تجمع امهاات 2007 خلونا نستفيد من بعض

[Miss_Tiger79]

منوره مبروك خلصتي من الامتحانات وعقبال النتيجه

وعلى الاكل انا قمت اولك بنتي يوم فاكهه يعني تفاح وموز طبعا مطحون لما يقول بس ويوم خضره مطحونه بعد وبس ما اوكلها وايد يعني 3 كفاش وسط باليوم وكل اسبوع ازيدلها قفشتين
لما تتعود على اكلنا

 

[malak_alroo7]

هلا و غلا بنات (( صديقاتى الامهات )) على قولت om yosif
يا حلوها .. نورتو والله صج لكم وحشه

شخباركم بعد ان شاء الله طيبين و مرتاحين
شعندكم هالويك ايند وين بتروحون و شنو بتسوون (( لقافه هاا ))

باجر ان شاء الله بروح بيت رفيجتى و الجمعه مادري يمكن اروح مذركير ابي اشتري عربانه صغنونه حق نوارة قلبى ..

منوره الحمدلله افتكيتي من الامتحانات .. و ان شاء الله النتجيه تكون ميه ميه و احسن من فراخ الجمعيه
امبيه مادري شفيني اليوم؟ يمكن من الصداع اثر فيني حبتين هههه

 

[awasha]

بصراحه هذا احلى تجمع حق الامهات خصوصن الي توها صايره ام نفسي :eh_s(3):


ودي استفيد من خبرتهم ياحلوات بنتي الله يحفظها صايره كلا تحن على طوول تصيح مادري شمنه ولي دخلت اليمعه عند احد تقووم تصرخ صرااااخ تفشلني او اطلع توها كامله 3 شهور وسبوع بس مادري ليش هالعساره الي يتها كل من يشوفها يقولي بنتج عسره حيل ضايق خلقي مادري شسوي فيها

ياليت تقوليلي تجاربكم الي صار فيها نفس حالتي ومشكووورين

 

[Miss_Tiger79]

هلا والله فيج عواشه
ومبروك ما ياج انشالله

وترى العساره عادي انا بنتي عسسسسسسسسسسسسسره حيل وما تبي احد كلش ولما اروح اي بيت بس تبجي من ادخل ليما اطلع وما تبي تشوف احد وولدي بعد كان جذي بس من صار عمره سنه تعدل وااااااايد

 

[awasha]

هلا فيج مس تايقر واااي امبيه يعني بنطر لين تكمل سنه


تووووووووووووووووووووو مج

 

[منورة الكويتية]

عواااشه عادي حتى انا بنتي كانت جذي بس عادي كل ماتكبر كل ماتطح

نندوشه وومس تايقر شلووونكم

 

[Miss_Tiger79]

الحمدلله بخير منوره
ها بشري النتايج طلعت ؟؟؟؟؟؟

 

[malak_alroo7]

هلا والله اختى عواشه حياج الله

شقولج اليوم رحت بيت رفيجتى .. والله بنتى بجت بجي و دمووووووووووع و صراخ ! لدرجة انى بعد شوي و ابجى
و كل شوي احد يشيلها علشان يسكتونها ..

قمت ماحب ازور احد لانى عارفه انها بتخرب على كل شئ ..
الله يعينا و يعينهم بعد البنات يقولون عادي بعد السنه او سنه و نص تتعدل

 

[Miss_Tiger79]

ملاك جنج انا
اتصدقين حتى يمعت خواتي وخواني ما تبي احد مع انها اتشوفهم 3 مرات بالاسبوع وليلحين ما تبيهم
والكل يقولي بعد عالسنه تتعدل
صارت بولدي جذي بعد وعقب السنه تعدل الحمدلله

 

[malak_alroo7]

مس توتو مادري اشسالفتهم
بس تدرين نونو العياره تحب الريايل ما تبجى مو نفس لما يشيلونها الحريم ههههههههههههههه

ساعات لما اروح حق اختى تقوم تبجى حييييل نوره..
بس لما ياخذها ريل اختى عادي تسكت و تضحكله بعد

 

[منورة الكويتية]

امبلا مس تايقر طلعو ثنتين كلهم بي وباجر ثنتين الله يستر ادعووولي

ملكلك وي الله يعييينج انا بعد اتييها عرات خاصه باليمعه مالت اهلي اخرتها امس

ميخالف كل ماكبروا كل ماطخوا ان شاء الله

شنو خططكم للصيف بنات

 

[nandoshia]

سلااااااااااااااااام عليكم ، شلووووووونكم ، وشخباررررر البيبيات الحلوين،،،،،،
منوره الكويتيه: مبروك عليج العطله وبالتوفيق انشاالله ،ولكم باااااك.
ملاك الروح: حبيبتي مشكووووووووره عالسؤال .
وسومه: سلامت بنتج وماتشوف شر.
وسلاااااااامي وتحياتي للجميع

 

[miss fabulosity]

قوه يالامهات اشلونكم نفر نفر واشلون بيبياتكم منو سنن منو للحين
ناندوشه هلا والله حبيبتى الله يسلمج ويعافيج
عواشه حياج الله بينا
هييييييييييييييلب يابنات بنتى ماتحب الحليب منو مرت بحالتى وشنو الحل

 

[lolo77]

هلا والله بالامهات
شخباركم
تدرون انا مستغربه من شي
امس بنتي ماشالله عليها وايد نامت
مستغربه انا حتى ابوها لاحظ قال شافيها اليوم كله نايمه
بس قعدت اشوي ومن رضعتها نامت
؟؟
وما شربتها شي غريب ولا حتى عطيتها صناعي
صرت احاتي وكل اشوي اروح لها اشوفها اشفيها

واي الله يعينا عاليهال ومتى يكبرووون

 

[Miss_Tiger79]

هلا وسومه انا بنتي قامت بس اتعضض يعني في طريق التسنين

ومنوره يالله نبي العلامات الزينه ومبروك مقدما وتجهيزات العطله كلها بالكويت (حجزت شاليه بالخيران شهر 8 وبس )

ولولو ترى عادي انا مراتاتصير في بنتي هالحاله وتدرين ينامون وايد لانه الياهل يكون وايد مرتاح

ونندوشه احنا بخير عساج بخير

 

[كيت كات]

سلاااااااااااام مربع للامهات العسلللل
شلونكم مس تايقر-منور -لولو77-ملاك الروح-ناندوشه- ام حيدر-رفرف-والام اليديدة عواشه
مودي حبيبي فديته لي وديته الزوارة بس يناقز ويناغي عياااااار يحب البنات خخخخخخخخخ ويمد بوزه شبر واهو يناغي جنه عنده سالفه
الله يستر لمن يكبر شكله بس يفهم الوضع بيتعسر
والمشاريع الصيفية ليلحين قيد الانشاء

 

[كيت كات]

بنات بليز عندي سؤال ؟ طاح شعر عيالكم؟ واذا طاح متى يرد ينبت؟امبيه حمود طاح من على الجوانبي جنه حمامه ...المشكله اللي بالنص طويل

 

[Miss_Tiger79]

هههههههههههه

يحليلج كيت كات (حمامه)
ترى عادي لازم يطيح هالشعر يقولون هذا شعر البطن وانا بنتي ليلحين يطيح بس خف اشويه مع اني قصيت اطرافه لما كملت شهرين

 

[منورة الكويتية]

عيل انا قرعت نويره

حياتي كان شكلها مزري وحدها فقيره جنه من اطفال التبت

بس الحمدلله كاهوو طلع

وطلع الشعر الاصلي مو ناهم هئ هئ هئ

اول مانولدت كان شعرها يتكتك وصدقت عمري عاد طلعت الصجية الحين هئ هئ هئ
خواتي يتطنزون يقولون بنتقاطط نسوي لها يوكو لوووووول
عاد مولهدرجه شعرها خشن خويشن لوووووول وسلم قلبها اهيا وفلافلها

 

[lolo77]

هلا بالامهات شخباركم

بالنسبه للشعر انا بنتي بعد مسكينه من ورا صوب النص اللي طاح
شكلها صج يضحك وماشالله عليها صايره تناغي جنها تفهم مثل ما قلتي كت كات بس اهي عادي تناغي مع الكل
وديتها الطبيب قامت تسولف معاه استانس عليها
يقولي شكلها بنتج راح تتكلم بسرعه
ههههههههه
والله اليهال حركااااااااااااات
الله يخليهم لنا يارب