههههههههه يعني معصبه على و الله لا يوريج لما ابي اغير لها الحفاظه شتسوي فيني ما اقول غير الله يعيني

شرايج نعدي صديقاتنا الامهات هنى عشان يحملون ؟؟

 

[كيت كات]

اي والله ودي
علشان نسولف معا بعض بحالتنا خخخخخ
يالله بنات من يزود

 

[Miss_Tiger79]

هلا ملوكه مبرووووووووووووووووووووووك انشالله وعسى الله يتمم عليج يا رب
رفرف اي زيتي ساده
والله انا انصحج تاخذين خام واتخيطيلها واايد احسن على الاقل موديل اذرب من الي مسويينه وعملي

 

[رفرف]

ملاك الروح
لا حبيبتي لا تعدون احد ولا شي ..
انا لو اييب ورا بعض يتراوالي بطيح فيهم تكفخ لأن صج بالي طويل عاليهال بس واااااااااااايد دقيقة لدرجة اني اخاف يحوشني انهيار عصبي من كثر الضغط ..
(مابي احد يجيس الياهل ولا يساعدني ... غاوية شقا)
عاد لا تخرعوني انا مو قاعدة استعمل مانع مضبوط ...

تايقر ...
احنا كاروهات .. زيتي واحمر ... وييييييييييييييييييييييييييييع
عاد ابوي بعد عمري يرفع معنوياتي يقول لا بالعكس يهبل خخخخ

 

[ذكريات]

وااااااااااااي اذا بتعادوني بنحاش من هني:eh_s(3):

بروحي ميتة من الخوف و ايدي على قلبي

قبل شهر تقريبا حلمانة اني حامل و عمر ولدي 4 اشهر

ما بقى شي قرب الوقت لووووووووووووووووول:eh_s(3):

 

[( روعه )]

السلام عليكم أمهات شلونكم و شلون عيالكم ....ان شاء الله تكونون بصحه و عافيه ...صراحه بخاطري أنظم لكم و أسولف و أستفيد من خبراتكم ...الحين الله يسلمكم عندي سؤال و محتاره أبي جواب ... و السؤال هو تأيدين الروضه الخاصة و لا الحكوميه و ليش؟؟؟ لأن أحس هالأيام المدارس الخاصه عليها إقبال كبير من الكويتيين... فأبي أعرف رايكم بهالموضوع ..

 

[منورة الكويتية]

افا يا بنات ولا وحده ردت على استفساري
لهدرجة طاف؟

 

[سبحان الله^الحمدلله]

منورة والله ودي اجاوبج بس انا توني بادية بنفس الحبوب الي تستعملينها ونفس طريقتها صارلي 10 ايام

محتارة ودي استعملهم لان العزل والواقي ماحس فيهم التزام وجم مرة نطنش ...... استخرت وان شاء الله ماتصير فيني اثار جانبية منها

المهم انا قريت بالورقة ان ممكن تييج الدورة فجأة في غير وقتها وجنة قريت انج تكملين عاااااااادي انتي تأكدي واقريها

والدكتورة قالت هالورقة فيها اشياء وايد تخرع بس هذا كلة بس جذيه شي قانوني ولازم ينكتب

انا بصراحة قالت لي الدكتورة اول علبة نغفر لها كل مشاكلها لكن الثانية لا معناها ماناسبوج واغيرهم لج بنوع ثاني

لكن انا قلت اذا مامشت معاي حتى العلبة الثانية مابي حبوب خلاص

لان معروف ياسمين اخف نوع عشان جذي ينصحون فيه بعد تعطيني شي اقوا ويضرني اسم الله علينا


انتي شكثر صارلج تستعملينهم؟؟؟؟ وشكثر ناويه عشان تقطينهم؟؟؟؟

 

[كيت كات]

منورة بعد قلبي والله لو اعرف رديت سبحان الله ماقصرت

 

[رفرف]

منورة انا ما استعمل حبوب ولا عمري جربتها فماقدر افيدج بشي

شجرة الورد
بالنسبة للروضة ..
في ناس مرتاحين عالحكومة .. وناس يفضلون الخاص
بالنسبة لي اذا عندي واقدر ادخل عيالي احسن مدارس اكيد ابيلهم المستوى الاحسن سواء خاص او حكومة
واذا ماعندي بدخلهم حكومة واحاول اعلمهم انا كل اللي ابيه زيادة ...
وبما اني مدرسة بالحكومة ادري ان التواجيه قاتلة للابداع لة المدرسة بتعطي من نفسها بتتحبط لين تقول بس والف وحدة فوقها بتتدخل فأفضل الخاص ..

 

[malak_alroo7]

مس تايقر
الله يبارك فيج يا عمري و مشكوووره

رفرف .. لا عيل ديري بالج و اخذي المانع بانتظام ..
عاد تصدقين انا اخلى اهلى يساعدوني خاصه امي..
بس ما احب الخدم يمسكون بنتي كلش مره رحت ازور خالتي و كنت بقوم اغير حفاظة نوره عاد خالتي على طول تنادي الخدامه عشان تغير لها ! امبيه عاد انا استحى اقول حق خالتي لا ما ابي خدامتكم تجيس بنتي المهم قعدت اقول لا لا عادي بسرعه اغير لها انا و صج غيرت لها بس هذيج واقفه على راسي .. المهم قلت حق ريلي يقول حق خالتى انى ما احب الخدم يقربون صوب بنتي .. خاصه هذه اعوذو بالله من عيونها !

ذكريات
هههههه لا لا تحاتين .. انا من الخوف كنت ادعي ربي انى ما احمل لين عالاقل بنتى تكمل 6 اشهر
و سبحان الله حملت بعد 7 اشهر يعنى ربي عطاني شهر زياده بعد

 

[malak_alroo7]

منوره حبيبتي انا سووووووري ما انتبهت حق سؤالج
و للاسف ما اقدر افيدج بشئ

 

[malak_alroo7]

شجرة الورد

حياج الله حبيبتى ..
بالنسبه لسؤالج انا بعد كله افكر فيه و على فكره بنتى بعدها صغنونه على الروضه بس تعرفين ماكو شغل .. ساعات اقول حق ابوها من كثر ما اخاف عليها بييب لها مدرس لين البيت يدرسها اخاف عليها من المدرسه هههههههههه

 

[lolo77]

هلا والله بنات
ملوووكه والله خوش خبر
والف الف مبروووووووووووك
بس انا بعد راح ابعد عنكم هههه
احس اني كبرت ومالي خلق يهال
انا اعيالي الاثنين اول شي يبتهم ورا بعض
من كمل عبود 5 شهور حملت وانا ما ادري
لاني ارضع وما اتيلي دوره

ولمن كمل ولدي الثاني محسن 3 سنوات حملت ويبت جودي حبيبتي
والله يستر طبعا للحين ما يتلي دوره



بنات خدامتي سافرت
الله يعيني ما ادري متى بتوصل اليديده
وراي دوام الاسبوع الياي


سوري قرقت عليكم وايد

صج تذكرت السفر كان وناسه
بنتي مسكينه ما اذتني
اذا ياعت تبجي تشرب حليبتها واتنام
ولا تدري عن شي

بس الاذيه الكبرى ولدي الثاني امحيسن
حنااااااااااان وعلى اقل شي يبجي اذاني صج اذاني

واليوم رديت من الخيران
رحنا اربعا خميس جمعه

وسلامتكم

 

[كيت كات]

ملاك الروح اي والله صاااجه الخدم مشكلتهم بعيووونهم الحارة الله يكافينه شرهم بس انا افضل الجنسية السيلانية المسلمة احس اقرب شي لنا وتقدر تتعايش مع وضعنا بسهوله ولا دايما تبي ترد عقب ماتسافر
لولو الله يعييييييييينج حبيبتي ان شاء الله توصل خادمتج قبل رمضان

 

[منورة الكويتية]

سبحان الله الحين صارلي 5 شهور استخدمهم

مشكورين كت كات وملكلك ورفرف


انتو شلوونكم وشلون البزوره