تجمع امهاات 2007 خلونا نستفيد من بعض

[كيت كات]

نونو هههههههههههههههههههههه اشوه مو بس احنا بس امي منعت ان الخدم يكونون معانا خافت من دفاشتهم حطتلهم كل وحدة جيس ووزعت عليهعم

 

[pink]

مساء الخير أمهاتنا الحلوات

أشوف في أمهات كانوا غايبين عنا وردوا .. أم حيدر ولكم باك و مبروك على الحمل و الله
يتمم إن شالله ..

و في أمهات يدد .. سيلينا .. حياج الله بينا و البنات كفوا و وفوا بسالفة الأكل .. و الله يخليلج
ولدج ..


nono .. أم أحمد .. على سالفة تضبط الجسم الله وكيلكم على كثر ما حنيت اشتركت بالنادي و
رحت يومين تالي يتني هالانفلونزا طيحتني جني صكيت نفسي عين على هالنادي .. بس إن شالله
من باجر برد بس مو بقوة ليلحين مافيني حيل :eh_s(6):


رفرف .. حبيبتي انتي ما عندج رصيد ؟! اذا عندج استخدميه صحتج و راحتج أبدى .. و سالفة البجي صج
شر البلية ما يضحك ريلج كفى و وفى ترى الحال من بعضه .. ريلي يشوفني منهارة يقوللي يعطيج العافية و
اللا قوليلي شسوي !!!! يعني شنو تسوي مبين .. شوية هلب ما يضر


كيت كات .. شلون جذي ما انعزمنا بنون حمودي .. نطالب بنون خص نص لبنات التجمع حقنا مقنا ..


malak_alroo7 .. حبيبتي نونو ترى عادي العنف أصلا صاير موضة في عيال هالجيل فمابالج إذا قاعدين
يسننون و اللا تعابى لازم نستحمل آنا ما بقى تمجع طراقات تشمخ كل شي من بنتي السنيورة الأمورة
حاشني و على قلبي مثل العسل لأنها ما تفهم ليلحين بس خل تكبر شوي أوريها شغلها _03BA:



lolo .. يالمجرمة تطالبين أخت حق علاوي و عزيزان و نسيتي جودي تبي أخت .. الأقربون أولى بالمعروف
يالله ناطرينج بأمهات 2008 لا تبطين ..


تقريبا من يومين حاشت سوسو حرارة ما تنزل إلا لما أعطيها التالينول بس ترد ترتفع وصلت 40 و بما إن
اختي عندها خبرة بهالسوالف نصحتني أعطيها تحاميل بس كانت سوسو حدها مستعسرة و تبجي حيل
ماقدرت رديت عطيتها التالينول و أمس وديتها عند د.عفاف الرومي طلع عندها حبيبتي بكتيريا بإذنها اليسار
و آنا طول الوقت أقول من التسنين المهم عطتني مضاد و قالتلي إن سالفة الإذن ما نقدر نتساهل معاها
لأن يأثر بالسمع .. الحمدلله بنفس اليوم من عطيتها المضاد راحت الحرارة و بالها صار زين .. صار بيتنا صيدلية
من الأدوية أدويتي و أدويتها الله يبعد عنكم الأمراض إن شالله ..

 

[كيت كات]

بنك وااااااااي بعد عمري والله
حمدلله على السلامة لج ولها

 

[رفرف]

بنك
سلامتها سوسو عاد انا متعقدة من الأذن من احس فيهم بودار عوار ركضت الطبيب لأني لما كنت صغيرة كانت اذوني واااااااايد تلتهب ومايفيد معاها شي غير العوار يأثر على السمع والتوازن واي كانت طفولتي جدا جدا تعيسة مابي بناتي يحوشهم اللي حاشني ..

وعلى الطق وي عاااااااااااااادي حده ..
كوكي تلعب معاي طراقات وتمجع وياويلي ان وخرت ويهي عن الطراق تزعل حلايا الويه بعد غير سالفة .. يا تهفني طراق والا تزعل وتبجي ! شهالاضطهاد ؟؟

 

[nono78]

بنك حبيبتي اشلونج

اخييييييييييييييه سوسو ما تشوف شر

 

[كيت كات]

رفرف ههههههههههههههههههههه والله ضحكتيني
اشوه انا عبالي بس حمود مستحيه اقولكم امس متجع شعر اختي للللللي ما قال بس
واهو يمتجع يعفس ويها جنه الدميه القاتله وتصدقون حتى خالتي وامي وحماتي بس يشيلونه
على طول ايده تروح صوب الشعر وهااااااااااااااااات ياتل خخخخخخخخخخ حتى انا ولمن اصرخ يضحك
عباله اضحك وياه.........

 

[pink]

الله يسلمكم حبيباتي .. كيت كات .. رفرف .. nono ..

رفرف صج عورتي قلبي على طفولتج .. اسم الله عليهم صبوية و مسوكة
من التهاب الاذن إن شالله ..

 

[أم أحمد كول]

pink : سلامتها سوسو .. بس خليتينى احاتى , احمدانى لمن كانت حرارته مرتفعه كانت اذونه تفرز سائل وبعين تحول الى قشور .. وانا عقبها طحت مريضه وابو احمد وداه الطبيب بس ما كان يدرى بسالفة اذونه
تعتقدون سالفة اذونخ جايده ؟؟

 

[lolo77]

هلا والله بالامهات
يحليلكم والله
والله اقرا كلامكم واضحك
بردتوا على جبدي اشوي

تدرون عاد انا بنتي بعد مجرمه اهي تبدي وتخمط وتمشع اخوانها
وانا وابوها وغير اليهال اللي ايون يمها
الظاهر اعيال هالوقت عدوانيين

بنك

ما تشوف شر سوسوووو
ما تستاهل مسكينه

تدرين عاد انا قلت خلاص ما ابي احمل بعد الحمدلله على كل حال
3 وبس والريل مو مال يهال اهو يقول كافي بعد
وبعدين نونو عندها 2 بس خل اتييب ثلاث على الاقل وما اتكلم
هههههههههههههههههههههههه


بناااااااااااااااااااااااااااااااات

بقولكم شي
مسكينه جوديييييييييييييييييييييييييييييييييي
طلعلها عقنقز
وااااااااااااااااااااااااااااااي مسكينه تكسر الخاطر
انا اشوفها من جم يوم مالها خلق وامصخنه
قلت يمكن اسنان
طلع لا عقنقز ( جدري))

واي مسكينه
اهي واخوها الاكبر
ومستغربه اخوهم الكبير
امس كان اشوي
بس اليوم زاد مسكينه
حتى براسها فيه
بروحها تعبانه اسهال ونشله
اقول حق الدكتور فيها اسهال ::
يقولي الاسهال ما منه خوف نبدي نخاف اذا معاه ترجيع
وحرام اعطيها دوا واهي توها اصغيرة ؟؟؟
بس عطاني بنادول ودهان حق العقنقز
واقولها النشله
قالي ما يحتاي كلها جم يوم وتطيب
؟؟
ليش يايه انا عيل للطبيب ؟؟
استغربت الصراحه

 

[nono78]

ويييييي

لولو ماتشوفون شررررررررررررررررر

وان شاء الله يطيبون يارب

الحين موسم الأمراض الله يعينا


وعلى سالفة الطف


عزوز ذيك المره كان عند ابوه وما شاء الله من كثر ما اهو حركي صك ابوه اسطار بانامله الصغيره

بس طلع صوت اتصدفون متنا من الضحك

من الحين !!!!!!!!! الله يستر منهم

 

[رفرف]

لولو الله يعينكم عنقزتووو ..

انا كنت خايفة ايام النفاس لا يحوشها لأن اختها حاشها بس نصيحة وديها خاص يعطونها دهانات عن الأثر لأن صبوية حاشها من 6 شهور ونص وليلحين جسمها مبقع حياتي مادري متى يروح الأثر يضيق الخلق ..
وصبوية كل مكان طلعلها حتى بحلجها من داخل ظلت اسبوووع ماتاكل شي غير الماي والعصير وتبجي بعد وغصب غصب نعطيها شوربة هم تبجي مالومها يعور وبعينها وبراسها واذونها من داخل واي كان عذاب بس الحمدلله افتكينا مايحوشها مرة ثانية ...

 

[كيت كات]

واااااااااااي خرعتوني
عاد تدرون انا يوم بالنفاس كانت بنت اختى معنقزة ولااازقه بحمودي واحنا ما ندري انه عنقز
بس اشوه الله ستر وما انتقلت العدوى
ماتشوف شر يارب بنيتج يالولو
رفرف واااااي بحلجها بعد قلبي والله صغيرونه

 

[malak_alroo7]

السلاااااااام عليكم
شلووونكم بنااات شخبااركم؟؟


رفرف
واي عورتى قلبي .. الله يعينكم خاصه انتو الموظفات .. عاد انا اهم شئ عندي النوم يسمونى قبل ام النوم بس الحين خلاص راحت على

نونو
نوارتى بعد كله تمسك اذونها و تحكها بس اكثر شئ تسوي هالحركه اذا بغت تنام.. بس شفت الحركه هذه زادت عاد قبل اسبوع جذي وديتها الطبيب .. و الحمدلله كل شئ اوكي بس من ورى اذونها المنطقه عندها ناشفه علشان جذي كله تحك المسكينه
و بالنسبه حق العضااضه يا حلو عزوووز نفس نوارتى مستعده تعض اي شئ الا العضااضه مادري ليش ههههههههه

بنووكه
الله يخلى لج السنيوره الاموره يااارب و الف الف سلامه عليها حبيبتي
ايه والله صاجه السالفه صايره موضه هههههه يا حلوهم .. عاد تصدقين ما اطقنى انا كثر امى و خواتى مساكين هههههه
اذا طقتنى ما اعصب عليها بالعكس تكسر خاطري لانها ما تفهم طبعا بعدها عنونه مثل ما قلتي بس امى حياااتى تعصب عليها ساعات خخخخخ

بناات نوير يننتنى تبى تلعب باللاب توب مو قادره اكتب عدل خخخخ
اكمل سوالف بعدن ان شاء الله

 

[nono78]

بنات علوشي اليوم

نام الظهر اشوي وفعد شكله تعبان من عيونه

يكحكح ونشله

ولا الخايس يمش بملابسه

عاد من كيفي تصرفت

وعطيته اكتفيد مال النشله الأصفر

وتاينول عاااااااااااااااااادي

الحين احسن فاعد يلعب

استمر عليه ولا اوديه الطبيب


بس يعني شنو بيعطونه انا صرت خبره بادويه الأطفال

لو مافتحلي عياده اطفال زين لووووووووووووووووووووول

 

[كيت كات]

نونو
مايشوف شر بس ديري بالج هذا موسم الامراض
وزين سويتي لا والله عطيه

 

[رفرف]

نونو انا من اشوف عوارض انفلونزا اعطيهم فلودريكس وتايلنول وماودي الطبيب الا للشديد القوي ادري كله يطالعوني جني جذابة وماعندي شغل فياية الطبيب اتفسح واوسع سدري !!! ويقولون لي مافيها شي بالاخر تطلع فيها بلاوي الدنيا بس حضراتهم دكاترتنا مالهم خلق يطالعون عدل

 

[nono78]

نونو
مايشوف شر بس ديري بالج هذا موسم الامراض
وزين سويتي لا والله عطيه

الشر ما ييلج حبيبتي وشكلي انا بعد وياهم

نونو انا من اشوف عوارض انفلونزا اعطيهم فلودريكس وتايلنول وماودي الطبيب الا للشديد القوي ادري كله يطالعوني جني جذابة وماعندي شغل فياية الطبيب اتفسح واوسع سدري !!! ويقولون لي مافيها شي بالاخر تطلع فيها بلاوي الدنيا بس حضراتهم دكاترتنا مالهم خلق يطالعون عدل

رفرف فلودريكس حف شنو بالضبط

ومالي خلف اليهال لي امرضوا اتعب وياهم

والمشكله الحين طالع بالحوش مع يدته شاريتله نطاطيه وفاعد ينطنط توه تصحصح اشوي

اخاف بليل يطيح عليييي

 

[رفرف]

فلودريكس حق الانفلونزا عموما النشلة والبلاعيم ...

 

[Miss_Tiger79]

اشلونكم بنات
ومايشوفون شر عيالكم

وعلى التسنين انا بنتي من زمان كل فتره تييلها حراره اشوي عاليه وتروح بسرعه مع تكرمون شوية اسهال واقول باجر الظرس بيطلع وتالي تصير زينه وماشوف شي وليلحين على هالحال
بنتي هالمره طولت بطلعت الظروس مادري شسوي

 

[Miss_Tiger79]

لولو ماتشوف شر جودي زين عيل ييبيها حق مناوي عشان نخلص من العنقز

ورفرف ظحكتيني ويه كيت كات على التكفخ وتمجع الشعر
عاد انا توني الحين زافه مناوي (الحمدلله والشكر) على التكفخ ولا تمسك ويهي حيل عشان تبي تعضني مسكينه وغير لما تمسك شعري حيل واااااااااااااااااااااااي اطفر من صجي

وشخباركم يا امهات كلكم بينك وملاك الروح وامواج البحر وام احمد ونونو وال نسيتها تسامحني