تجمع امهاات 2007 خلونا نستفيد من بعض

[ShaYoMa]

امهات اشلونكم ، اين انتم

والله صاجه ام حيدر الظاهر امتعبكم السهر :eh_s(10):

منوره اشلونج ؟

 

[منورة الكويتية]

هلا حبووبات
والله انا مظغوطه حيل مع الجامعه والامتحانات والبروجكتات ونوني عسى ربي يهديها كلش ماتخليني انام امس مانمت الا 5 الفير واروح الصبح محاظراتتي مدرووخه زين مانام عليهم
ادعوولي بنات

 

[Miss_Tiger79]

بنات ترى انا سمعت انه لازم اتسوين حق الياهل الحليب مثل ما اهوه مكتوبلج على العلبة مو اتنقصين منها شي يعني 180 او 150 لازم بهالعمر تعطينة نفس الي مكتوب والا يسمى تنقصين عليه الكالسيوم
بنتي امس كملت شهرين واليوم لازم اعطيها 180 فاليوم قمت اعطيها 180
وحتى عيالي الباجي نفس الشي مشيت وياهم
والحمدلله

 

[كيت كات]

هلا يا قلبي ام حيدر ...مشكورة على الردود شريت حفاظات ليبرو شكلها حلووو وهذا بعدي ما غيرت انطر يخلص اللي عندي بامبي
وترا عمره اليوم24 يوم الله يخليه والله تصدقون ماااااانام كلش ملش
وابتاميل ممشي بطنه زين

 

[ShaYoMa]

منوره الله يوفقج حبيبتي

Miss_Tiger79 اتصدقين انا ولدي ما يكمل حليبته اعطيه 180 بس ما يكملها يشرب 130 بس

 

[أم حيدر]

هلا شيووووووومة / لج وحشة والله بالنسبة حق الرضعه كل ياهل ياخذ حاجته ويوقف ....

منورة / الله يعينج كلنا بالهوا سوا اول امس ولدي الله يحفظه لعب فيني شطرنج بالليل يبي يلعب الحبيب مو راضي ينام - ما نام الا ويه الفجر ثاني يوم قدمت على اجازة مرضية وانثبرت بالبيت.

مس تايقر / كلامج عدل بس كل ياهل مثل ما قلت احتياجاته تختلف عن الياهل الثاني لو بمشي على اللي مكتوب عالقوطي جان نص الحليب شربته المغسلة جان عز لو ولدي يمشي على المكتوب على القوطي

أم بدوري / اول شي عسى الله يحفظه من كل عين صورته تشوق ثاني شي انشالله ترتاحين على حفاظات ليبرو وايد اوكي والله. وبالنسبة للنوم سلمي عليه اذا شفتيه قوليله ام حيدر تقولك وينك ما بينت من زمان

 

[ShaYoMa]

هلا ام حيدر اشلونج شخبار النونو

اليوم قعدت الخدامه وخليتها اتاكل حمني بشوفها اتعرف ولا لأ عشان لما اداوم لازم تعطيه سيريلاك الصبح ، كانت امشيه حالها بس مو معطيه من عمرها يعني بس حاطه الصحن جدامه وتبي اتاكله بسرعة عشان اتخلص

الله يعيني مع هالخدامه بقالي اسبوع واداوم ما اري شسوي معاها

 

[أم حيدر]

لا تحاتين انا اول شي هم عانت مع خدامتي بس بعدين مشى الحال ... اذا مو متطمنتلها 100 % شيومة وديها اهي والبيبي اول ايام عند امج على ما تراقبها عدل مدل وتدربها وعقب فترة بتصير اوكي

بعدين شيومة ما اوصيج - هالله هالله بالمعاملة الزينة للخدامة من لبسها بين فترة وفترة ييبلها كرت تكلم اهلها وهالسوالف .. ترى والله احنا محتاجينهم غصبا علينا وقاعد نخلي بيبياتنا عندهم .

 

[ShaYoMa]

ام حيدر والله مو امقصره معاها كل شي تبيه اتلاقيه عندها

بس الله يسلمج انا اول الايام اول ما يتني كنت حاطه جهاز المونيتر مال البيبي ( الي عندي فيه كاميره اتوصلينها بالفيديو واتسجلين)

جان اشوفها اتخليه يبجي على ما اتخلص شغلها ما عجبن هالشي فيها ونبهتها على هالشي

واتصدقين مالها خلق الياهل يعني اذا بجى ما اتلعبه لأ بس اتشيله واتدور فيه بالصاله

جم مرة اقولها هذا ياهل يبي احد يكلمه يلعب معاه

حتى اليوم حزة الاكل تبي تدعس الاكل عشان اتخلص ابسرعه

لوعت جبدي

 

[منورة الكويتية]

هلا والله بشيومه وام حيدر

على سالفه السهر اليوم ماصدقت نفسي شفت مطر قلت ماله داعي محاظرة اليوم خل ارتاح والله ونمت وريحت شوووي الحمدلله

بنات على سالفه الخداامه انا حييل اعاني مع هالشيئ مااحب اخلي بنتي عند الخدامات الا اذا كلش كلش كلش كان عندنا احد وكلنا مو فاضين اخليها مع خدامه اهلي مره كبيره وتعرف بس الحين مسافره وامي مسكينه ماعندها احد اذا خليت عندها نونو ماتدري تمسكها ولاا تجابل شغل بيتها وقدنا على ستعش الف خدامه وكله مرضى اخرها قبل اسبوع اثيوبيه دقوا قالوا مريضه شسوووي بنات

 

[ShaYoMa]

هلا منوره حبيبتي

على سوالف مكاتب الخدم الله وكيلج انا 3 طلبتهم وكل ما يصير 20 او 30 يوم يقولولي مريضة !؟

اي مكتب طالبه منه ؟

 

[manoora]

ام حيدر .... مشكورة على الرد حبيبتي ماقصرتي وايد استفدت
بس الحليب اذا خلطتي معاه بسكوت فارليز يذوب بس تبقى فيه حبوب تسد فتحة الممية ؟؟

شيومه .. مشكوووووووورة و انشالله راح امشي على هالجدول

منورة الكويتيه ... الله يوفقج انشالله

على سالفه الخدم انا حدي عايشه برعب من السوالف اللي اسمعها عنهم عندي فلبينيه اهي زينه بس انا اكره هالجنسيه و ماقدر اامن فيهم نهائيا بس مجبورة طلبت ثنتين هنود ما يوو
الخدامه تفعد الصبح مع خالتي مو بروحها بس خالتي مره كبيره مالها خلق ياهال من جذي ساعات تكون معاه بروحها و انا اوسوس وسوسوسوسوسوسو س
مجبر اخاك لا بطل

 

[ShaYoMa]

manoora والله الحال من بعضه مع هالفلبن

انا مو بالعه الي عندي كلش بس مجبوره

 

[أم حيدر]

هلا يا امهات

اول شي انا خدامتي اندونيسية مشتغلة من قبل بأبوظبي ... بنت حلال اهي اللي نصحتني اييب اندونيسية مشتقلة بالسعودية او الامارت :::: وانا يبتها من مكتب اشكناني حتى خدامة امي اندونيسية هم من عندهم والف حمد وشكر متوفقة فيها وايد بنت حلال.
كل يوم من كان عمره 40 يوم لما بديت اداوم ليومكم اودي كل يوم الصبح حق امي مع خدامته ... وامي دربتها تدريب عسكري

طبعا كل يوم قلبي ينشق شق لاني بتركه وياها مع اني مأمنة فيها والأمان بالله ... بس شسوي فوضت أمري حق اللي عينه ما تنام... وتبون تنصدمون أكثر انا دوامي يخلص 4 على ما اوصل البيت الا قلبي ذايب على شوفته

منورة / انا اقولج شتسوين اول شي حطي الماي المغلي يالممية بدون الحليب وحطي نص بسكوتة فارليز ( النكهة الاصلية ) مو البرتقال لان ما يذوب ، بعدين خظي الممية عدل بعدين فتحيها وضيفي الحليب البودر وخظيها مرة ثانية يذوب البسكوت وما يظله اثر ، وبعدين غيري حلمة الممية حطي راس ب3 نقط او نقطتين.

 

[أم حيدر]

شيومة - اذا خدامتج مالها خلق يهال ترى مشكلة اذا بعدها تحت الكفالة وديها وييبلج وحدة ثانية.

منورة كويتية - ديري بالج تحسسين الخدامة بأي شكل من الأشكال انج مو مأمنة فيها ترى اكيد بتحتاجينها يوم وبتضطرين تخلين البيبي عندها.

لا عزاء للموظفااااااااااااات

 

[كيت كات]

ام حيدر مشكورة والله كلامج اللي يونس ...
على الخدامة الله يستر مالتي فلبينية مسلمة مخها مقفل كلش وعردة مع الياهل بس شسوي انا اصلا امومة وطلبت وحدة سيلانية مسلمة احسهم حنونين على اليهال واسهل بالتعامل من الاندنوسيات والفلبن

 

[أم حيدر]

ام بدوري :::: عاش من شاف هالنك نيم

والله شوفي وانا اختج الخدامات مثل الرقية يا حمرة وحلوة يا بيضة وباصقة الموضوع ماله علاقة بالجنسية

انا اذكر لما قدمت على طلب خدامتي سوت خيرة من كثر الخرعة ... وعقب قلت قطيت همي بحضنك يارب العالمين انا عبدك وانت ادرى بحالي وبظروفي وتوكلت على الله وطلبتها.
والحمدلله ربي ما ردني خايبة

اروح البيت الحين .. توه خلص دوامي واشوفكم باجر

 

[كيت كات]

حبيبتي ام حيدر الله يكون بعونج واااااي لي الساعة اربع
عموما مشكورة على النصايح الذهبية

 

[منورة الكويتية]

شيوومه طالبينها من الدخنان
انا الي محيرني انهم كاتبين بالوسيط في طلبات جاهزه بس اهما يابو لنا كتالوج يعني نطلبها ويبيلها 3 اسابيع الاثيوبيه

والحين حدي مدي متوهقه امي الاسبوع الياي عندها علاج طبيعي كل يوم شبسوي@@

حماتي نصحتني بالنيباليه انها توصل ب 5 ايام بس الكل يقولي النيباليات ميح ومايفهمون شيئ ويبيلها فتره على ماتفهم وتتأقلم عاد مدري شسوي

ام حيدر هلا وغلا
شسوي وانا اختج موبيدي
بس على قولتج لا عزاء للموظفات والطالبات

 

[ShaYoMa]

واي منوره الله يعينج

انا طلبتها من مكتب الصراف والله خوش مكتب شهر ويت ما طولت