تجمع امهاات 2007 خلونا نستفيد من بعض

[ShaYoMa]

ام حيدر واخيرا لقيت الكتاب :eh_s(9):
وعشان اتاكد شوفي الصوره اهو ولا لأ

 

[منورة الكويتية]

ام حيدر حبيبيتي شكثر احط ماي مرقدوش مع مطارة الماي لاني شكلي بجرب اليوم لعل وعسى تناام

 

[miss fabulosity]

شيومه حبيبتى وين لقيتى الكتاب باى مكتبه

 

[ShaYoMa]

صباح الخير

وسومه حصلته بمكتبت سي ان ان بحولي مثل ما قالتلي أم حيدر ... امس الي خذيته كان آخر واحد و امغبر ....بس قالي ان راح ايوبون منه بعد حتى قالي اذا تبين واحد ثاني تعالي باجر .....

ام حيدر شنو ماي المرقدوش؟؟ زين حق الياهل؟

 

[أم حيدر]

شيووومة - ايوا ايوا ايوا عاشو عاشو اهو الكتاب هيه هيه ايوا
بس شرايج فيه ؟
ماي المرقدوش عبارة عن عصارة اعشاب - تلاقونه بالجمعيات بالرف اللي في ماي ورد وماي لقاح والبطل ماله نفس بطل ماي الورد في ماركة اسمها جسر البحرين وايد زينة - يا بنات علشان اخلي مسؤوليتي الاعشاب اللي مكتوبه على ماي المرقدوش بحثت عنها بكتاب الطب النبوي عشبة عشبة وكلهم مهدئين للمغص وطارده للغازات وليدي ارتاح عليه والحمدلله.

منورة انا احط بمطارة الماي ام لتر ونص مقدار قفشتين كوب ماي مرقدوش .. وسمعي مني دشي كل يوم معاها غرفة النوم قبل نص ساعة من موعد نومها طفي الليت وشبي ليت الأبجورة بدليلها حفاظتها ولبسيها لبس النوم ولعبي معاها راح تخدر من الظلمة بتتعبين معاها حول الاسبوع بعدين بتتعود على هالنظام .. جربي وادعيلي.

 

[ShaYoMa]

ام حيدر عجيييييييييييييييييييييييييييييييييييييييييييييييييييييييب وايد حلو ومنوع وكل شي بالصور وايد عجبني .....

مشكوره حبيبتي ويعطيج العافية

 

[ضحـاوي]

يعطيج العافيه ام حيدر
يعطيج العافيه شيومه
شوقتوني على الكتاب
الاسبوع الياي بروح اشتري الكتاب وانشالله احصله

 

[ShaYoMa]

مساء الخير اشلونكم امهات وشلون النونو معاكم

ام حيدر اليوم طبقت الجدول وللحين كل شي اوكى والحمدالله

بس اتصدقين في اشوية امساك اتهقين عادي

شربته عصير برتقال ومشى بطنه بس لما يتعصر ما يخرج وانتو بكرامه الا شويه واشويه يابس .... سوري شكلي لوعت جبدكم

 

[Miss_Tiger79]

اي والله يا منوره انا متبعه هالطريقه والحمدلله مشت وياي ولأول مره
ادش الغرفه واسكر كل الليتات حتى الابجوره ما اشبها واتصدقين اتنام لانة الغرفه ظلمة واذا قعدت بالليل ارضعها بالظلمة وتقعد عقب الرضاعه نص ساعه لين ساعه وعقب اتنام من الظلمة
الكل يقولي سكري الليتات وانا ما اصدقهم
بس الحين صدقت

 

[Miss_Tiger79]

الحمدلله والشكر والله لا يغير عليها
ابيها تنام ودي اقعد الصبح اتريق كله دايخه فترة الصبح لين العصر جنة راشين علي فليت
الله يحفظها ويحفظ عيالكم

 

[كيت كات]

بنات انا غيرت حليب حمودي من ابتاميل كومفرت لي سيميلاك مادري من قص علي ....المهم ريحته اوف وغازات اوف ورغاوي جني مسويه كابتشينو طبعا مع حفاظات بامبرز اللي جنها صفحة كشكول حمدلله والشكر بصراحة برد على ابتاميل كومفرت لانه فعلا مريح ... والحفاظات لاني شارية بامبي مادحينه لي بجربهم اذا مانفعو على طول بروح حق اللي قلتو عنهم ليبرو ...والله يستر على وليدي من هل الغازات اللي الشغاله لاحقتني وكله تقول ماما هذا واااااااااااجد تيت اعوذ بالله حاسدته على التيت يابعد قلبي
المهم ....ابي نصايحكم للتعصر والطهور ؟؟؟؟شسوي طهرته على 18 يوم ومادري شسوي ؟؟

 

[أم حيدر]

شيومة وضحاوي حياكم الله

شيومة انتي لا زم تعرفين شلونلاتخلطين انواع الاطعمه - مثلا البطاط يمسك خلطي معاه كوسا

مس تايقر استمري على هاروتين وبتتعود تنام بروحها

 

[أم حيدر]

هلا ام بدوري - بالنسبة للحليب انا حاليا استخدم نان اروع منه مافي وايد سهلعلى معدة الطفل وبالنسبة للغازات رجعي بالصفحات شوي ورا بتلاقين اني ناصحة البنات بماي مرقدوش.

بدون اي تردد استخدمي ليبرو وخلي عنج باقي الانواع تولي.. ولما تستخدمين ليبرو بتعرفين الفرق.

بالنسبة للطهور - اول شي بالمبارك ثاني شي ييبي مرهم من الصيدلية اسمه ميبو وكل ما تبدلين حفاظته دهني حوالين الحلقة واااااااايد زين وانشالله اليوم السادس بتلاقين الحلقة طاحت بروحها بالحفاظة.

 

[أم حيدر]

ام بدوري شغلة ثانية - جم عمر حمود الله يحفظه؟

نسيت اقولج انا اول ما ولدت حيدور كان عنده اسملله عليه امساك مزمن جربت ابتاميل كمفورت فتره ما مشى معاه بعدين وصفلي الدكتور نفولاك آي تي 1 استمريت عليه مدة ال6 شهور الاولى وبدلت عقب ال6 شهور صرت استعمل نان .

 

[ShaYoMa]

هلا امهات اشلونكم

أم حيدر افا عليج صرت خبيره :eh_s(20):

وبعدين قمت اعطيه عصير برتقال والحمدالله كل شي تحت الكنترول:eh_s(15):

 

[عشق]

هاي يا امهات اشلونكم وين منوره ما تبين

 

[أم حيدر]

عشق الامهات الظاهر يعانون من السهر ... ما قام يدشون خير شر انتي شلونج وشلون كتكوتج؟

 

[manoora]

السلام عليكم بنات
انا ماما صارلي 5 شهور الا شي
ولدي اعطيه ابتاميل 1 الازرق و مرتاح عليه
و لما كمل الاربع شهور قمت اعطيه جزر و كوسا و قرع مطبوخ على البخار و مهروس مره باليوم
بس اللي ماني عارفته ... شلون انظم وجباته ؟؟ بهالعمر شكثر اعطيه حليب ؟ جم مللي ؟؟ و كل جم ساعه ؟ و اعطيه اذا بجا و لا حسب الوقت ؟ و شلون على الليل ؟ و بالنسبه حق الوجبات جم وجبه باليوم ؟
و العصير ؟
يعني اللي تقدر تسوي جدول حق هالعمر
بالنسبه حق الاكل و الرضعات و (مقدارها و الوقت الفاصل بينها )
و هذا اهم شي اكون شاكرة لها

بالنسبه حق الحفاظات
كنت استخدم بامبرز و ما ناسب ولدي
ياااابس و ريحته قويه
غيرته لي ليبرو
عجيييييييييييييييب
وايد ارتحت عليه و انصحكم فيه

 

[أم حيدر]

هلا منورة ...

بداية احب اقولج ان كل طفل يختلف عن الثاني تماما باحتياجاته وتصرفاته وطبيعته...
في الشهور الأولى حق ولدي كنت اعطي رضعه كل 3 ساعات ونص بارشاد الدكتور...
لما بديت اوكله صارت الرضعة تقريبا كل 4 ساعات ... كالآتي :

مثال :

7 الصبح رضعة ( حليب مع بسكوت اذوبه بالممية)

10 ونص اعطي سيريلاك وكل يوم انوعله بالنسبة حق ولدج عطي وجبة ميلوبا لان سيريلاك يبدى من عمر الست اشهر

2 او 2 ونص رضعه مع بسكوت

6 ونص تقريبا وجبة خضار مطبوخة على البخار + ملعقة رز مصري مطبوخ على النار ( الخضار : كوسا / قرع/ بطاط / بطاط حلو / جزر / بزاليا / بروكلي) وانوعله كل يوم احطله 3 انواع منهم.

وساعات بدل وجبة الخضار اسويله وجبة فواكه ( تفاح / عرموط / افوكادو / ببايا ).

على الساعة 10 ونص 11 وقت اللي يبي ينام اسويله الرضعة الاخيرة احيانا يشربها واحيانا يكون شبعان فيقوم بالليل يبيها.

بالنسبة حق سؤالج جم المفروض يشرب ؟ مثل ما قلتلج كل طفل تختلف احتياجاته عن الثاني.
لما كان عمر ولدي 5 شهور كنت اسويله 180 احيانا يكملها واحيانا لا.

بالنسبة للعصاير .. عن نفسي ما اشربه وايد عصاير احاول اخلطله العصير مع الأكل ..لان ولدي بسرعه يشبع فاذا عطيته عصير الأخ ما يرضى ياكل وجبته

وبالنهاية رجعي صفحة او صفحتين ورا بتلاقين صورة كتاب قلت حق شيومة تشتري .. ييبي وايد راح تستفيدين منه .

اتمنى اني اكون ساعدتج

 

[ShaYoMa]

manoora هلا حبوبه

انا حاليا قاعده اسوي مثل نظام ام حيدر بس اشويه امغيره فيه يعني انا ولدي 5 شهور ساعات يشرب الحليب 120 وساعات 180
على حسب ولدج وشنو يحتاج

وانصحج بالكتاب راح وايد تستفيدين منه