تجمع امهاات 2007 خلونا نستفيد من بعض

[malak_alroo7]

هلااااااا والله مس توتو
والله قمت احاتى اختفيتو كلكم مره وحده .. و انا هنى قاعده بروحى انطركم

 

[رفرف]

انا طعمت مسوكة اليوم وعلييييييييييييه بنيتي حبيبتي بجت بجيييي وانا ابجي معاها الحمدلله والشكر جني اول مرة اشوف تطعيم

 

[Miss_Tiger79]

سلامتها رفرف
وماتشوف شر انشالله

وهلا والله ملوكه وعساج ما تفقدين غالي انشالله

 

[رفرف]

تايقر ما قلتلج رحت اليوم سجلت صبوية بنادي التكامل ...
ما بغييييييييت القى فجة اروح اسجلها ..
وقالو بينزلون اعلان النادي الترفيهي اللي العصر الاسبوع الياي انشالله

 

[Miss_Tiger79]

سجليها الي يكون اكاديمي والا ترفيهي

وشنو تجهيزاتج حق حفلة التخرج ؟؟؟؟؟؟؟
اليوم وديت ولدي الصاله وطلعت عوده مو صغيره وناسه

 

[lolo77]

السلام عليكم
هلا والله بنات شخباركم
انا صايره انم متاخر واقعد متاخر
ومن اقعد من النوم على طول ولدي راح على جهازي
ويقعد يلعب ما يرضى يقوم منه
ومن اقعد يقومني

حكم القوي

 

[رفرف]

مس تايقر ليلحين ماجهزت شي حق الحفلة وافشلتااااه الصراحة داومت وارد من الدوام اجابل بناتي لي الساعة 7ونص تنام صبا اكون هلكانة بس ابي اتسدح مافيني حيل طلعة ولوية

 

[Miss_Tiger79]

الله يعينج والله رفرف

اي والله يا لولو حكم الأوي

 

[malak_alroo7]

مس توتو تسلمين حبيبتى

لولو
اانا بعد صايره اسهر كل ليله بسبة نوير
قاعده تصارخ و تسولف و تلعب و مادري شتسوي!!
و انا بنااااام على نفسي هههه الله يعين

رفرف سلاااااامة مسوووووكه ..
نوره بعد بيطعمونها قريب فديتها

ام حيدر
كيت كات
منوره الكويتيه
وسومه
ام فرووحه
andoshia
امواج البحر
keeka
شيومه
و اسفه اذا نسيت احد دايخه والله
بس وينكم بنات.

 

[miss fabulosity]

هلا والله ملاك الروح فيج الخير والله تسالين عنى والله يعينج على نوير يسلم قلبه الى يسولفون تالى الليل
انا والله لاهيه مع بسبوسه حبيبتى طالعتلها بقع حمره بظهرها ناشفه وحمره وعلى كثر ماااحط لها كريم ماكو فايده البقع جنهم اكزيما ب انشاء الله ياربى ماتكون اكزيما واليوم بوديها الدكتور وبشوف شنو يقول لى

 

[malak_alroo7]

وسومه
وي يا قلبي اسم الله عليها ,, ان شاء الله ما تكون اكزيما ..
طمنينا عليها

تعالي صج شلون الجو عندكم في برلين؟؟

 

[Miss_Tiger79]

سلامتها بنتج يا وسومه وما تشوف شر وانشالله ما تطلع اكزيما بس انا اتوقع من نوع بالاكل يمكن

 

[lolo77]

سلامتها بنتج وسوومه

ها بنات شنو اخر اخباركم

 

[أم حيدر]

ملاك الروح - حبيبتي سألت عنج العافية بس والله شوية ظروف وانا مشتاقتلكم وايد

 

[lolo77]

حياج الله ام حيدر
صج لج وحشه
ومشتاقين لمواضيعج القيمه

 

[كيت كات]

سلاااااااااااااااااااااااام
والله ولهت عليكم امهات
ملاك الروج يالغاليه مشكورة على السؤال ياقلبي
وسومة اسم الله على بسبوستج ان شاء الله مافيها الا العافية
حتى انا مودي طالعتله بخدودة بقع حمر وفي احمررررر وخشنه جنها بتقشرر وكل الكريمات حطيتها وهم ماااكو فايدة ...اعتقد حساسية من الكلونيات اللي احطهم له لاني اعطر الملابس واهو لابسهم بس خلا ص الحين لا

 

[miss fabulosity]

الله يسلمكم ويعافيكم نفر نفر :eh_s(6):
رحت الدكتورامس وقالى ماله شغل بالاكل فى وايد يها يحوشهم جذى انتى بس دهنيها وياخذ وضعه ويروح لى كملت سنه
ملاك ليش تسالين عن الجو :eh_s(10):
والله الجو ماتعرفينله الحين مره مطر ومره غيم ومره حر ومره برد يعنى الجو متقلب

 

[منورة الكويتية]

قووووووووووووووووة بناااات
شلووونكم شخباركم


حدي حدي مدي مشتاقة لكم فردا فرررردا

توني اليوم مخلصه امتحانات
مابغت تخلص هلامتحانات الي خذنتي من نونو ومنكم
بس الحمدلله افتكييينا اليوووم

مشكور كل من سال عني
انتو شلونكم وششلون بيبياتكم

 

[miss fabulosity]

هلا والله بمنوره اشلونج ويييييع ذكرتينى بايام الامتحانات الله يعينج واشوه انج افتكيتى والله
والله يوفقج يارب بيبى ودراسه حده وضعج تعبان بس قدها وقدود

 

[منورة الكويتية]

اي والله ياوسووومة تعب بس الحمدلله عدت وامي بعد قلبي ماتقصر كنت حاطه نوره عندها ايام الامتحانات وازرق عليهم ابوسها وارد اكمل دراستي ماقصرت معاي يعل عمرها طوويل يارب

انزين سؤال يمصع نفسه

الحين نوير دشت الخامس

شنووو اوكلها
امي بالايام الي طافت سوت لها شوربه

ووكلتها مرقوقه خخخخ

وعطتها عصير برتقال مخفف

انا الحين ببدأ من البداية شلوون ومتى اعطيهاا الاكل او العصير اي حزه