تجمع امهاات 2007 خلونا نستفيد من بعض

[رفرف]

شخباركم امهات ؟؟
اي ردو شعللو الدوانية جنكم طخيتو ايام الامتحانات ...

الله يعينكم اللي بناتكم عسرين ..
انا بناتي جذي يحنووون يفشلوني جدام الاوادم وصج اتنكد ماحب اروح مكان لي عمر سنتيييييين يالله بنتي العودة طخت ..
واختها ماشية على خطاها ...

اليوم شكلي بودي مسوكة حق ريم قنواتي ..
الفطريات مو راضية تروح منها مع ان صارلي اسبوعين ملتزمة بدواها ..
بشوف يمكن تغيره لها ...

 

[malak_alroo7]

سلااااااام بنات
شلونكم كلكم كلكم .. طيبين ان شاء الله

منوره الكويتيه .. ها بشري شلون النتايج ان شاء الله كلهم A

nandoshia حياج الله يا قلبي ,, قوليلنا شلون البيبي؟

وسومه اهلييييييييين.. الله يسلمج نوره كله تسعبل هههههه يقولون هذا علشانها قاعده تسنن ,, و كله تبي تعض اي شئ تشوفه تهجم عليه حياتي ..
بالنسبه حق الحليب ام حيدوري قبل فتره كانت تقول ان حيدر ما يبى الحليب بس اعتقد كان عادي مع الاكل ماذكر والله ؟

كيت كات ..
ايه شعر بنتى لين الحين يطيح شكله غلط مسكينه ههههه
,, قصيته لها ذاك اليوم عدلوه لها شوي

بنات روحو قسم الطبخ و شوفو طباخ كيت كات لا اله الا الله عينى عليها بارده شكله عجيب

 

[malak_alroo7]

لولو
اي صج ننوستي ساعات تييها هالحاله انها تنام اسم الله عليها وايد,, عاد خفت انا بس قالولي عادي هذا علشانها مرتاحه فقاعده تعوض يعني لبه قلبه والله

منوره ,,
ان شاء الله بروح لندن هالصيف ها منو ايي معاي؟

من امس قمت احط نوره بالدرايه ,, شكلها مستانسه عليها حياتي ,, بس شكثر اخليها عادي نص ساعه جذي ؟؟ ما يتعبون اليهال يعني؟

 

[awasha]

يحليلكم بنات يعني اشوه طمنتووني في ناس نفس حالتي من ادخل الزوارة صراااخ ودموووع جنه فيها شي واالله ذاك اليوم اخترعنا بغينا نوديها طبيب عبالنا فيها شي مشكله
حتى امي ماتقولي عادي لا نست الربى

يالله على قولتكم ان شاء الله تكبر وتعقل

تصدقوووون بنات عمتي عيالهم مايجسوووينهم كلا عند الخدم بس وقت الليل واشوووفهم ما شاء الله هادييين عجال مايحنون مادري ربى الخدم احسن بس يكسروون الخاطر

 

[nandoshia]

مرحبا ياأمهات ، شخباااركم ،
بديت اوكل دلوله عطيتها سيريلاك العيش(ماركة ميلوبا لعمر اربع شهور) بس ماحبته اعطيها وترده وغصب معاها لين مارجعته جربت معاها فواكه مشمش ومره عطيتها عصير برتقال مخفف.
طبعا كل يومين ثلاثه اعطيها للحين مامشيت معاها برنامج ووجبات معينه .....احس ناسيه شنو يعطون الياهل بهالعمر .
ماادري خلونا تساعد بعض ،،،،،شنو وكلتوا عيالكم ؟؟؟وشنو بديتوا فيه؟؟؟
سلامي للجميع

 

[Miss_Tiger79]

هلا والله بأمهاتنا الغاليين
نندوشه انا كله من تصير بنص الرابع يعني اربعه ونص اعطيهم خضره مطحونه حيييييييل واعطيهم كفشتين اول شي وكل 3 ايام ازيد قفشه ومرات سيريلاك بس يكون عمرها 5 ونص وفاكهه اذا تبين بس الحين اعطيها بس وجبه وحده من الخضره والباجي حليب

هلا رفرف
وعواشه
وملاك الروح
وام حيدر
ولولو
ومنوره
وكيت كات
ورأصني يا قدع ههههه

 

[منورة الكويتية]

بناااااااااااات انا ودي اسافر

شرايكم اخذ نويره ولاا اخليها عند امي

 

[lolo77]

انا هالصيف انشالله
رايحين ماليزيا
الله يعيني مو على بنوتي على ولدي الثاني عمره تقريبا 4 سنوات
بس حنان ووايد ياذي

بالعكس انا انصح الناس ياخذون اعيالهم معاهم عشان تتطمنين ازياده
ما اتحاتين
؟؟

 

[Miss_Tiger79]

بنتج اخذيها مدامها صغيره وبالعربانه
بس اذا تقدرين خليها عند امج

 

[كيت كات]

اهلين بنات شلونكم
والله هالصيف ما دري شنو ظروفنا عسى الله يشافي الغالية اميمتي الغالية نور عيوني وبهجة فؤادي قولو امين
ملاك الروح تسلمين حبيبتي على هالمداح

 

[awasha]

بصراحه السفره حلاته من غير ياهل بس اذا قلبج يعور عليها شتسوين بعد اخذيها انا لويحصلي من غير ياهل طبعن اونس او اخف :eh_s(9):

 

[منورة الكويتية]

حبيبيتي كت كااات الله يشافي العافيه ويعافيها يارب ويقومها بالسلامة


لولو انا بعد ان شاء الله ماليزيا
انا لوكنت بروح ديره مافيها لوية جان خذيتها من غير نقاش بس
ماليزيا حر ورطوبة ولوية
وهذاا الي مرددني شوي

 

[lolo77]

كيت كات :: ما تشوف شر اميمتج والله يشافيها ويخليها لكم يارب

منوره :: ها انشوفج اهناك
هههههههههه
انا رايحه من قبل ماليزيا وهذي المره الثالثه

صج الجو اللي يخليج تفكرين انج تودين ياهل

 

[malak_alroo7]

ما تشوف شر الوالده
ربي يشافيها ان شاء الله و سلمى عليها كيت كات

منوره هممممم كلام عواشه عدل ..
يعنى انا ماقدر اخلى نونو و اسافر ماقدر بتخرب السفره لانى بقوم احاتيها و افكر فيها و عارفه عمري ببجى لين اقول بس ههههههههههههههههههه صار فلم هندي

مس توتو حبيبتى هلاوين
بنااااااااات كلكم كلكم شخباركم؟

 

[منورة الكويتية]

اي لولو خل نتواعد بسوريا كي ال سي سي لووووول

تعالي حجزتوا؟
احنا راهين لي الحين ما حجزنااا

من وين حجزتووا وعلى اي خطوط وجم كلفتكم ؟

ملكلك والله من الحين قاعده افكر شلون بفارقها واحاتيهااا حييل بس بنفس الوقت خاطري بهالسفره من زمان خاصه بعد الحمل والولادة والدراسه واللوية كلها ودي اغير جو وان شاء الله اهيا عن الوالدة بتهتم فيها مثلي واكثر <<< اي قنعي روحج:s

 

[malak_alroo7]

ههههههههههه منوره صاجه اصلا امهاتنا اسم الله عليهم بيعتنون في بيبياتنا اكثر منه احنا
انتى لا تحاتين قوي قلبج و سافري و استانسى صج يبيله سفره و راحه

 

[Miss_Tiger79]

ما تشوف شر اميمتج يا كيت كات
والله يشافيها انشالله


بنات ودي اسافر بس ؟؟؟؟؟
احس خلاص ابي اغير جو بس ما اقدر والله كريم اصبر نفسي بالخيران هههههههه

 

[منورة الكويتية]

وانتي ملكلك ماكو مني مناااك حتى لو تروحين شاليه تغيرين جووو

مس تايقر ليش ماتسافرين؟ حتى لو الخبر والله وناسه وتجددين نشاطج

 

[lolo77]

اي لولو خل نتواعد بسوريا كي ال سي سي لووووول

تعالي حجزتوا؟
احنا راهين لي الحين ما حجزنااا

من وين حجزتووا وعلى اي خطوط وجم كلفتكم ؟

ملكلك والله من الحين قاعده افكر شلون بفارقها واحاتيهااا حييل بس بنفس الوقت خاطري بهالسفره من زمان خاصه بعد الحمل والولادة والدراسه واللوية كلها ودي اغير جو وان شاء الله اهيا عن الوالدة بتهتم فيها مثلي واكثر <<< اي قنعي روحج:s

اي حجزنا من مكتب بالفحيحيل اول مره نحجز عندهم (الدبوس)
على الخليجية
بتاريخ 4/8
التذكره للكبار = 230 دينار والصغار = 166
انا وزوجي واعيالي 2 الكبار و جودي اقل من سنتين
يعني تقريبا تذاكرنا بحدود 800 او اقل

صج انا اشكثر حنت علي امي اني اخليها بس ما رضيت ولا ريلي رضا
يقول يا كلنا نروح او نقعد كلنا
؟؟

 

[منورة الكويتية]

ان شاء الله تروحون وتردون بالسلامة
وصح مادام الكبار معاج بيعورج قلبج تخلين الصغيرونه بروحها
والله انا خايفه مانلقى حجز كل يوم نقول باجر