تجمع امهاات 2007 خلونا نستفيد من بعض

[Miss_Tiger79]

يالله بنات قولو اعماركم عشان نتعرف عليكم اكثر

 

[malak_alroo7]

كيت كات
الله يعينج .. خدامة خالتى جذي ميته على بنتى و الا تبي تشيلها ..,
و بنتى تخاف ماتحب اي احد يشيلها سلم قلبها و ما تحب الخدامه هذه كل ما تشيلها بنيتي تقوم تصاااارخ و تبجي.. و هذه الخبله تقوم تهزها حيل شوي و تطيح منها عاد اقوم و اخذها منها غصب

 

[malak_alroo7]

منوره
الله يعينج حبيبتي
و ما تشوف شر الوالده ربي يشافيها ان شاء الله

 

[malak_alroo7]

عمري 26 يعنى ماكو فرق بينا مس تايقر

 

[رفرف]

قوة بنات شلونكم ؟؟

انا عمري 27 ها منو كبري غير مس تايقر ؟؟
تعالو بنات تاخذون فيتامينات والا لا ؟
انا قاعدة اخذ ماتيرنا نفسها اللي كنت اخذها وانا حامل بس مو كل يوم والله كل يومين او 3 اخذها مرة ..

 

[كيت كات]

منورة والله ضحكتيني خدامتج ماتفرق عن خدامتي
وشكلج موسوسه مثلي صج الخدم عللللللللللله
وعمري اكبركم خخخخخخخخ انا امكم العوده
28 سنه

 

[أمواج البحر]

اااااخ يا بنات امس ردت البيت و الا حبيبي سعودي

صعرورته كبر راسه خت حيلي

اسأل الهبلة الخدامة تقول مدااااام هزا بيبي يلعب سيارة بأدين تااااااااااااااح على باب انا سنو سوي :eh_s(14):

واي صج صج اقهرتني
.
.
.

عمري مثل رفرف 27 ربيعاً

تعالي رفرف سمعت انج كني بنفس الثانوية اللي انا فيها

بس ابدأأأأأأأأأ ماني قادرة اتذكرج :eh_s(22):
.
.
والله ما اخذ فيتامينات بس يبيلي اروح واييب لي

 

[شيوم22]

الحمد الله علي السلامه ، الحليب ايلي يكبر الجاهل صج بروجرس والبنسبة حق الشهقه نفس ما قالو الخوات شئ عادي ومفيد للجاهل ، والحفاظات بامبرز إذا حاش البيبي إمساك عليج بتحاميل الجلسرين وبالتوفيق

 

[nandoshia]

انا عمري 28
بالنسبه للفيتامينات دكتورتي قالت خلج على الماتيرنا لمده 3 شهووووووور بعد الولاده وبعد شعري يطيح ماكو فايده.
منوره: الله يعينج على الخدامه طبعا اللقافه ماخذتها من المصاروه اللي اشتغلت عندهم ، هذي مال تجعم بس عالخفيف عشان نوير.

 

[malak_alroo7]

العمر كله بنات

رفرف .. لا تعيزت ما صدقت اولد عشان ما اخذهم

شيوم 22
هلا اختى حياج الله و مشكووره بس حببيت اسال بروجرس هذا نعطيه الياهل من عمر 6 اشهر؟؟

 

[malak_alroo7]

بنات لحقو على نوارتى صبعها تشوه من كثر ما تمصه
مانى عارفه شسوي ما تبي المصاصه تكرها .. و تقوم تبجى اذا عطيتهاياه
و اول ما احاول اطلع صبعها من حلجها تبجي على طوووووول و هالبنت حدها عصبيه ياربي مادري ليش جذي

 

[رفرف]

هلا بنات شلونكم ؟
ماشالله كلنا نفس الطقة تقريبا بينا سنة او كبر بعض ..

أمواج يمكن لي شفتيني وشفتي جمالي الفتان اتعرفيني
انا كنت مشتركة بالقرآن ومرات اقرا قرآن بالاذاعة ومشتركة بتمرينات البدنية ومشتركة بأولمبياد الرياضيات وشنو بعد ؟
متعددة المواهب ماشالله علي خخخ عاد ما فلحت بولا شي منهم
وكنت نوعا ما شيطانة بالثنوي بس شاطرة والحمدلله بس كبرت عقلت

ملاك الروح الله يعينج انا اكره ما علي ان الياهل يمص صبعه صج صج اتنرفز ..
مسوكة جذي تحاول تمص اصابعها بس اشيلهم تبجي قمت اعطيها ماي والا شي يسكتها وعقبه على طول المصاصة ..
غصب طيب اعلمها عالمصاص

 

[أمواج البحر]

ملاك الله يعينج

ميخالف عانديها ولا تخلينها تمص صبعها

مرة مرتين و تتعلم
.
.
رفرف ما اتذكر ما ادري شفيني الظاهر اني كبرت

انزين انتي تذكريني ؟

بس مثل ما قلتي اذا تشرفت بشوفتج يمكن اتذكر

 

[أم فرووحة]

شلووووونكم بنات؟

شنو هالحاله مع مص هالصبع!! ديربالكم ترى صج يتشوه

خلوني اقولكم شنو قمت اسوي مع فروحه عشان ماتمص صبعها..

شريتلها مثل الاسوار اللي فيه لعبه و قرقاشه ينباع بسنتربوينت عشان ماتقدر تمص صبعها ما يوصل صبعها حق حلجها و السبه اللعبه الموجوده فيه هههه طبعا هذا بالنهار..

اما بالليل والله قمت امهدها غصب مع انها ماتبي تقاوم لكن كل هذا عشان ماتمص صبعها لان صايره ماقامت تنام الا و في شي بحلجها لازم فاهني استغليت الفرصه و حطيتلها المصاصه و الحمدلله لم الحين الخطه ماشيه مضبوط

و بغيت اسالكم امواج البحر و رفرف انتوا باي ثانوية كنتوا؟؟


اما عمري مابقى شي ان شاء الله و داخله عال27

 

[lolo77]

سلالالالالالالالالالام يا احلى امهااااااااااااااااات
وي طلعت انا يدتكم عيل
عمري راح يصير 30

على اخر هالشهر

تصدقون بنات انا بعد خدامتي وايد يانه على بنتي
اكون انا شايلتها تقول مدام عطيني ولا من تسمعها تقول اااه راحت لها
اقولها لا تشيلينها ساكته لا تتدلع
واهي صارلها عندي 3 سنوات
وتحب تسبحها عاد انا ما احب الا انا اسبحها
ذاك اليم الصبح موديه ولدي المدرسه رديت ولا مسبحتها وملبستها
تقول لانها كانت موصخه كل ملابسها ؟؟؟
مع ان من ولدت رايحه قايله حق امي ان اهي عندها ولد ولمن ولدته ما سبحته الا لمن كبر امها كانت تسبحه ما ادري بتخلي بنتي حقل تجارب عليها

 

[Miss_Tiger79]

هلا بنات اشلونكم
كيت كات طلعنا كلنا كبر بعض يعني مو مثل ما قلتي بس منوره الصغيره
المهم العمر كلة يا بنات
رفرف انتي اي ثانوية لاني انا بعد كنت مشترة بالتمرينات الي يسوونها المدارس كلها ؟؟؟
وعلى مص الصبح بنتي تاخذ صبعها وتمصه وتتهاوش وياه بعد ومادري ليش اتلاقينها معصبة على صبعا

 

[أم فرووحة]

وييييه لولو ياكره الخدم لم يتصرفون من نفسهم بدون لا تقولين لهم

لا منور بعد كلشي ولا سالفة الديايه لا و المشكله مثلجه بعد مو امطلعتها من الليل الظاهر تخصصها تنرفز هذي


والله بلشه هالخدم..انا من متى و انا قاعده ادور وحده ثانيه غير اللي عندي بس كل خوفي اييب وحده ثانيه و تطلع اردى من هاللي عندي

 

[كيت كات]

مص الاصبع اهون من مص الايد بكبرها
حمودي لو ياع دخل ايده بكبرها بحلجه اموت من الضحك عليه

 

[رفرف]

هلا بنات ما ودي اكبركم واقولكم امهات ندري صرنا امهات بس تونا كتاكيت صغار صح ؟ (ايييييه هين) ...

المهم اللي سألو انا كنت بثانوية فارعة بصباح السالم دفعة 93 يالله اعترفو منو معاي غير امواج ...

امواج ماذكر والله بس انتي شنو كان تشعيبج ؟؟
انا علوم اذا انتي علوم اكييييييييييد اعرفج ..

بنات اللي خدمهم شفقانين على عيالكم ترى مافيها شي خلوهم ايشيلونهم ويلاعبونهم شوية والله خل تحن قلوبهم عليهم ..
انا ماقول قطوهم عليهم بس لوووو احتجتي يوم تخلين الياهل عند الخدامة لو بتدشين تكرمين الحمام عالاقل تكون تحبه مو حاقدة عليه بسبة انج ما تخلينها تجيسه ..

انا خدامتي جذي احسها تحب اليهال مع انها كللللللله نجره مع صبوية ليش صبوية كبيرة وملسونة تناجرها نظفي هني وليش هذا وصخ وتناجرها حتى بالمطبخ تفج الثلاجة وتتحلطم ليش حاطة هذا هني وهذا حطيه وهذا طلعيه (عيووز بنتي) ..
بس مع مسك غير اتيي وتطل بفراشها تلاعبها وتمشي ..
بالنسبة لي انا عادي خل تحبها وتتعلق فيها ولا انها تطقها والا اتأذيها ..
المهم ان بنتي على طووووول عندي والخدامة ما تسويلها شي بس اذا اضطريت !! ادري ان الخدامة انشالله مهي ضارتها ..

 

[malak_alroo7]

لا عيل شكلى انا اللي عطيت نونه ويه وايد !! خلاص بحاول فيها لين ان شاء الله تنسى صبعها لان صج قلبي يعورنى كل ما شفته

مس تايقر و كيت كات .. لوووووووووووووووووووووووووووول فديت كتاكيتكم اللي تتخانق مع صبعها و اللي ياكل ايد هههههههههههههههههههه لبه قلبهم

ام فروحه شكل اللعبه اللي تقولين عنها عجيبه ان شاء الله اروح سنتر بويت و اخذ نفسها تقليد ها خخخخخ

منوره.. اين انتى؟