تجمع امهاات 2007 خلونا نستفيد من بعض

[malak_alroo7]

منوره
هههههههههههههههههههههههه اشوه مو بس انا يعني
شسالفتنا؟ لوول

مس تايقر :
شفتي شلون هههههههه لا كله من رفيجتى الله يهديها خرعتني

و ربي يحفظ بنتج ان شاء الله و تشوفينها احلى عروس
صج شنو اسمها ترى انسى بسرعه

 

[lolo77]

هاهاها
يحليلكم
يا امهات
والله يخلي اعيالنا

اي بالسفر انشالله راح نصور
احلى شي عشان يصير ذكرى

 

[رفرف]

شلونكم بنات ؟؟؟

يحليلكم كلكم من فصيلة امهات دميعة ...

 

[منورة الكويتية]

لوووووول شفتي شلون رفرف

 

[malak_alroo7]

حدي متضايقه بنات
نوره مصخنه بعد عمري

 

[Miss_Tiger79]

هلا ملوكه بنتي اسمها منى وكله اناديها مناوي
وترى الصخونه عادي بس على طول ادول وانشالله مافيها الا العافيه

اي والله يا رفرف ام دمعه صرنا بس الحين صرت احسن اشوي ههههه

واشلونج منوره
وشلونج لولو
ننطر مغامراتكم في ماليزيا

 

[pink]

رفرف .. منورة الكويتية .. Miss_Tiger79
lolo77 .. malak_alroo7 ..

يسلمووووو حبيباتي .. و ما شالله كلكم سابقيني بقضة الأذن
مشكلة " أسويتي " كان في أذنها حبوب و بعدين انشفوا و تقشر
مكانهم فنطرت إلين طاحوا القشور .. بس يومها الله لا يوريكم شنو
سوت فينا بجي من قبل لا يجيسونها حتى الصيدلانية تقول أخاف في
شي يعورها ما تدري إن الحبيبية دلووووعة على كل شي تبجي .. و لا
صايرة تستغرب بعد مع إني أطلعها بس إسم الله عليها عسررررة بكل ما
تحمل الكلمة من عسارة .. و الله يا أمهات إني في معاناة

أما عن رشاقتي .. فمحلك سررررر .. لا رياضة و لا هم يحزنون .. أصلا
ما أحب الرياضة و المشي ما ينفع بهالجو .. بس أكلي نوعا ما مقبول يوم
آكل عدل و يومين على وجبة وحدة أصلا وزني ثبت من الاربعين مو راضي
ينزل حتى لو ما أكلت .. الله كريم

منورة الكويتية .. lolo77 .. عليكم بألف عافية تروحون و تردون بالسلامة
إن شالله .. و ماليزيا حدها ونيسة بس الله يعينكم على الرطوبة ..

malak_alroo7 .. ما تشوف شر بنوتج .. عطيها تالينول و إن شالله تنزل
حرارتها أو جربي كمادات باردة ..

 

[hessa82]

قووه امهاات
ودي اسالكم عم شغله انا ارضع منوووره بنتي وستغربة ليش صدر اكبر من الثاني؟! ولولو ياليت تفيديني انا ودي اساافر بس مستصعبين السفره مع الرضاااعه خصوصا اني مااشفط لان الي فيني بس يكفي رضعتها وبس جااان زين تفيديني حبيبتي

 

[Miss_Tiger79]

هلا حصه يمكن ليش انتي اترضعينه من صوب اكثر من الثاني انا بعد دايما يكون اليسار اكبر لاني احب احط الياهل صوب اليسار

 

[رفرف]

انا كل مرة يكون اليمين شوي اكبر بس عادي ...

تايقر بتودين ولدج باجر السكووول ؟؟؟
انا بودي بناتي ثنتينهم واي بطلع مسوكة بهالحررررررررر لأن اخر اخباري ان خدامتي تعفرتت ووديتها المكتب ويبت وحدة يديدة شكلها حليوة بس مو مشتغل قبل قاعدة اعلمها من الصفر واي تعببببببببببببببب وما قدر اخليها تجيس بناتي ليلحين

 

[lolo77]

هلا والله امهات
حياكم الله
بنك الله يسلمج
وانشالله لمن نرجع نقولكم مذكراتنا مع اعيالنا

حصه : انا الحين اول مره راح اسافر مع بيبي تقريبا بنتي راح يكون عمرها 5 اشهر تقريبا وانا افضل الرضاعه وخصوصا ماليزيا في الاماكن السياحيه فيها مصلى اقدر ارضع بنتي واذا ما قدرت اسويلها رضعه

مشكله اذا بتخلين ولدج وانتي ترضعين راح ينترس صدرج وراح يعور
وبعدين لازم انج تشفطينه عشان جذيه افضل تاخذين البيبي معاج

وبالنسبه للصدر واحد اكبر من الثاني ترى عادي
وايد حريم جذيه انا اذكر لمن كنت بنت كنت احس انه واحد اكبر
ومره بالدوام وحده قامت تتحجى وتقول ان عندها صدر اكبر من الثاني
واعتقد شي عادي بس لا تحاتين وايد
؟؟

 

[منورة الكويتية]

بااااك

هلا والله مس تايقر ملكلك بنوكه لولو رفرف وحصه

ماتشوف شر بنتج ملكلك عادي عقب التطعيم تصخن بس الله الله بالادول كل 4 ساعات

 

[أمواج البحر]

صباح الخييير امهات :eh_s(7):

وااااااااااي ولهت عليكم وايد وايد وايد

هالثلاث اسابيع اللي فاتت حسيت اني فاقدة شي كبير :eh_s(11):

طمنوني عنكم و شلون كتاكيتكم

 

[hessa82]

صباااح الخيراات شلونكم بناات وشخبار الحلوووين بناتكم ؟
لولو ورفرف طمنتوني على الصدر لان مضايقني شكله ، وسالفه السفر ودددي صج لاني محتاجه تغيير جو خصوصا اني للحين تقدروون تقولون اني بالنفااس ومارجعت عن زوجي لانه مسااافر ..وعايشه جو النفاااس لا طلعه ولا شي لانها الله يهداها مو منظمه نفسهااا
بنااات جم رضعه المفروووض بنتي ترضع ؟؟ حاليا بس 4 او 5 رضعاات تهقوون رضعاتها القليلين هذوله مايقللون ادرار الحليب؟ اخااف انشف خصوصا ان اللي فيني حده قده ! سوري لجيتكم معااي بس وااايد احااتي هالموضوع

 

[Miss_Tiger79]

هلا رفرف
سوري توني شفت الرد
اي توني قاطته السكول وحده مستانس فرق بين الابداع والتكامل ؟؟؟
واهوه بكلاس رقم 39 عند مس ناتالي
وبنتج وين حطوها
وشسالفت خدامتج ؟ عاد كلش مو وقته كلش الله يعينج وانشالله الي عندج تكون زينه وشقرديه بعد
والله يسخرها لج انشالله

 

[رفرف]

هلا تايقر انا بنتي بصف 43 كانو ناسين يحطون اسمها وتوهم عالاخر ضافوها مسكينة بس شكلها مستانسة وطبعا خذيت معاي بيبي مسك استانسو عليها المسات بس كانت نايمة
وماهقيت زحمة جذي ماشالله توقعت صفين ثلاث بس ...

وطلعت وديت مسك حق د.ريم قنواتي بانترناشنال كلينك علشان الفطريات اللي بحلجها تخيلو ليلحين مو راضية تطيب طبعا الحمدلله جيكت عليها من راسها لي ريولها كل شي تمام بس كانت شوي منشولة ووصفتلي غسول لها علشان شوووية بادية تلتهب من الفطريات ووووو بس رديت البيت وبعدين بروح اخذ بنتي من السكووول ...

الساعة جم بتاخذين ولدج ؟ ودي اروحلها شوي امبجر ..

 

[malak_alroo7]

السلاااااااام عليكم
شلووونكم عزيزاتي الامهات ؟
شلون البيبيااات ان شا ءالله تماااام

امواج البحر
حيالله من يااانه , والله لج وحشه كبيييييييييييييييييييييييييييييييره
شلونج ان شاء الله تماااام ؟

بنات نوره الحين احسن الحمدلله الصخونه راحت بس ريولها بعدها متفخه من الابر و هالحجي من يوم الثلاثاء .. عادي و الا شلون؟؟

 

[lolo77]

هلا والله

تو ما نور المكان " امواج البحر ""
شالغيبه
وحياج الله معانا

 

[lolo77]

" ملوكه "
ما تشوف شر بنوتج الحلوة
واحسن شي سويلها كمادات دافيه مكان الابره
عشان يروح الانتفاخ

وما تشوف شر انشالله

 

[منورة الكويتية]

هلا والله وغلا بامواج البحر

حياج الله اشتقنالج ويييينج كل هالفترررره


ملكلك الحمدلله على سلامة نوير وترى عادي انا نوير مره تطعيم بريلها ورمت يمكن اسبوعين يالله خفت عادي بس كان مفروض كل ماتغيرين لها كمادات لانه يخفف