تجمع امهاات 2007 خلونا نستفيد من بعض

[Miss_Tiger79]

اهلين ام بناتي
وشخبارج
اي انشالله بحافظ والفال لج انشالله

وملاك الروح انا صارت فيني هالسافه بس اهمه يتعمدون ينزلون ههههه اسم الله عليهم

ورفرف وييييي يختي البنات ما تبي بعد انتي وكليها في وضع الرضاعه تاكل انشاله
وترى اهمه دايما اول محاوله لهم بالاكل يخلونج تيأسين من رفضهم للاكل
والله كريم
عيل انا بنتي خالتي معودتها الصبح تخلطلها مع الحليب فاكهه وتشربها
ولما رحنا الشاليه الويك اند هذا الخميس الصبح عيييييييييييت تاخذ الحليب بروحه تعودت على حليب بالفواكه اسم الله عليها

بس الصراحه توني راده من الخيران الجو كان عجيييييييييييييييييييييب بس الظهر رطوبه وبعدين براد يصير وهوا اشويه على الاقل غيرنا جو والحمدلله

 

[رفرف]

هلا شلونكم بنات ؟؟

وسومه يختاي حلات بسبوسة تغيرت عن الصورة القديمة اللي كنتي حاطتها ..
شكلها شيتوووونه اسمالله عليها ..
ايه والغيرة الحمدلله أخف من قبل يامعودة اشوه ان غيرتها مو مؤذية يعني بس تتلزق فيني وتبي اشيلها واحطها بحظني والمها بس ما تأذي اختها ..
واليوم شافتني بوكل مسوكة بطاط وجزر مهروس قالت ابي اكل مثلها ..
عاد صبوي ما توااااااااطن الجزر ولا ريحته بس اشوه من الغيرة كلته كله لا وماصخ بعد تقول صفقيلي مثلها وقوليلي عفية عالشاطرة
صج يهال ..


تايقر
زين سويتو غيرتو جو ..
اقول رحتي خذيتي يونيفورم السكول حق عبود ؟
انا بروح باجر انشالله وبودي سجلها الصحي لأني ماكنت امسويته قالولي ييبيه بعدين ..

 

[malak_alroo7]

السلاااااااااام بنات

نوارتى اسم الله عليها وديتها الطبيب اليوم .. بعد عمري عندها حساسيه من الاكل بس مادري شنو بالضبط؟ ظهرها كله حبوب بعد قلبي عطاني لها دهان حق الحبوب
عاد بقطع عنها الفارليز و البسكوت و اشوف اذا ما صار شئ بقطع عنها الموز و اشوف ..

و شغله ثانيه .. صايره تخاف من الماي ما تحب تتسبح ههههههههههه والله يا بنات لو تشوفونها شلون تبجي و تصارخ تعور قلبي جنه احد طاقها ما ترضى تقعد في البانيو مالها تخاف حيل عاد كله احط لها العاب بس هم ماكو فايده


وسومه
من صجج عاد انا كله احسب الايطاليين خوش ناس و حبوبين هههههه انا اللي اعرفه انه الفرنسيين و الالمان حدهم شايفين نفسم و ما يردون على احد شكل بس الانجليز خوش ناس

مس تايجر زين سويتي و غيرتي جو.. الشاليه حده يونس يبيله شاليه بس شدعوه ريلي بيوافق ههههههه

 

[malak_alroo7]

منوره الكويتيه

يابت انتى فين؟؟ بتختفى بتروحي فين ؟

 

[Miss_Tiger79]

هلا والله برفرف لا والله ماخذيت اليونيفورم الدوام وماني قادره اطلع الا للظروره لانه رفيجتي مسكينه مسويه عمليه وماكو غيري فاحتمال اروح الاسبوع الياي وبكلمهم عن ابله ولدي لانه اهوه يبي مس جيمي وما يبي مس ناتالي واتصدقين وااااااايد زينه جيمي حتى عبودي لما يلعب ويه اخوه يقول جم كلمه مو معلمته عنها
وشوفيلي اسعارهم عفيه حبيبتي على اللبس العادي والرياضي وشنو اهوه اللبس


وهلا ملاك الروح اي والله غيرنا جو وانطلقت
وانشالله ريلج يحجزلكم شاليه

ومنوره صاجين وينها من زمان موداشه هني عسى المانع خيير

 

[رفرف]

شلونكم بنات ؟
أبشركم مسوكة قامت تاكل بس عوبة ما يعجبها كل شي وكلتها اليوم جزر علبو طعمه حلو يحبونه اليهال ما عجبها ..

هلا تايقر
انا رحت اليوم وخذيته بس مادري احنا بنات يمكن غير ..
نفنوف اييب اليهد لوووووووعة بس خذيت لها 2 حق التبديل ..
وما خذيت القميص لأنهم كبار اصلا و بلبسها بولو شيرت أريح وأرتب ..
وبعدين هدومهم كبار لو تاخذيين القمصان من bhs او ادامز اتوقع تحصلين مقاس اضبط ..
ولبس الرياضة بنطرون عنابي وتي شيرت هم عنابية وعليها اللوقو بس كباااار على صبوية مبهدل حده تقول هذا اصغر شي ..
وجنه انتو لازم تاخذون اللوقو لأن صبيان انا قالتلي ماله داعي
وطلعو كلهم اليونيفورمين + لبس الرياضة = 22ونص

وما سألت بنتي بأي صف ولا عند أي مس لأني ماعرفهم ..
شلونها مس جيمي زينة ؟؟
بس مس ايرما اللي كانت عندها بالصيفي شفناها اليوم اتهبل حتى صبوية راحت لها ركضة ولمتها وحبتها ...

 

[منورة الكويتية]

هلا بناتتتتتت شلووونكم شخبارررركم

سوري على الغيبه مادري شفيني صايره احوس بالسمنة والنحافه والنادي الصحي قاعده اسوي ريجيم ومشتركة بناادي ادعولي اظعف بالصحة والعافيييه


ملاك الررروح ومس تايقر تسلموون حبيباتي وكاني موجوووووده

انتو شلونكم ورفرف وكيت كات واسوومة والباجي كلهمممم

 

[Miss_Tiger79]

هلا منوره يالله شيدي حيلج نبيج سمبتيك

ومشكوره رفرف والله
وعلى مس جيمي واايد حسيتها زينه لانها امريكية اصليه مو مثل الثانيه لبنانيه
ولانه ولدي اسمالله عليه اشويه شيطان فهالمس احسها تعرفله اكثر من الثانيه
وانتي اشرايج بمس ايرما يعني حسيتي صبويه تعلمت منها وتعاملها معاهم زين

 

[سبحان الله^الحمدلله]

شلووووووووووووونكم بنات

منورة انتي نفسي الحين حتى انا مشتركة نادي...... مشكلتي بطني كرش عقب الولادة بس ماحس انه كرش كرش شحم ولحم احس انه ترهل جلد فما فادت معاه الرياضة مادري شالحل ؟

 

[كيت كات]

رفرف شلوووووونج وشلون القمرااااات
مس تايقر شلونج وشلون العيااااااال
منوورة ولهاااااااانه عليج
ملاك الروح شلونج حبيبتي
ام بناتي الحمدلله انا بخير وراحت النساة وبقي الهبوط انتي شلونكم
سبحان الله شلونج...
وسومه سلم قلب البنات ماشاء الله بنتج تهبل

 

[رفرف]

شلونكم بنوتات ؟؟

تايقر
اي مس ايرما تهبل حبوبة وصبوية تعلمت وايد كلمات مرات تقول اشياء انا مو معلمتها تقولي المس علمتني ...
وتحبها حتى لما كنت اوديها النادي كل يوم لي يات بنتي تلمها وتحبها تالي تقعد يعني حليوة ..
وعموما انا بنتي عاجل حتى اهيه تقولي بنتج عاجل ماعندي مشكلة معاها ..

 

[lolo77]

السلام عليكم
شلونكم يا امهاااااات وشخباركم
الصراحه لكم وحشه
رديت من السفر يوم الاحد بالليل

كنت خايفه جودي تعلوزني بس الحمدلله
خوش ابنيه كانت
واللي اذاني ولدي الثاني الله يسامحه ويهديه

وانتوا شخباركم شنو اعلومكم

 

[رفرف]

الحمدلله هلة السلامة لولو ...

شلون السفر مع بيبي صغير عسى ما تأذيتو ؟؟

 

[كيت كات]

لولو 77 نورتي الديرة
شلونج وشلون سفرتكم عسى استانستي؟؟
رفرف اي حضانه هذي ؟؟؟

 

[Miss_Tiger79]

صج والله يا رفرف

الحمدلله على سلامتج لولو

ورفرف اليوم رحت خذيت ملابس ولدي والله حلو لبسهم ومادري خامت البنظلون اشوي ثقيله بس القميص يبيله ترتيب اشوي
ورحت اليوم سجلت ولدي الثاني بالحضانه واااااااي رفرف صارت غير مو اهيه الي قبل عدلوها من بره ومن داخل الابلات يرسمون على الطوف رسمات ومغيرينها وايد واللبس موحد الصبيان قميص +سديري+جاكيت فوقه+بنطلون واللون كحلي والبنات نفنوف كحلي ويكون بخصر وكسرات من تحت وقميص ابيض

شخبارج كيت كات واشلون الحمال عسى خفت النساة عليج الحين
وتزهبتي حق الدوام؟؟؟؟؟

 

[كيت كات]

اهلين مس تايقر...الحمدالله خفت وانا مستعدة حق الدوام بس برد اخذ اجازة لرمضان
وين هالحضانه لايكون التميز؟؟

 

[Miss_Tiger79]

لا الي تتكلم عنها رفرف اهية مدرسة التكامل
والحضانة الي اتحجى عنها اهيه حضانة الابداع بصباح السالم

 

[رفرف]

تايقر من صجج حلو لبسهم ؟
يمكن علشان انتو صبيان بنطرون ..
لأن لبس البنات نفس الالوان بس يلوع الجبد الموديل وحتى اللون احسه كئيب ..
انا بروح السبت انشالله بدفع رسومهم ..
اقول سألتي ولدج بأي صف ؟ وعند أي مس ؟

كيت كات ...
بالزبط مثل ما قالت تايقر

 

[Miss_Tiger79]

اي رفرف الصبيان بنطلون زيتي وقميص ابيض وكرفته زيتيه حلو بس اتقول السنه اليايه بيغيرون اللبس
بس البنات صاجه موديل النفنوف مو عملي كلش لو مخلينه حفر وفيه جفسه من جدام وايد احلى انتي سأليها عندكم من نفس الخامة وفصليلها انتي احسن لانها قالتلي عندنا خامة البنطلون عشان اذا بلبسه شورت او بنطلون عادي
ما يدققون بالروضه حيل
وما سألت ولدي اي صف ؟ انتي سألتي؟؟؟
بس ترى المقاس زين على عبود مقاس 4 بس البنطلون طويل يبيله تقصير

 

[malak_alroo7]

السلام عليكم
شلونكم بنات ؟

قبل جم يوم حللت و قالولي حامل
باركوولي هههههه

كيت كات يمكن انتى عديتيني ههههههه